جاڭا تيپتەگى جەلىدەگى جالعامالى ساتۋدىڭ مىناداي ايلا – شارعىلارى بارىن بىلەسىز بە؟
2021.12.24 09:33 كەلۋ قاينارى : حالىق تورابى
جۋىرداعى جىلداردان بەرى، جالعامالى ساتۋ ۇيىمدارى جەلىدەگى ءتۇرلى جاڭا ۇعىمدار مەن جاڭاشا ساتۋ تاسىلدەرىن جەلەۋ ەتىپ، جالعان ۇگىت جۇرگىزۋ، اسىرەلەپ ۇگىتتەۋ سىندى تاسىلدەرمەن، سونداي – اق جوعارى سومادا پايداعا كەنەلۋگە بولادى دەگەن شىرعامەن جۇرتتى قاتىناسۋعا باۋراپ، مۇشە قابىلداۋ، قابىلدانعانداردان اقى الۋ ارقىلى جۇمىستارىن جالعاستىردى، مۇنداي ۇيىمداردىڭ الجاستىرۋ سيپاتى مەن الدامكوستىك سيپاتى وتە كۇشتى. مۇنداي تاسىلدەر قۇن زاڭدىلىعى مەن سەنىمدىلىك پرينسيپىنە قايشى كەلەدى، ونىڭ ۇستىنە قاراجاتتى اينالىمعا سالۋى ۇزاققا جالعاسپايدى، الدا – جالدا قاراجات تىزبەگى ۇزىلسە، قاتىناسۋشىلار اۋىر زيانعا ۇشىرايدى.
جاڭا تيپتەگى جەلىدەگى جالعامالى ساتۋدىڭ قانداي ايلا – شارعىلارى بار؟
ءبىرىنشى، «ەلەكتروندى ساۋدا» دەگەن جەلەۋمەن، الدىمەن ەلەكتروندى ساۋداعا قاتىستى سەرىكتەستىكتى تىزىمگە الدىرادى، سوڭىنان ەلەكتروندى ساۋداعا قاتىستى توراپ بەكەتىن قۇرادى، «ينتەرنەت ارقىلى ساتىپ الۋ»، «ينتەرنەتتە ساتۋ»، «ينتەرنەت ارقىلى تىكە ساتىپ الۋ»، «ينتەرنەت دۇكەنىن مۇشەلىككە قوسۋ» قاتارلى فورمالار ارقىلى ينتەرنەتتەگى جالعامالى ساتۋ قيمىلدارىمەن شۇعىلدانادى.
ەكىنشى، «تەگىن پايدا»، «اقىسىز تۇتىنۋ، اقىسىز تاۋار ساتىپ الۋ»، «قايتالامالى تۇتىنۋ»، «قانشا اقشا جۇمساسا، سونشا اقشا قايتارىپ بەرۋ» قاتارلىلار.
ءۇشىنشى، قارجى قوسىپ، كاسىپ كوزىن اشۋ دەگەن اتپەن، «وتباسىندا وتىرىپ كاسىپ كوزىن اشۋ»، «ينتەرنەت ارقىلى كاسىپ كوزىن اشۋ»، «ينتەرنەت ارقىلى قارجى قوسۋ»، «باستاپقى جارناعا قارجى قوسۋ»، «قور ساتىپ الۋ» دەگەندەرمەن شىرعالاپ، جۇرتتى الدايدى.
ءتورتىنشى، ينتەرنەتتەگى ويىن، ينتەرنەتتەگى ۇتىس قاتارلى اتتارمەن مۇشە قابىلداپ، ولاردى «ويىن جارناسى»، «تالەيلى ۇتىس» قاتارلى ويىن ەسەپ نومىرلەرىنە اقشا جوتكەۋگە تارتىپ، تىكە ساتۋ سيلىعى، ساتۋ سيلىعى قاتارلى شىرعالارمەن مۇشە قابىلدايدى.
بەسىنشى، «قايىر – ساحاباتتى كومەك بەرۋ»، «مەيىر باعىشتاپ، ءوزارا كومەكتەسۋ» دەگەن جەلەۋلەرمەن، «قايىر – ساحابات ىسىمەن شۇعىلدانۋ، جاراسىمدى مەكەندى قۇرۋ»، «كەدەي وقۋشىلارعا مەيىر باعىشتاپ، كومەكتەسۋ» قاتارلى فورمالارمەن جۇرتتى جالعامالى ساتۋعا قاتىناسۋعا الدايدى.
التىنشى، «ۋيچاتتا زات ساتۋ» دەگەندى جەلەۋ ەتىپ، ۋيچاتتى، ۋيچات ساۋداسىن تەكشە ەتىپ، اسىرە جارنامالاۋ، جالعان ۇگىت جاساپ، بايلىعىن كورسەتۋ قاتارلى فورمالارمەن دوستار شەڭبەرىندەگى تۋىس – تۋعاندارى مەن دوس – جاراندارىن بىرگە مول اقشا تابۋعا شىرعالاپ، تاۋاردى بولشەك ساتۋ دەگەن اتپەن، ءىس جۇزىندە ءبىر دارەجە تومەن ۋاكىلدىك ساتۋشى قابىلداۋ فورماسىمەن جەلىدەگى جالعامالى ساتۋمەن شۇعىلدانادى.
جەتىنشى، «ساياحاتتىق تىكە ساتۋ»، «تەگىن ساياحاتتاۋ» دەگەن جەلەۋلەرمەن، «تەگىن ساياحاتتايسىز»، «ساياحاتتاپ ءجۇرىپ اقشا تاباسىز» دەگەن زىمياندىقپەن ۋيچاتتا دوس قاتارىنا قوسۋ فورماسىمەن مۇشە تارتىپ، جۇرتتى مۇشە بولعان سوڭ اقى تاپسىرۋعا جەتەلەپ، جەلىدەگى جالعامالى ساتۋمەن شۇعىلدانادى.
سەگىزىنشى، ينتەرنەتتە جانە ينتەرنەتتەن تىس فورمادا جەلىدەگى جالعامالى ساتۋمەن شۇعىلداناتىن جەلىدەگى جالعامالى ساتۋ ۇيىمدارىنىڭ ادەتتە ساتاتىن ناقتى تاۋارى بولادى، ۇيىمداستىرۋشىلار ينتەرنەت پەن ينتەرنەتتەن تىس ءتاسىلدى ۇشتاستىرۋ ارقىلى ينتەرنەتتەگى تەكشەنى نەمەسە ەلەكتروندى ساۋدا توراپ بەكەتىن ينتەرنەتتەن تىس ناقتى دۇكەنمەن ۇشتاستىرىپ، جەلىدەن پايدالانعان جاڭا تيپتەگى تاراتۋ ءتاسىلى مەن ءداستۇرلى ءتاسىلدى بىردەي قولدانا وتىرىپ جالپىلاستىرۋ جانە ۇگىت جاساۋ ارەكەتىن ورىستەتەدى.
جالعامالى ساتۋدىڭ كورنەكتى زالالدارى
ءبىرىنشى، جالعامالى ساتۋ تەك مەملەكەتتىك كەڭەستىڭ جالعامالى ساتۋعا تيىم سالۋ جونىندەگى بەلگىلەمەلەرىنە قايشى كەلىپ قالماستان، مەملەكەتتىڭ قاتىستى زاڭ – تۇزىمدەرىندەگى بەلگىلەمەلەرگە دە قايشى كەلەدى. جالعامالى ساتۋعا بايلانىستى باجى جاسىرۋ، باجى تولەمەۋ، جالعان، جارامسىز تاۋارلاردى جاساۋ، ساتۋ، اتكەزشىلىك ىستەۋ، شەتەل اقشاسىن زاڭعا قايشى الىپ – ساتۋ، زاڭعا قايشى قارجى توپتاۋ، جالعان ۇگىت جاساۋ، تۇتىنۋشىلاردىڭ ۇقىق – مۇددەسىنە زيان جەتكىزۋ قاتارلى زاڭعا قايشى كوپتەگەن ارەكەتتەر دە بىرگە تۋىندايدى، فينانس ءتارتىبى مەن بازار ەكونوميكاسىنىڭ تارتىبىنە زيان جەتكىزەدى.
ەكىنشى، جالعامالى ساتۋ ارەكەتى كوبىنەسە ءالسىز توپتاردى زيانعا ۇشىراتادى. جالعامالى ساتۋعا قاتىناسامىن دەپ الدانىپ قالعانداردىڭ كوبى شارۋالار، جۇمىستان بوساعان جۇمىسشى – قىزمەتكەرلەر، قارتتار قاتارلى قوعامداعى ءالسىز توپتار، جۋىرداعى جىلداردان بەرى مەكتەپتەگى وقۋشىلار، از ۇلت بۇقاراسى قاتارلىلاردىڭ جالعامالى ساتۋعا قاتىناسۋى سىندى جاعداي بايقالدى، بۇلاردىڭ كوبى الدانىپ قالعان سوڭ، قالتالارىن قاقتىرىپ الادى، ءتىپتى تۇرمىستارى ناشارلايدى.
ءۇشىنشى، اماندىق قورعاۋعا قاتىستى زاڭعا قايشى ارەكەتتەر مەن قىلمىستىق ىستەر ارەكەتتەرىن تۋىنداتادى. ءىشىنارا ادامدار الدانىپ قالعان سوڭ، ۇرلىق ىستەۋ، توناۋشىلىقپەن شۇعىلدانۋ، توبەلەس شىعارۋ، ءتان ساتۋ قاتارلى زاڭعا قايشى قىلمىس وتكىزۋ جولىنا تۇسەدى؛ ونىڭ ۇستىنە، كەيبىر قارا قول سيپاتتى قىلمىستىق ۇيىمدار دا وسىعان قاتىناسادى، بۇل قوعامنىڭ ورنىقتىلىعىنا اۋىر زيان جەتكىزەدى.
ءتورتىنشى، قوعامدىق سالت – سانا مەن ءمورالعا سوققى بولىپ تيەدى. جالعامالى ساتۋدىڭ سالدارىنان تۋىنداعان ەرلى – زايىپتىلاردىڭ ارازداسۋى، اكەسى مەن بالاسىنىڭ قارسىلاسۋى، ءتىپتى وتباسىنىڭ ويران بولۋى سىندى تراگەديالار ۇنەمى تۋىلۋدا، بۇل سوتسياليستىك رۋحاني وركەنيەت قۇرىلىسىن اۋىر دارەجەدە بۇلدىرەدى.
بەسىنشى، جالعامالى ساتۋدى ۇيىمداستىرۋشىلار، جوسپارلاۋشىلار ۇيىمعا قاتىناسقانداردى رۋحاني جاقتان شاۋجايلايدى. جالعامالى ساتۋمەن شۇعىلداناتىندار وعان قاتىناسۋشىلاردى كۋرسقا قاتىناستىرۋ ارقىلى ولاردى الجاستىرىپ، اتالمىش تەز ارادا بايىپ شىعا كەلۋ سىندى جالعامالى ساتۋ «تەوريالارىن» ۇگىتتەپ، قاتىناسۋشىلاردى «اۋقاتتانۋ ارمانىنىڭ» قۇيىنا باتىرادى، قاتىناسۋشىلاردى وزدەرىنىڭ الدامكوستىك ارەكەتىن ءتاسىل تالعاماستان ۇگىتتەۋگە شىرعالايدى.
جاڭا تيپتەگى جالعامالى ساتۋ ارەكەتتەرىن قالاي پارىقتاۋعا، ودان قالاي ساقتانۋعا بولادى؟
ءبىرىنشى، جاڭا تيپتەگى جەلىدەگى جالعامالى ساتۋمەن شۇعىلداناتىنداردىڭ ۇنەمى قولداناتىن سوزدەرىن ءبىلىپ الۋ. ەگەر قارجىنى اينالىمعا سالۋ، تۇتىنۋعا اقشا جۇمساسا تيىمدىلىك بەرۋ، مەيىر باعىشتاپ ءوزارا كومەكتەسۋ، باستاپقى جارنا، ۆيرتۋالدى اقشا، وزگەرمەلى تابىس، تۇراقتى تابىس، تانىستىرۋ سيلىعى، مىندەت ورىنداۋ سيلىعى، باسەكەلەسۋ سيلىعى قاتارلى جالعامالى ساتۋعا قاتىستى سوزدەردى ەستىگەن كەزدە، ساقتىقتى كۇشەيتكەنىڭىز ابزال.
ەكىنشى، جوعارى سوماداعى پايدانىڭ كەلۋ قاينارىنىڭ ۇيلەسىمدى، ياكي، ۇيلەسىمسىز ەكەنىن پارىقتاڭىز. كەيبىر سەرىكتەستىكتەر ءبىر – اق كۇندە بايىپ شىعا كەلەسىز، جانتايىپ جاتىپ اقشا تاباسىز دەگەن جارنامالاردى جاريالايدى، اتالمىش جوعارى سوماداعى تابىستىڭ قالىپتى تيجارات زاڭدىلىعىنا ۇيلەسەتىن، ياكي، ۇيلەسپەيتىنىن، ساۋدانىڭ لوگيكاسىنا سايكەس كەلەتىن – كەلمەيتىنىن پارىقتاڭىز.
ءۇشىنشى، قابىلداۋعا اقى الۋ، قول استىنا مۇشە قابىلداۋ دەگەن سوزدەردى ەستىگەندە ساق بولىڭىز. جالعامالى ساتۋ دەگەنىمىز، ءىس جۇزىندە، جوعارى جىكتەگىلەر تومەن جىكتەگىلەر قوسقان قارجىنى ءبولىپ الاتىن ويىن، جالعامالى ساتۋ ۇيىمىنىڭ مۇشەسى بولۋ ءۇشىن اقى تاپسىرۋعا تۋرا كەلەدى، تابىس تابامىن دەگەندەردىڭ قول استىنا مۇشە قابىلداۋىنا تۋرا كەلەدى.
حالىق گازەتى، شينحۋا اگەنتتىگى، ورتالىق راديو تورابى اقپاراتتارىنان جيناقتاپ اۋدارىلدى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
