پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىن ىلگەرىلەتەيىك

2021.12.17 17:36 كەلۋ قاينارى : شينجياڭ گازەتى

كوشىرۋ

باسىپ شىعارۋ

لەبىز جازۋ

　　انار بۇلت / شينجياڭ گازەتىنىڭ تىلشىلەرى جاڭ يانفاڭ، حي حۇڭۋي، گو ليڭ، شيە حۇيبيان 12 - ايدىڭ 15 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ تۇراقتى مۇشەلەرى جاۋاپتى سالالارىندا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى.

　　ياڭ فاسىن ءۇرىمجى قالاسىندا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. ول باس شۋجي شي جينپيڭنىڭ ماڭىزدى ءسوزىن جانە جالپى ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» ۇيرەنۋدى، دايەكتىلەندىرۋدى ارقاۋ ەتىپ، جالپى ءماجىلىستى اشۋدىڭ، جاڭا تاريحي قارار شىعارۋدىڭ كەلەلى ءمانىن تەرەڭ يگەرۋ، پارتيانىڭ 100 جىلدىق كۇرەسىنىڭ اۋەلگى ماقساتىن، بورىشىن جانە كەلەلى تابىستارىن تەرەڭ يگەرۋ سياقتى جاقتاردان جالپى ءماجىلىستىڭ رۋحىن جۇيەلى باياندادى جانە ىشكەرىلەي ءتۇسىندىردى. ول بىلاي دەپ باسا دارىپتەدى: ءۇرىمجى قالاسىنداعى ءار دارەجەلى پارتيا ۇيىمدارى مەن قالىڭ پارتيالى كادرلار جالپى ءماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن ءۇرتىس كوتەرۋ كەرەك. جالپى ءماجىلىستىڭ رۋحى ارقىلى يدەيا مەن ارەكەتتى شىن مانىندە بىرلىككە كەلتىرىپ، پارتيا تاريحىن ۇيرەنۋ تاربيەسىن ۇزدىكسىز تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ويداعىداي ىستەپ، قوعامدىق باسقارۋدىڭ وسىزاماندانۋىن كۇش سالا ىلگەرىلەتىپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، قالانى ىجداعاتتىلىقپەن باسقارۋدى كۇشەيتىپ، حالىق تۇرمىسىن ۇزدىكسىز قامتاماسىز ەتىپ، جاقسارتىپ، ۇلتتار ىنتىماعىن، ءدىن جاراسىمدىلىعىن جالپى بەتتىك جەبەپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ورتالىق قالادا تياناقتانىپ، تامىر تارتۋىنا شىنايى كەپىلدىك ەتۋ كەرەك.

　　ءيۇسۇپجان مامەت اۆتونوميالى رايوننىڭ مادەنيەت - ساياحات، شۇعىل جاعدايعا توتەپ بەرۋ - باسقارۋ جۇيەسىندە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. ول نازاردى نەگىزگى تاقىرىپقا شوعىرلاندىرىپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشۋدىڭ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋدىڭ كەلەلى ءمانىن تەرەڭ تانۋ سياقتى جاقتاردى ءتۇيىندى ارقاۋ ەتىپ، قىزمەت ءىس جۇزىندىگىمەن ۇشتاستىرىپ، جالپى ءماجىلىستىڭ رۋحى جونىندە جۇيەلى ۇگىت لەكسيا جاسادى جانە ءتۇسىندىرۋ جۇرگىزدى. ول بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيا مەن حالىق ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىنا قاراي ارشىندى قادام تاستاعان كەلەلى تاريحي ساتتە اشىلعان ءبىر رەتكى بەلەستىك ءمان الاتىن ماڭىزدى ءماجىلىس. يدەيا مەن ارەكەتتى جالپى ءماجىلىستىڭ رۋحىمەن شىن مانىندە بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.

　　ەلزات احمەتجان بۇقارالىق ۇيىمداردىڭ پارتيالى كادرلارىنا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. ول بىلاي دەپ باسا دارىپتەدى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جاپپاي قورىتىندىلادى، ول بەلەستىك ءمان الاتىن ءبىر رەتكى ماڭىزدى ءماجىلىس. ءارقايسى بۇقارالىق ۇيىمدار ”ەكىنى تۇراقتاندىرۋدىڭ“ شەشۋشى ءمانىن تەرەڭ تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، بۇقارالىق ۇيىمداردىڭ ساياسي سيپاتىن، العاباسارلىق سيپاتىن، بۇقارالىق سيپاتىن كۇشەيتۋدى ءتۇيىن ەتىپ، رەفورما جاساۋدى، جاڭالىق اشۋدى ءۇرتىس تەرەڭدەتىپ، وزىندىك ەرەكشە باسىمدىقتى تولىق ساۋلەلەندىرىپ، بۇقارالىق ۇيىمداردى شىن مانىندە اناعۇرلىم ومىرشەڭدىك كۇشكە تولى، اناعۇرلىم مىعىم دا پارمەندى ەتىپ قۇرىپ شىعىپ، ءار ۇلت بۇقاراسىن پارتيانىڭ توڭىرەگىنە ۇيىستىرىپ، پارتيانىڭ شينجياڭدا بيلىك جۇرگىزۋ نەگىزىن ۇزدىكسىز بەكەمدەۋ كەرەك. پارتيانىڭ تاماشا ءداستۇرىن بار كۇشپەن اسقاقتاتىپ، مۇرات - سەنىمدى بەكەمدەپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، ىرىقتىلىقپەن ىسكەرلىك كورسەتىپ، تىڭنان جاڭالىق اشىپ، فورماشىلدىقتان، تورەشىلدىكتەن قاتاڭ ساقتانۋ كەرەك. ءىس تىندىرىپ، شارۋاشىلىق قۇرۋ جىگەر - قايراتىن ۇشتاپ، جاڭا جاۋاپكەرشىلىك ارقالاۋ، جاڭا ىسكەرلىك كورسەتۋ ارقىلى جاڭا داۋىردەگى بۇقارالىق ۇيىمداردىڭ، بۇقارالىق ۇيىم كادرلارىنىڭ جاڭا وبرازىن، تىڭ ومىرشەڭدىك كۇشىن، جاڭا بەينەسىن ايگىلەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا بۇقارالىق ۇيىمدار ۇلەسىن قوسۋ كەرەك.

　　قادەن كابەن اۆتونوميالى رايوندىق پارتكوم كەڭسەسىندە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. ول بىلاي دەپ اتاپ كورسەتتى: اۆتونوميالى رايوندىق پارتكوم كەڭسەسىندەگى پارتيالى كادرلار پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ، ءومىر بويى ۇيرەنۋ ۇستانىمىنا تاباندى بولىپ، ۇيرەنۋ كۇيىن ساقتاپ، ماسەلەلەردى زەرتتەۋ قابىلەتىن جوعارىلاتۋ كەرەك. نازاريانى امالياتپەن ۇشتاستىرۋعا تاباندى بولىپ، جالپى ءماجىلىستىڭ رۋحىن ۇيرەنۋدى، دايەكتىلەندىرۋدى پارتيا تاريحىن ۇيرەنۋ تاربيەسىن تىڭعىلىقتى ورىستەتۋمەن ۇشتاستىرىپ، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋى بويىنشا، شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن بۇلجىماي بيىك ۇستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تولىق، دالمە - ءدال دايەكتىلەندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىنا شىنايى كەپىلدىك ەتۋ كەرەك. كەڭسەنىڭ ىشكى جاعىنىڭ، سىرتقى جاعىنىڭ بايلانىس جاساۋ، سايكەسۋ مەحانيزمىن رەتتەپ جانە كۇشەيتىپ، ”ۇشكە قىزمەت وتەۋ، ۇشكە شىنايى كەپىلدىك ەتۋ“ قىزمەتتەرىن تىڭعىلىقتى ويداعىداي ىستەۋ كەرەك. كەلەلى ماسەلەلەردى تەكسەرۋدى، زەرتتەۋدى كۇشەيتىپ، ماسەلەنى يگەرۋگە، ولقىلىقتاردى تابۋعا شەبەر بولىپ، قولجازبالىق قىزمەت وتەۋ مەن حۇجاتتاردى ىڭعايلاۋدىڭ ساپا - ونىمدىلىگىن جوعارىلاتىپ، قىزمەت وتەۋ، قامتاماسىز ەتۋ قىزمەتىن ويداعىداي ىستەۋ كەرەك. شارلاۋ بويىنشا رەتتەۋ - تۇزەتۋ قىزمەتىمەن ۇشتاستىرىپ، وزىندىك ستيل قۇرىلىسىن كۇشەيتىپ، جالپى ءماجىلىستىڭ رۋحىن ىنتىماقتاسا ەكپىندەي ىلگەرىلەۋدىڭ، شىنايى يگەرىپ، ناقتى ىستەۋدىڭ، باس الماي قاجىرلىلىقپەن ىستەۋدىڭ ءىس جۇزىندىك ارەكەتىنە شىن مانىندە اينالدىرۋ كەرەك.

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved