بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شوفەرلەر كوڭىل بولىڭىزدەر! كەلەر جىلى 4 – ايدان باستاپ، ءنومىر تارتۋ بەلگىلەمەسىندە وزگەرىس بولادى

2021.12.27 15:42     كەلۋ قاينارى : حالىق تورابى

  حالىق تورابىنىڭ 12 – ايدىڭ 27 – كۇنى بەيجيڭنەن بەرگەن حابارى (حاۋ پيڭ، ۋ نان) بۇگىن تۇستەن بۇرىن، قوعام حاۋىپسىزدىگى مينيسترلىگى بەيجيڭدە اقپار جاريالاۋ ءماجىلىسىن اشتى، ماجىلىستە قوعام حاۋىپسىزدىگى مينيسترلىگى قاتىناس باسقارۋ مەكەمەسىنىڭ باستىعى لي جياڭپيڭ بىلاي دەپ تانىستىردى: جاڭادان بەلگىلەنگەن «تاس جولداعى قاتىناس حاۋىپسىزدىگىنە قاتىستى زاڭعا قايشى ارەكەتتەرگە بايلانىستى ءنومىر تارتۋدى باسقارۋ ءادىسى» (تومەندە قىسقارتىلىپ «ءادىس» دەپ اتالادى) 2022 – جىلى 4 – ايدىڭ 1 – كۇنىنەن باستاپ اتقارىلادى، ءنومىر تارتىلاتىن تۇرلەر مەن ءنومىر سانىندا تۇگەل وزگەرىس بولادى.

  لي جياڭپيڭ بىلاي دەپ تانىستىردى: «ادىستە» جيىنى 7 تاراۋ 37 تارماق بار، ءنومىر سانى، ءنومىر تارتۋدى اتقارۋ، ءنومىردى تۇگەل تارتقان جاعدايدا ءبىرجاقتى ەتۋ، تارتاتىن ءنومىر سانىن ازايتۋ نەمەسە كەشىرىم ەتۋ، زاڭدىق جاۋاپكەرشىلىك قاتارلى مازمۇندار قامتىلعان. باستىسى ءنومىر تارتۋدى باسقارۋ ءتۇزىمىن كەمەلدەندىرۋدى توڭىرەكتەي وتىرىپ، ءنومىر تارتاتىن تۇرلەر مەن ءنومىر سانىنا رەتتەۋ جۇرگىزىلگەن، قاتىناس زاڭىنا اۋىر قايشى كەلگەن ارەكەتتەردى باسقارۋ تەبىنىن بۇرىنعىداي ساقتاۋ العى شارتىندا، قاتىناس زاڭىنا قايشى ءىشىنارا ارەكەتتەرگە بايلانىستى تارتاتىن ءنومىر سانى ازايتىلعان، قاتىناس زاڭىنا قايشى ءىشىنارا ارەكەتتەرگە بايلانىستى ءنومىر تارتۋ الىپ تاستالعان. سونىمەن بىرگە، ءنومىر تارتۋ سانىن ازايتۋ، كەشىرىم ەتۋ بەلگىلەمەسى قوسىلعان، ءنومىر تارتۋدى باسقارۋ جانە تاربيە بەرۋ ارقىلى جەتەلەۋ ءوزارا ۇشتاستىرىلعان. اشىق ءارى جاريا بولۋعا، ءتارتىپتىڭ ءادىل بولۋىنا، قاتاڭ باقىلاۋ جۇرگىزۋگە تاباندى بولىپ، قۋلىق – سۇمدىق ارالاستىرۋ، ءنومىردى الىپ – ساتۋ قاتارلى ارەكەتتەردىڭ جاۋاپكەرشىلىگىن قاتاڭ قۋزاستىرۋ ايقىندالعان.

  «ادىستە» تاس جول قاتىناسىنىڭ حاۋىپسىزدىگى مەن ىركىلىسسىزدىگىنە ىقپال ەتۋ دارەجەسىنە نەگىزدەلە وتىرىپ، قاتىناس زاڭىنا قايشى ءىشىنارا ارەكەتتەرگە بايلانىستى تارتاتىن ءنومىر سانى ازايتىلعان، اۆتوكولىك جۇرگىزگەندە تەكسەرتكەن بەلگىنى، قامسىزداندىرۋ بەلگىسىن قويماۋ قاتارلى قاتىناس زاڭىنا جەڭىل دارەجەدە قايشى كەلگەن ارەكەتتەرگە بايلانىستى ءنومىر تارتۋ الىپ تاستالعان. وزگەرىس ەنگىزىلگەننەن كەيىن ءنومىر تارتاتىن ارەكەتتەر سانى 50 ءتۇر بولعان، مۇندا 7 تۇرگە بايلانىستى 12 ءنومىر، 7 تۇرگە بايلانىستى 9 ءنومىر، 11 تۇرگە بايلانىستى 6 ءنومىر، 15 تۇرگە بايلانىستى 3 ءنومىر، 10 تۇرگە بايلانىستى ءبىر ءنومىر تارتىلادى.

  «ادىستە» مىنالار بەلگىلەنگەن: تاس جول قاتىناس حاۋىپسىزدىگىنە قاتىستى زاڭ – تۇزىمدەردى جانە قاتىستى بىلىمدەردى ۇيرەنۋگە قاتىناسقان ءارى ەمتيحاندا تولىمدى بولعان، نەمەسە قوعام حاۋىپسىزدىگى قاتىناس باسقارۋ تاراۋلارى ۇيىمداستىرعان قاتىناس حاۋىپسىزدىگىنە قاتىستى الەۋمەتتىك يگىلىك قيمىلدارىنا قاتىناسقان بولسا، ءنومىردى از تارتۋ العى شارتىنا سايكەس كەلەتىن بولسا، تارتۋعا ءتيىستى ءنومىر جيىنتىعىنان ءنومىردى ازايتىپ تارتۋعا بولادى، ءبىر رەتكى ءنومىر تارتۋ پەريودى ىشىندە ەڭ كوپ بولعاندا 6 ءنومىردى از تارتۋعا بولادى. مۇنان سىرت، قاتىناس زاڭىنا قايشىلىق جاساعان ارەكەتى جەڭىل بولسا، ەسكەرتۋ بەرۋ جازاسى بەرىلەدى، ءنومىر تارتىلمايدى.

  «ادىستە» مىنالار بەلگىلەنگەن: ءبىر رەتكى ءنومىر تارتۋ پەريودى ىشىندە كوپ رەت 12 ءنومىردى تولىق تارتتىرعان بولسا، شوفەردىڭ زاڭعا بويسۇنۋ سانالىلىعىنىڭ تومەندىگىن، حاۋىپسىزدىك تانىمىنىڭ ناشارلىعىن ويلاستىرا وتىرىپ، تاربيە بەرىپ باسقارۋدى اناعۇرلىم كۇشەيتۋ، ۇيرەنۋ ۋاقىتىن ۇزارتۋ، ەمتيحانداعى ساباق ءتۇرىن ارتتىرۋ، شوفەردى اۆتوكولىكتى حاۋىپسىز دە وركەنيەتتى جۇرگىزۋگە قۋزاۋ قاجەت. ءىرى، ورتاشا تيپتەگى جولاۋشى اۆتوموبيلدەرى مەن جۇك اۆتوموبيلدەرىنىڭ شوفەرلەرى 12 ءنومىردى تولىق تارتقىزعان بولسا، الەۋمەتتىك حاۋىپسىزدىكتى ويلاستىرا وتىرىپ، تولىق نومىرلىك ۇيرەتۋ – تاربيەلەۋدى قاتاڭ اتقارۋ، ەمتيحاننىڭ قيىندىق دارەجەسىن جوعارىلاتۋ، ءتۇيىندى تۇردە باسقارۋدى كۇشەيتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار