ءبىر جىگىتتىڭ 15 مىڭ يۋانعا ساتىپ العان شوفەرلىك كۋالىگى جالعان بولىپ شىقتى
جوعارى قارقىندى تاس جولدا ساقشى تەكسەرگەندە، شىن ەكەن دەپ قالىپپىن دەپ اقتالعان
2021.12.20 15:38 كەلۋ قاينارى : حالىق تورابى
حالىق تورابىنىڭ 12 – ايدىڭ 17 – كۇنى بەيجيڭنەن بەرگەن حابارى. جۋىردا جىجياڭ ولكەسى ۋىنجوۋ قالالىق قوعام حاۋىپسىزدىگى مەكەمەسى جوعارى قارقىندى تاس جول قاتىناس ساقشى 4 – ۇلكەن اترەتىندەگى قاتىناس ساقشىلارى شوفەرلىك كۋالىكسىز اۆتوكولىك جۇرگىزۋ سىندى قاتىناس جاعىنداعى زاڭعا اۋىر دارەجەدە قايشىلىق جاساۋ كۇمانىنا قاتىستى ارەكەتتى انىقتاعان. ءتىلشىنىڭ ۇعىسۋىنشا، 12 – ايدىڭ 10 – كۇنى تۇستەن بۇرىن، قاتىناس ساقشىسى S26 جۇجي – يۇڭجيا جوعارى قارقىندى تاس جولىنىڭ ۋىنجوۋ سولتۇستىك اقى الۋ بەكەتىندە كەزەكتى تەكسەرۋدى جۇرگىزىپ جاتقاندا، ياڭ X اتتى شوفەر ءوزىنىڭ شوفەرلىك كۋالىگىن قالتاسىنا سالماي شىققانىن ايتقان، جوعارى قارقىندى تاس جول قاتىناس ساقشىلارى الپەت تانۋ جۇيەسى ارقىلى ونىڭ سالاۋاتىن تۇراقتاندىرعاندا، ياڭ X تىڭ شوفەرلىك كۋالىگى تۋرالى مالىمەت جوق ەكەنىن بايقاعان.
جوعارى قارقىندى تاس جول قاتىناس ساقشىلارى سۇراستىرعاندا، ياڭ X شىنىن ايتقان، ول نازاريا ساباعىنان ەمتيحان بەرىپ وتە الماعاندىقتان، ينتەرنەتتە 15000 يۋان اقشا جۇمساپ، شوفەرلىك كۋالىك ساتىپ العان. ساتىپ العان كەزدە، ينتەرنەت ارقىلى تەكسەرگەندە، ەمتيحانعا تىزىمدەلۋ ماتەريالدارى سياقتىلار تۇگەل كورىنگەندىكتەن، شىن ەكەن دەپ سەنىپ قالعان. «ساتۋشى» وعان كۋالىكتى الۋدى ايتقاندا، ينفورماتسيالاردىڭ بارلىعى جۇيەگە تۇسكەن شىعار دەپ ويلاپ، بارىپ جۇرگەننەن ەرىنىپ، كۋالىكتى الماعان، وسىنىڭ سالدارىنان الدانىپ قالارىن كىم ويلاعان. سوڭىنان جوعارى قارقىندى تاس جول قاتىناس ساقشىلارى ياڭ X كە سىن ايتىپ، تاربيە جۇرگىزدى ءارى شوفەرلىك كۋالىكسىز اۆتوكولىك جۇرگىزۋ قىلمىس كۇمانى بويىنشا اۆتوكولىگىن ۇستاپ قالۋ سىندى ماجبۇرلەۋ شاراسىن قولدانعان. سونىمەن بىرگە، ياڭ X دا 15 كۇننەن تومەن قاماۋعا الۋ جانە 100 يۋاننان جوعارى 2000 يۋاننان تومەن اقشالاي ايىپ سالۋ جازاسىنا ءدوپ كەلدى.
جوعارى قارقىندى تاس جول ساقشىسى مىنانى ءبىلدىردى: اتالمىش «شىن شوفەرلىك كۋالىكتى اقشاعا ساتىپ الۋعا بولادى» دەگەن ءسوزدىڭ بارلىعى وتىرىك، قولايلى ەكەن دەپ، شوفەرلىك كۋالىكتى زاڭسىز جولمەن قولعا كەلتىرۋگە، استە، ۇرىنۋشى بولماڭىز. ءبىر جاعىنان، شوفەرلىك كۋالىكسىز كولىك جۇرگىزۋ قاتىناس جاعىنداعى زاڭعا اۋىر دارەجەدە قايشىلىق جاساۋ ارەكەتىنە جاتادى، ول ءوزىڭىزدىڭ جانە باسقالاردىڭ ءومىرى مەن مال – مۇلكىنە اۋىر قاتەر توندىرەتىن ارەكەت. ەندى ءبىر جاعىنان، شوفەرلىك كۋالىكتى ساتۋ مەن ساتىپ الۋدىڭ ەكەۋى دە زاڭعا قايشى ارەكەت، زاڭنىڭ قاتاڭ جازاسىنا تارتىلادى. ءوزىڭىز بەن باسقالاردىڭ حاۋىپسىزدىگى ءۇشىن، زاڭنىڭ الا جىبىنەن اتتاۋشى بولماڭىز، ۇيتپەگەندە، ءىس تۋىلعان سوڭ وكىنگەنمەن ورنىنا كەلمەيدى. (حاۋ پيڭ، ۋ نان، پراكتيكانت شيە يجۇڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
