بەتالدى اقى الۋ، بەتالدى ايىپ سالۋ، بەتالدى سالىق سالۋ! حىبەي ولكەسىنىڭ باجوۋ قالاسىنا باقىلاۋ ـ تەكسەرۋ، رەتتەۋ ـ تۇزەتۋ جۇرگىزىلدى
2021.12.20 15:50 كەلۋ قاينارى : حالىق تورابى
جۇڭگو ۇكىمەت تورابىنىڭ حابارىنا قاراعاندا، مەملەكەتتىك كەڭەس كەڭسەسىنىڭ باقىلاۋ ـ تەكسەرۋ كەڭسەسى تاياۋدا ادام جىبەرىپ حىبەي ولكەسىنىڭ باجوۋ قالاسىنا بارىپ اشىق، جاسىرىن تەكسەرۋ جۇرگىزىپ، باجوۋ قالاسىنىڭ پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىنا جانە ساياساتتىق تالاپتارىنا اۋىر قايشىلىق جاساپ، باجىعا جاتپايتىن كىرىستى باعالاۋ ءادىسىن بەلگىلەمەگە قايشى شىعارىپ، قاراستىلىعىنداعى اۋىل ـ قالاشىقتارعا (ءمالى، اشۋ رايونى) باجىعا جاتپايتىن كىرىس مىندەتىن ءتۇسىرىپ، ارەكەت ۇلگىسىندەگى زاڭ اتقارۋدى ۇيىمداستىرىپ جانە ورىستەتىپ، كەڭ كولەمدە بەتالدى اقى الۋ، بەتالدى ايىپ سالۋ، بەتالدى سالىق سالۋ ماسەلەسى جارىققا شىعىپ، كاسىپورىندار مەن بۇقارانىڭ كۇشتى نارازىلىعىن قوزعاندىعىن بايقاعان.
تولىقسىز ساناققا قاراعاندا، 10 - ايدىڭ 1 - كۇنىنەن 12 - ايدىڭ 6 - كۇنىنە دەيىن، باجوۋ قالاسىنداعى 15 اۋىل ـ قالاشىقتىڭ (ءمالى، اشۋ رايونى) قامباعا كىرگىزىلگەن جانە قامباعا كىرگىزىلمەگەن ايىپ اقشا، ءمۇسادىرالاعان كىرىسى 67 ميلليون 183 مىڭ 700 يۋان بولىپ، 1 - ايدان 9 - ايعا دەيىنگى ايىپ سالۋ، ءمۇسادىرالاۋ كىرىسىنىڭ (5 ميلليون 965 مىڭ 900 يۋان) 11 ەسەسىندەي بولىپ، 2547 كاسىپورىننان جانە جەكەشە ونەركاسىپشىلەر مەن ساۋداگەرلەردى شارپىپ، اربىرەۋىنە ورتا ەسەپپەن 26 مىڭ 400 يۋان ايىپ سالىنعان، اقى الىنعان. 11 – ايدا، 13 اۋىل ـ قالاشىقتا (ءمالى، اشۋ رايونى) كورنەكتى ارەكەت ۇلگىسىندەگى زاڭ اتقارۋ جارىققا شىعىپ، سول ايدا قامباعا كىرگىزىلگەن ايىپ سالۋ، ءمۇسادىرالاۋ كىرىسى 47 ميلليون 295 مىڭ 700 يۋان بولىپ، 1 - ايدان 9 - ايعا دەيىن بارلىق ايىپ سالۋ، ءمۇسادىرالاۋ كىرىسىنىڭ 80 ەسەسىندەي بولعان.
باقىلاۋ ـ تەكسەرۋ جاعدايىنان قاراعاندا، باجوۋ قالاسىندا وسى رەت بەتالدى اقى الۋ، بەتالدى ايىپ سالۋ، بەتالدى سالىق سالۋ ءتاسىلى الۋان ءتۇرلى بولعان، پايدانى كوزدەۋ ەرەكشەلىگى كورنەكتى بولعان، «جۇڭحۋا حالىق رەسپۋبليكاسىنىڭ مەجە ەسەپ زاڭى»، «جۇڭحۋا حالىق رەسپۋبليكاسىنىڭ اكىمشىلىك جازا زاڭى»، «كاسىپورىندارعا سالىق سالۋعا تيىم سالۋدىڭ ۋاقىتشا ەرەجەسى» سياقتى زاڭ - ەرەجەلەرگە، سونداي - اق پارتيا ورتالىق كوميتەتىنىڭ، مەملەكەتتىك كەڭەستىڭ بەتالدى اقى الۋدى جونگە سالۋ جونىندەگى قاتىستى بەلگىلەمەلەرىنە قايشىلىق جاساعان. قالىڭ ورتا، شاعىن، ۇساق كاسىپورىنداردىڭ ءتول مۇددەسىنە اۋىر زيان جەتكىزگەن، جەرگىلىكتى ورىننىڭ ساۋدا ورتاسىن اۋىر دارەجەدە بۇلدىرگەن، كاسىپورىنداردىڭ قيىنشىلىعى بارلارعا كومەكتەسۋ، باجىنى كەمەيتۋ، اقىنى تومەندەتۋ ساياساتىنىڭ پايداسىن تىكەلەي جويعان، پارتيا مەن ۇكىمەتتىڭ الەۋمەتتىك سەنىمدىلىگىنە اۋىر زيان جەتكىزگەن، پارتيا مەن ۇكىمەتتىڭ وبرازىنا اۋىر ىقپال جاساعان، سيپاتى توتەنشە ناشار، ساباقتىق ءمانى ەرەكشە.
بۇل ماسەلەلەردىڭ تۋىلۋ سەبەبى كەيبىر جەرلەردىڭ پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتى تياناقتاندىرۋ جونىندەگى تانىمى جەتەرسىز، پوزيتسياسى باتىل ەمەس، جاڭا دامۋ ۇستانىمىن تولىق، دۇرىس، جاپپاي دايەكتىلەندىرمەگەن، ساياسي ناتيجە كوزقاراسىندا اۋىر اعاتتىق تۋىلعان، ەكونوميكانىڭ قۇلدىراۋ قىسىمى، قازىنا قىسىلتاياڭ تەپە - تەڭ كۇيدە تۇرعان جاعدايدا، ۇنەمشىلدىكپەن كۇن كورۋ تانىمىن شىنايى ورناتپاعان، باجىعا جاتپايتىن كىرىسكە، اسىرەسە، ايىپ سالۋ، ءمۇسادىرالاۋ كىرىسىنە سۇيەنىپ قازىنالىق ولقىلىقتىڭ ورنىن تولتىراتىن قىزبالىق ءالى دە كۇشتى بولىپ وتىرعاندىعىن بىلدىرەدى.
حىبەي ولكەسى، لاڭفاڭ قالاسى، باجوۋ قالاسى باقىلاۋ ـ تەكسەرۋدە بايقالعان ماسەلەلەرگە وسكەلەڭ ءمان بەرىپ، رەتتەۋ ـ تۇزەتۋدى بەلسەنە ۇيىمداستىرۋدا. 12 - ايدىڭ 16 - كۇنى ساعات 15 كە دەيىن، باجوۋ قالاسى 2200 كاسىپورىنعا جانە جەكەشە ونەركاسىپشىلەر مەن ساۋداگەرلەرگە 54 ميلليون 728 مىڭ 200 يۋان اقشانى قايتارعان. مەملەكەتتىك كەڭەس كەڭسەسىنىڭ باقىلاۋ ـ تەكسەرۋ كەڭسەسى ۇزدىكسىز ىزىنە ءتۇسىپ قۋزاپ، ماسەلەنىڭ تۇبەگەيلى تۇزەتىلۋىنە كەپىلدىك ەتەدى.
@ بۇكىل ەلدەگى ورتا، شاعىن، ۇساق كاسىپورىندار، جەكە كاسىپكەرلەر ءسىز دامۋ بارىسىندا قانداي شۇعىل، قيىن ماسەلەلەرگە تاپ بولدىڭىز؟ حالىق تورابىنىڭ «باسشىلاردىڭ ءسوز قالدىرۋ تاقتاسىنا» كەلىپ، باسشىلارمەن اڭگىمەلەسۋىڭىزگە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
