سىرتقى ىستەر مينيسترلىگى : ليتۆا جۇڭگو جاققا ساياسي قۇقاي كورسەتۋى ەسەپتى بۇكىلدەي قاتە سوققاندىق
2021.12.20 15:56 كەلۋ قاينارى : حالىق تورابى
شينحۋا اگەنتتىگىنىڭ 12 ـ ايدىڭ 17 ـ كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 12 ـ ايدىڭ 17 ـ كۇنى بىلاي دەدى: جۇڭگو – ليتۆا قاتىناسى ۋاكىلدىك رەتىندە باسقارۋ دارەجەسىنە تۇسكەن جاعدايدا، جۇڭگو ليتۆانىڭ جۇڭگودا تۇراتىن ديپلوماتيالىق قۇرىلىمدارىنان ديپلوماتيالىق قىزمەتكەرلەردىڭ ازاماتتىق كۋالىگىن قايتادان ءوتىنىش ەتۋدى تالاپ ەتۋى قاتىستى حالىقارالىق زاڭدار مەن حالىقارالىق داعدىعا ۇيلەسەدى. ليتۆا ءوزىنىڭ قاتە ارەكەتىنە دۇرىس قارامادى جانە ونى تۇزەتپەدى، كەرىسىنشە جالعان ينفورماتسيا تاراتىپ، جۇڭگو جاققا ساياسي جاقتان قۇقاي كورسەتتى، بۇل ەسەپتى بۇكىلدەي قاتە سوققاندىق.
سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇراۋ قويدى: 12 - ايدىڭ 16 - كۇنى ليتۆانىڭ سىرتقى ىستەر مينيسترى جۇڭگو ليتۆانىڭ جۇڭگودا تۇراتىن ديپلوماتتارىنىڭ ازاماتتىق كۋالىگىنىڭ تەز ارادا كۇشىن جوياتىندىعىن، ليتۆانىڭ وسىنشاما قىسقا ۋاقىت ىشىندە جۇڭگودا تۇراتىن ديپلوماتتاردى ەلگە قايتارۋى توتەنشە كۇردەلى ەكەندىگىن، سوندىقتان ۋاقىتىن ۇزارتۋدى ءوتىنىش ەتكەندىگىن، ءبىراق جۇڭگونىڭ ەشقانداي جاۋابىنا يە بولماعاندىعىن، ديپلوماتيالىق قىزمەتكەرلەر امالسىزدان دەرەۋ ەلگە قايتقاندىعىن ايتتى. حالىقارالىق زاڭ ءبىر جاقتىڭ ديپلوماتيالىق ۋاكىلدىك ورنىن وزگەرتۋىن مويىندامايدى، جۇڭگو جاقتىڭ بۇلاي ىستەۋى «ۆەنا ديپلوماتيالىق قاتىناس شارتىنا» قايشى كەلەدى دەدى، جۇڭگو بۇعان قالاي جاۋاپ بەرەدى؟
ۋاڭ ۋىنبين بىلاي دەدى: ليتۆا ۇكىمەتىنىڭ تايۋان بيلەۋشىلەرىنىڭ «ليتۆادا تۇراتىن تايۋان ۋاكىلدەرى باسقارماسىن» قۇرۋىنا رۇقسات ەتىپ، حالىقارادا اشىقتان - اشىق «ءبىر جۇڭگو، ءبىر تايۋان» جاساۋ سىندى قاتە ارەكەتتەرىنە باعىتتاي وتىرىپ، جۇڭگو جاق جۇڭگو - ليتۆا قاتىناسىن ۋاكىلدىك رەتىندە باسقارۋ دارەجەسىنە تومەندەتەتىندىگىن جاريالادى ءارى ليتۆا جاقپەن رەسمي قاتاڭ كەڭەسىپ، جۇڭگونىڭ ليتۆاداعى ديپلوماتيالىق قۇرىلىمىن جۇڭحۋا حالىق رەسپۋبليكاسىنىڭ ليتۆا رەسپۋبليكاسىندا تۇراتىن ۋاكىلدىك باسقارماسى دەپ اتاۋدى ۇيعارىپ، ليتۆادان جۇڭگودا تۇراتىن ديپلوماتيالىق قۇرىلىمىنىڭ اتىن سايكەستى وزگەرتۋدى تالاپ ەتتى. بۇل «ۆەنا ديپلوماتيالىق قاتىناس شارتىنا»، ادەتتەگى حالىقارالىق زاڭ مەن قاتىستى حالىقارالىق امالياتقا ۇيلەسەدى ءارى ديپلوماتيالىق تەڭدىك پرينسيبىنە دە ۇيلەسەدى.
ۋاڭ ۋىنبين بىلاي دەدى: جۇڭگو ـ ليتۆا قاتىناسى ۋاكىلدىك رەتىندە باسقارۋ دارەجەسىنە تومەندەگەن جاعدايدا، جۇڭگو ليتۆانىڭ جۇڭگودا تۇراتىن ديپلوماتيالىق قۇرىلىمدارىنان سىرتقى ىستەر قىزمەتكەرلەرىنىڭ ازاماتتىق كۋالىگىن قايتادان ءوتىنىش ەتۋدى تالاپ ەتۋى جۇڭگونىڭ جۇڭگودا تۇراتىن ەلشىلەر ۇيىرمەلەرىنە قىزمەت وتەۋى مەن باسقارۋداعى قالىپتى ءتارتىبى، قاتىستى حالىقارالىق زاڭدار مەن حالىقارالىق داعدىعا ۇيلەسەدى، ليتۆا ديپلوماتتارىنىڭ جۇڭگوداعى قالىپتى قىزمەتىنە جانە تۇرمىسىنا ىقپال جاسامايدى. سونىمەن بىرگە، جۇڭگو «ۆەنا ديپلوماتيالىق قاتىناس شارتىنا» ساي، جۇڭگوداعى بارلىق ديپلوماتيالىق قۇرىلىمداردىڭ حاۋىپسىزدىگى مەن زاڭدى ۇقىعىن قامتاماسىزداندىرادى، ليتۆانى قامتىعان ءار ەلدىڭ جۇڭگودا تۇراتىن ديپلوماتيالىق قۇرىلىمدارىنىڭ قالىپتى قىزمەت ورىستەتۋىن قامتاماسىزداندىرادى.
ول بىلاي دەدى: ليتۆا جۇڭگودا تۇراتىن ديپلوماتتارىنىڭ كۋالىگىن كەشىكتىرىپ ءوتىنىش ەتۋدى ەجەلدەن ورتاعا قويعان ەمەس، جۇڭگو جاقتىڭ جاۋابىنا يە بولماعان دەگەن ايتىلىم بۇكىلدەي وسەك - اياڭ تاراتۋعا جاتادى. «ءىس جۇزىندە، ليتۆا جۇڭگو جاققا الدىن الا ۇقتىرماعان جاعدايدا، جۇڭگودا تۇراتىن بارلىق ديپلوماتتاردى ايتپاي قايتىپ كەتۋگە ورنالاستىرىپ، ءوزى قۇراستىرىپ، ءوزى جەتەكشىلىك ەتىپ ءبىر مايدان ويىن قويدى.»
ۋاڭ ۋىنبين بىلاي دەدى: ليتۆا ءوزىنىڭ قاتە ارەكەتىنە دۇرىس قارامادى ٵرى تۇزەتپەدى، كەرىسىنشە جالعان ينفورماتسيا تاراتۋ ارقىلى ءوز جاۋاپكەرشىلىگىنەن قاشقالاقتادى، جۇڭگو بۇعان قاتتى نارازى ءارى باتىل قارسى تۇرادى. ليتۆا جاق «ءبىر جۇڭگو، ءبىر تايۋان» جاساپ، جۇڭگونىڭ يەلىك ۇقىعىنا زيان جەتكىزبەكشى بولسا، مۇنىسى ىسكە اسپايدى. ليتۆانىڭ ءوز جاۋاپكەرشىلىگىنەن جالتارىپ، جۇڭگو جاققا ساياسي قۇقاي كورسەتپەكشى بولۋى ەسەپتى بۇكىلدەي قاتە سوققاندىق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
