جۇڭگو - ەۆروپا كەزەكشى پويەزى ءۇرىمجى جيناۋ - جونەلتۋ ورتالىعى:
سيفرلى ”ەگىزدەر“ الاڭ - بەكەتتەرگە جوعارى ءونىمدى باسقارۋ قۋاتىن ۇستەدى
انار بۇلت / شينجياڭ گازەتىنىڭ تىلشىلەرى گو چيان، ليۋ يميڭ
2021.12.21 16:17 كەلۋ قاينارى : شينجياڭ گازەتى
12 - ايدىڭ 10 - كۇنى ءۇرىمجى حالىقارالىق قۇرلىقتىق پورت اۋماعىندا گەرمانيانىڭ دۋيسبۋرگىنە باراتىن جۇك تاسىمال كەزەكشى پويەزى جۇڭگو - ەۆروپا كەزەكشى پويەزى ءۇرىمجى جيناۋ - جونەلتۋ ورتالىعىنا باياۋ كىردى، تاسىمالداناتىن زاتتار پويەز رەليسىنىڭ ءبىر جاعىنا الدىن الا قويىلدى. كران تاسىمالداناتىن تيەۋىش قورابىن كوتەرىپ، پويەزدىڭ تەكشەسىنە ورنىقتىرىپ قويدى. رەال جاعدايداعى وسى كورىنىستەر ءۇش ولشەمدى كورنەكتىلەنگەن ءتاسىل ارقىلى ”جىبەك جولى زەردەلى پورتىنىڭ“ سيفرلى ەگىزدەر ەكرانىنان تىكە كورسەتىلدى.
”ەكراننان كورگەنىمىز ءبىزدىڭ سيفرلى ەگىزدەر تەحنيكاسىنان پايدالانىپ، 1: 1 سالىستىرما بويىنشا جۇڭگو - ەۆروپا كەزەكشى پويەزى ءۇرىمجى جيناۋ - جونەلتۋ ورتالىعى ءۇشىن قۇرعان سيفرلى الەم ’ەگىزدەر‘ بولىپ تابىلادى“. كىدا شۇنفي ونىمدەرىنىڭ ديرەكتورى فىڭ انچۋان: جاڭادان گۇلدەنگەن قۋات ۇستەۋ تەحنيكاسى رەتىندە، بۇل جۇيە بيىل رەسمي ىسكە قوسىلدى، - دەپ تانىستىردى.
كوز الداعى ۇلكەن ەكراننان كورگەنىمىز ويىن بەتىنە ۇقسايدى، ول جوعارى ەلىكتەمەلى ۋيرتۋالدى شاشىراندى جيناۋ - جونەلتۋ ورتالىعىن ەكراننان كورسەتەدى: سىرتقى ورتادان، قۇرىلىستىڭ سىرتقى كورىنىسنەن الاڭ - بەكەتتىڭ ىشكى ءتۇرلى فاكتورلارىنا، اۋەلى، ەندى عانا جەتكەن جۇڭگو - ەۆروپا كەزەكشى پويەزدەرىنە دەيىن، ءبارىن تىكە كورۋگە بولادى.
”ءبىز قۇرلىقتىق اۋماقتىڭ جالپى كورىنىسى، جالپى فاكتورى جونىندە سيفرلانعان قايتا قۇرۋ جۇرگىزدىك، مۇنداي بولعاندا رەال دۇنيەدەگى زاتتاردى ينتەرنەت جۇيەسىندە انىق پارىقتاۋعا، شەشۋشى پارامەترىن ايقىن كورۋگە مۇمكىندىك جاسالادى. دەربەس ەسەپتەۋ امالىنان پايدالانىپ، جۇيەنىڭ ’ۇلكەن ميى‘ ءتۇرلى ساندى مالىمەتتەرگە زەردەلى تالداۋ جاساپ، الاڭ - بەكەتتەرگە جوعارى ءونىمدى باسقارۋ قۋاتىن ۇستەيدى“، - دەدى فىڭ انچۋان.
جۇڭگو - ەۆروپا كەزەكشى پويەزى ءۇرىمجى جيناۋ - جونەلتۋ ورتالىعى − جۇڭگو - ەۆروپا كەزەكشى پويەزى باتىس ارناسى جۇڭگو بولىگىنىڭ ورتا ازيامەن جانە ەۆروپامەن ارالىعى ەڭ جاقىن حالىقارالىق رەتتەۋ تورابى. بيىل العاشقى جارتى جىلدا جيناۋ - جونەلتۋ ورتالىعى جەرگىلىكتى ورىندا جۇڭگو - ەۆروپا كەزەكشى پويەزىنان 200گە جۋىق پويەزدىڭ زاتتارىن قۇراپ، جيناپ، جۇك تاسىمال مولشەرى شامامەن 200 مىڭ توننا بولىپ، ساۋدا سوماسى ءبىر ميلليارد 100 ميلليون دوللاردان اسىپ، جەكە - جەكە سايكەس مەزگىلدەگىدەن ％50.43، ％57.2، ％111 ارتىپ، جوعارى ارتۋ جاعدايىن ءۇرتىس ساقتادى.
جوعارى قارقىندى ارتۋدىڭ استارىندا جەلى، باعا سياقتى فاكتورلاردان سىرت، جوعارى ءونىمدى زەردەلىلەنگەن تاسىمال تاسىلىنەن قول ۇزە المايتىندىعى جاتىر.
ايتىلمىس ”سيفرلى ەگىزدەر“ سيفرلانعان ءتاسىل ارقىلى ناقتى زاتتاردى جيناۋ - جونەلتۋ ورتالىعىنا ۋيرتۋالدى مودەل قۇرىپ، جيناۋ ورتالىعىنىڭ رەال ورتاداعى ارەكەتىن ورنەكتەپ، وسى ارقىلى ءوزارا سايكەستى زاتتاردى پورتقا جەتكىزۋ، ءتۇسىرۋ، جوتكەۋ - ءۇيۋ، ساقتاۋ جانە پورتتان شىعارۋ سىندى جالپى پەريودتىق جۇمىس بارىسىن بەينەلەيدى.
”ەگىز“ ەكى جيناۋ - جونەلتۋ ورتالىعىنىڭ ءبىرى رەال تۇرمىستاعى ناقتى زاتتاردى ساقتايتىن جيناۋ - جونەلتۋ ورتالىعى، ول بۇكىل ەلدەگى جۇڭگو - ەۆروپا كەزەكشى پويەزدارىن شوعىرلى توقتاۋمەن، شوعىرلى تاسىمالداۋمەن قامدايدى؛ ەندى ءبىرى، سيفرلى جانە ۋيرتۋالدى الەمدە ءومىر ءسۇرىپ، ناقتى زاتتاردى جيناۋ - جونەلتۋ ورتالىعىنىڭ اينالىم احۋالىن ناقتى ۋاقىتىندا باقىلاپ - مەڭگەرىپ، كومەسكى كلتيپاندار مەن حاۋىپ - قاتەرلەردى دەر كەزىندە بايقاپ، وسى ارقىلى پورتتى باسقارۋدىڭ جوعارى ءونىمدى بولۋىن، اينالىمىنىڭ سايكەستى بولۋىن جۇزەگە اسىرادى.
شينجياڭ حالىقارالىق قۇرلىقتىق پورتى زاتتار ينتەرنەتى ينفورماتسيا عىلىم - تەحنيكا شەكتى سەرىكتەستىگى IT نىسانىن باسقارۋ ءبولىمىنىڭ باستىعى ي چيانيىڭ بىلاي دەدى: ءبىر كەزەك جۇڭگو - ەۆروپا كەزەكشى پويەزىنىڭ بەكەتكە كىرۋىن مىسالعا الايىق، تيەۋ - تاسۋدان بۇرىن، جۇيەنىڭ ”ۇلكەن ميى“ AI بەينەجازبامەن تالداۋ ارقىلى پويەزدىڭ بەكەتكە كىرگەن - كىرمەگەندىگىن بىلەدى، سونىمەن بىرگە تەمىر جول جۇك پويەزدارىنىڭ جونەلتىلۋ ساندى مالىمەتىمەن بىرلەستىرىپ، تەمىر جول كەزەكشى پويەزدارىنىڭ جۇك تاسىمال ينفورماتسياسىن جوعارى ونىمدىلىكپەن كورسەتىپ بەرە الادى ءارى ونى الاڭ - بەكەتكە الدىن الا حابارلايدى. وسىدان كەيىن الاڭ - بەكەتتىڭ كوپتەگەن ورىندارىنا ورنالاسقان، تاسىمالداۋدى كۇتىپ تۇرعان تيەۋىش قوراپتارىن جۇيەنىڭ ”ۇلكەن ميى“ دالمە - ءدال تاۋىپ شىعادى، سونىمەن بىرگە حاۋىپسىز تاسىمال جولىن جوبالاپ شىعادى، مىندەت تاپسىرىپ العان شوفەرسىز جۇك اۆتوموبيلى جوبالانعان ءجۇرىس جولى بويىنشا تيەۋىش قوراپتى بەلگىلەنگەن ورىنعا جەتكىزەدى.
”قاراڭىز، جۇيەدەن كورىنگەن تيەۋىش قوراپتاردىڭ بارلىعى الاڭ - بەكەتتىڭ جۇمىس ساندى مالىمەتىنە ساي اۆتوماتتى جاسالعان، ءار تيەۋىش قورابىنىڭ الاڭ - بەكەتتەگى ورنى، ءنومىرى، ولشەمى، ىشىندەگى زاتتار سياقتىلاردى قامتىعان ناقتى ينفورماتسيالاردى تەكسەرىپ بىلۋگە بولادى“. بۇرىن وسىنشاما ۇلكەن الاڭ - بەكەتتەن قىزمەتكەرلەردىڭ ءبىر تيەۋىش قوراپتى تابۋىنىڭ ءوزى ەرەكشە قيىنعا سوعاتىن، تيەۋىش قوراپتىڭ ءنومىرى ۇنەمى بىردەڭەلەرمەن جابىلىپ كورىنبەي قالاتىن، ال، قازىر ۆيزۋالدىق تاسىلمەن سايكەستى تيەۋىش قوراپتى تەز ارادا ءدال تاۋىپ، تيەۋىش قوراپتاعى زات ينفورماتسياسىن قاراپ شىعۋعا بولادى، بۇل الاڭ - بەكەتتىڭ جۇمىس ونىمدىلىگىن بارىنشا جوعارىلاتتى، - دەيدى ي چيانيىڭ.
كاسىپتىك ساندى مالىمەتتەردى توعىستىرۋ ارقىلى جۇيە تاعى الاڭ - بەكەتتەردى باسقارۋ جانە مەملەكەتتىك ساۋدا دەڭگەيى جاعىندا ماكرولىق تۇيسىك بەرە الادى. مىسالى، الاڭ - بەكەتتىڭ قابىلداۋ - جونەلتۋ مولشەرى، جۇڭگو - ەۆروپا كەزەكشى پويەزىنىڭ جونەلتىلۋ جاعدايى، الاڭ - بەكەتتىڭ جۇمىس مىندەتى سياقتى ينفورماتسيالارعا ساناق جۇرگىزىپ، تالداۋ جاساپ، الاڭ - بەكەتتىڭ جالپى جۇمىس جاعدايىن ءبىلىپ وتىرۋعا بولادى.
الاڭ - بەكەتتى باسقارۋدا حاۋىپسىزدىك ماسەلەسى ماڭداي الدى ۇلكەن ءىس سانالادى. حاۋىپسىزدىك قالپاعىن كيمەۋ، پويەز جولىندا بوگدە زاتتار تۇرۋ، اۆتوكولىكتەردىڭ بەلگىلەمەگە قايشى توقتاۋى سياقتى قۇبىلىستارعا بۇرىن ارناۋلى ادام شارلاۋ - تەكسەرۋ جۇرگىزۋگە تۋرا كەلەتىن، قازىر جۇيە كورۋ تۇيسىگىمەن پارىقتاۋ الگوريتمى ارقىلى ”سيفرلى ەگىز“ ورتادان الاڭ - بەكەتتىڭ حاۋىپسىزدىك كومەسكى قاتەرلەرىن جەدەل تالداپ شىعادى ءارى ونى ءبىر پەرنەمەن باسقارۋ، شارلاۋ قىزمەتكەرلەرىنىڭ دەر كەزىندە ءبىر جاقتى ەتۋىنە حابارلايدى.
شينجياڭ حالىقارالىق قۇرلىقتىق پورتى توبى شەكتى جاۋاپكەرشىلىك سەرىكتەستىگىنىڭ قاتىستى جاۋاپتىسى بىلاي دەپ تانىستىردى: 2019 - جىلدان 2021 - جىلعا دەيىن ونەركاسىپ ينتەرنەتى، زاتتار ينتەرنەتى، ۇلكەن ساندى مالىمەت جانە ”سيفرلى ەگىز“ سياقتى وزىق تەحنيكالارعا سۇيەنىپ، سەرىكتەستىگىمىز قازىر زەردەلى الاڭ - بەكەتتىك جۇمىس جۇرگىزۋدى جۇزەگە اسىرىپ، العاشقى قادامدا كەمەلدى ينفورماتسيالانعان جۇمىس جۇيەسىن قۇرىپ، كاسىپورىننىڭ سيفرلانۋعا قاراي تيبىن وزگەرتۋىنە قۋات ۇستەۋگە جانە ساپالىلانۋىنا تىرەك بولدى، سونداي - اق قۇرلىقتىق پورت توبىنىڭ سيفرلى ەكونوميكامەن قاۋىشۋىن ونان ارى ىلگەرىلەتىپ، وڭىرلىك وزەكتى باسەكەلىك قۋاتتى جوعارىلاتىپ، قۇرلىقتىق پورتى اۋماعىنىڭ، ءتىپتى، ءۇرىمجى قالاسىنىڭ ەكونوميكاسىن جوعارى ساپالى دامۋعا جەتەكتەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
