شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 23 - رەتكى ءماجىلىسىن باسقارىپ اشىپ بىلاي دەپ دارىپتەدى
بۇكىل ەلدە ءبىر تۇتاس ءىرى بازار قۇرۋدى جەدەلدەتۋ، ۇكىمەتتىڭ باقىلاۋ - باسقارۋ ونىمدىلىگىن جوعارىلاتۋ، دۇنيە ءجۇزى بويىنشا ماڭداي الدى داشۋە جانە ماڭداي الدى ءپان قۇرىلىسىن ىشكەرىلەي ىلگەرىلەتۋ كەرەك
لي كىچياڭ، ۋاڭ حۋنيڭ، حان جىڭ قاتىناستى
2021.12.20 15:12 كەلۋ قاينارى : حالىق تورابى
■ سوتسياليستىك بازار شارۋاشىلىعىن دامىتۋ − پارتيامىزدىڭ ۇلى جاسامپازدىعى، بۇنداعى تەتىك ۇكىمەت پەن بازاردىڭ قاتىناسىن ويداعىداي ءبىر جاقتى ەتىپ، بازاردىڭ بايلىقتى جايعاستىرۋدا شەشۋشى رول اتقارۋىنا مۇمكىندىك جاساپ، ۇكىمەتتىڭ رولىن اناعۇرلىم ويداعىداي ساۋلەلەندىرۋ كەرەك. جاڭا دامۋ ارناسىن قالىپتاستىرۋ جوعارى ولشەمدى ارناعا تۇسكەن، ءادىل باسەكەلەسەتىن، تولىق اشىق ۇستالعان بۇكىل ەلدە ءبىر تۇتاس ءىرى بازار قۇرىپ، بۇكىل ەلدە ءبىر تۇتاس بازار ءتۇزىمىن، ەرەجەسىن ورناتىپ، تاۋار فاكتور بايلىعىنىڭ اناعۇرلىم كەڭ كولەمدە ىركىلىسسىز اينالىم جاساۋىن جەبەۋدى شۇعىل قاجەت ەتەدى. ۇكىمەت فۋنكتسياسىندا جەدەل بۇرىلىس جاساپ، ۇكىمەتتىڭ باقىلاۋ - باسقارۋ ونىمدىلىگىن جوعارىلاتىپ، ءونىمدى بازار مەن تىندىرىمدى ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتىپ، كاسىپورىنداردىڭ زاڭدى ۇقىق - مۇددەسىن جانە حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن زاڭ بويىنشا قورعاۋ كەرەك. ماڭداي الدى دارىندىلاردى جەتىلدىرۋ، مەملەكەتتىڭ ستراتەگيالىق قاجەتىنە قىزمەت وتەۋ، دۇنيە ءجۇزى بويىنشا ماڭداي الدى بولۋعا تالپىنۋ باعدارىن كورنەكتىلەندىرىپ، ءتۇزىلىس - مەحانيزم رەفورماسىن تەرەڭدەتىپ، ماڭداي الدى داشۋەنى جانە ماڭداي الدى ءپاندى ءبىر تۇتاس جوسپارلاپ ىلگەرىلەتۋ، تۇرگە ءبولىپ قۇرۋ كەرەك. عىلىم - تەحنيكا ەتيكاسى − عىلىم - تەحنيكا قيمىلىندا، ءسوز جوق، بويسۇنۋعا ءتيىستى قۇن ولشەمى، ادامزاتتىڭ قۇت - ىرىسىن ارتتىرۋ، تىرشىلىك ۇقىعىنا قۇرمەت ەتۋ، ءادىل، تۋراشىل بولۋ، حاۋىپ - قاتەردى لايىقتى تىزگىندەۋ، اشىقتىقتى، جاريالىلىقتى ساقتاۋ پرينسيبىندە تاباندى بولىپ، كوپ جاق ات سالىسۋ، سايكەسىپ بىرگە باسقارۋ سىندى باسقارۋ ءتۇزىلىسىن، مەحانيزمىن اقاۋسىزداندىرىپ، عىلىم - تەحنيكادا ىزگىلىككە تالپىناتىن مادەنيەت ۇستانىمى مەن قامتاماسىزدىق مەحانيزمىن تۇلعالاۋ كەرەك. جۇڭگونىڭ مەملەكەت جاعدايىنا ۇيلەسەتىن، ۇكىمەت ساياساتپەن قولدايتىن، جەكەلەر ءوز ەركىمەن قاتىناساتىن، بازارلانىپ جۇمىس جۇرگىزەتىن جەكەلىك زەينەتاقىنى دامىتۋدى ىلگەرىلەتىپ، نەگىزگى زەينەتكەرلىك قامسىزداندىرۋىمەن، كاسىپورىنداردىڭ (كاسىپ) جىلدىق تولىقتاما قارجىسىمەن ۇشتاستىرىپ، زەينەتكەرلىك قامسىزداندىرۋىن تولىقتاۋ يقۋاتىن جۇزەگە اسىرۋ كەرەك
شينحۋا اگەنتتىگى، 12 - ايدىڭ 17 – كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 12 - ايدىڭ 17 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 23 - رەتكى ءماجىلىسىن باسقارىپ اشتى، ءماجىلىس «بۇكىل ەلدە ءبىر تۇتاس ءىرى بازاردى جەدەل قۇرۋ جونىندەگى پىكىردى»، «ۇكىمەتتىڭ باقىلاۋ - باسقارۋ ونىمدىلىگىن ونان ارى كۇشەيتىپ، ساپالى دامۋدى ىلگەرىلەتۋ جونىندەگى جەتەكشى پىكىردى»، «دۇنيە ءجۇزى بويىنشا ماڭداي الدى داشۋە جانە ماڭداي الدى ءپان قۇرىلىسىن ىشكەرىلەي ىلگەرىلەتۋ جونىندەگى بىرنەشە پىكىردى»، «عىلىم - تەحنيكا ەتيكاسىن باسقارۋدى كۇشەيتۋ جونىندەگى جەتەكشى پىكىردى»، «جەكەلىك زەينەتاقىنىڭ دامۋىن ىلگەرىلەتۋ جونىندەگى پىكىردى» قاراپ ماقۇلدادى.
شي جينپيڭ ءماجىلىستى باسقارعاندا بىلاي دەپ دارىپتەدى: سوتسياليستىك بازار شارۋاشىلىعىن دامىتۋ − پارتيامىزدىڭ ۇلى جاسامپازدىعى، بۇنداعى تەتىك ۇكىمەت پەن بازاردىڭ قاتىناسىن ويداعىداي ءبىر جاقتى ەتىپ، بازاردىڭ بايلىقتى جايعاستىرۋدا شەشۋشى رول اتقارۋىنا مۇمكىندىك جاساپ، ۇكىمەتتىڭ رولىن اناعۇرلىم ويداعىداي ساۋلەلەندىرۋ كەرەك. جاڭا دامۋ ارناسىن قالىپتاستىرۋ جوعارى ولشەمدى ارناعا تۇسكەن، ءادىل باسەكەلەسەتىن، تولىق اشىق ۇستالعان بۇكىل ەلدە ءبىر تۇتاس ءىرى بازار قۇرىپ، بۇكىل ەلدە ءبىر تۇتاس بازار ءتۇزىمىن، ەرەجەسىن ورناتىپ، تاۋار فاكتور بايلىعىنىڭ اناعۇرلىم كەڭ كولەمدە ىركىلىسسىز اينالىم جاساۋىن جەبەۋدى شۇعىل قاجەت ەتەدى. ۇكىمەت فۋنكتسياسىندا جەدەل بۇرىلىس جاساپ، ۇكىمەتتىڭ باقىلاۋ - باسقارۋ ونىمدىلىگىن جوعارىلاتىپ، ءونىمدى بازار مەن تىندىرىمدى ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتىپ، كاسىپورىنداردىڭ زاڭدى ۇقىق - مۇددەسىن جانە حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن زاڭ بويىنشا قورعاۋ كەرەك. ماڭداي الدى دارىندىلاردى جەتىلدىرۋ، مەملەكەتتىڭ ستراتەگيالىق قاجەتىنە قىزمەت وتەۋ، دۇنيە ءجۇزى بويىنشا ماڭداي الدى بولۋعا تالپىنۋ باعدارىن كورنەكتىلەندىرىپ، ءتۇزىلىس - مەحانيزم رەفورماسىن تەرەڭدەتىپ، ماڭداي الدى داشۋەنى جانە ماڭداي الدى ءپاندى ءبىر تۇتاس جوسپارلاپ ىلگەرىلەتۋ، تۇرگە ءبولىپ قۇرۋ كەرەك. عىلىم - تەحنيكا ەتيكاسى − عىلىم - تەحنيكا قيمىلىندا، ءسوز جوق، بويسۇنۋعا ءتيىستى قۇن ولشەمى، ادامزاتتىڭ قۇت - ىرىسىن ارتتىرۋ، تىرشىلىك ۇقىعىنا قۇرمەت ەتۋ، ءادىل، تۋراشىل بولۋ، حاۋىپ - قاتەردى لايىقتى تىزگىندەۋ، اشىقتىقتى، جاريالىلىقتى ساقتاۋ پرينسيبىندە تاباندى بولىپ، كوپ جاق ات سالىسۋ، سايكەسىپ بىرگە باسقارۋ سىندى باسقارۋ ءتۇزىلىسىن، مەحانيزمىن اقاۋسىزداندىرىپ، عىلىم - تەحنيكادا ىزگىلىككە تالپىناتىن مادەنيەت ۇستانىمى مەن قامتاماسىزدىق مەحانيزمىن تۇلعالاۋ كەرەك. جۇڭگونىڭ مەملەكەت جاعدايىنا ۇيلەسەتىن، ۇكىمەت ساياساتپەن قولدايتىن، جەكەلەر ءوز ەركىمەن قاتىناساتىن، بازارلانىپ جۇمىس جۇرگىزەتىن جەكەلىك زەينەتاقىنى دامىتۋدى ىلگەرىلەتىپ، نەگىزگى زەينەتكەرلىك قامسىزداندىرۋىمەن، كاسىپورىنداردىڭ (كاسىپ) جىلدىق تولىقتاما قارجىسىمەن ۇشتاستىرىپ، زەينەتكەرلىك قامسىزداندىرۋىن تولىقتاۋ يقۋاتىن جۇزەگە اسىرۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتى مەڭگەرۋشىسىنىڭ ورىنباسارلارى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.
ءماجىلىس مىنالاردى اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى سوتسياليستىك بازار شارۋاشىلىعى رەفورما بەتالىسىندا تاباندى بولىپ، بازارلاندىرۋ رەفورماسىن كەڭدىك جانە تەرەڭدىك جاقتارىنان ىلگەرىلەتىپ، ۇكىمەتتىڭ بايلىقتى تىكەلەي جايعاستىرۋىن ازايتىپ، ۇكىمەتتىڭ ميكرولىق ەكونوميكا قيمىلىنا تىكەلەي ارالاسۋىن ازايتىپ، مال - مۇلىك ۇقىعىن قورعاۋ، بازارعا كىرۋگە رۇقسات ەتۋ، ءادىل باسەكەلەسۋ سياقتى تۇزىمدەردى ۇزدىكسىز كەمەلدەندىرىپ، باعا رەفورماسىن جانە جەر، كاپيتال، ەڭبەككۇش، تەحنيكا، ءبىلىم، ساندى مالىمەت سياقتى ماڭىزدى ءوندىرىس فاكتورلارىن بازارلاندىرۋ رەفورماسىن ىلگەرىلەتىپ، مونوپوليالاۋعا قارسى تۇرۋدى، ورىنسىز باسەكەلەسۋگە قارسى تۇرۋدى كۇشەيتىپ، بازار بوگەتتەرىن كۇش سالا الاستاپ، بايلىقتى جايعاستىرۋ ونىمدىلىگى مەن ادىلدىگىن جوعارىلاتىپ، كاسىپورىندار وزىنە - ءوزى قوجايىن بولىپ تيجارات جۇرگىزەتىن، ءادىل باسەكەلەسەتىن، تۇتىنۋشى ەركىن تاڭدايتىن، ءوز قالاۋىمەن تۇتىناتىن، تاۋار مەن فاكتور ەركىن اينالىم جاسايتىن، تەڭ تۇرعىدا ايىرباس جاساساتىن وسى زامانعى بازار جۇيەسىن جەدەل قالىپتاستىردى. سونىمەن بىرگە، ەلىمىزدىڭ بازار جۇيەسىندە ءتۇزىم، ەرەجە دەرلىكتەي ءبىر تۇتاس بولماۋ، فاكتور بايلىعىنىڭ اينالىمى ىركىلىسسىز بولماۋ، جەرگىلىكتى قورعامپازدىق جانە بازار بولەكتەنىپ قالۋ سياقتى كورنەكتى ماسەلەلەر ءالى دە ءومىر سۇرۋدە.
ءماجىلىس مىنالاردى دارىپتەدى: ءتۇزىم قۇرىلىسىن كوزدە ۇستاپ، ورناتۋ مەن كۇشىنەن قالدىرۋدى قاتار يگەرۋدە تاباندى بولىپ، بازاردىڭ نەگىزگى ءتۇزىمىن، ەرەجەسىن كەمەلدەندىرۋ، بازار قۇرىلعىلارىن جوعارى ولشەمدە ۇلاستىرۋدى ىلگەرىلەتۋ، فاكتور جانە بايلىق بازارى قۇرىلىسىن جەدەلدەتۋ، تاۋار مەن قزمەت وتەۋ بازارىنىڭ جوعارى دەڭگەيدە بىرلىككە كەلۋىن ىلگەرىلەتۋ، باقىلاۋ - باسقارۋ، باسقارۋ دەڭگەيىن جوعارىلاتۋ سياقتى جاقتاردا ءونىمدى ساياساتتىق شارالاردى شىعارىپ، ساياساتتىڭ ءبىر تۇتاستىعىن، ەرەجەنىڭ بىركەلكىلىگىن، اتقارۋدىڭ سايكەستىلىگىن ۇزدىكسىز جوعارىلاتىپ، ءبىر تۇتاس ءىرى بازار ارقىلى بايلىقتى شوعىرلاندىرۋ، ارتۋدى جەبەۋ، جاڭالىق اشۋعا ىنتالاندىرۋ، جۇمىس ءبولىسىن ساپالىلاندىرۋ، باسەكەنى جەبەۋ كەرەك. ءبىر تۇتاس بازار مەن ءادىل باسەكەگە كەدەرگىلىك جاسايتىن ءتۇرلى بەلگىلەمەلەر مەن ادىستەردى جەدەل اداقتاۋ، كۇشىنەن قالدىرۋ كەرەك. وڭىرلىك ەلەۋلى ستراتەگيانى، وڭىرلىك سايكەستى دامۋ ستراتەگياسىن اتقارۋمەن ۇشتاستىرىپ، ءبىر تۇتاس ءىرى بازار قۇرۋ قىزمەتىن الدىمەن ورىستەتىپ، ۇلگى كورسەتۋ، جەتەكتەۋ رولىن ساۋلەلەندىرۋ كەرەك.
ءماجىلىس مىنالاردى اتاپ كورسەتتى: ۇكىمەتتىڭ باقىلاۋ - باسقارۋ ونىمدىلىگىن جوعارىلاتىپ، «كىم باسقارادى»، «نەنى باسقارادى»، «قالاي باسقارادى» ماسەلەلەرىن كۇش سالا ويداعىداي شەشۋ كەرەك. «كىم تەكسەرىپ بەكىتسە، سول باقىلاپ - باسقارۋ، كىم باسقارسا، سول باقىلاپ – باسقارۋ» پرينسيبى بويىنشا جاۋاپكەرلىك تىزبەگىن انىقتاپ، جاۋاپكەرلىكتى اتقارۋ ونىمدىلىگىن جوعارىلاتىپ، جاۋاپقا تارتۋدى، جاۋاپكەرلىكتى قۋزاۋدى قاتايتۋ كەرەك. كاسىپ باسقارۋ تاراۋى كاسىپتى باقىلاۋ - باسقارۋ جاۋاپكەرلىگىن قاتاڭ تياناقتاندىرۋ، قاتىستى باقىلاۋ - باسقارۋ تاراۋلارى وزدەرىنىڭ مىندەت جاۋاپكەرلىگى كولەمىندەگى باقىلاۋ - باسقارۋ جاۋاپكەرلىكتەرىن شىنايى اتقارۋ، جەرگىلىكتى ۇكىمەتتەر قاراستى جەر بويىنشا باقىلاۋ - باسقارۋ جاۋاپكەرلىگىن جالپى بەتتىك تياناقتاندىرۋ، كاسىپورىندار ءوزىن - ءوزى باسقارۋدى، ءوزىن تەجەۋدى كۇشەيتۋ كەرەك. كوپ تاراۋعا ساياتىن، باسقارۋ قيىندىعى جوعارى، حاۋىپ - قاتەرى، كومەسكى قاتەرى كورنەكتى باقىلاۋ - باسقارۋ ىستەرى جونىندە تاراۋ اتتاعان كەشەندى باقىلاۋ - باسقارۋ ءتۇزىمىن ورناتىپ، اقاۋسىزداندىرىپ، اركىم ءوز مىندەتىن اتقاراتىن، اركىم ءوز جاۋاپكەرلىگىن ارقالايتىن، ءوزارا سايكەسەتىن، جابال يگەرىپ، بىرگە باسقاراتىن سايكەسىپ باقىلاۋ - باسقارۋ مەحانيزمىن كەمەلدەندىرۋ كەرەك. بازاردى باقىلاۋ - باسقارۋدى، ساپانى باقىلاۋ - باسقارۋدى، حاۋىپسىزدىكتى باقىلاۋ - باسقارۋدى، فينانستى باقىلاۋ - باسقارۋدى ءبىر تۇتاس جوسپارلاپ ىلگەرىلەتىپ، جان - جاقتى، كوپ ساتىلى، ستەرەولدى باقىلاۋ - باسقارۋ جۇيەسىن جەدەل ورناتىپ، ىستەن بۇرىنعى، ءىس بارىسىنداعى، ىستەن كەيىنگى تۇتاس تىزبەكتىك، تۇتاس سالالىق باقىلاۋ - باسقارۋدى جۇزەگە اسىرىپ، باقىلاۋ - باسقارۋداعى ساڭلاۋلاردى بىتەۋ كەرەك. حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىنە، الەۋمەتتىك حاۋىپسىزدىككە تىكەلەي قاتىستى، سونداي - اق كومەسكى حاۋىپ - قاتەرى زور، قوعامدىق حاۋىپ - قاتەرى جوعارى ءتۇيىندى سالالارعا ءتۇيىندى باقىلاۋ - باسقارۋ جۇرگىزىپ، ەلەۋلى حاۋىپ - قاتەردەن ساقتانۋ جانە ونى جويۋ كەرەك. زاڭ بويىنشا باقىلاۋ - باسقارۋدا تاباندى بولىپ، ءتۇيىندى سالالاردى، جاڭادان گۇلدەنگەن سالالاردى، شەتەلگە ساياتىن سالالاردى باقىلاۋ - باسقارۋدا شۇعىل قاجەت بولىپ وتىرعان زاڭداردى، زاڭ - ەرەجەلەردى مىقتاپ جەدەل جاساپ، مىندەتكە وتىرۋعا شەك قويۋ، كىرۋدى ءومىر بويى شەكتەۋ جانە جاۋاپكەرلىكتى ءومىر بويى قۋزاۋ ءتۇزىمىن ورناتۋ كەرەك. باقىلاۋ - باسقارۋ ادىسىندە جاڭالىق اشىپ، باقىلاۋ - باسقارۋدىڭ دالدىگى مەن ونىمدىلىگىن جوعارىلاتۋ كەرەك. ۇكىمەتتىڭ باقىلاۋ - باسقارۋ ارەكەتىن قاتاڭ ارناعا ءتۇسىرىپ، باقىلاۋ - باسقارۋ قىزمەتىنىڭ جالپى بارىسىمەن ساباقتاسقان باقىلاۋ - باسقارۋ مەحانيزمىن ورناتىپ، باقىلاۋ - باسقارۋدىڭ جۇيەلىلىگى مەن جاريالىلىعىن جوعارىلاتۋ كەرەك.
ءماجىلىس مىنالاردى دارىپتەدى: دۇنيە ءجۇزى بويىنشا ماڭداي الدى داشۋەنى جانە ماڭداي الدى ءپاندى ويداعىداي قۇرۋدا، ءسوز جوق، جۇڭگونىڭ بايتاق دالاسىنا تامىر تارتىپ، جۇڭگو ەرەكشەلىگىن ايگىلەۋ كەرەك. سوتسياليستىك وقىتۋ بەتالىسىندا تاباندى بولىپ، جۇڭگوشا سوتسياليستىك وقۋ - اعارتۋدى دامىتۋ جولىندا تاباندى بولىپ، پارتيانىڭ وقۋ - اعارتۋ باعىتىن دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋ كەرەك. دارىندىلاردى جەتىلدىرۋ سىندى تەتىكتى مىقتاپ يگەرىپ، پارتيا ءۇشىن ادام تاربيەلەۋدە، وتان ءۇشىن دارىندىلاردى تاربيەلەۋدە تاباندى بولىپ، مەملەكەتتىڭ ستراتەگيالىق قاجەتىنە قىزمەت وتەۋدە تاباندى بولىپ، عىلىم - تەحنيكانىڭ الدىڭعى لەگىن جانە شەشۋشى سالالاردى ءدال كوزدەپ، ءپان ماماندىعى جانە دارىندىلار جەتىلدىرۋ ورنالاسىمىن ساپالىلاندىرىپ، جوعارى دەڭگەيلى وقىتۋشى قوسىنىن قۇرىپ، عىلىم مەن وقۋ - اعارتۋدىڭ توعىسۋىن تەرەڭدەتە وتىرىپ ادام تاربيەلەپ، دۇنيە ءجۇزى بويىنشا ماڭىزدى دارىندىلار ورتالىعىن جانە جاڭالىق اشۋ بيىك بەلەسىن جەدەل قۇرۋعا پارمەندى تىرەك ازىرلەۋ كەرەك.
ءماجىلىس مىنالاردى اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى مەملەكەتتىك عىلىم - تەحنيكا ەتيكا كوميتەتىن قۇرىپ، باسقارۋ ءتۇزىلىسىن، مەحانيزمىن كەمەلدەندىرىپ، عىلىم - تەحنيكا ەتيكاسىن باسقارۋدى ىلگەرىلەتۋدە بەلسەندى ىلگەرىلەۋشىلىكتەرگە قول جەتكىزدى. جاڭالىق اشۋ مەن حاۋىپ - قاتەردەن ساقتانۋدىڭ بىرلىگىن، تۇزىمدىك ولشەم مەن ءوزىن تەجەۋدى ۇشتاستىرۋدى جەبەۋدە تاباندى بولىپ، تومەنگى شەكتە ويلاۋدى جانە حاۋىپ - قاتەر تانىمىن كۇشەيتىپ، عىلىم - تەحنيكالىق ەتيكالىق تالاپتاردى عىلمي زەرتتەۋ، تەحنيكالىق اشۋ سياقتى عىلىم - تەحنيكا قيمىلدارىنىڭ تۇتاس بارىسىمەن ساباقتاستىرىپ، عىلىم - تەحنيكادا جاڭالىق اشۋدىڭ بارلىق سالاسىن قامتىپ، قاداعالاۋ، ساقتاندىرۋدى جانە كوزەۋلى زەرتتەۋدى كۇشەيتىپ، دەر كەزىندە ەرەجە، ءتۇزىم جاعىنان ويداعىداي ۇيلەسىپ، عىلىم - تەحنيكا قيمىلدارى حاۋىپ - قاتەرىنىڭ مەڭگەرىمدى بولۋىنا شىنايى كەپىلدىك ەتۋ كەرەك. عىلىم - تەحنيكا ەتيكا ماسەلەسىنىڭ ەتەك الۋىنان ساقتانىپ، عىلىم - تەحنيكادا جاڭالىق اشۋدىڭ ساپالى دامۋى مەن جوعارى دەڭگەيلى حاۋىپسىزدىكتىڭ ءتيىمدى ىقپالداستىعىن قۇلشىنا جۇزەگە اسىرۋ كەرەك.
ءماجىلىس مىنالاردى دارىپتەدى: كوپ ساتىلى، كوپ تىرەكتى زەينەتكەرلىك قامسىزداندىرۋى جۇيەسىن دامىتۋ − حالىقتىڭ قارتتانۋىنا بەلسەندىلىكپەن توتەپ بەرۋدەگى، زەينەتكەرلىك قامسىزداندىرۋى ءتۇزىمىنىڭ باياندى دامۋىن جۇزەگە اسىرۋداعى ماڭىزدى شارا. تۇزىمدىك جوبالاۋدى كەمەلدەندىرىپ، مەملەكەتتىڭ، مەكەمە - ورىننىڭ جانە جەكەنىڭ زەينەتكەرلىك جاۋاپكەرلىگىن ۇيلەسىمدى ءبولىپ، جەكەلىك جيناقتامالى زەينەتاقى ءۇشىن تۇزىمدىك قامتاماسىزدىق ازىرلەۋ كەرەك. باقىلاۋدى، باسقارۋدى قاتايتىپ، سايكەستى ساياساتتاردى كەمەلدەندىرىپ، اتقارۋ ءادىسى، قازىنا - سالىق ساياساتى، فينانستىق ونىمدەر ەرەجەسى سياقتىلاردى جەدەل ايقىنداپ، بۇقارانىڭ انىق بىلۋىنە، تۇسىنە الۋىنا، جاقسى مەڭگەرۋىنە مۇمكىندىك جاساۋ، قاتىناساتىن ءار جاقتىڭ بويسۇناتىن ەرەجەسى بولۋىنا، ءتۇزىم اينالىمىنىڭ قاداعالانۋىنا، سىننان وتەتىندەي بولۋىنا مۇمكىندىك جاساۋ كەرەك.
ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
