بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

گۋاڭشي گۇيلين −

ۇلتتاردىڭ ارالاسۋىن، ىشتەسۋىن، توعىسۋىن جەبەدى

□ حالىق گازەتىنىڭ ءتىلشىسى جۋ جياچي، لي زۇڭ

2021.12.22 14:12     كەلۋ قاينارى : شينجياڭ گازەتى

  جاقىنعى جىلداردان بەرى گۋاڭشي جۋاڭزۋ اۆتونوميالى رايونى گۇيلين قالاسى جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلت قىزمەتىن ويداعىداي ىستەپ، ۇلتتار ىنتىماعى، العاباسارلىعىندا وزات ورىن قۇرۋ، وزات جەكە بولۋ قىزمەتىن ورىستەتۋدى ورگاندارعا ەنگىزۋ، اۋىل - قالاشىقتارعا ەنگىزۋ، قىستاقتارعا (الەۋمەتتىك اۋماق) ەنگىزۋ، مەكتەپتەرگە ەنگىزۋ، كاسىپورىندارعا ەنگىزۋ سياقتى ”10 ەنگىزۋدى“ تۇتقا ەتۋ ارقىلى تۇتاس قالادا جوعارىدان تومەنگە دەيىن ۇلتتار ىنتىماعى، العاباسارلىعىندا وزات ورىن قۇرۋ، وزات جەكە بولۋ قيمىلىن باي مازمۇندى، الۋان فورمادا ورىستەتۋدى ىلگەرىلەتىپ، ءوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن كۇش سالا قالىپتاستىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەدى.

  ”گۇيلينگە شارۋاشىلىق قۇرۋعا كەلگەنىم دۇرىس بولدى“

  جاڭا عانا قاقتالعان قوي ەتى كاۋابىنا بۋى بۇرقىراعان قوي ەتى سورپاسىن قوسىپ، ۇشتەن - بەستەن كەلگەن سىرلاس دوستار اڭگىمەلەسە وتىرىپ تاماقتانۋدا... قاراڭعى ءۇيىرىلىپ كەلە جاتقان شاق، گۇيلين ”راحمان ءدامدى تاعامدار بازارىنا“ كەلۋشىلەر قايشالىسىپ جاتتى.

  الدىنداعى دۋماندى كورىنىسكە كوز تاستاعان، تاعامجاي جۇرگىزۋشى ءومار راحمان: ”گۇيلينگە شارۋاشىلىق قۇرۋعا كەلگەنىم دۇرىس بولدى“، - دەدى تەبىرەنە.

  ءومار راحمان ۇيعۇر ۇلتىنان، 19 جىلدىڭ الدىندا شينجياڭ ۇيعۇر اۆتونوميالى رايونىنان گۇيلينگە كەلگەن ول ءتىل بىلمەيتىندىكتەن، وعان قوسا جەرگىلىكتى ورتا مەن قالا باسقارۋ بەلگىلەمەلەرىنە، ت. ب قانىق بولماعاندىقتان، ساۋدانى باستاۋى قيىنعا سوعادى. ”گۇيليندە تۇرىپ ىستەي بەرۋدىڭ قاجەتى بار ما، جوق پا دەپ تالاي رەت ءارى - ءسارى كۇيدە قالعان جەرىم بار“، - دەدى ول.

  جەرگىلىكتى پارتكوم مەن ۇكىمەتتىڭ كومەگى ءومار راحماننىڭ قيىنشىلىعىن دەر كەزىندە شەشتى. گۇيلين قالاسى شياڭشان رايوندىق ۇلت، ءدىن ىستەرى مەكەمەسىنىڭ، ءمالى جانە الەۋمەتتىك اۋماقتىڭ قىزمەتكەرلەرى ىرىقتىلىقپەن ونى ىزدەي كەلىپ، ونىڭ جايما ورنى ماسەلەسىن شەشىپ بەردى، سونداي - اق وعان زاڭ، زاڭ - بەلگىلەمەلەر، قالا باسقارۋ بەلگىلەمەلەرى سياقتى بىلىمدەردى جەتكىزىپ، قىزمەت وتەۋ باعدارناماسىن تاراتتى. ءسويتىپ، ونىڭ ساۋداسى بارعان سايىن كۇسەتتەندى.

  ”ساۋداڭ سونشاما كۇسەت ەكەن عوي، نەگە دۇكەن اشپايسىڭ؟“. قاريداردىڭ ءبىر اۋىز ءسوزى ءومار راحمانعا وي سالدى. ءبىراق دۇكەندى قالاي اشۋ كەرەك؟ ءبىر جولى ول قىزمەتكەرلەرمەن اڭگىمەلەسىپ وتىرىپ وسى ويىن ءبىلدىردى. كوپ ۇزاماي ۇلت، ءدىن ىستەرى مەكەمەسى، ءمالى قىزمەتكەرلەرىنىڭ جەتەكشىلىگىندە، ول قاتىستى راسمياتتاردى ءبىتىردى. 2013 - جىلى كوشەگە جاقىن ءبىر دۇكەندى ءساتتى تۇردە جالعا الىپ، تاعامجاي اشتى.

  ساۋدا كۇننەن - كۇنگە جاقسارىپ، قوي ەتى كاۋابىمەن - اق ءومار راحمان وتباسى بايۋ جولىنا ءتۇستى. ءىسىنىڭ ىلگەرى باسقانىن ەستىگەن سوڭ، ءبىرتالاي تۋىس - تۋعان، دوس - جاراندارى ونىڭ تاعامجايىنا كەلىپ كومەكشى بولدى.

  ءومار راحماننىڭ تاعامجايىندا كوپ رەت ”ءدامدى تاعامدار اۋىس - كۇيىس باس قوسۋى“ وتكىزىلىپ، ءدامدى تاعامدار مەن دۋماندى ءان، كوڭىلدى ۇندەر اراسىندا ولاردىڭ ۇيىندەگىلەر ماڭىنداعى تۇرعىندارمەن بارعان سايىن جاقىنداسا ءتۇستى. 2019 - جىلى شياڭشان رايونى از ۇلت بۇقاراسىنا قىزمەت وتەۋدى باسقارۋ بايلانىس ورنى ونىڭ تاعامجايىندا ماڭدايشالىق اسىپ قۇرىلىپ، جەرگىلىكتى ورىنداعى از ۇلت بۇقاراسىنا قىزمەت وتەۋدىڭ كوپىرىنە اينالدى.

  ”بولاشاقتاعى كۇندەرگە مىعىم سەنىمدەمىن“

  بۇگىنگى كۇندە كاسىپتە تابىسقا جەتكەن ءومار راحمان گۇيليندە ءۇي ساتىپ الدى، ”بالام وسى ماڭداعى باستاۋىش مەكتەپتەن وقيدى، وقۋعا بارۋ وتە قولايلى“، - دەدى ول.

  باسىندا باسقا جەردە وقۋعا ءتۇسۋ ىستەرىن ءبىتىرۋ تارتىبىنە قانىق بولماعاندىقتان، ءومار راحمان قينالىپ قالادى. گۇيلين قالالىق ۇلت، ءدىن ىستەرى تاراۋلارى ۇعىسىپ تەكسەرگەن سوڭ، گۇيلين قالالىق وقۋ - اعارتۋ تاراۋلارىمەن بايلانىس جاساپ سەلبەسىپ، بالالاردىڭ دەر كەزىندە مەكتەپكە كىرىپ وقۋىنا كومەكتەستى.

  ”وقيتىن مەكتەبى بولىپ“ قانا قويماي، ”جاقسى وقۋ“ كەرەك. مەكتەپ باستىعى مىڭ ران وقۋشىلاردىڭ ورتاعا جاقسى ۇيلەسۋىنە كومەكتەسۋ ءۇشىن، مەكتەپتەگى پارتيالى وقىتۋشىلاردىڭ از ۇلت وقۋشىلارمەن جۇپتاسىپ، وقۋشىلاردىڭ جاڭا ورتاعا ۇيلەسىپ توعىسۋىنا كومەكتەسكەندىگىن ايتتى.

  مەكتەپ ”اتا - انالار مەن مەكتەپ ارا قول ۇستاسۋ ەرىكتىلەر قىزمەت وتەۋى گرۋپپاسىن“ قۇرىپ، ”جاقسى وتباسى سالتىن جالعاستىرۋ“، ”ءدامدى تاعامدار مادەنيەت مەرەكەسى“ سياقتى قيمىلداردى بىرگە ورىستەتتى.

  جىلىنا ءبىر رەت وتەتىن ۇلتتىق مادەنيەت - كوركەمونەر مەرەكەسى مەن ۇلتتىق قىزىقتى سپورت مەرەكەسى وقۋشىلاردىڭ ەڭ اسىعا كۇتەتىن قيمىلى سانالادى. ”اكەم وتە كەرەمەت بيلەيدى، اكەمدى مەكتەپكە ونەر كورسەتۋگە شاقىرىپ اكەلەمىن!“، ”مىناۋ شەشەمنىڭ قايناتقان ۇن شايى، ءىشىپ كورىڭىزدەر“. بالالاردىڭ مادەنيەتتىك اۋىس - كۇيىس بارىسىنداعى تاسقىنداعان ىنتا - ىقىلاسى دا تۇرعىنداردىڭ ارالاسۋىن، ىشتەسۋىن، توعىسۋىن جەبەي ءتۇستى.

  ”بيىل مەكتەپتىڭ ءدامدى تاعامدار مەرەكەسىنە جانەدە قوي ەتى كاۋبىن اپاراسىز با؟“. اسىر سالعان كىشى ۇلىنا قاراپ، ءومار راحمان كۇلە سويلەدى: ”ۇلكەن ۇلىم داشۋەدەن وقۋ تاۋىسىپ، وسىندا IT قىزمەتىن ىستەيدى. بولاشاقتاعى كۇندەرگە مىعىم سەنىمدەمىن“.

  ”كورىكتى مەكەندى بىرگە قۇرامىز“

  گۇيليندە ءداستۇرلى ”3 - ناۋرىز“ ۇلتتىق گىشۇي مەرەكەسى قيمىلىنان سىرت، ءارقايسى ءمالى، الەۋمەتتىك اۋماقتار دا ۇنەمى ءوز ەرەكشەلىكتەرىنە ساي باي مازمۇندى قيمىلدار وتكىزىپ تۇرادى.

  چيشيڭ رايونى دۇڭجياڭ ءمالىسى چىنشان الەۋمەتتىك اۋماعىنىڭ الەۋمەتتىك اۋماق ءدامدى تاعامدار مەرەكەسى سياقتى قيمىلدار كوپتەگەن بۇقارانى قاتىناسۋعا باۋرادى. شينجياڭ قاشقاردان كەلگەن يكىم ءومار راحماننىڭ كونە دوسى. ”يكىم قايدا بولسا، ويىن - تاماشا سوندا“، - دەپ كۇلدى الەۋمەتتىك اۋماق تۇرعىندارى، يكىم ءان مەن ءبيدىڭ شەبەرى، دومبىرا سياقتى مۋزيكا اسپاپتاردى دا شەرتە بىلەدى، شاعىن اۋماقتاعى كوپتەگەن قيمىلداردىڭ بارىنەن ونى كورەسىڭ.

  وسىدان از بۇرىن، يكىم دوستارىمەن بىرگە حۇيمين قىستاعىنا بارىپ حال سۇراۋ قيمىلىنا تىزىمدەلىپ قاتىناستى، حۇيمين قىستاعىنىڭ الاڭىندا ءار ۇلت حالقى ءبي بيلەپ، انگە باسىپ، دۋمانداتتى.

  ۇعىسۋعا قاراعاندا، ءار ۇلت بۇقاراسىنا اناعۇرلىم جاقسى قىزمەت وتەۋ ءۇشىن، گۇيلين قالاسى ءار مالىگە ۇلت ىستەرى قىزمەت وتەۋ تەرەزەسىن ورناتىپ، ءار ۇلت بۇقاراسىن ىستەر تۋرالى كەڭەس سۇراۋ، زاڭدىق كومەك بەرۋ سياقتى قىزمەت وتەۋلەرمەن قامدادى، سونداي - اق تەرەزەگە مالىلەر مەن الەۋمەتتىك اۋماقتاردىڭ ىستىق لەنيالى تەلەفون ءنومىرىن جاريالاپ قويدى.

  گۇيلين قالاسى ليڭچۋان اۋدانى بالي كوشەسى جيۋلۇڭ الەۋمەتتىك اۋماعىندا جەرگىلىكتى ورىن ۋيچات الەۋمەتتىك ءنومىرى ءتاسىلى ارقىلى ينتەرنەت جەلىسىندە اۋىس - كۇيىس جاساۋ تۇعىرىن ورناتتى. تۇرعىندار تەلەفون ارقىلى الەۋمەتتىك اۋماقتىڭ ەڭ جاڭا حابارلارىن يەلەي الادى، سونداي - اق تۇعىردا ءوتىنىش - تىلەكتەرىن تىكەلەي بەينەلەي الادى.

  ”بۇل ءبىزدىڭ ءۇيىمىز، ءبىز كورىكتى مەكەندى بىرگە قۇرامىز“، - دەدى يكىم.

  (12 - ايدىڭ 18 - كۇنگى «حالىق گازەتىندە» باسىلعان)

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

المىحان سەيتتىڭ بۇرىنعى سۋرەتى

المىحان سەيتتىڭ (ورتادا) بۇرىنعى سۋرەتى