بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

قازىنا مينيسترلىگىنىڭ مينيسترى ليۋ كۇن: 2022 – جىلى باجىنى ازايتىپ، اقىنى ارزانداتۋ اناعۇرلىم پارمەندى اتقارىلادى

2021.12.28 16:16   كەلۋ قاينارى : حالىق تورابى



  12 – ايدىڭ 27 – كۇنى، مەملەكەتتىك قازىنا قىزمەتى جونىندەگى بەينە كەسكىندى ءماجىلىس بەيجيڭدە اشىلدى. (قازىنا مينيسترلىگى بەرگەن سۋرەت)

  شينحۋا اگەنتتىگىنىڭ ءتىلشىسى شىن چىڭ بەيجيڭنەن حابارلايدى. قازىنا مينيسترلىگىنىڭ مينيستىرى ليۋ كۇن 12 – ايدىڭ 27 – كۇنى مىنانى ءبىلدىردى: 2022 – جىلى باجىنى ازايتىپ، اقىنى ارزانداتۋ اناعۇرلىم پارمەندى اتقارىلىپ، بازار نەگىزگى تۇلعالارىنىڭ ومىرشەڭدىك قۋاتى ارتتىرىلادى.

  جۋىردا اشىلعان ورتالىقتىڭ ەكونوميكا قىزمەتى ماجىلىسىندە مىنالار اتاپ كورسەتىلدى: بەلسەندى قازىنا ساياساتى ارقىلى ونىمدىلىكتى جوعارىلاتىپ، ساياساتتىڭ دالمە – ءدال، باياندى بولۋىنا اناعۇرلىم كوڭىل ءبولۋ قاجەت. 12 – ايدىڭ 27 – كۇنى بەيجيڭدە وتكىزىلگەن مەملەكەتتىك قازىنا قىزمەتى جونىندەگى بەينە كەسكىندى ماجىلىستە، ليۋ كۇن 2022 – جىلعى قازىنا قىزمەتىنىڭ ءتۇيىنىن تانىستىردى.

  ول مىنانى ءبىلدىردى: 2022 – جىلى بەلسەندى قازىنا ساياساتىن اتقارۋدىڭ باستى ءتۇيىنى مىنا التى جاقتاعى قىزمەتتى مىقتى يگەرۋ: بىرىنشىدەن، باجىنى ازايتىپ، اقىنى ارزانداتۋ اناعۇرلىم پارمەندى اتقارىلىپ، بازار نەگىزگى تۇلعالارىنىڭ ومىرشەڭدىك قۋاتى ارتتىرىلادى؛ ەكىنشىدەن، قوسىلىمنىڭ كۇشەمەلىلىگى ۇيلەسىمدى ساقتالىپ، قوسىلىمنىڭ دالدىك دارەجەسى جوعارىلاتىلادى؛ ۇشىنشىدەن، جەرگىلىكتى ۇكىمەتتىڭ ارناۋلى زايومىن ۇيلەسىمدى ورنالاستىرىپ، ءتۇيىندى نىسانداردىڭ قۇرىلىسىنا كەپىلدىك ەتىلەدى؛ تورتىنشىدەن، ورتالىقتىڭ جەرگىلىكتى ورىنعا جوتكەپ تولەۋ تەبىنى ارتتىرىلىپ، نەگىزگى ساتىداعى «ءۇشتى قامتاماسىزداندىرۋدىڭ» تومەنگى شەگى بەرىك ساقتالادى؛ بەسىنشىدەن، پارتيا – ۇكىمەت ورگاندارى ۇنەمشىلدىك ىستەۋگە تاباندى بولىپ، بارلىق ىستەردى ۇنەمشىلدىكپەن باسقارادى؛ التىنشىدان، قازىنالىق ءتارتىپ قاتاڭ اتقارىلىپ، قازىنالىق ءتارتىپ رەتكە سالىنادى.

  «بازار نەگىزگى تۇلعالارىنا قولداۋ كورسەتۋ كۇشەيتىلىپ، ساياساتتى اتقارۋ تەبىنى ارتتىرىلادى»، — دەدى ليۋ كۇن، 2021 – جىلى ەلىمىز باجىنى ازايتىپ، اقىنى ارزانداتۋ ساياساتىن جاقسارتتى ءارى تياناقتاندىردى، مەجەمەن تۇتاس جىل بويىنشا باجىنى ازايتىپ، اقىنى ارزانداتۋدىڭ جاڭادان ارتقان مولشەرى ءبىر تريلليون يۋانعا جەتۋى مۇمكىن. 2022 – جىلى باجىنى ازايتىپ، اقىنى ارزانداتۋعا قاتىستى مەملەكەت ورتاعا قويعان ءتۇرلى ساياساتتار قاتاڭ تياناقتاندىرىلىپ، باجىنى ازايتۋ، اقىنى ارزانداتۋ ساياساتىنىڭ تيىمدىلىگىن تياناقتاندىرۋعا كەپىلدىك ەتىلەدى. ورتاشا، شاعىن، ميكرو كاسىپورىنداردى قيىنشىلىقتان ارىلتىپ، كومەكتەسۋ كۇشەيتىلەدى، جالپىعا ءتيىمدى فينانستى دامىتۋ ۇلگى رايونىندا سيلىق، قوسىمشا قاراجات بەرۋ ساياساتى اتقارىلادى، شاعىن، ميكرو كاسىپورىنداردىڭ قارجى ەنگىزۋىنە كەپىلدىك ەتىپ، اقىنى ازايتىپ، سيلىق، قوسىمشا قاراجات بەرۋ ۇزدىكسىز اتقارىلادى، مەملەكەت دارەجەلى ارناۋلىلاندىرىلعان، ەرەكشەلىككە يە جاڭاشا ءبىر توپ شاعىن ءارى قۋاتتى كاسىپورىندارعا قولداۋ كورسەتۋ جاڭادان قوسىلىپ، جەرگىلىكتى ورىندار ورتاشا، شاعىن كاسىپورىنداردى قيىنشىلىقتان ارىلتىپ، ولارعا قولداۋ كورسەتۋگە شابىتتاندىرىلادى.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 الۋان ارنا

·جۇڭگو كاسىپورنى مىندەتىنە الىپ سالعان مالديۆ حالىقارالىق اۋەجايىنىڭ تەرمينالى پايدالانۋعا…
·جاڭجياجيە: جۇڭگوشا ءدارى – دارمەكتەردىڭ پايدالانىلۋى ىندەتتەن ساقتانۋ – تىزگىندەۋگە دەم ب…
·12 جاستان 17 جاسقا دەيىنگىلەرگە جاڭا تيپتى ايدارشا ۆيرۋس ۆاكسيناسىن ەگۋ جۇمىسى تارتىپپەن …
·گايتيدىڭ باتىس سولتۇستىگىندە جەر سىلكىنىسىنەن قازا بولعانداردىڭ سانى 724 ادامعا جەتتى
·جۇڭگو – اراب ەلدەرى 5 – رەتكى كورمەسى اشىلۋ الدىندا
·ۋحان داشۋەسى جۇڭنان ەمحاناسى اۆتوموبيلگە ورناتىلعان جىلجىمالى CT اسپابىن حىبەيعا كومەككە …
·شىنياڭداعى كولەمى ەڭ زور ءتۇيىندى باسقارۋ – مەڭگەرۋ رايونىندا تۇيىقتاپ باسقارۋ – مەڭگەرۋ …
·حىبەي نانگۇڭ: اۋاشالاۋ ورنى قۇرىلىسىن بار كۇشپەن ىلگەرىلەتتى
·ونەركاسىپ وندىرىسشىلەردىڭ زاۆودتان شىعارۋ باعا كورسەتكىشى 2019– جىلداعىدان %1.8 تومەندەدى
·حىبەي ولكەسى شىجياجۋاڭ قالاسى: نۋكلەين قىشقىلىن تەكسەرۋ جۇمىسى ورىستەتىلۋدە(4)