اۆتونوميالى رايون ”زورلىقپەن ەڭبەككە سالدى“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسىن اشتى
ءبىزدىڭ بالداي ءتاتتى تۇرمىسىمىزعا جالا جابۋعا، كۇيە جاعۋعا بولمايدى
2021.12.21 16:20 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى فان چيۇڭيان 12 - ايدىڭ 19 - كۇنى ۇرىمجىدەن حابارلايدى. اۆتونوميالى رايون ”زورلىقپەن ەڭبەككە سالدى“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسىن 12 - ايدىڭ 19 - كۇنى اشتى، ءماجىلىس مامان - وقىمىستىلاردى، ءار ۇلت بۇقاراسىن ەڭبەك ارقىلى تاماشا تۇرمىس جاراتقان شىندىقتاردى بايانداۋعا ۇسىنىس ەتىپ، امەريكاداعى، باتىستاعى جۇڭگوعا قارسى كۇشتەردىڭ شينجياڭعا ساياتىن ”زورلىقپەن ەڭبەككە سالدى“ دەگەن وسەك - اياڭ، ساندىراقتارىنا پارمەندى تويتارىس بەردى.
”شينجياڭدا ’ەڭبەكشىلەردىڭ نانى ءتاتتى‘ دەگەن ءتامسىل بار“. شينجياڭ قازىنا - ەكونوميكا داشۋەسى ەكونوميكا شۋەيۋانىنىڭ دوتسەنتى امەتجان ابدۇحالىق بىلاي دەدى: ءار ۇلت بۇقاراسى ەڭبەكتەنىپ اقى الۋ ارقىلى تۇرمىسىن جاقسارتتى، مۇنى قالاي ”زورلىقپەن ەڭبەككە سالدى“ دەۋگە بولادى؟ كەرىسىنشە، امەريكاداعى، باتىستاعى جۇڭگوعا قارسى كۇشتەر جاقسىلاپ تولعانىپ، ءوز مەملەكەتىندەگى ادامدىق ۇقىقتىڭ بىلىق - شىلىعىن قالاي جيناستىرۋ جونىندە ويلانۋى كەرەك.
كەريا اۋدانى ارىش اۋىلى اقتەرەك قىستاق تۇرعىندار كوميتەتىنىڭ مەڭگەرۋشىسى ءماتياسىن ءماتتۇرسۇن مىنانى ءبىلدىردى: ”ءبىز قانداي كاسىپپەن شۇعىلدانساق تا، باستان - اياق ءوز قالاۋىمىز بويىنشا تاڭدادىق، ەشكىم دە زورلىق كورسەتپەدى“. ول قىستاق تۇرعىنى مامەت ابدۇحاۋاردىڭ قىستاق تۇرعىندار كوميتەتىنىڭ كومەگىندە جاڭعاق وڭدەۋ زاۆودىن قۇرىپ، قىستاق تۇرعىندارىنىڭ جۇمىسقا ورنالاسىپ كىرىسىن ارتتىرۋىنا جەتەكشىلىك ەتكەن اڭگىمەسىن تانىستىردى. ولاردىڭ قىستاعىندا مامەت سياقتى قۇلشىنۋ ارقىلى باقىتتى دا تاماشا تۇرمىس كەشىرىپ جاتقاندار ءتىپتى كوپ. ”امەريكاداعى، باتىستاعى جۇڭگوعا قارسى كۇشتەردىڭ ءبىزدىڭ بالداي ءتاتتى تۇرمىسىمىزعا جالا جابۋىنا، كۇيە جاعۋىنا بولمايدى“، - دەدى ءماتياسىن.
”ءوز ءىسىڭدى جاقسى ىستەسەڭ، وسەك - اياڭ وزدىگىنەن توزىپ جوعالادى“! بۇراتالا وبلىسى ورتا ازيا شەكتى جاۋاپكەرشىلىك سەرىكتەستىگىنىڭ جاۋاپتىسى جاۋ يوۋگو بىلاي دەپ تانىستىردى: سەرىكتەستىك نەگىزىنەن ءشيتتى ماقتا ساتىپ الۋمەن، وڭدەۋمەن جانە تازا ماقتا ساتۋمەن شۇعىلدانادى، ءوندىرىس ماۋسىمىندا 60 − 70 جۇمىس ورنىمەن قامدايدى، قىزمەتكەرلەر ءوز ەرىكتەرىمەن كاسىپورىنعا كەلىپ قىزمەت ىستەيدى، سەرىكتەستىك ولاردى تەگىن تاماقپەن، جاتىن ورىنمەن قامدايدى، ەڭبەكاقىسىن ۋاعىندا تاراتادى.
كورلا قالاسى پۋحۇي مال فەرماسىنىڭ ماقتاشىسى امەر جالەل ەس بىلگەننەن تارتىپ، اكەلەرىمەن بىرگە وسى ارادا ماقتا ەگىپ كەلەدى. قازىر ول 200 مۋدان استام ماقتا اتىزىن اينالىمعا سالىپ، جىلىنا 100 مىڭ يۋان كىرىس كىرگىزىپ، 1400دەن استام قوي باعىپ وتىر. قازىر قىستاقتا ونىڭ وتباسى سياقتى قوس كىرىستى وتباسىلار از ەمەس. ول بىلاي دەپ قارادى: دۇنيەدە كەدەي جوق، جالقاۋ عانا بار، ەڭبەك ەتۋگە، قۇلشىنۋعا پەيىل بولسا بولعانى، تۇرمىس بارعان سايىن جاقسارا تۇسەدى. ”جات نيەتتى ادامدار ءبىزدىڭ ءوز ەڭبەگىمىزدى ’زورلىقپەن ەڭبەككە سالدى‘ دەپ جالا جاۋىپ وتىر، بۇل ءبىزدىڭ جاقسى تۇرمىس كەشىرۋىمىزدى كورگىسى كەلمەگەندىك“! - دەدى امەر.
قارامايلى قالاسى قارامايلى رايونى قىزىل تۋ جولى مەشىتىنىڭ يمامى يىلپار اشىمجان كوپتەگەن تۋىس - تۋعان، دوس - جاراندارىنىڭ كاسىپورىندا جۇمىس ىستەيتىندىگىن، كاسىپورىنداردىڭ ولارعا ”بەس قامسىزداندىرۋ مەن تۇرعىن ءۇي الەۋمەتتىك قورىن“ تاپسىراتىندىعىن، تاعى دوستارىنىڭ مەملەكەت قىزمەتكەرلىگىنە قابىلدانعاندىعىن، كوپشىلىكتىڭ قۇلشىنۋ ارقىلى ءۇي جانە اۆتوكولىك ساتىپ الىپ، تۇرمىسى بارعان سايىن جاقسارعاندىعىن ايتتى.
اقپار جاريالاۋ ءماجىلىسىن باسقارۋشى قايرات مىنانى ءبىلدىردى: شينجياڭدا ءار ۇلت بۇقاراسىنىڭ ەڭبەك ۇقىق - مۇددەسى جۇڭگونىڭ نەگىزگى زاڭىنىڭ جانە زاڭدارىنىڭ قورعاۋىندا بولادى، كوپشىلىكتىڭ بارلىعىندا كاسىپ تاڭداۋ ەركىندىگى بار، قاي جەرگە بارسا دا، قانداي قىزمەت ىستەسە دە ءوز قالاۋىمەن بولادى، باس بوستاندىعى ەشقانداي شەكتەمەگە ۇشىرامايدى؛ ءار ۇلت بۇقاراسىنىڭ عۇرىپ - ادەتى، ءدىني سەنىمى، ءوز ۇلتىنىڭ ءتىل - جازۋىن قولدانۋى سياقتىلار دا زاڭ بويىنشا قورعالادى؛ قاتىستى كاسىپورىندار دا ولارعا تاماشا قىزمەت، تۇرمىس شارت - جاعدايىن ازىرلەپ، قىزمەتتىڭ جايلى، تۇرمىستىڭ قامسىز، وتباسىنداعىلاردىڭ الاڭسىز بولۋىنا شىنايى كەپىلدىك ەتتى، ”زورلىقپەن ەڭبەككە سالۋ“ جاعدايى مۇلدە جوق.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
