ءتورت تاراۋ قۇجات جاريالادى! استا – توك ءىشىپ – جەۋگە قاتىستى دىبىس – كەسكىندەردى جاريالاۋعا، ۇگىتتەۋگە تيىم سالىنادى
2021.12.20 13:18 كەلۋ قاينارى : حالىق تورابى
مەملەكەتتىك دامۋ – رەفورما كوميتەتى تورابىنىڭ حابارلاۋىنشا، مەملەكەتتىك دامۋ – رەفورما كوميتەتى كەڭسە مەڭگەرمەسى، ساۋدا مينيسترلىگىنىڭ كەڭسە مەڭگەرمەسى، قالالىق بازاردى باقىلاۋ – باسقارۋ باس مەكەمەسى كەڭسە مەڭگەرمەسى، سونداي – اق استىق جانە زاپاس قور مەكەمەسى كەڭسەسى جۋىردا «ازىق – تۇلىكتى ىسىراپ ەتۋگە قارسى تۇرۋ قىزمەت جوباسىن» (تومەندە قىسقارتىلىپ «قىزمەت جوباسى» دەپ اتالادى) بىرگە بەكىتكەن، مۇندا استا – توك ءىشىپ – جەۋ قاتارلى ازىق – تۇلىكتى ىسىراپ ەتۋ بەينەلەنگەن باعدارلامالار مەن دىبىس – كەسكىندەردى جاساۋعا، جاريالاۋعا، تاراتۋعا جانە ۇگىتتەۋگە تيىم سالۋدى تالاپ ەتكەن.
«قىزمەت جوباسىندا» مىنالار ناقتى اتاپ كورسەتىلگەن: ازىق – تۇلىكتى ىسىراپ ەتۋگە قاتىستى ينفورماتسيالاردى باقىلاۋ – باسقارۋعا قاتاڭ تالاپ قويۋ كەرەك. راديو، تەلەۆيزيا، ينتەرنەتتىك دىبىس – كەسكىن قىزمەتىمەن قامداۋشىلار استا – توك ءىشىپ – جەۋ قاتارلى ازىق – تۇلىكتى ىسىراپ ەتۋگە قاتىستى باعدارلامالاردى نەمەسە دىبىس – كەسكىن ينفورماتسيالارىن جاساسا، جاريالاسا، تاراتسا جانە ۇگىتتەسە، وزگەرتۋدەن باس تارتسا نەمەسە ماسەلەسى اۋىر بولسا، اقشالاي ايىپ سالۋ، جالپىعا حابارلاندىرۋ جاريالاپ، سوگىس ايتۋ نەمەسە باعدارلامانى توقتاتۋ قاتارلى جونگە سالۋ شارالارىن اتقارۋ قاجەت، تىكەلەي جاۋاپتى باسقارۋشىنىڭ نەمەسە باسقا تىكەلەي جاۋاپتى قىزمەتكەرلەردىڭ جاۋاپكەرشىلىگىن زاڭ – تۇزىمگە ساي قۋزاستىرۋ قاجەت.
سونىمەن بىرگە، ءار دارەجەلى ساۋدا ىستەرى تاراۋلارىنان مىنالاردى تالاپ ەتكەن: اس – سۋ سالاسىندا قىزمەت وتەيتىن تيجاراتشىلاردى تاماقتى ءار ادامعا ءبولىپ اكەلۋ قىزمەتىن وتەپ، ازىق – تۇلىكتى ىسىراپ ەتۋگە قارسى تۇرۋ جاعدايىن قوعامعا اشىق جاريالاپ وتىرۋعا شابىتتاندىرۋ جاعىندا شارا قولدانۋ قاجەت. اس – سۋدى ۇيگە اپارىپ بەرۋ قىزمەتىن وتەيتىن تەكشەلەردى، اس – سۋ سالاسىندا قىزمەت وتەيتىن تيجاراتشىلاردى تۇتىنۋشىلارعا تاماقتى ۇيلەسىمدى مولشەردە بۇيىرتۋدى ايقىن ەسكەرتىپ وتىرۋعا قۋزاۋ قاجەت. اس – سۋ سالاسىندا ازىق – تۇلىكتى ىسىراپ ەتۋگە قارسى تۇرۋ ءتۇزىمىن، ولشەمىن ورناتۋ، كەمەلدەندىرۋ قاجەت. ساياحات مەكەمەلەرىن باسقارۋشىلار مەن ساياحات جەتەكشىلەرىن كۋرسقا قاتىناستىرۋدى كۇشەيتىپ، ساياحاتشىلاردى وركەنيەتتى تاماقتانۋعا، ۇيىرمەلەردىڭ تاماعىن ۇيلەسىمدى ورنالاستىرۋعا جەتەلەۋ قاجەت.
«قىزمەت جوباسىندا» تاعى ازىق – تۇلىكتەردى ۇيلەسىمدى پايدالانۋدى ىلگەرىلەتۋ قاجەت ەكەنى اتاپ كورسەتىلىپ، ۋاقىتى وتۋگە تاياعان ازىق – تۇلىكتەردى ساتۋعا قاتىستى جۇيەنى كەمەلدەندىرۋدى تالاپ ەتكەن. ازىق – تۇلىكتەرگە بەلگى سالۋ ءتۇزىمىن كەمەلدەندىرىپ، ازىق – تۇلىك وندىرۋشىلەردى ازىق – تۇلىكتىڭ قورابىنا «جەۋگە ەڭ جاقسى مەزگىل شەگىن» جانە «ساپاسىنا كەپىلدىك ەتىلەتىن ۋاقىتتى» ايقىن جازىپ قويۋعا شابىتتاندىرۋ، ازىق – تۇلىك وندىرۋشىلەردىڭ، تيجارات ەتۋشىلەردىڭ «جەۋگە ەڭ جاقسى مەزگىل شەگى» وتۋگە تاياپ قالعان ازىق – تۇلىكتەردى ۇيلەسىمدى باعادا ساتۋىنا قولداۋ كورسەتۋ قاجەت. ەرەنبازار، ساۋدا بازارى قاتارلى ازىق – تۇلىكتەردى تيجارات ەتەتىن ورىنداردىڭ كۇندەلىكتى تەكسەرۋدى كۇشەيتۋىنە، ساپاسىنا كەپىلدىك ەتەتىن ۋاقىتى وتۋگە تاياپ قالعان ازىق – تۇلىكتەردى تۇرگە ءبولىپ باسقارۋ، ەرەكشە بەلگى سالۋ نەمەسە شوعىرلى ورنالاستىرىپ ساتۋىنا جەتەكشىلىك ەتۋ قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
