«شي جينپيڭ ەل باسقارۋ جونىندە» اتتى كىتاپتىڭ 1 - تومىنىڭ مالاي تىلىندەگى باسىلىمىنىڭ تۇڭعىش تاراتىلۋ سالتى كۋالا - لۋمپۋردا وتكىزىلدى
2021.12.22 16:33 كەلۋ قاينارى : حالىق تورابى
شينحۋا اگەنتتىگى، 12 – ايدىڭ 21 – كۇنى، كۋالا – لۋمپۋر. جۇڭگو مەملەكەتتىك كەڭەسىنىڭ اقپارات كەڭسەسى، جۇڭگو شەتەل تىلدەرى مەكەمەسى جانە جۇڭگونىڭ مالايزيادا تۇراتىن باس ەلشىحاناسى ۇيىمداستىرعان «شي جينپيڭ ەل باسقارۋ جونىندە» اتتى كىتاپتىڭ 1 - تومىنىڭ مالاي تىلىندەگى باسىلىمىنىڭ تۇڭعىش تاراتىلۋ سالتى 12 - ايدىڭ 21 - كۇنى مالايزيانىڭ كۋالا – لۋمپۋر قالاسىنداعى ءماجىلىس - كورمە ورتالىعىندا وتكىزىلدى.
مالايزيا تومەنگى پالاتاسىنىڭ باستىعى ءازحار ازيزان حارۇن سول كۇنى قيمىلعا قاتىناستى ءارى ءسوز سويلەدى، ورتالىق ۇگىت ءبولىمى باستىعىنىڭ ورىنباسارى، مەملەكەتتىك كەڭەس اقپارات كەڭسەسىنىڭ مەڭگەرۋشىسى شۇي لين، جۇڭگو شەتەل تىلدەرى مەكەمەسىنىڭ باستىعى دۋ جانيۋان بەينە ەكران ارقىلى ءسوز سويلەدى. جۇڭگونىڭ مالايزيادا تۇراتىن باس ەلشىسى وۋياڭ يۇيجيڭ، مالايزيا مەملەكەتتىك ءتىل - ادەبيەت باسپا ءسوز مەكەمەسى جورالار القاسىنىڭ ءتوراعاسى اۋان ساليان، سونداي - اق مالايزيا جاقتىڭ جوعارى دارەجەلى ساياسي قايراتكەرلەرى، پارتيا كوسەمدەرى، قوعامدىق ۇيىمداردىڭ، اقپارات قۇرالدارىنىڭ، اقىل - پاراسات قويماسىنىڭ ۋاكىلدەرى قاتارلى ءار سالا قايراتكەرلەرىنەن 150 ادام سول كۇنگى قيمىلعا قاتىناستى.
شۇي لين بەينە ەكران سوزىندە مىنانى ءبىلدىردى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. 100 جىلدان بەرى پارتيامىز حالىقتى ىنتىماقتاستىرىپ جانە باستاپ، ۇزدىكسىز كۇرەس جۇرگىزىپ، جۇڭحۋا ۇلتىنىڭ دامۋ تاريحىنان، دۇنيە ءجۇزى سوتسياليزمىنىڭ دامۋ تاريحىنان، ادامزات قوعامىنىڭ دامۋ تاريحىنان ماڭگى وشپەيتىن كەرەمەتتەر جاراتىپ، دۇنيە ءجۇزى سوتسياليزمىنىڭ تاريحي دامۋىنىڭ ايبىندى داستانىن اسەرلى جازىپ، ماركسيزمنىڭ جاڭا ءورىسىن ءساتتى اشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا وشپەس ەڭبەك ءسىڭىرىپ، ادامزاتتىڭ العا باسۋىن جەبەۋگە كەلەلى ۇلەس قوستى. اسىرەسە، ج ك پ - نىڭ 18 - قۇرىلتايىنان بەرى جۇڭگوشا سوتسياليزم جاڭا داۋىرگە ءوتتى، پارتيامىز بەن مەملەكەتىمىزدىڭ ىستەرىندە تاريحي تابىستارعا قول جەتىپ، تاريحي وزگەرىستەر تۋىلدى. جۇرتقا ايان وسى تابىستار مەن وزگەرىستەر شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە جۇزەگە استى. «شي جينپيڭ ەل باسقارۋ جونىندە» اتتى كىتاپتىڭ 1 ـ، 2 ـ، 3 - تومدارى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دامۋ بارىسى مەن تامىرىن شوعىرلى بەينەلەدى، وندا جاڭا داۋىردەگى جۇڭگونىڭ دامۋىنىڭ «قۇپيا سيفرى» جاسىرىنعان، بۇل − جۇڭگو مەن جۇڭگو كوممۋنيستىك پارتياسىن ءتۇسىنۋدىڭ «كىلتى». «شي جينپيڭ ەل باسقارۋ جونىندە» اتتى كىتاپتىڭ 1 - تومىنىڭ مالاي تىلىندەگى نۇسقاسىنىڭ باسپادان شىعىپ تاراتىلۋى مالايزياداعى دوستاردىڭ باس شۋجي شي جينپيڭنىڭ يدەياسى مەن دارقان پەيىلىن اناعۇرلىم جاقسى تۇسىنۋىنە سەپتىگىن تيگىزەدى.
ءازحار ازيزان حارۇن سوزىندە مىنانى ءبىلدىردى: ءتوراعا شي جينپيڭنىڭ باسشىلىعىندا، جۇڭگو 10 جىلعا جەتپەيتىن ۋاقىتتا اۋىل - قىستاقتاعى 100 ميلليونعا جۋىق كەدەي حالىقتى تۇگەلدەي كەدەيلىكتەن ارىلتىپ، ادامدى سۇيىندىرەتىن تابىستارعا قول جەتكىزدى. «شي جينپيڭ ەل باسقارۋ جونىندە» اتتى كىتاپتىڭ 1 - تومىنىڭ مالاي تىلىندەگى نۇسقاسى ءتىپتى دە كوپ مالاي ءتىلدى وقىرمانداردىڭ ءتوراعا شي جينپيڭنىڭ مەملەكەتتى جونگە سالۋ، مەملەكەتتىڭ گۇلدەنىپ - كوركەيۋىن، دامۋىن جۇزەگە اسىرۋ جاعىنداعى ساياساتتارى مەن كوزقاراستارىن ءتىپتى دە تىكە تۇسىنۋىنە كومەكتەسەدى.
وۋياڭ يۇيجيڭ سوزىندە مىنانى ءبىلدىردى: جۇڭگو مەن مالايزيا تەڭىز ارقىلى عانا ءبولىنىپ تۇرعان، ءداستۇرلى دوستىعى مىڭ جىلدان استام ۋاقىتتان بەرى جالعاسىپ كەلە جاتقان، ءبىر - بىرىنە سەنىم ارتاتىن تاتۋ كورشىلەر، سەلبەسىپ تەڭ يگىلىككە كەنەلەتىن ابزال سەرىكتەر. «شي جينپيڭ ەل باسقارۋ جونىندە» اتتى كىتاپتىڭ 1 - تومىنىڭ مالاي تىلىندەگى نۇسقاسىنىڭ باسپادان شىعىپ تاراتىلۋى − جۇڭگو مەن مالايزيانىڭ گۋمانيتارلىق اۋىس - كۇيىسىنىڭ جاڭا جەتىستىگى جانە ءداستۇرلى دوستىعىنىڭ جاڭا ايعاعى، ول جۇڭگو مەن مالايزيانىڭ ەل باسقارۋ تاجىريبەلەرىن اۋىستىرۋدى ونان ارى جەبەپ، جۇڭگو مەن مالايزيانىڭ جان - جاقتى ستراتەگيالىق سەرىكتەستىك قاتىناسىنىڭ مازمۇنىن بايىتىپ، جۇڭگو مەن مالايزيانىڭ قارىم - قاتىناسىن تەرەڭدەتۋگە تىڭ قوزعاۋشى كۇش قوسادى.
تۇڭعىش تاراتۋ سالتىندا جۇڭگو مەن مالايزيانىڭ سيلى قوناقتارى تۇڭعىش تاراتىلعان جاڭا كىتاپتىڭ تورعىن جاپقىشىن اشتى، جۇڭگو جاق مالايزيا جاقتاعى سيلى قوناقتارعا جاڭا كىتاپ ۇسىندى.
«شي جينپيڭ ەل باسقارۋ جونىندە» اتتى كىتاپتىڭ 1 - تومىنىڭ مالاي تىلىندەگى نۇسقاسىن شەتەل تىلدەرى باسپاسى مەن مالايزيا مەملەكەتتىك ءتىل - ادەبيەت باسپا ءسوز مەكەمەسى بىرگە اۋدارىپ باسپادان شىعاردى. قازىرگە دەيىن «شي جينپيڭ ەل باسقارۋ جونىندە» اتتى كىتاپتىڭ 1 - تومى 36 تىلگە اۋدارىلىپ باسپادان شىقتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
