بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حوتان قالاسى:

كاسىپ سالاسىن اۋىل شارۋاشىلىعىمەن بىرلەستىرىپ، شارۋالارعا تيىمدىلىك جەتكىزدى

□ انار بۇلت / شينجياڭ گازەتىنىڭ ءتىلشىسى ءپاريزات ابدۇل

2021.12.27 15:18     كەلۋ قاينارى : شينجياڭ گازەتى

  پارتيا تاريحىن ۇيرەنۋ تاربيەسى ورىستەتىلگەننەن بەرى حوتان قالاسى توقىماشىلىق، كيىم - كەشەك، قوي بورداقىلاۋ، ەرەكشە اس - سۋ سىندى ”3 ءىرى كاسىپ سالاسىن“ كۇشەيتۋگە كۇش سالىپ، كاسىپ سالاسىن اۋىل شارۋاشىلىعىمەن بىرلەستىرىپ، شارۋالارعا تيىمدىلىك جەتكىزۋدى جەدەل ىلگەرىلەتىپ، پارتيا تاريحىن ۇيرەنۋ تاربيەسى ونىمدىلىگىن اۋىل - قىستاقتى گۇلدەندىرۋدى ىلگەرىلەتۋدىڭ قۋاتتى قوزعاۋشى كۇشىنە اينالدىرۋعا قۇلشىندى.

  جۋىقتا حوتان قالاسى گۋجانباق اۋىلىنداعى حوتان ولشەمدەنگەن قوي بورداقىلاۋ باعىمشىلىق بازاسىنا بارعانىمىزدا، رىزۋانگۇل ازەز قويعا جەم - ءشوپ بەرىپ جاتىر ەكەن. رىزۋانگۇل حوتان قالاسى لاسكۇي قالاشىعى قوسكول قىستاعىنىڭ تۇرعىنى، بىلتىر 10 - ايدا ول باعىمشىلىق بازاسىنىڭ باعىمشىسى بولعاننان كەيىن، اي سايىن تۇراقتى ەڭبەكاقى الىپ قانا قالماستان، باعىمشىلىق تەحنيكاسىن ۇيرەنىپ، ءوز ۇيىندە باعىمشىلىق كاسىبىن دامىتۋعا كىرىسكەن. ”قازىر وتباسىم 8 قوي باعادى، كىرىسىمدى ارتتىرۋ ارناسى كوبەيدى، بايۋ سەنىمىم اناعۇرلىم كۇشەيدى“، - دەدى رىزۋانگۇل.

  بيىل جىل باسىنان بەرى حوتان قالاسى بورداق قوي باعىمشىلىعى كاسىپ سالاسىن تىرەكتى كاسىپ سالاسى رەتىندە مىقتى يگەردى، قازىر جىلىنا 200 مىڭ تاۋارلىق قويدى قولدان شىعاراتىن 115 ولشەمدى قوي قوراسى سالىنىپ بولدى، وندا جيىنى 36 مىڭ بورداق قوي بار.

  ”قازىر بورداق قوي باعىمشىلىق بازاسى 60 ادامدى جۇمىستاندىرىپ وتىر“. حوتان ولشەمدى بورداق قوي باعىمشىلىعى بازاسىنىڭ جاۋاپتىسى ۋ شىڭدي بىلاي دەدى: الداعى جەردە ءبىز 10 وتباسىنىڭ جارناسىن تۇتاستىرۋ، كاسىپ سالاسى ارقىلى جۇمىستانۋدى جەبەۋ، كوپ جاق بىرلەسىپ ارەكەتتەنۋ، شوعىرلى تاپسىرىس بەرىپ باقتىرۋ سىندى تاسىلدەر ارقىلى اۋىل شارۋاشىلىعىمەن بىرلەستىرۋ، شارۋالارعا تيىمدىلىك جەتكىزۋ، شارۋالاردى جەتەكتەۋ ۇلگىسىن قالىپتاستىرىپ، بارلىق وتباسىندا كاسىپ سالاسىنىڭ بولۋىن، بارلىق وتباسىنىڭ كىرىسىن ارتتىرۋىن جۇزەگە اسىرامىز.

  حوتان قالاسى تاعى دا بورداق قويلاردى وتباسىلارعا اپارىپ باعۋدى تۇتقا ەتىپ، اۋىل - قالاشىقتارداعى شارۋا وتباسىلارىن بورداق قوي باعىمشىلىعىن زور كۇشپەن دامىتۋعا ىنتالاندىردى. ”ءبىز باعىمشىلىق سەلبەستىك كووپەراتيۆتەرىن، باعىمشىلىقپەن شۇعىلداناتىن ءىرى وتباسىلارىن شارۋا وتباسىلارىن اۋلا باعىمشىلىعىن دامىتۋعا جەتەكتەۋ ۇلگىسىن قولداندىق، شارت - جاعدايى بار شارۋا وتباسىلاردىڭ جىلدىق ورتاشا كاسىپ سالاسى كىرىسىنىڭ 4000 يۋاننان اسۋىنا شىنايى كەپىلدىك ەتتىك. قازىر 12 باعىمشىلىق كووپەراتيۆى قۇرىلدى“، - دەدى حوتان قالاسى تۇسالا قالاشىعىنىڭ ورىنباسار باستىعى مامەتالي ماتسايدى.

  پارتيا تاريحىن ۇيرەنۋ تاربيەسى ورىستەتىلگەننەن بەرى حوتان قالاسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىمەن ۇشتاستىرىپ، جۇمىستاندىرۋدى ءتۇرلى ءادىس - امالدارمەن يگەرىپ، كىرىستى ارتتىرۋدى جەبەدى. ”حوتان اسحاناسى“، ”حوتان قاقتاماسى“، ”حوتان كەشكى بازارى“ سىندى 3 ۇلكەن اس - سۋ ماركاسىن تۇلعالاۋ ارقىلى ەرەكشە اس - سۋ كاسىبىن زورايتىپ، كۇشەيتىپ، جوعارى ساپالى، ورنىقتى جۇمىستاندىرۋدى جۇزەگە اسىردى.

  مايى تامىپ تۇراتىن جىڭعىل كاۋابى، قاقتاعان كەپتەر، ەلگە ايگىلى حوتان سامساسى... حوتان كەشكى بازارىن ارالاساڭىز، الۋان ءتۇرلى ءدامدى تاعامدار سىلەكەيىڭىزدى شۇبىرتادى.

  ”كەشكى بازارعا كەلەتىن ساياحاتشىلار بارعان سايىن كوبەيدى، ساۋدامىز دا بارعان سايىن جاقساردى. قازىر مەن ءبىر ايدا 7000 يۋان تابامىن“، - دەدى كەشكى بازاردا ايران قياق كۇرىش ساتاتىن ساۋداگەر ءماريپات الىم.

  بيىل 8 - ايدا حوتان قالاسى ”حوتان اسحاناسى“ ەرەكشە اس - سۋ كاسىبىن زور كۇشپەن دامىتتى. قازىرگە دەيىن بۇكىل قالا بويىنشا ”حوتان اسحاناسى“ 16عا جەتىپ، 300دەن استام ادامنىڭ جاقىن ماڭدا، سول جەردە جۇمىستانۋىنا جەتەكشىلىك ەتتى.

  حوتان قالاسى تاعى كاسىپ سالاسى ارقىلى جۇمىستانۋعا جەتەكشىلىك ەتىپ، كىرىستى ارتتىرۋدى جەبەپ، توقىماشىلىق، كيىم - كەشەك كاسىپ سالاسىن كۇش سالا كۇشەيتتى.

  حوتان قالاسى گۋجيانباق اۋىلى سەكسەن قىستاعى جيا - ي كيىم - كەشەك شەكتى سەرىكتەستىگىنىڭ تىگىنشىلىك سەحىنا بارعانىمىزدا، 21 جاستاعى گۇزالنۇر ءمامتيمىن دايىن بولعان كيىم - كەشەكتەردى تەكسەرىپ جاتىر ەكەن. ”مەن بۇل ارادا 3 جىل قىزمەت ىستەدىم، العاش كەلگەن كەزدە ۇستازىما ەرىپ ماشينا، ءجىپ وتكىزۋ، تىگۋ سياقتى نەگىزدىك قىزمەتتەرگە قانىق بولۋدان باستاپ ۇيرەندىم، قازىر زاۆود باستىعىنىڭ كومەكشىسىمىن، ايىنا 5000 يۋاننان استام ەڭبەكاقى الامىن“، - دەدى گۇزالنۇر.

  گۇزالنۇر شەشەسىن دە سەرىكتەستىككە بارىپ جۇمىستانۋعا باستاعان. بۇگىنگى تاڭدا ونىڭ شەشەسى جاقسى ونەرىنە سۇيەنىپ، ايىنا 5000 يۋان ەڭبەكاقى الاتىن بولدى. ”سەرىكتەستىكتە مەن سياقتى تۇراقتى جۇمىستانعان قىزمەتكەردەن 74 ادام بار، تۇراقتى جۇمىستانۋ تۇرمىسىمىزدى بارعان سايىن جاقسارتا ءتۇستى“، - دەدى گۇزالنۇر.

  ”قازىر سەكسەن قىستاعىندا جاقىن ماڭدا، سول جەردە جۇمىستانعانداردىڭ سانى 426 ادامعا جەتتى“. سەكسەن قىستاعى پارتيا ياچەيكاسىنىڭ شۋجيى جاڭ تاۋ بىلاي دەدى: الداعى جەردە ءبىز اۋىل - قىستاق ساياحاتى، ەلەكتروندى ساۋدا، اۋىل شارۋاشىلىق ونىمدەرىن جىنتىكتەي مانەرلەۋ، حالىق باسقارۋىنداعى كاسىپورىندار ءبىر تۇلعالانعان اۋىل - قىستاقتى گۇلدەندىرۋدەن ۇلگى كورسەتەتىن قىستاقتى بەلسەنە قۇرىپ، قىستاق تۇرعىندارىن اناعۇرلىم ساپالى جۇمىستاندىرۋ تۇعىرىمەن قامدايمىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار