بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اۆتونوميالى رايوندىق پارتكومنىڭ تۇراقتى مۇشەلەرى جاۋاپتى سالالارىندا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى

قىزمەتتەردىڭ جوعارى ساپالى دامۋىن ىلگەرىلەتىپ، جاڭا دا اناعۇرلىم زور ۇلەس قوسۋ كەرەك

2021.12.17 17:39     كەلۋ قاينارى : شينجياڭ گازەتى

  انار بۇلت/ شينجياڭ گازەتىنىڭ تىلشىلەرى ميھىرگۇل عوپۇر، ۋاڭ نا 12 - ايدىڭ 14 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ تۇراقتى مۇشەلەرى جاۋاپتى سالالارىندا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى.

  چىن ۋيجۇن اۆتونوميالى رايوندىق جاراتىلىستىق بايلىق مەڭگەرمەسىندە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. چىن ۋيجۇن پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنىڭ كەلەلى ماڭىزىن تەرەڭ تانۋ، قورىتىندىلاۋ، پارتيانىڭ 100 جىلدىق كۇرەسىنىڭ اۋەلگى ماقساتى، بورىشى مەن كەلەلى تابىسىن تەرەڭ تانۋ، جۇڭگوشا سوتسياليستىك جاڭا ءداۋىردىڭ تاريحي تابىستارى مەن تاريحي وزگەرىستەرىن تەرەڭ تانۋ، پارتيانىڭ 100 جىلدىق كۇرەسىنىڭ تاريحي ماڭىزى مەن تاريحي تاجىريبەلەرىن تەرەڭ تانۋ، تاريحتى اينا ەتۋ، بولاشاققا جول اشۋ سىندى ماڭىزدى تالاپتى تەرەڭ تانۋ، پارتيانىڭ 100 جىلدىق كۇرەسى بارىسىنان اقىل - پاراسات پەن كۇش - قۋات قابىلداۋ سياقتى جاقتاردان جۇيەلى بايىمدادى جانە تەرەڭ تۇسىنىك جاسادى، تۇسىنىك جاساعاندا ”ەكىنى تۇراقتاندىرۋ“، ”ەكىنى ۇشتاستىرۋ“، ”ءۇش كەلەلى داۋىرلىك تاقىرىپ“ سياقتى مازمۇنداردى ءتۇيىندى تۇردە كورنەكتىلەندىردى. ول بىلاي دەپ باسا دارىپتەدى: يدەيا مەن ارەكەتتى جالپى ءماجىلىستىڭ رۋحىمەن بىرلىككە كەلتىرىپ، قىزمەتتىڭ جاڭا جاعدايىن اشۋعا كۇش سالىپ، باسەكەلىك قۋاتتى جوعارىلاتىپ، كەلەلى نىسان قۇرىلىسىن ىلگەرىلەتۋدى كوزدە ۇستاپ، ەرەكشە، باسىمدىققا يە كاسىپ سالالارىن جەدەل جەتىلدىرىپ، زورايتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن زور كۇشپەن ىلگەرىلەتىپ، رەفورمانى ۇزدىكسىز تەرەڭدەتىپ، ءار ءتۇرلى بازار تۇلعالارىنىڭ ومىرشەڭدىگىن ۇزدىكسىز قاۋلاتىپ، رايونىمىز ەكونوميكاسىنىڭ جوعارى ساپالى دامۋىن ۇزدىكسىز ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا جاڭا دا اناعۇرلىم زور ۇلەس قوسۋ كەرەك.

  ۋاڭ ميڭشان بۇكىل رايونداعى ساياسي - زاڭ جۇيەسىنە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. ول جالپى ءماجىلىستىڭ كەلەلى ماڭىزىن تولىق تانىپ، جالپى ءماجىلىس رۋحىنىڭ وزەكتى ءمانى مەن امالياتتىق تالابىن تەرەڭ يگەرۋ؛ ناتيجەنى تولىق تانىپ، وي - سانانى سەرگەك ۇستاپ، جاڭا ەمتيحان تاپسىرۋ جولىن جاقسى باسۋ؛ ساياسي سەنىمدى بەكەمدەپ، دۇرىس جولعا تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ سياقتى جاقتاردان جالپى ءماجىلىستىڭ رۋحىن ىشكەرىلەي ءتۇسىندىردى. ول مىنالاردى تالاپ ەتتى: بۇكىل رايونداعى ساياسي - زاڭ جۇيەسى جالپى تۇلعالىق مەملەكەت حاۋىپسىزدىگى كوزقاراسىن جەتەكشى ەتىپ، مەملەكەتتىڭ ساياسي حاۋىپسىزدىگىن قورعاۋدا جاڭا ناتيجەگە قول جەتكىزۋ؛ زاڭمەن باسقارۋدى ۇدايىلاندىرۋدى جەتەكشى ەتىپ، لاڭكەستىككە قارسى تۇرۋ، ورنىقتىلىقتى قورعاۋ كۇرەسىندە جاڭا جەڭىسكە قول جەتكىزۋ؛ شينجياڭدى زاڭمەن جونگە سالۋدى جەتەكشى ەتىپ، زاڭمەن جونگە سالىناتىن شينجياڭ اياق الىسىن جەدەلدەتۋدە جاڭا قادام تاستاۋ؛ بىرگە قۇرۋدى، بىرگە باسقارۋدى، بىرگە يگىلىكتەنۋدى ارنا ەتىپ، قوعامدىق باسقارۋدى وسىزامانداندىرۋدى ىلگەرىلەتۋدە جاڭا ىلگەرىلەۋشىلىككە قول جەتكىزۋ؛ زاڭ اتقارۋدىڭ، ءادىليانىڭ ساپاسىن، ونىمدىلىگىن جانە الەۋمەتتىك سەنىمدىلىگىن ارتتىرۋدى تەتىك ەتىپ، ساياسي - زاڭ سالاسىنىڭ رەفورماسىن جاپپاي تەرەڭدەتۋدە جاڭا سەرپىلىستى جۇزەگە اسىرۋ؛ ساياسي - زاڭ قوسىنىن تاربيەلەۋ، رەتتەۋ قيمىلىن وراي ەتىپ، جاڭا داۋىردە شينجياڭ ساياسي - زاڭ قۇرىش قوسىنىن سومداۋدا جاڭا بەينەنى ايگىلەپ، ساياسي - زاڭ قىزمەتىنىڭ جوعارى ساپالى دامۋىنىڭ ۇزدىك ناتيجەلەرى ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.

  ءزۇمىرات وبۇل اۆتونوميالى رايوندىق بىرلىكساپ جۇيەسىندەگى پارتيالى كادرلار مەن پارتيا سىرتىنداعى قايراتكەرلەرگە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. ول بىلاي دەپ باسا دارىپتەدى: بۇكىل رايوننىڭ بىرلىكساپ جۇيەسىندەگى پارتيالى كادرلار پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى كەلەلى ساياسي مىندەت ساناپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءارقايسى جاقتارداعى كۇشتەردى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ۇيىستىرۋى كەرەك. بۇكىل رايونداعى پارتيا سىرتىنداعى قايراتكەرلەر نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، قوعام ورنىقتىلىعى، ەكونوميكانىڭ جوعارى ساپالى دامۋى، حالىق تۇرمىسىن جاقسارتۋ سياقتى كەلەلى تاقىرىپتاردى ارقاۋ ەتىپ، تەكسەرۋ - زەرتتەۋ جۇرگىزىپ، بەلسەنە ۇسىنىس قويىپ، اقىل قوسىپ، كەڭەس بەرىپ، ۇيرەنۋ ناتيجەسىن قىزمەت ونىمدىلىگىنە شىن مانىندە اينالدىرۋى كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، ۇلتتاردىڭ كەڭ كولەمدە ارالاسۋىن، جاپپاي ىشتەسۋىن، تەرەڭ توعىسۋىن ىلگەرىلەتۋ؛ شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىن تاتۋلىعىن، جاراسىمدىلىعىن، اقاۋسىز دامۋىن ىلگەرىلەتۋ؛ ساياسي ورتاق تانىم ۇيىستىرۋدى جەتەكشى ەتۋگە تاباندى بولىپ، ەڭ كەڭ كولەمدى وتانشىلدىق بىرلىكساپتى ۇزدىكسىز بەكەمدەپ جانە دامىتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا بىرلىكساپتىڭ كۇش - قۋاتىن قوسۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار