بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو سۇڭ چيڭليڭ قور قوعامىنىڭ 8 - كەزەكتى القالار ءماجىلىسى اشىلدى

ۋاڭ ياڭ ماجىلىسكە قاتىناسقان ۋاكىلدەرمەن كەزدەستى

2021.12.23 16:07     كەلۋ قاينارى : حالىق تورابى

  شينحۋا اگەنتتىگى، 12 - ايدىڭ 22 - كۇنى، بەيجيڭ. جۇڭگو سۇڭ چيڭليڭ قور قوعامىنىڭ 8 - كەزەكتى القالار ءماجىلىسى 12 - ايدىڭ 22 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناسقان جالپى ۋاكىلمەن كەزدەستى ءارى ءسوز سويلەدى. ول الدىمەن پارتيا ورتالىق كوميتەتى اتىنان ءماجىلىستىڭ اشىلعانىن قۇتتىقتاپ، ەل ءىشى - سىرتىنان كەلگەن القالارعا سالەم جولدادى.

  ۋاڭ ياڭ بىلاي دەپ اتاپ كورسەتتى: وتكەن 5 جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ ىقىلاستى قامقورلىعىندا سۇڭ چيڭليڭ قور قوعامىنىڭ 7 - كەزەكتى القالار كەڭەسى وزەكتى ارقاۋ ەتىپ، جالپى جاعدايعا قىزمەت وتەپ، رەفورمانى تەرەڭدەتىپ، قايراتتانا العا ۇمتىلىپ، جۇڭگو مەن شەتەل حالىقتارىنىڭ دوستىعىن جەبەۋ، ەكى جاعالاۋدىڭ جانە شياڭگاڭ مەن اۋمىننىڭ اۋىس - كۇيىسىن تەرەڭدەتۋ، جاستار مەن ورەندەر ىستەرىن دامىتۋ، كەدەيلىكتەن ارىلتۋدان قامال الۋعا دەم بەرۋ جانە جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، ۇلتتار ىنتىماعىن جەبەۋ سياقتى جاقتاردا بەلسەندى ۇلەس قوستى.

  ۋاڭ ياڭ بىلاي دەپ دارىپتەدى: سۇڭ چيڭليڭ قور قوعامى − پارتيانىڭ باسشىلىعىنداعى حالىقتىق ۇيىم، جاڭا جۇڭگو قۇرىلعاننان كەيىنگى مەملەكەت باسشىسىنىڭ اتىمەن اتالعان بىردەن - ءبىر قور قوعامى. سۇڭ چيڭليڭ مىرزانىڭ «پارتيامەن ماڭگى بىرگە بولۋ» بەرىك سەنىمىن ساۋلەلەندىرىپ، پارتياعا ادال بولۋدىڭ ساياسي نەگىزىن ماڭگى ساقتاۋ كەرەك. تاريحي ورىندى يگەرىپ، داۋىرلىك ەرەكشەلىكتى كورنەكتىلەندىرىپ، باتىلدىقپەن ءورىس اشا جاڭالىق جاراتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا تىڭ ناتيجەلەر جاراتۋ كەرەك. الەۋمەتتىك يگىلىك قاسيەتىن ايگىلەپ، سۇڭ چيڭليڭ مىرزانىڭ وسكەلەڭ رۋحى مەن شۇعىلالى قاسيەتىنە مۇراگەرلىك ەتىپ جانە ونى ساۋلەلەندىرىپ، قىزمەتتى زاڭ بويىنشا، ۋستاۆ بويىنشا ورىستەتۋدە تاباندى بولىپ، قوردى جانە الەۋمەتتىك يگىلىك نىساندارىن باسقارۋدى كۇشەيتىپ، مارتەبەلى اتاقتى بارعان سايىن جارقىراتۋ كەرەك. ءار دارەجەلى پارتكومدار، ۇكىمەتتەر جانە قاتىستى جاقتار سۇڭ چيڭليڭ قور قوعامىنا بۇرىنعىداي ءمان بەرىپ جانە كوڭىل ءبولىپ، قور قوعامىنىڭ قىزمەتىنە ءتيىمدى شارت - جاعداي جاراتۋى كەرەك.

  ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان، مەملەكەتتىك ساياسي كەڭەس ءتوراعاسىنىڭ ورىنباسارلارى لي بين، جىڭ جيانباڭ، جۇڭگو سۇڭ چيڭليڭ قور قوعامى 7 - كەزەكتى القالار كەڭەسىنىڭ ءتوراعاسى ۋاڭ جيارۇي كەزدەسۋدە بىرگە بولدى.

  يوۋ چۋان ءماجىلىستىڭ اشىلۋ سالتىندا ءسوز سويلەدى. ول مىنالاردى اتاپ كورسەتتى: پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەس ۇلى ساپارىن جاپپاي قورىتىندىلاپ، جاپپاي سوتسياليستىك وسىزاماندانعان قۇدىرەتتى ەل قۇرۋ ەكىنشى 100 جىلدىق كۇرەس نىساناسىنا قاراي ىلگەرىلەۋدىڭ بەتاشارىن اشتى. جۇڭگو سۇڭ چيڭليڭ قور قوعامى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، داۋىرلىك نەگىزگى تاقىرىپتىڭ ءتۇبىرلى تالابىن يگەرۋدە تاباندى بولىپ، «بەيبىتشىلىك، بىرلىك، بولاشاق» نەگىزگى ماقساتىندا تاباندى بولىپ، ەل ءىشى - سىرتىنداعى كۇشتەردى كەڭىنەن ىنتىماقتاستىرىپ، ءار جاقتاعى بايلىقتى تولىق جۇمىلدىرىپ، ىرىقتىلىقپەن ءىس تىندىرىپ، باتىلدىقپەن جاۋاپكەرلىك ارقالاپ، جاڭا داۋىردەگى جۇڭگوشا سوتسياليزم ىستەرىنىڭ دامۋىن ىلگەرىلەتۋگە اناعۇرلىم زور ۇلەس قوسۋى كەرەك.

  ءماجىلىس 7 - كەزەكتى القالار كەڭەسىنىڭ قىزمەت بايانداماسىن، قور باسقارۋ قىزمەت بايانداماسىن، سونداي - اق جۇڭگو سۇڭ چيڭليڭ قور قوعامى ۋستاۆىنا وزگەرىس ەنگىزۋ جوباسىن قاراپ ماقۇلدادى، جاڭا كەزەكتى القالار كەڭەسىنىڭ باسشىلىق قۇرامىنداعىلاردى سايلاپ شىقتى. لي بين جۇڭگو سۇڭ چيڭليڭ قور قوعامى 8 - كەزەكتى القالار كەڭەسىنىڭ ءتوراعالىعىنا، لۇڭ ميڭبياۋ، ۋاڭ نيڭ، حاڭ يۋانشياڭ، لي حۇيدۇڭ، شيە فىڭ، يۇي يانحۇڭ، جيڭ دۇنچۋان، يۇي چۇن، ديڭ جيە القالار كەڭەسى ءتوراعاسىنىڭ ورىنباسارلىعىنا سايلاندى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار