بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىق تورابىنىڭ «اقيقات» باعدارلاماسى

2022 – جىلى 1 – ايدىڭ 1 – كۇنىنەن باستاپ اۆتوكولىكتى جىلدىق تەكسەرۋدى كەشەۋىلدەتسە ارحيۆ قۇلىپتانادى دەگەن ءسوز راس پا؟ ساقشى جاق وسەككە تويتارىس بەردى: بۇل ايتىلىم جالعان

2021.12.24 15:34     كەلۋ قاينارى : حالىق تورابى

  حالىق تورابىنىڭ 12 – ايدىڭ 23 – كۇنى بەرگەن حابارى (حاۋ پيڭ، جوۋ جيڭيۋان) جۋىردا اۆتوموبيلدى جىلدىق تەكسەرۋگە قاتىستى اقپارات ۋيچات توپتارىندا تارادى، بۇل اقپاراتتا «2022 – جىلى 1 – ايدىڭ 1 – كۇنىنەن باستاپ، اۆتوكولىكتى جىلدىق تەكسەرۋدى تەك الدىن الا بىتىرۋگە بولادى، كەشەۋىلدەتۋگە بولمايدى. ءبىر كۇن كەشەۋىلدەسە دە، اۆتوكولىكتى باسقارۋ مەكەمەسى ارحيۆتى قۇلىپتايدى ...» دەگەن مازمۇن ايتىلعان. ءتىلشىنىڭ حۋبەي ولكەسى ۋحان قالالىق قوعام حاۋىپسىزدىگى قاتىناستى باسقارۋ مەكەمەسىنەن ۇعىسۋىنشا، بۇل اقپارات جالعان ەكەن.

  ءتىلشى «جىلدىق تەكسەرۋدى كەشەۋىلدەتسە، اۆتوكولىك ارحيۆىن قۇلىپتايدى» دەگەن مازمۇندى ىزدەستىرىپ كورگەن، بۇل تەكتەس وسەك – اياڭ ينتەرنەتتە كوپ رەت تارالعان ەكەن. بيىل 7 – ايدا، جياڭسۋ ولكەسى نانجيڭ قالاسىنداعى اۆتوكولىكتى باسقارۋ بولىمشەسى وسەككە تويتارىس بەرىپ، قازىر اۆتوكولىكتى باسقارۋ تاراۋلارىنىڭ جىلدىق تەكسەرۋ ۋاقىتى ءوتىپ كەتكەن اۆتوكولىكتەردىڭ ارحيۆىنە باعىتتاي وتىرىپ، ماجبۇرلەۋ شارالارىن قولدانۋعا قاتىستى شارالاردى ورتاعا قويماعانىن ايتقان. سەنىمدى مەكەمەلەر وسەككە تويتارىس بەرسە دە، كەيبىرەۋلەر وسەك – اياڭنىڭ ۋاقىتىن وزگەرتىپ، قايتادان ۋيچات توپتارىنا تاراتىپ ءجۇر.

  ءتىلشىنىڭ ۇعىسۋىنشا، موتورلى كولىكتەردى تىزىمگە الۋ جۇيەسىندە، اۆتوكولىككە قاتىستى جاعدايلار «قالىپتى»، «زاڭعا قايشى كەلىپ، ءبىرجاقتى ەتپەگەن»، «قۇلىپتانعان»، «ءماجبۇرلى تۇردە كەرەكسىز ەتىلگەن» قاتارلى بىرنەشە ءتۇر بويىنشا ەستەلىككە الىنادى. مۇندا «قۇلىپتانعان» دەگەن ءسوز جۇيەلىك باسقارۋدىڭ كۇيىن كورسەتەدى.

  ۋحان قالالىق قاتىناس باسقارۋ مەكەمەسىنىڭ ايتۋىنشا، «موتورلى اۆتوكولىكتى تىزىمگە الۋ بەلگىلەمەسىنىڭ» (قوعام حاۋىپسىزدىگى مينيسترلىگىنىڭ 124 – ءنومىرلى بۇيرىعى) 3 – تاراۋىنداعى باسقا بەلگىلەمەلەر دەگەن ءبولىمنىڭ 49 – تارماعىندا: «اۆتوكولىكتىڭ يەسى اۆتوكولىكتى جىلدىق تەكسەرتۋ ناتيجەسى كۇشىنە يە ۋاقىت تولعان سوڭ 3 اي ىشىندە تىزىمدەلگەن ورىنداعى اۆتوكولىكتى باسقارۋ بولىمشەسىنە تەكسەرۋدە تولىمدى بولعانى جونىندەگى بەلگىنى الۋعا ءوتىنىش تاپسىرۋى كەرەك. ءوتىنىش تاپسىرۋدىڭ الدىندا، اۆتوكولىكتىڭ يەسى وسى كولىككە قاتىستى تاس جولداعى قاتىناس حاۋىپسىزدىگى زاڭىنا قايشى ارەكەتتەر مەن قاتىناس شىرعالاڭدارىنا قاتىستى ىستەردى ءبىرجاقتى ەتىپ بولۋى كەرەك». سوندىقتان، اۆتوكولىكتى بەلگىلەنگەن شەكتى مەرزىم ىشىندە حاۋىپسىزدىككە قاتىستى تەحنيكالىق تەكسەرۋدەن وتكىزبەسە، اۆتوكولىكتى باسقارۋ جۇيەسى ارحيۆتى اۆتوماتتى تۇردە قۇلىپتامايدى.

  ەگەر اۆتوكولىكتى تەكسەرتەتىن ۋاقىت ءوتىپ كەتسە دە تەكسەرتپەي، اۆتوكولىكپەن جالعاستى جولعا شىقسا، قانداي جاعداي تۋىلادى؟ «اۆتوكولىكتى تىزىمگە الۋ بەلگىلەمەسىنىڭ» (قوعام حاۋىپسىزدىگى مينيسترلىگىنىڭ 124 – ءنومىرلى بۇيرىعى) 4 – تاراۋىنداعى زاڭدىق جاۋاپكەرشىلىككە قاتىستى بولىمىندەگى 56 – تارماقتىڭ 4 – تۇرىندە بىلاي دەپ بەلگىلەنگەن: «اۆتوكولىكتى بەلگىلەنگەن شەكتى مەرزىم ىشىندە حاۋىپسىزدىككە قاتىستى تەحنيكالىق تەكسەرۋدەن وتكىزبەسە، قوعام حاۋىپسىزدىگى ورگانى قاتىناستى باسقارۋ تاراۋى ەسكەرتۋ بەرەدى نەمەسە 200 يۋاننان تومەن اقشالاي ايىپ سالادى».

  «اۆتوكولىكتى ءماجبۇرلى تۇردە كەرەكتەن شىعارۋ ولشەمى جونىندەگى بەلگىلەمەنىڭ» 4 – تارماعىنىڭ 4 – تۇرىندە مىناداي بەلگىلەنگەن: «تەكسەرۋ ناتيجەسىنىڭ كۇشىنە يە مەرزىمى تولعان سوڭ، جالعاستى 3 تەكسەرۋ پەريودى ىشىندە اۆتوكولىكتى تەكسەرۋ تولىمدىلىق بەلگىسىن الماعان بولسا، اۆتوكولىكتى ءماجبۇرلى تۇردە كەرەكتەن شىعارۋ شاراسى اتقارىلادى». دەمەك، وتباسىلىق اۆتوكولىكتى الدىڭعى 6 جىل ىشىندە ەكى جىلدا ءبىر رەت تەكسەرتۋ، 7 – 15 جىل ىشىندە جىلىنا ءبىر رەت تەكسەرتۋ، 15 جىلدان كەيىن جارىم جىلدا ءبىر رەت تەكسەرتۋ كەرەك. اۆتوكولىكتى جالعاستى 3 رەتكى تەكسەرۋ پەريودى ىشىندە اۆتوكولىكتى تەكسەرتۋ تولىمدىلىق بەلگىسىن الماعان بولسا، وندا ءماجبۇرلى تۇردە كەرەكتەن شىعارۋ شاراسى اتقارىلادى.

  قوعام حاۋىپسىزدىگى ورگانى قاتىناس باسقارۋ تاراۋى مىنانى قايتالاي ەسكەرتەدى: قاتىناس باسقارۋعا قاتىستى جاڭا بەلگىلەمەلەر، جاڭا شارالار قاتارلىلارعا قاتىستى ۇكىمەت ورىندارى دەر كەزىندە سەنىمدى اقپارات جاريالاپ وتىرادى. كوپشىلىكتىڭ ءوزىنىڭ اۆتوكولىگىنىڭ جىلدىق تەكسەرۋ ۋاقىتىنا ءجىتى ءمان بەرىپ وتىرۋىن «ۋاقىتىن وتكىزىپ الماۋىن» ەسكەرتەمىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار