بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو ماقتاشىلار قوعامى قاتاڭ مالىمدەمە جاريالاپ

امەريكا ۇكىمەتىنىڭ ادامدىق ۇقىق جەلەۋىمەن جۇڭگونىڭ ماقتا توقىماشىلىق كاسىپ سالاسىنا قىسىم كورسەتكەندىگىن قاتاڭ جازعىردى ءارى وعان باتىل قارسى تۇردى

2021.12.27 15:20     كەلۋ قاينارى : شينجياڭ گازەتى

  شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى. جۇڭگو ماقتاشىلار قوعامى 12 - ايدىڭ 25 - كۇنى قاتاڭ مالىمدەمە جاريالاپ، امەريكا ۇكىمەتىنىڭ ادامدىق ۇقىق جەلەۋىمەن جۇڭگونىڭ ماقتا توقىماشىلىق كاسىپ سالاسىنا قىسىم كورسەتۋ ارەكەتىن قاتاڭ جازعىردى ءارى وعان باتىل قارسى تۇردى.

  امەريكا شىعىس ۋاقىتى 12 - ايدىڭ 23 - كۇنى امەريكا جاق ايتىلمىس ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا“ (تومەندە قىسقاشا ”زاڭ جوبا“ دەلىنەدى) قول قويىپ زاڭعا اينالدىردى. ”زاڭ جوبا“ شينجياڭدا وندىرىلگەن بارلىق ونىمدەردى ايتىلمىس ”زورلىقپەن ەڭبەككە سالۋ“ ونىمدەرى دەپ بەلگىلەدى ءارى شينجياڭعا قاتىستى ونىمدەردى يمپورت ەتۋگە تيىم سالدى.

  جۇڭگو ماقتاشىلار قوعامى قاتاڭ مالىمدەمە جاريالاپ، بۇل ارەكەتتىڭ ەلىمىزدىڭ ماقتا توقىماشىلىق كاسىپ سالاسىنا ۇزدىكسىز ورەسكەل ىقپال جاسايتىندىعىن، جۇڭگونىڭ، ءتىپتى، الەمنىڭ ماقتا توقىماشىلىق ءوندىرىسى مەن ساۋدا ءتارتىبىن اۋىر دارەجەدە بىلىقتىرعاندىعىن، ونىڭ دورەكىلىكپەن كيلىگۋىنە بۇكىلدەي ەلەۋسىز قاراۋ جۇڭگونى قامتىعان دۇنيە جۇزىندەگى قاتىستى كاسىپورىنداردىڭ جانە كاسىپپەن شۇعىلدانۋشىلاردىڭ ورىندى ۇقىق - مۇددەسىنە ىقپال جاسايتىندىعىن ءبىلدىردى.

  مالىمدەمەدە بىلاي دەپ اتاپ كورسەتىلدى: شينجياڭ ەلىمىزدىڭ ماقتا وندىرىسىندەگى باسىمدىققا يە ءوندىرىس رايونى رەتىندە، ماقتانىڭ ءونىم مولشەرى جىلدار بويى 5 ميلليون توننا اينالاسىندا بولىپ كەلەدى. ادام كۇشىنىڭ وزىندىك قۇنىنىڭ جوعارىلاۋى سياقتى ىقپالداردان سوڭعى جىلداردان بەرى شينجياڭنىڭ ماقتا ءوندىرىسىنىڭ كولەمدەنۋ، ماشينالانۋ تەبىنى جەدەل ىلگەرىلەپ، اۋىل شارۋاشىلىق ءوندىرىسىنىڭ ونىمدىلىگى جوعارىلادى. 2021 - جىلى بۇكىل شينجياڭدا ماقتانى ماشينامەن جيناۋ سالىستىرماسى %87.9كە جەتتى.

  مالىمدەمەدە بىلاي دەپ اتاپ كورسەتىلدى: دۇنيە جۇزىندەگى ەكىنشى ءىرى ماقتا ءوندىرۋشى ەل، ءبىرىنشى ءىرى ماقتا يمپورت ەتەتىن جانە توقىماشىلىق بۇيىمدارىن وندىرەتىن ەل رەتىندە، ەلىمىزدىڭ ماقتا توقىماشىلىق كاسىپ سالاسى دۇنيە جۇزىلىك ساۋدا ۇيىمىنا كىرگەننەن بەرى قارىشتاپ دامىپ، ماقتا اتىزىنان كيىم - كەشەك جانە بۋىنشاق - تۇيىنشەككە دەيىن، الەمدىك جۇمىس ءبولىسى مەن سەلبەستىككە قاتىناسۋ ارقىلى دۇنيە ءجۇزى حالقىنا ادەمى دە ارزان كيىم - كەشەكتەردەن تارتىپ ساپالى دا مودا كيىم - كەشەكتەرگە دەيىنگى الۋان ءتۇرلى كيىم - كەشەك تالعامىن ۇسىنىپ، قازىرگى الەمدىك توقىماشىلىق كاسىپ تىزبەگىندەگى ماڭىزدى بۋىنعا اينالدى.

  مالىمدەمەدە بىلاي دەپ اتاپ كورسەتىلدى: جۇڭگونىڭ ماقتا جانە توقىماشىلىق كاسىبى ەڭبەكشىلەردىڭ ءتۇرلى ۇقىق - مۇددەسىن قامتاماسىز ەتۋگە باستان - اياق كۇش سالىپ، ءوندىرىس، تۇرمىس شارت - جاعدايىن ۇزدىكسىز جاقسارتىپ، ءونىم ساپاسىن جوعارىلاتىپ، الەمدەگى كيىم - كەشەك جانە بولشەك ساتاتىن ايگىلى ماركا ساۋداگەرلەرىنە ورنىقتى، سەنىمدى قامداۋ تىزبەگى جاعىنان قىزمەت وتەپ كەلەدى، بۇعان ءادىل مامىلە جاسالۋى كەرەك. جۇڭگوداعى ماقتاشىلار، توقىما جۇمىسشىلارى جۇڭگوداعى بارلىق قاراپايىم ەڭبەكشىلەر سياقتى تالاي جىلدان بەرى قاجىرلىلىقپەن ەڭبەكتەنۋ ارقىلى وتباسىلارىنىڭ كىرىستەرىن ارتتىرىپ، تۇرمىس ورەلەرىن جوعارىلاتتى، بۇل تەرىستەۋگە بولمايتىن فاكت، سونداي - اق جۇڭگونىڭ ماقتا جانە توقىماشىلىق كاسىبىندەگى ەڭ ۇلكەن ادامدىق ۇقىق شىندىعى بولىپ تابىلادى.

  مالىمدەمەدە بىلاي دەپ اتاپ كورسەتىلدى: جۇڭگونىڭ ماقتا جانە توقىماشىلىق كاسىبى سىرتقا ەسىك اشۋ مەن سەلبەستىككە ۇزدىكسىز تاباندى بولادى، سىرتتىڭ قىسىم كورسەتۋى مەن كۇيە جاعۋى بولاشاقتاعى جۇڭگونىڭ ماقتا، توقىماشىلىق كاسىپ سالاسىنىڭ جوعارى ساپالى، باياندى دامۋىنا بوگەت بولمايدى ءارى بوگەت بولا دا المايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار