شي جينپيڭ ماڭىزدى نۇسقاۋ بەرىپ مىنانى دارىپتەدى
پارتيا ىشىندەگى زاڭ - ەرەجەنى ويداعىداي ساۋلەلەندىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن قورعاپ، پارتيانىڭ ۇزاق ۋاقىت بيلىك جۇرگىزۋىن جانە مەملەكەتتىڭ باياندى تىنىشتىعى جاعىنداعى ماڭىزدى رولىن قامتاماسىزداندىرۋ كەرەك
ۋاڭ حۋنيڭ پارتيا ىشىندەگى زاڭ - ەرەجە قىزمەتى جونىندەگى مەملەكەتتىك ماجىلىسكە قاتىناستى ءارى ءسوز سويلەدى
2021.12.21 16:29 كەلۋ قاينارى : حالىق تورابى
«حالىق گازەتى»، 12 - ايدىڭ 20 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ماڭىزدى نۇسقاۋ بەرىپ، مىنالاردى دارىپتەدى: پارتيامىز پارتيا ىشىندەگى زاڭ - ەرەجە، ءتۇزىم قۇرىلىسىنا اۋەلدەن ءمان بەرىپ، پارتيا ىشىندەگى زاڭ - ەرەجە ارقىلى پارتيانى باسقارۋعا، پارتيانى جونگە سالۋعا، پارتيانىڭ بيلىك جۇرگىزۋ قابىلەتى مەن باسشىلىق ورەسىن جوعارىلاتۋعا باسا ءمان بەرىپ كەلەدى. پارتيانىڭ 18 - قۇرىلتايىنان بەرى پارتيا ورتالىق كوميتەتى پارتيانى جاپپاي قاتاڭ جونگە سالۋدا، پارتيانى ەرەجە بويىنشا جونگە سالۋدا تاباندى بولىپ، پارتيا ۋستاۆىن قاتاڭ اتقارىپ، پارتيا ىشىندەگى ءبىرشاما كەمەلدى زاڭ - ەرەجە جۇيەسىن قالىپتاستىرىپ، ءتۇزىمنىڭ بەدەلى مەن اتقارۋ قۋاتىن ۇزدىكسىز كۇشەيتىپ، پارتيا ىشىندەگى زاڭ - ەرەجە، ءتۇزىم قۇرىلىسىندا كورنەكتى تابىستارعا قول جەتكىزىپ، تىڭ دا ماڭىزدى تاجىريبەلەر توپتادى. پارتيانى ەرەجە بويىنشا جونگە سالۋ سانالىلىعى مەن تاباندىلىعىن كۇشەيتىپ، ساياسي بەتالىستى مىقتاپ يگەرىپ، ساياسي دەڭگەيدى جوعارىلاتىپ، ساياسي جاۋاپكەرلىكتى ارقالاپ، پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتىپ، پارتيا ىشىندەگى زاڭ - ەرەجە، ءتۇزىم قۇرىلىسىن ۇزدىكسىز ىلگەرىلەتۋ كەرەك. پارتيا ىشىندەگى زاڭ - ەرەجەنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن قورعاۋ، پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىن قامتاماسىز ەتۋ جاعىنداعى ماڭىزدى رولىن ويداعىداي ساۋلەلەندىرىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋ، پارتيانى جاپپاي قاتاڭ جونگە سالۋدى تياناقتاندىرۋ جاعىنداعى ماڭىزدى رولىن ويداعىداي ساۋلەلەندىرىپ، پارتيانىڭ جۇڭگوشا سوتسياليزمدە تاباندى بولۋ جانە ونى دامىتۋ تاريحي ۇردىسىندە باستان - اياق پارمەندى باسشىلىق ۇيىتقى بولۋىنا كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى ساياسي كەپىلدىك ازىرلەۋ كەرەك.
پارتيا ىشىندەگى زاڭ - ەرەجە قىزمەتى جونىندەگى مەملەكەتتىك ءماجىلىس 12 - ايدىڭ 20 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنانى ءبىلدىردى: باس شۋجي شي جينپيڭنىڭ ماڭىزدى نۇسقاۋى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە ءجۇز جىلدان بەرى بولماعان زور وزگەرىس جاعدايىن ءبىر تۇتاس جوسپارلاۋ تۇرعىسىنان، پارتيا ىشىندەگى زاڭ - ەرەجە، ءتۇزىم قۇرىلىسىنىڭ پارتيانى باسقارۋ، پارتيانى جونگە سالۋ، پارتيانىڭ بيلىك جۇرگىزۋ قابىلەتى مەن باسشىلىق ورەسىن جوعارىلاتۋداعى ماڭىزدى ورنىن ىشكەرىلەي پايىمداپ، پارتيا 18 - قۇرىلتايىنان بەرگى پارتيا ىشىندەگى زاڭ - ەرەجە، ءتۇزىم قۇرىلىسىنداعى كورنەكتى ناتيجەلەردى تولىق تۇراقتاندىرىپ، پارتيانى ەرەجە بويىنشا جونگە سالۋدى تەرەڭدەتۋ، پارتيا ىشىندەگى زاڭ - ەرەجە، ءتۇزىم قۇرىلىسىن كۇشەيتۋ جونىندە ايقىن تالاپتار قويىپ، جاڭا جورىقتا پارتيا ىشىندەگى زاڭ - ەرەجە قىزمەتىن ويداعىداي ىستەۋگە ءتۇبىرلى تياناق ازىرلەدى. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، پارتيا ىشىندەگى زاڭ - ەرەجە، ءتۇزىم قۇرىلىسىن ىشكەرىلەي ىلگەرىلەتىپ، پارتيا ىشىندەگى زاڭ - ەرەجە جۇيەسىن اناعۇرلىم كەمەلدەندىرىپ، ءتۇزىمدى اناعۇرلىم قاتاڭ اتقارىپ، ءتۇزىم ابزالدىعىن اناعۇرلىم جاقسارتىپ، جونگە سالۋ ونىمدىلىگىنە اينالدىرۋ كەرەك.
ۋاڭ حۋنيڭ مىنانى ءبىلدىردى: پارتيانىڭ 18 - قۇرىلتايىنان بەرى باس شۋجي شي جينپيڭ پارتيانىڭ ۇزاق ۋاقىت بيلىك جۇرگىزۋىن جانە مەملەكەتتىڭ باياندى تىنىشتىعىن كوزدە ۇستاي وتىرىپ، پارتيانىڭ ءارى نەگىزگى زاڭ مەن زاڭدار بويىنشا ەل باسقارۋىن، ءارى پارتيا ىشىندەگى زاڭ - ەرەجە بويىنشا پارتيانى باسقارىپ، جونگە سالۋىن جاسامپازدىقپەن ورتاعا قويىپ، جاڭا داۋىردەگى پارتيا ىشىندەگى زاڭ - ەرەجە، ءتۇزىم قۇرىلىسىن كۇشەيتۋ جونىندە كوپتەگەن ماڭىزدى تۇجىرىم جانە تەرەڭ پايىمداۋ جاسادى. باس شۋجي شي جينپيڭنىڭ پارتيانى ەرەجە بويىنشا جونگە سالۋ جونىندەگى ماڭىزدى پايىمداۋىندا پارتيانى ەرەجە بويىنشا جونگە سالۋدا تاباندى بولۋدىڭ، پارتيا ىشىندەگى زاڭ - ەرەجە، ءتۇزىم قۇرىلىسىن كۇشەيتۋدىڭ نەگىزگى ماسەلەلەرى جان - جاقتى پايىمدالىپ، پارتيا قۇرىلىسى مەن پارتيانىڭ ۇزاق ۋاقىت بيلىك جۇرگىزۋىنىڭ زاڭدىلىعى جونىندەگى تانىم تەرەڭدەتىلدى، بۇل شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولەگى سانالادى. جاڭا جورىقتا شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، تياناقتاندىرىپ، پارتيا ىشىندەگى زاڭ - ەرەجە قىزمەتىنىڭ ساپاسىن جاپپاي جوعارىلاتىپ، پارتيا ىشىندەگى زاڭ - ەرەجە، ءتۇزىم قۇرىلىسىندا ۇزدىكسىز تىڭ قادام تاستاۋدى ىلگەرىلەتۋ كەرەك.
ديڭ شۋەشياڭ ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءماجىلىستى باسقاردى. ياڭ شياۋدۋ، چىن شي، گو شىڭكۇن، حۋاڭ كۇنميڭ ماجىلىسكە قاتىناستى.
ىشكى موڭعۇل اۆتونوميالى رايونى، سىچۋان ولكەسى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى، ورتالىق ۇيىمداستىرۋ ءبولىمى، ورتالىق پەن مەملەكەت ورگاندارى قىزمەت كوميتەتى سياقتى جەرگىلىكتى ورىندارداعى جانە تاراۋلارداعى جاۋاپتى جولداستار پىكىر الماستىرىپ، ءسوز سويلەدى.
ولكە، اۆتونوميالى رايون، توتە قاراستى قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ پارتكومدارىنداعى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى كەڭسەسىندەگى جاۋاپتى جولداستار، قاتىستى جوعارى مەكتەپ پارتكومدارىنداعى جاۋاپتى جولداستار قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ولكە، اۆتونوميالى رايون، توتە قاراستى قالالار مەن شينجياڭ ءوندىرىس - قۇرىلىس بيڭتۋانىندا بولىمشە ءماجىلىس الاڭى ورنالاستىرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
