شينجياڭنىڭ ىسان قۇرىلىسىندا ورنىقتىلىق بارىسىندا جاقسارۋ جاعدايى جارىققا شىقتى
2021.12.22 14:10 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى شى شين 12 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، بيىل 11 - ايدىڭ سوڭىنا دەيىن رايونىمىزدا 4207 نىسان سالىنىپ بولعان ءارى ونىمدىلىگىن ساۋلەلەندىرگەن، بۇعان 205 ميلليارد 600 ميلليون يۋان قارجى قوسىلعان؛ جاڭادان سالىناتىن 3355 نىسان باستاپ سالىنۋ نىساناسىن جوسپارداعى ۋاقىت شەگىنەن ءبىر جارىم اي بۇرىن ورىنداعان؛ 3388 زاپاس نىساننىڭ كادەگە جاراۋ مولشەرى ％76كە جەتىپ، جىلىنا ％30تىك كادەگە جاراتۋ نىسانا - مىندەتىن اسىرا ورىنداپ، نىساننىڭ ىلگەرىلەتىلۋ جاعدايىندا ورنىقتىلىق بارىسىندا جاقسارۋ جاعدايى جارىققا شىققان.
بيىل جىل باسىنان بەرى، اۆتونوميالى رايوندىق دامۋ جانە رەفورما كوميتەتى اۆتونوميالى رايوندىق پارتكومنىڭ ءتۇيىندى قىزمەت ورنالاستىرۋلارىن تاباندىلىقپەن باتىل دايەكتىلەندىرىپ، تياناقتاندىرىپ، نىسانداردى يگەرۋ ارقىلى قارجى قوسۋدى جەبەپ، ارتۋدى ورنىقتىرۋدىڭ ”N + 1“ قىزمەتتى تياناقتاندىرۋ ۇلگىسىن بەلسەنە ورناتىپ، نىسان قۇرىلىسىن بار كۇشپەن جىلدام ىلگەرىلەتىپ، نىسان قۇرىلىسى ارقىلى ءونىمدى قارجى قوسۋدى جەتەكتەپ، ءونىمدى قارجى قوسۋ ارقىلى ەكونوميكانىڭ جوعارى ساپالى دامۋىنا دەم بەردى.
بيىل بۇكىل رايوننىڭ نىسان قۇرىلىسىندا ”بەستە جاقسى“ جاعداي جارىققا شىقتى، ياعني مەحانيزمدىك رولدى جاقسى ساۋلەلەندىرۋ، نىسانداردى ىلگەرىلەتۋ جاعدايى جاقسى بولۋ، ءتۇيىندى نىسانداردىڭ اياق الىسى جاقسى بولۋ، قارجى توپتاۋدى ويداعىداي قامتاماسىز ەتۋ جاقسى بولۋ، جالپى تۇلعالىق ورىنداۋ ونىمدىلىگى جاقسى بولۋ.
اۆتونوميالى رايون نىسانداردى ىلگەرىلەتۋدىڭ ”10 ۇلكەن مەحانيزمىن“ ورناتىپ، كەمەلدەندىرىپ، ولكە دارەجەلى باسشىلاردىڭ ءتۇيىندى نىساندارمەن بايلانىس ورناتۋى، 6 ەلەۋلى تىزىمدىگى، نىسان قۇرىلىستارىن ىلگەرىلەتۋدى جايعاستىرۋ ءماجىلىسى سياقتى سايكەستى شارالاردى تياناقتاندىرىپ، نىسان قۇرىلىستارىن ىلگەرىلەتۋدى بەينەجازبا ارقىلى جايعاستىرۋ ءماجىلىسىن ىلگەرىندى - كەيىندى 10 رەت اشىپ، 50 ماڭىزدى شەشۋشى بوگەتتىك، قيىن ماسەلەنى جوعارى ونىمدىلىكپەن شەشتى.
11 - ايدىڭ سوڭىنا دەيىن اۆتونوميالى رايوننىڭ 350 ءتۇيىندى نىسانىنا جيىنى 241 ميلليارد 360 ميلليون يۋان قارجى قوسىلىپ، جىلدىق جوسپارداعى قوسىلاتىن قارجى ％100.6 ورىندالىپ، تۇتاس جىلدىق نىسانا - مىندەت ءبىر اي بۇرىن ورىندالدى. ارتاش سۋ يگىلىگى تورابى ينجەنەرياسى سياقتى 41 ءتۇيىندى نىسان سالىنىپ ىسكە قوسىلدى، قورعان سۋ يگىلىگى تورابى ينجەنەرياسى، جياڭجۇنمياۋ - نوم تەمىر جولى سياقتى 89 ءتۇيىندى نىسان جاڭادان جۇمىس باستادى.
بيىل اۆتونوميالى رايون ورتالىقتىڭ مەجە ەسەبىنەن ىلگەرىندى - كەيىندى 30 ميلليارد 930 ميلليون يۋان قارجى قوسۋدى قولعا كەلتىرىپ، جەرگىلىكتى ۇكىمەتتەردىڭ 76 ميلليارد 600 ميلليون يۋاندىق ارناۋلى زايومىن تاراتىپ، شينجياڭنىڭ فينانستىق جالپىلىق قىزمەت وتەۋ (مەملەكەتتىك ورتا، شاعىن كاسىپورىنداردىڭ قارجى قۇراۋ ۋنيۆەرسال سەنىمدىلىك قىزمەت وتەۋ تۇعىرى) تۇعىرى ارقىلى 8 ميلليارد 180 ميلليون يۋان قارىز اقشا تاراتىپ، 5 ميلليارد 600 ميلليون يۋان كاسىپورىن زايومىن تاراتىپ جانە تىزىمگە الدىرىپ، قوعامدىق كاپيتالعا 47 نىساندى تانىستىرۋدى ۇدايىلاندىردى، بۇل جالپى 97 ميلليارد 700 ميلليون يۋان قارجى قوسۋعا سايدى.
11 - ايدىڭ سوڭىنا دەيىن بۇكىل رايون بويىنشا قارجى قوسۋ كولەمى 5 ميلليون يۋاننان اساتىن 9542 نىسان ناقتى قىزمەت مولشەرى بويىنشا جىلدىق جوسپاردىڭ ％97.3ىن ورىندادى، بۇل بىلتىرعى سايكەس مەزگىلدەگىدەن 1.9 پايىز جوعارىلادى. جالعاستىرىپ سالىناتىن نىسانداردىڭ جۇمىسىن قالپىنا كەلتىرۋى، جاڭادان سالىناتىن نىسانداردىڭ جۇمىس باستاۋى، زاپاس نىسانداردى كادەگە جاراتۋ سياقتى ءتۇرلى نىسانا - مىندەتتەر مەرزىمىنەن بۇرىن ورىندالدى.
كەلەسى قادامدا اۆتونوميالى رايوندىق دامۋ جانە رەفورما كوميتەتى 2022 - جىلعى نىسان قۇرىلىستارىنىڭ ءتۇرلى قىزمەتتەرىن بەلسەنە جوسپارلاپ، كەلەلى نىسانداردىڭ ەكونوميكانىڭ ارتۋىن جەبەۋدەگى، كاسىپ سالاسى قۇرىلىمىن رەتتەۋدەگى، حالىق تۇرمىسىن قامتاماسىز ەتۋدەگى، جاقسارتۋداعى بەلسەندى رولىن شىن مانىندە ويداعىداي ساۋلەلەندىرىپ، ءتۇيىندى نىسان قۇرىلىستارىن جوعارى ساپامەن ىلگەرىلەتىپ، ءبىر توپ كەلەلى نىسانداردىڭ وندىرىسكە قوسىلىپ، ونىمدىلىككە جەتۋىن ىلگەرىلەتىپ، بۇكىل رايوننىڭ ەكونوميكالىق، قوعامدىق دامۋىنا پارمەندى تىرەك ازىرلەيدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
