سارا ماركا قۇرىلىسى شينجياڭ ساياحاتىنىڭ سالتاناتىن اسىردى
2021.12.22 14:13 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى رىن جياڭ 12 - ايدىڭ 20 - كۇنى ۇرىمجىدەن حابارلايدى. ءدامى ءتىل ۇيىرەتىن نان، مايى جىلتىراعان كاۋاپ، حوش ءيىسى اڭقىعان باس - سيراق سورپاسى... بۇل كۇندەرى قاشقار بايىرعى قالا كورىنىس اۋماعىنداعى ”حانبازار“ قىستى كۇنى سول جەردەگى ەڭ دۋماندى كەشكى بازارعا اينالدى. ”ءبىز كورىنىس ءوڭىرىنىڭ اسەر قالدىرۋ كوشەسىن ۇزارتىپ جانە كەڭەيتىپ، جۇرتتى باۋرايتىن تۇيىندەردى قالىپتاستىرىپ، كەشكى مادەنيەت پەن ساياحاتتىق تۇتىنۋدىڭ ورەسىن جوعارىلاتتىق“. 12 - ايدىڭ 11 - كۇنى قاشقار مادەنيەت - ساياحات قارجى قوسۋ، وركەندەتۋ شەكتى جاۋاپكەرشىلىك سەرىكتەستىگىنىڭ القا باستىعى مو حايبو وسىلاي تانىستىردى.
بيىل 11 - ايدا قاشقار بايىرعى قالا كورىنىس اۋماعىنىڭ اسەر قالدىرۋ كوشەسى سياقتى شينجياڭداعى 3 جەر 1 - توپتاعى مەملەكەت دارەجەلى كەشكى مادەنيەت جانە ساياحات تۇتىنۋى شوعىرلانعان اۋماقتار تىزىمىنە تاڭدالىپ، كەشكى ەكونوميكانى بايىتۋ، ەرەكشە مادەنيەتتى ايگىلەۋ، قالانىڭ ومىرشەڭدىگىن ارتتىرۋ سياقتى جاقتاردا بەلسەندى رولىن ساۋلەلەندىردى.
”بيىل جىل باسىنان بەرى شينجياڭنىڭ سارا كورىنىس اۋماعى قۇرىلىسى جاعىنداعى تابىستارى كورنەكتى بولىپ قالماستان، تاعى مەملەكەتتىك 5A دارەجەلى 2 ساياحات كورىنىس اۋماعى جاڭادان قوسىلىپ، باتىس بولىكتەگى 5A دارەجەلى كورىنىس اۋماعى ەڭ كوپ ولكە، رايونعا اينالدى“، - دەدى اۆتونوميالى رايوندىق مادەنيەت جانە ساياحات مەڭگەرمەسى بايلىق اشۋ باسقارماسىنىڭ ورىنباسار باستىعى جوۋ حاۋ. بۇدان تىس، شونجى اۋدانىنىڭ جانبۇلاق كورىنىس اۋماعى بيىل مادەنيەت جانە ساياحات مينيسترلىگىنىڭ 5A دارەجەلى ساياحات كورىنىس اۋماعىنىڭ بايلىقتى باعالاۋىنان ءوتتى، ءپىشان اۋدانىنىڭ قۇمتاع كورىنىس اۋماعى، ونسۋ اۋدانىنىڭ ءتومۇر ۇلكەن اڭعارى كورىنىس اۋماعى، شاعانتوعاي اۋدانىنىڭ بارلىق كورىنىس اۋماعى سياقتىلار مەملەكەتتىك 5A دارەجەلى ساياحات كورىنىس اۋماعىن قۇرۋعا ءوتىنىش بەردى؛ 4A دارەجەلى ساياحات كورىنىس اۋماقتارىنىڭ ساپاسى جوعارىلاپ، سيىمدىلىعى ارتتى، شەريا اۋدانىنىڭ كۇنلۇنداعى كورىكتى جەر (بانلانگى كورىنىس اۋماعى) سياقتى 16 كورىنىس اۋماعى 4A دارەجەسىنە كوتەرىلدى.
اۋىل - قىستاق ساياحاتى جاعىندا، قابا اۋدانى تەرەكتى اۋىلىنىڭ اققابا قىستاعى سياقتى 6 قىستاق (الەۋمەتتىك اۋماق) پەن كۇنەس اۋدانىنىڭ نارات قالاشىعى سياقتى 3 اۋىل (قالاشىق) جەكە - جەكە 3 - توپتاعى اۋىل - قىستاق ساياحاتىنداعى مەملەكەتتىك ءتۇيىندى قىستاق جانە 1 - توپتاعى اۋىل - قىستاق ساياحاتىنداعى مەملەكەتتىك ءتۇيىندى قالاشىق (اۋىل) بولىپ تاڭدالدى، قۇلجا قالاسىنىڭ بايانداي قالاشىعىنىڭ سۋلى الماتى قىستاعى سياقتى 44 قىستاق 2 - توپتاعى اۋىل - قىستاق ساياحاتىنداعى اۆتونوميالى رايون دارەجەلى ءتۇيىندى قىستاققا اينالدى.
بيىل شينجياڭ ساياحاتىنىڭ ساپالى ساياحات ونىمدەرىمەن قامداۋدى بايىتۋ جاعىنداعى ناتيجەسى قوماقتى بولدى: تۇرپان قالاسى مەن شينجياڭ ءوندىرىس - قۇرىلىس بيڭتۋانى 1 - شىسىنىڭ ارال قالاسى 2 - توپتاعى مەملەكەتتىك مادەنيەت جانە ساياحات تۇتىنۋى سىناق ەتىلەتىن قالا بولدى؛ كوكتوعاي اۋدانى سياقتى 10 اۋدان - قالا اۆتونوميالى رايوننىڭ جالپى اۋماقتىق ساياحاتتان ۇلگى كورسەتەتىن رايونى بولىپ بەلگىلەندى؛ حوتان قالاسىنىڭ تۋانچىڭى سياقتى 18 كوشە اۋماعى اۆتونوميالى رايون دارەجەلى ساياحاتتاپ تىنىعۋ كوشە اۋماعىنا اينالدى ءارى قۇلجا قالاسىنىڭ التى ءشاھار كوشەسى سياقتى 3 كوشە اۋماعى مەملەكەت دارەجەلى ساياحاتتاپ تىنىعۋ اۋماعىن قۇرۋعا تانىستىرىلدى؛ التاي قالاسىنىڭ قار - مۇز ساياحاتى دەمالىس اۋماعىن قۇرۋ ىلگەرىلەتىلىپ، التاي قالاسى اۆتونوميالى رايون دارەجەلى ساياحات دەمالىس اۋماعى بولىپ باعالاندى ءارى التاي قالاسى، ءۇرىمجىنىڭ نانشانى مەملەكەت دارەجەلى قار شاڭعى ساياحاتتاۋ دەمالىس ورنىن قۇرۋعا تانىستىرىلدى.
”وسى سارا ماركالار شينجياڭ ساياحاتىنىڭ ساپاسىن بارىنشا جوعارىلاتىپ، شينجياڭ ساياحاتىنىڭ سەرۋەندەپ ساياحاتتاۋدان تىنىعىپ، دەمالىپ ساياحاتتاۋعا، كاسىپ سالاسىنىڭ دامۋىنان تۇتىنۋعا قاراي دامۋىنا تاماشا نەگىز قالادى“، - دەيدى جوۋ حاۋ.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
