شينجياڭ اۋىل شارۋاشىلىق ونىمدەرىنىڭ ”دوستىق شەڭبەرى“ 138 مەملەكەت پەن رايونعا كەڭەيدى
2021.12.27 15:20 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ميھىرگۇل ناسىر 12 - ايدىڭ 24 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، ”ءبىر بەلدەۋ، ءبىر جول“ دارىپتەمەسىنىڭ ىلگەرىلەتۋىندە، شينجياڭ اۋىل شارۋاشىلىق ونىمدەرىنىڭ ”دوستىق شەڭبەرى“ بارعان سايىن ۇلكەيىپ، كەزەكتە شالعايداعى 138 مەملەكەت پەن رايونعا دەيىن ساتىلۋدا ەكەن.
شينجياڭنىڭ ەكسپورتتىق اۋىل شارۋاشىلىق ونىمدەرىنىڭ ءتۇرى ۇزدىكسىز ”شەڭبەردەن اسىپ“، وتكەندەگى پاميدور قويمالجىڭى، قۇرعاق جەمىستەن قازىرگى كانسەرۆا تۇرلەرى، دامدەندىرگىش تۇرلەرى، جۇڭگوشا ءدارى - دارمەك ماتەريال تۇرلەرى، سۋ ونىمدەرى تۇرلەرى، اراق تۇرلەرى، سونداي - اق جاس كۇيىندەگى جەمىس - جيدەكتەر سياقتى كوپ تۇردەگى ونىمدەرگە كەڭەيگەن.
11 - ايدىڭ ورتاسىندا سايرام كولىنەن الىنعان 6 توننا اق قايران ۋىلدىرىعى توڭازىتقىش تىزبەكتى اۆتوكولىك ارقىلى تيانجين پورتىنا جەتكىزىلگەننەن كەيىن، جۇك كەمەسىنە تيەلىپ فينلاندياعا ساتۋعا جونەلتىلدى. بۇل شينجياڭنىڭ تۇڭعىش رەت اق قايران ۋىلدىرىعىن ەكسپورت ەتۋى. ”اق قايران ۋىلدىرىعىنىڭ ءارقايسى كورسەتكىشتەرى تۇگەلدەي ەۆروپا وداعىنا ەكسپورت ەتۋ ولشەمىنە جەتتى، بيىل تۇڭعىش رەت فينلاندياعا ەكسپورت ەتىلدى، كەلەر جىلدىڭ باسىندا 2 - توپتاعى تاپسىرىس مەرزىمىندە جونەلتىلەدى“، - دەدى بۇراتالا موڭعۇل اۆتونوميالى وبلىسى ءمالىم بالىقشىلىق كاسىبى سەرىكتەستىگىنىڭ ورىنباسار باس ديرەكتورى ليۋ زۇڭلين.
شينجياڭنىڭ جەرگىلىكتى ونىمدەرى مەن ەرەكشە اۋىل شارۋاشىلىق ونىمدەرى ەكسپورتىن ورنىقتىرۋ ءۇشىن، ءۇرىمجى كەدەنى فۋنكتسيالىق جانە تەحنيكالىق باسىمدىقتى ساۋلەلەندىرىپ، يمپورت ەتكەن ەلدەردىڭ اۋىل شارۋاشىلىق ونىمدەرىن ەگۋدەن تەرۋگە دەيىنگى بۇكىل بارىسىن ىزىنە ءتۇسىپ تەكسەرۋ تالابى بويىنشا، جەتەكشىلىك ەتۋدى كۇشەيتىپ، ەكسپورت ەتىلەتىن اۋىل شارۋاشىلىق ونىمدەرى ساپاسىنىڭ حالىقارالىق ولشەمگە ۇيلەسۋىن ءونىمدى قامتاماسىز ەتتى. قاتىستى ماجبۇرلەۋ سيپاتتى زاڭ - ەرەجەلەردى، ولشەمدەردى جانە تەحنيكالىق تالاپتاردى دەر كەزىندە توپتاپ، كاسىپورىنداردىڭ شەتەلدەردىڭ تەحنيكالىق سيپاتتاعى ساۋدا شارالارىنا بەلسەنە سايكەسۋىنە كومەكتەسىپ، اۋىل شارۋاشىلىق ونىمدەرىن ەكسپورتتاۋدا وندىرىلگەن اۋەلگى جەر كۋالىگىن ءوتىنىش ەتۋ قىزمەتى ءۇشىن ”جاسىل ارنا“ اشىپ، كاسىپورىنداردىڭ كەدەننەن ءوتۋ ۋاقىتىن قىسقارتىپ، كەدەننەن ءوتۋ وزىندىك قۇنىن تومەندەتىپ، كاسىپورىنداردى كەدەن باجىسىندا تيىمدىلىك جاساۋ ساياساتىنان تولىق يگىلىكتەندىردى.
جىل باسىنان بەرى ءۇرىمجى كەدەنى جيىنى 135 جەمىس-جيدەك باقشاسىنىڭ، 32 ەكسپورتتىق جەمىس - جيدەكتەردى قوراپتايتىن زاۆودتىڭ ەكسپورتتىق جەمىس − جيدەكتەردى تىركەۋگە الدىرۋ، تىزىمدەۋ جۇمىسىن، 396 ەكسپورتتىق ازىق - تۇلىك ءوندىرىس كاسىپورنىنىڭ ەستەلىككە الۋ جۇمىسىن ءبىتىرىپ بەردى، باستى تۇرلەرى الما، المۇرت، جاڭعاق سياقتى شينجياڭنىڭ ەرەكشە اۋىل شارۋاشىلىق ونىمدەرى بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
