جەتپىستەگى قاريا توراڭعى ورمانى جيەگىنە ءدارى ءشوپ ەكتى
انار بۇلت / شينجياڭ گازەتىنىڭ ءتىلشىسى رىن جياڭ
2021.12.22 14:05 كەلۋ قاينارى : شينجياڭ گازەتى
60 جاسقا كەلگەن تۋعان كۇنىندە بىرەۋ جوۋ شاۋدۇڭعا ءبىر اسا تاياق ۇسىندى، ول ونى جانىنداي كورىپ، ءار جولى سىرتقا شىققاندا قولىنان تاستامايتىن. 70 جاسقا كەلگەندە ول اسا تاياقتى زات ساقتاۋ بولمەسىنە تاستاپ جانە شاشىن قاراعا بوياتىپ، باسقالارمەن بىرلەسىپ ءدارى ءشوپ ەگۋدى قولعا الدى، ”قازىر باسقالاردىڭ مەنى قارتايدىڭ دەگەنىن ەستىگىم كەلمەيدى، مەن ءالى شارۋاشىلىق قۇرىپ جاتىرمىن عوي“.
جوۋ شاۋدۇڭ بيىل 72 جاستا، قازىرگى سالاۋاتى شينجياڭ ليڭجيحۋا يشىڭيۋان اۋىل شارۋاشىلىق عىلىم - تەحنيكاسىن اشۋ شەكتى سەرىكتەستىگىنىڭ القا باستىعى. ونىڭ وتكەندەگى كەشىرمەسى سان الۋان − 1996 - جىلى حىناننان شينجياڭعا كەلىپ قۇلشىنىپ، شينجياڭدا اۋىل شارۋاشىلىق ونىمدەرىن ەگۋ، ساتۋ سياقتىلارمەن شۇعىلدانعان، كاسىبىن بارعان سايىن زورايتىپ، سانجى حۇيزۋ اۆتونوميالى وبلىسى، بايىنعولين موڭعۇل اۆتونوميالى وبلىسى جانە اقسۋ ايماعى سياقتى جەرلەردە نەداۋىر تانىمالى بولعان. كەيىن كەلە جاسىنىڭ ۇلعايۋىمەن ساۋداسىن بالاسىنا تابىستاپ، راقات كورگىسى كەلدى. ويلاماعان جەردەن ول جۇڭگوشا ءشوپ ءدارى كاسىپ سالاسىن دامىتۋ ءۇشىن شينجياڭعا كەلگەن ساۋداگەرلەرمەن جولىقتى، كوپشىلىكپەن ءسوزى ءبىر جەردەن شىقتى. 2019 - جىلى 70 جاستاعى جوۋ شاۋدۇڭ تاعى باسالقا بولىپ، بۇرىن شۇعىلدانىپ كورمەگەن ءدارى ءشوپ ەگۋ، مانەرلەۋ كاسىپ سالاسىندا تاعى دا تىڭ ءىس باستادى.
تاياۋدا سانجى مەملەكەتتىك اۋىل شارۋاشىلىق عىلىم - تەحنيكا باقشاسىنا ورنالاسقان جۇڭگوشا ءدارى ءشوپ حۋاحاي ۇلگى كورسەتۋ بازاسىندا ءتىلشى ءتۇرلى ءدارى شوپتەرىنىڭ الدەقاشان جينالىپ الىنعاندىعىن كوردى. جوۋ شاۋدۇڭ الدىنداعى ەگىنجايدى نۇسقاپ، دامۋ جوباسىن قۋانا باياندادى: ”سانجى لاۋلۇڭحى ءوڭىرىنىڭ مەيلى اۋا رايى الدە توپىراعى بولسىن، جۇڭگوشا ءشوپ ءدارى ەگۋگە ەرەكشە ۇيلەسەدى، ءدارى ونىمدىلىگى كوپتەگەن جەرلەردەگى وسى تەكتەس ونىمدەردەن جوعارى“. بيىل ولار وسى ارادا 7 ءتۇرلى سورت، جالپى 5200 نەشە مۋ جەرگە ءدارى ءشوپ ەكتى، بۇل الدەقاشان ونىمدىلىك كورسەتتى، ”جۇڭگوشا ءدارى ءشوپ حۋاحاي“ العاشقى قادامدا كولەم قالىپتاستىردى. ”بولاشاقتا بازاداعى ەگۋ اۋماعىن 10 مىڭ مۋعا دەيىن كەڭەيتەمىز“، - دەدى جوۋ شاۋدۇڭ.
قازىر جۇڭگوشا ءدارى ءشوپ حۋاحاي ۇلگى كورسەتۋ بازاسىنا نەشە 10 ميلليون يۋان ۇسىنىلىم قوسىلدى، مۇنىڭ ىشىندە جوۋ شاۋدۇڭ 5 ميلليون يۋان قوستى، وسى ءۇشىن ءۇيىن كەپىلگە قويىپ قارىز اقشا الدى. دوستارى وعان سالماقتىلىقپەن ويلانۋ جونىندە ءناسيحات ايتادى، قانشا دەگەنمەن ول جۇڭگوشا ءدارى شوپتەرىن ەگۋمەن اينالىسىپ كورمەگەن عوي. ”مەن 72 جاسقا كەلدىم، ۋاقىتتى ەندىگارى ىسىراپ ەتۋگە بولمايدى، وراي بولعاندا مىقتى يگەرىپ ىستەۋىم كەرەك“، - دەيدى ول.
جۇڭگوشا ءشوپ ءدارى ەگۋ بازاسى سانجى لاۋلۇڭحى توراڭعى ورمانى كورىنىس ءوڭىرىنىڭ ىرگەسىندە، جوۋ شاۋدۇڭ سەرىكتەسۋشىلەرىمەن بىرگە بولاشاق دامۋ جوباسىن جاسادى − 10 مىڭ مۋلىق جۇڭگوشا ءدارى ءشوپ ۇلگى كورسەتۋ بازاسى، ءدارى ءشوپ جىنتىكتەي مانەرلەۋ بازاسى، جۇڭگوشا ءدارى - دارمەكتى زەرتتەۋ - اشۋ، جۇڭگوشا ءدارى شوپتەرىمەن ساۋىقتىرۋ - كۇتىمدەۋ بازاسى، ساياحات، سەيىل - سەرۋەن... جۇڭگوشا ءشوپ ءدارى ەگۋدىڭ كاسىپ سالاسى تىزبەگىن اناعۇرلىم كەڭەيتىپ، زورايتىپ، جۇڭگوشا ءدارى ءشوبىن ەگۋ، مانەرلەۋ، ساتۋ جانە حۋاحاي ساياحاتى سياقتىلاردى قالىپتاستىرۋ.
جۇمىس العاشقى شارۋاشىلىق قۇرۋ مەزگىلىندە تۇر، جوۋ شاۋدۇڭ ءار كۇنى 10 ساعاتتىڭ ۇستىندە قىزمەت ىستەگەنىمەن، تيتتەي دە شارشاپ - شالدىققان ەمەس، ”كەيبىرەۋلەر بوس ۋاقىتىندا قارتا ويناۋدى جاقسى كورەدى، كەيبىرەۋلەر اراق ىشكىسى كەلەدى، مەن ءار كۇنى ءتۇرلى جۇمىسپەن قاربالاس بولامىن، توقتاۋسىز ويلانامىن، مۇنىڭ ءوزى وتە جاقسى ءلاززات الۋ جانە شىنىعۋ بولىپ تابىلادى“، - دەيدى ول.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
