وميكرون جونىندە جۇڭ نانشان ەڭ جاڭا تۇجىرىم جاسادى
2021.12.24 15:23 كەلۋ قاينارى : حالىق تورابى
چىن يوۋزى فوتوسى كەلۋ قاينارى: گۋاڭجوۋ گازەتى
گۋاڭجوۋ اۋرۋدىڭ الدىن الۋ - تىزگىندەۋ ورتالىعى قۇرىلعاندىعىنىڭ 20 جىلدىعى جانە الەۋمەتتىك دەنساۋلىق ساقتاۋ سالاسىنىڭ باسشىلار تالقى مىنبەرى 12 – ايدىڭ 23 – كۇنى گۋاڭجوۋدا اشىلدى. جۇڭگو ينجەنەريا اكادەمياسىنىڭ اكادەميگى جۇڭ نانشان تالقى مىنبەرىندە مىنانى ءبىلدىردى: جاڭا تيپتى ايدارشا ۆيرۋستىڭ وزگەرگەن تۇبىرشىگى وميكروننىڭ جۇقپالىلىعى وتە كۇشتى، الايدا اۋرۋعا شالدىقتىرۋ قۋاتى مەن زالالى قانشالىق زور ەكەنى جونىندە ءالى زەرتتەۋ جۇرگىزىلۋدە، «قازىر بۇل ۆيرۋس تۇبىرشىگىنىڭ ولىمگە دۋشار ەتۋ مولشەرى وتە جوعارى ەكەنى بايقالمادى، الايدا، تەك ولىمگە دۋشار ەتۋ مولشەرىنە عانا قاراۋعا بولمايدى، كوپ مولشەردە تارالىپ، كوپ ادامعا شالىعى تيەتىنى داۋسىز».
جۇڭ نانشاننىڭ پىكىرىنشە، قازىر وميكروننىڭ تارالۋ قارقىنى وتە تەز بولىپ، كەڭەيۋ بەتالىسىن بايقاتۋدا، «دەلتا ۆيرۋس تۇبىرشىگى بايقالعاننان تارتىپ، باستى ۆيرۋس تۇبىرشىگى بولعانعا دەيىن 2 اي ۋاقىت كەتكەن، وميكرون ۆيرۋس تۇبىرشىگى بيىل 10 – ايدا بايقالعان، مەجەمەن وسى مەزگىلدە جۇعىمدالعان ناۋقاستار سانى ۇزدىكسىز ارتۋى مۇمكىن».
جۇڭ نانشان بىلاي دەدى: ا ق ش – ندا جاڭادان ارتقان ناۋقاستاردىڭ %72 ى وميكرون ۆيرۋس تۇبىرشىگىمەن جۇعىمدالعان، «سوندىقتان وميكرون ۆيرۋس تۇبىرشىگىنە جەڭىل قاراماۋىمىز، ءسوزسىز، ساقتىقتى كۇشەيتۋىمىز كەرەك».
وميكرون وزگەرگەن ۆيرۋس تۇبىرشىگىنە قالاي توتەپ بەرۋ جونىندە، جۇڭ نانشان ءبىلمدى قۇرمەتتەپ، مامانداردى قۇرمەتتەپ، ساياسات بەلگىلەگەن كەزدە مامانداردىڭ پىكىرىن ويلاستىرۋ كەرەك ەكەنىن، ءدال تاۋىپ ىزىنە ءتۇسۋدى، عىلىمي تۇردە ساقتانۋ – تىزگىندەۋدى ويداعىداي ىستەپ، ساقتانۋ شارالارىنىڭ قوعامدىق وندىرىسكە جاسايتىن ىقپالىن بارىنشا ازايتۋ كەرەك ەكەنىن ايتقان.
«جۇڭگونىڭ ۆاكسيناسى، زايىرى، ءونىمدى مە، جوق پا؟ دەلتا وزگەرگەن ۆيرۋس تۇبىرشىگىنە ءونىمدى مە، جوق پا؟» — دەگەن سۇراۋلارعا جۇڭ نانشان بىلاي دەدى: گۋاڭجوۋداعى 5 – ايدىڭ 21 - كۇنگى جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاسقا جۇرگىزىلگەن زەرتتەۋگە قاراعاندا، جۇڭگودا وندىرىلگەن جانسىزداندىرعان ۆاكسينانىڭ ەكى دوزاسىن ەكتىرگەن سوڭ، دەلتا وزگەرگەن ۆيرۋس تۇبىرشىگىنەن ساقتاندىرۋ مولشەرى %59 بولادى، سالماقتى اۋرۋدان ساقتاندىرۋ مولشەرى %100 كە جەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
