رايونىمىزدا كوپتەگەن جەرلەر ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى
جۇدىرىق قانشا جۋان بولعانىمەن الەمدى بيلەي المايدى، وسەك - اياڭ قانشا اككىلىكپەن قيىستىرىلسا دا شىندىقتى بۇركەمەلەي المايدى
2021.12.21 16:21 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي لين 12 - ايدىڭ 19 - كۇنى ۇرىمجىدەن حابارلايدى. 12 - ايدىڭ 18 -، 19 - كۇندەرى شينجياڭ ينجەنەريا شۋەيۋانى، قاشقار ايماعى، اقسۋ كاسىپتىك - تەحنيكالىق شۋەيۋانى، حوتان ايماعى ارت - ارتىنان ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى. قالىڭ وقىتۋشى - وقۋشىلار جانە نەگىزگى ساتىداعى بۇقارا ۋاكىلدەرى امەريكاداعى، باتىستاعى جۇڭگوعا قارسى كۇشتەر ويدان قيىستىرعان ايتىلمىس شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەن شىلعي وتىرىككە شىندىق ارقىلى تويتارىس بەردى.
شينجياڭ ينجەنەريا شۋەيۋانى قۇرىلىس ينجەنەرلىگى شۋەيۋانىنىڭ جەتەكشىسى ىپارگۇل پارحات بىلاي دەدى: كەزەكتە شينجياڭنىڭ قوعامى ورنىقتى، ەكونوميكاسى ورنىقتى دامۋدا، ەگىس اتىزدارىندا اۋىل شارۋاشىلىق دارىلەرىن ۇشقىش اپپارات شاشادى، ەگىنشىلىك پەن جيىن - تەرىن ماشينالاسقان، زاۆودتاردىڭ وسىزاماندانعان ءوندىرىس ۇلاسپالى جەلىلەرىن كەز كەلگەن جەردەن كەزدەستىرۋگە بولادى. ءار ۇلت بۇقاراسى ءوزىنىڭ قوس قولىمەن باقىتتى تۇرمىس جاراتۋدا، قايداعى ”زورلىقپەن ەڭبەككە سالۋ“ بولسىن؟ امەريكاداعى، باتىستاعى جۇڭگوعا قارسى كۇشتەر وسەك - اياڭ ارقىلى جۇڭگوعا كۇيە جاقتى، ولاردىڭ سۇرقيا نيەتى بەسەنەدەن بەلگىلى. وقىتۋشى - وقۋشىلار بۇنى قاتاڭ جازعىرادى!
”ءبىزدىڭ قاجىرلى ەڭبەگىمىز، قۇلشىنا اقشا تابۋىمىز ءوز تۇرمىسىمىزدى اناعۇرلىم جاقسى وتكىزۋ ءۇشىن، ەشكىم ءبىزدى زورلاعان ەمەس“! قاشقار ايماعىندا اشىلعان جۇمىسشىلار مەن شارۋالاردىڭ ارناۋلى اڭگىمە ماجىلىسىندە شينجياڭ جىڭلۇن ساۋدا - ونەركاسىپ شەكتى سەرىكتەستىگىنىڭ قىزمەتكەرى اۋاگۇل رىشيت بىلاي دەدى: بيىل 6 - ايدا سەرىكتەستىك كەزدەمە توقۋ زاۆودىن قۇردى، قىزمەت ناتيجەم كورنەكتى بولعاندىقتان، سەح جاۋاپتىسى بولىپ تاعايىندالدىم. بۇل اراداعى قىزمەتكەرلەردىڭ ايلىق ورتاشا ەڭبەكاقىسى 3000 يۋاننان اسادى، مەرەكە - مەيرامدارداعى يگىلىكتەر ءوز الدىنا. جۇمىسشى دوستارىممەن بىرگە تۇراقتى جۇمىستانۋ ارقىلى ءومىر قۇنىمدى جۇزەگە اسىرىپ، وتباسى تۇرمىس شارت - جاعدايىمدى جاقسارتتىم. جانە ءبىر جەكەلىك اۆتوكولىك ساتىپ الدىم، دەمالىس كۇندەرى وتباسىمداعىلاردى ەرتىپ سىرتقا شىعىپ كوشە ارالاپ، كورىنىس تاماشالاپ، كوڭىل كوتەرىپ قايتامىن. ”ويدان وسەك - اياڭ قيىستىرۋشىلار ءبىزدىڭ شىنايى تۇرمىسىمىزدى كورمەي، شىنايى ءسوزىمىزدى تىڭداماي، الباتى سويلەپ، مۇلدە ازەزىلدىك ىستەپ وتىر“، - دەدى اۋاگۇل ىزالى تۇردە.
اقسۋ كاسىپتىك - تەحنيكالىق شۋەيۋانىندا اشىلعان اڭگىمە ماجىلىستە وقىتۋشى - وقۋشىلاردىڭ ۋاكىلدەرى امەريكاداعى، باتىستاعى جۇڭگوعا قارسى كۇشتەردىڭ وسەك - اياڭىنا شىندىق ارقىلى قايتارما سوققى بەردى. اقسۋ كاسىپتىك - تەحنيكالىق شۋەيۋانى مەديتسينا شۋەيۋانىنىڭ باستىعى ورنيسا ۇيسىن: شينجياڭدا ءار ۇلت بۇقاراسىنىڭ ەڭبەك ىستەپ جۇمىسقا ورنالاسۋى بۇكىلدەي ەرىكتى، جەر - جەردەگى ۇكىمەتتەر دە كوپتەگەن جۇمىسقا ورنالاستىرۋ ساياساتتارىن بەلگىلەپ، ءار ۇلت بۇقاراسىنىڭ ۇقىق - مۇددەسىن قامتاماسىز ەتىپ، ولارعا اناعۇرلىم كوپ جۇمىسقا ورنالاسۋ تالعامى مەن دامۋ تۇعىرىن ازىرلەپ بەردى. ءار ۇلت بۇقاراسى ەڭبەك ەتىپ، جۇمىستانۋ ارقىلى وزدەرىنىڭ تاماشا تۇرمىسىن جاراتتى، - دەدى.
حوتان ايماعىندا اشىلعان اڭگىمە ماجىلىستە ءارقايسى اۋدان، قالالاردان كەلگەن جۇمىسشىلار مەن شارۋالار ۋاكىلدەرى جابال مىنانى ءبىلدىردى: جۇدىرىق قانشا جۋان بولعانىمەن الەمدى بيلەي المايدى، وسەك - اياڭ قانشا اككىلىكپەن قيىستىرىلسا دا شىندىقتى بۇركەمەلەي المايدى. حوتان قالاسى جييا اۋىلى ىنتىماق جاڭا قىستاعىنداعى ابدۇقيۇم مامەتيمىن بىلاي دەدى: مەن تۇرعان قىستاق سوڭعى جىلدارى عانا سالىنعان جاڭا قىستاق، ءار وتباسىندا 80 شارشى مەترلىك بەيقۇت ءۇي، ولشەمدەنگەن قوي قورا بار، اۋلاعا ءجۇزىم سورەسى ورناتىلعان، تاعى 2 كوكونىس جىلىجايى دا بار. سۋ، توك، گاز جەتكىزىلۋمەن بىرگە، اسپا پەش، تەلەۆيزور، گاز وشاق سياقتى تۇرمىستىق قۇرىلعىلار دا تەگىن ورنالاستىرىلعان. ءبىزدىڭ ءۇيدىڭ كوكونىس جىلجايىنداعى پاميدور، قىزىل بۇرىش، قياردىڭ جىلدىق كىرىسى 30 مىڭ يۋاننان اسادى. قىستاقتاعى كەيبىرەۋلەر بۇلدىرگەن، حولۇڭگو سياقتى ەرەكشە جەمىستەر ەككەن. جاز كەلىسىمەن كوپتەگەن قالالىقتار قىستاققا كەلىپ سەيىل - سەرۋەن قۇرىپ، ساياحاتتايدى. قىستاق تۇرعىندارى قاجىرلى ەڭبەكتەرىنە سۇيەنىپ تاماشا تۇرمىس جاراتتى. ابدۇقيۇم: بىزگە جالا جاپقان ادامدار قىستاعىمىزعا كەلىپ كورسىن، سوندا ولار وزدەرىنىڭ وسەك - اياڭىنىڭ قانشالىقتى ساندىراق ەكەنىن بىلەتىن بولادى، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
