شي جينپيڭ مەملەكەتتىك قارت كادرلار قىزمەتى جونىندە ماڭىزدى نۇسقاۋ بەرىپ مىنانى دارىپتەدى
شىن پەيىلمەن، سۇيىسپەنشىلىكپەن دالمە - ءدال قىزمەت وتەپ، جاي قىزمەت ورنىندا كەرەمەت ناتيجە جاراتۋعا قۇلشىنۋ كەرەك
2021.12.22 16:30 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 21 - كۇنى، بەيجيڭ. مەملەكەتتىك قارت كادرلار قىزمەتىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ جينالىسى 12 - ايدىڭ 21 - كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، پارتيا ورتالىق كوميتەتى اتىنان جينالىستىڭ اشىلعانىن قىزۋ قۇتتىقتادى، بۇكىل ەلدەگى قالىڭ قارت كادرلارعا وسكەلەڭ قۇرمەت ءبىلدىردى، بۇكىل ەلدەگى قارت كادرلار قىزمەتكەرلەرىنە شىنايى سالەم جولدادى.
شي جينپيڭ بىلاي دەپ اتاپ كورسەتتى: پارتيانىڭ عاسىرلىق كۇرەس بارىسىنا قايىرىلا قاراساق، قالىڭ قارت كادرلار جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋىن ءوز باسىنان وتكەرىپ، اۋەلگى ماقساتتان، بورىشتان اينىماي، مۇرات - سەنىمنەن جازباي، پارتيا مەن حالىق ىستەرىنە شەكسىز ادال بولىپ، ماڭىزدى ۇلەس قوستى. قالىڭ قارت كادرلاردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، قارتتىق رولىن ساۋلەلەندىرۋدەن جازباي، تىنباي ونەگە كورسەتىپ، ەڭبەك ءسىڭىرىپ، پارتيانىڭ تاڭداۋلى ءداستۇرىن ساۋلەلەندىرىپ، قىزىل قان تامىرىن جالعاستىرىپ، پارتيانىڭ 100 جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرى جونىندەگى حيكايالاردى ويداعىداي بايانداپ، ەكىنشى 100 جىلدىق كۇرەس نىساناسى مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اقىل - پاراساتى مەن كۇش - قۋاتىن بەلسەندىلىكپەن ارناۋىن ءۇمىت ەتەمىن.
شي جينپيڭ بىلاي دەپ دارىپتەدى: قارت كادرلار قىزمەتى پارتيا ورتالىق كوميتەتىنىڭ قارت كادرلارعا كوڭىل ءبولۋ، قامقورلىق جاساۋ ماڭىزدى مىندەتىن ارقالاپ وتىر. ۇزاق ۋاقىتتان بەرى قالىڭ قارت كادرلار قىزمەتكەرلەرى ءۇن - ءتۇنسىز، قالتقىسىز ۇلەس قوسىپ، قارت كادرلار قىزمەتىن جاقسى ىستەۋگە جۇرەك قانىن ارناپ، بەلسەندى ۇلەس قوستى. قارت كادرلار قىزمەتى تاراۋلارى مەن قارت كادرلار قىزمەتكەرلەرى شىن پەيىلمەن، سۇيىسپەنشىلىكپەن دالمە - ءدال قىزمەت وتەپ، جاي قىزمەت ورنىندا كەرەمەت ناتيجە جاراتۋعا قۇلشىنۋى كەرەك. ءار دارەجەلى پارتكومدار مەن ولاردىڭ ۇيىمداستىرۋ تاراۋلارى قارت كادرلار قىزمەتى قوسىنىنا ءمان بەرىپ جانە قامقورلىق جاساپ، ولاردى باۋلۋدى، تاربيەلەۋدى كۇشەيتىپ، ولاردىڭ ەسەيىپ - ەرجەتۋىنە، العا باسۋىنا قىزۋ ىنتامەن كوڭىل ءبولۋى كەرەك.
جينالىستا شي جينپيڭنىڭ ماڭىزدى نۇسقاۋى جەتكىزىلدى، ۇيرەنىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى چىن شي جينالىستا ءسوز سويلەپ بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى پارتيا ورتالىق كوميتەتىنىڭ قالىڭ قارت كادرلارعا دەگەن قۇرمەتى مەن قامقورلىعىن جانە قارت كادرلار قىزمەتكەرلەرىنە دەگەن شىنايى ءۇمىتىن تولىق ايگىلەدى. باس شۋجي شي جينپيڭنىڭ قارت كادرلار قىزمەتى جونىندەگى ماڭىزدى پايىمداۋلارىن ءتۇبىرلى تياناق ەتۋدە تاباندى بولىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى قارت كادرلار قىزمەتىن سۇيىسپەنشىلىكپەن جانە جاۋاپكەرلىكپەن ويداعىداي ىستەپ، دەن قويا، ەگجەي - تەگجەيلى، دالمە - ءدال قىزمەت وتەپ، قالىڭ قارت كادرلاردى پارتيا مەن مەملەكەت ىستەرىنىڭ دامۋىنا تىڭ ۇلەس قوسۋعا جەتەكتەۋ كەرەك. قارت كادرلار قىزمەتى تاراۋلارىنىڭ وزىندىك قۇرىلىسىن كۇشەيتىپ، پارتيا الاڭسىز بولاتىن، ساقا كادرلار رازى بولاتىن ۇلگىلى تاراۋ قۇرۋعا قۇلشىنىپ، ساياسيدا تاباندى، ستيلى تاماشا، كاسىپكە جەتىك ىسىلعان قوسىن قۇرۋ كەرەك.
جينالىسىتا مەملەكەتتىك قارت كادرلار قىزمەتىندەگى 100 وزات كوللەكتيۆ پەن 300 وزات جەكە ماداقتالىپ - سيلاندى. وزات كوللەكتيۆتەردىڭ، وزات جەكەلەردىڭ ۋاكىلدەرى جينالىستا ءسوز سويلەدى (ماداقتاۋ - سيلاۋ قارارىن «حالىق گازەتىنىڭ» 10 - بەتىنەن، ەسىمدىگىن 10 -، 11 - بەتتەرىنەن وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
