قوعام حاۋىپسىزدىگى مينيسترلىگى قاتىناستى باسقارۋ جاعىندا حالىققا قولايلى، كاسىپورىندارعا ءتيىمدى 9 ءتۇرلى جاڭا شارانى تاعى ورتاعا قويدى
2021.12.28 16:21 كەلۋ قاينارى : حالىق تورابى
جۇڭگو جاستار گازەتىنىڭ، جۇڭگو جاستار تورابىنىڭ ءتىلشىسى حى چۇنجۇڭ 12 – ايدىڭ 27 – كۇنى بەيجيڭنەن حابارلايدى. وتباسىلىق جەكەلىك اۆتوكولىككە ءنومىر بىتىرگەندە تەكسەرۋدى كەشىرىم ەتۋ، شاعىن اۆتوكولىكتى تىزىمگە الۋدى مەملەكەت بويىنشا «ءبىر كۋالىكپەن ءبىرتۇتاس ءبىتىرۋ»، اۆتوكولىكتىڭ ينفورماتسياسىن وزگەرتۋدى «ولكە اتتاپ ءبىرتۇتاس ءبىتىرۋ»، ءىرى، ورتاشا تۇرپاتتى جولاۋشى، جۇك اۆتوموبيلدەرىنىڭ شوفەرلىك كۋالىگىن الۋشىلارعا مەملەكەت بويىنشا «ءبىر كۋالىكپەن ءبىرتۇتاس ەمتيحانعا قاتىناسۋعا» رۇقسات بەرۋ، شوفەرلىك تولىمدىلىق ەمتيحانىن «ولكە اتتاپ ءبىتىرۋدى» قالپىنا كەلتىرۋ ... قوعام حاۋىپسىزدىگى مينيسترلىگى جۋىردا ءۇش تاراۋدىڭ ەرەجەسىن جاڭادان بەلگىلەپ، حالىققا قولايلى، كاسىپورىندارعا ءتيىمدى 9 ءتۇرلى شارانى ورتاعا قويعان.
ءتىلشىنىڭ بۇگىن (12 – ايدىڭ 27 – كۇنى) قوعام حاۋىپسىزدىگى مينيسترلىگى اشقان اقپار جاريالاۋ ماجىلىسىنەن ۇعىسۋىنشا، 3 تاراۋدىڭ ەرەجەسىندە، «اۆتوكولىك شوفەرلىك كۋالىگىن الۋعا ءوتىنىش بەرۋ جانە ونى پايدالانۋ» جانە «تاس جولداعى قاتىناس حاۋىپسىزدىگىنە ساياتىن زاڭعا قايشى ارەكەتتەرگە بايلانىستى ءنومىر تارتۋدى باسقارۋ ءادىسى» 2022 – جىلى 4 – ايدىڭ 1 – كۇنىنەن باستاپ اتقارىلادى، «اۆتوكولىكتى تىزىمگە الدىرۋ بەلگىلەمەسى» 2022 – جىلى 5 – ايدىڭ 1 – كۇنىنەن باستاپ اتقارىلادى.
بۇل جولى قوعام حاۋىپسىزدىگى مينيسترلىگى ورتاعا قويعان قاتىناس باسقارۋ جاعىنداعى حالىققا قولايلى، كاسىپورىندارعا ءتيىمدى 9 جاڭا شارادا اۆتوكولىكتى تىزىمگە الدىرۋعا قاتىستى 3 ءتۇرلى جاڭا شارا قامتىلعان: وتباسىلىق جەكەلىك جاڭا اۆتوكولىككە ءنومىر العاندا تەكسەرۋدەن وتكىزۋ كەشىرىم ەتىلەدى، شاعىن جولاۋشىلار اۆتوموبيلىن تىزىمگە الۋدا مەملەكەت بويىنشا «ءبىر كۋالىكپەن ءبىرتۇتاس ءبىتىرۋ» جولعا قويىلادى، اۆتوكولىك ينفورماتسياسىن وزگەرتۋدى «ولكە اتتاپ ءبىرتۇتاس ءبىتىرۋ» جولعا قويىلادى؛ شوفەرلىك كۋالىك ەمتيحانى مەن كۋالىك الۋدى قولايلىلاستىراتىن 4 جاڭا شارا اتقارىلادى: ءىرى، ورتاشا تيپتەگى جولاۋشى، جۇك تاسىمالى اۆتوموبيلدەرىنىڭ شوفەرلىك كۋالىگىن الۋدا مەملەكەت بويىنشا «ءبىر كۋالىكپەن ءبىرتۇتاس ەمتيحانعا قاتىناسۋ» جالپىلاستىرىلادى، شوفەرلىك تولىمدىلىق ەمتيحانىن «ولكە اتتاپ بىتىرۋگە رۇقسات بەرۋ» قالپىنا كەلتىرىلەدى، شوفەرلىك كۋالىك ەمتيحانىنىڭ مازمۇنى مەن تۇرلەرى كەمەلدەندىرىلەدى، جەڭىل تۇرپاتتى تىركەمەلى اۆتوموبيل تيپىندەگى رۇقسات بەرىلگەن اۆتوموبيل ءتۇرى جاڭادان قوسىلادى؛ كۋالىكتى ازايتىپ، حالىققا تيىمدىلىك جاساۋ قىزمەتىندە ەكى ءتۇرلى جاڭا شارا ورتاعا قويىلادى: ءوتىنىش بەرۋ ماتەريالدارى مەن ارحيۆتەرىن ەلەكترونداندىرۋ جالپىلاستىرىلادى، تاراۋلار اراسىندا ينفورماتسيانى ينتەرنەت ارقىلى ورتاق پايدالانۋ، تەكسەرۋگە قولايلىلىق جاساۋ جالپىلاستىرىلادى.
قوعام حاۋىپسىزدىگى مينيسترلىگى زاڭ اتقارۋدى باقىلاۋ – باسقارۋ مەحانيزمىن اناعۇرلىم كەمەلدەندىرىپ، قوعام حاۋىپسىزدىگى مينيسترلىگى قاتىناس باسقارۋ تاراۋلارىنىڭ زاڭ اتقارۋىن جۇيەلىلەندىرۋ قۇرىلىسىن كۇشەيتىپ، حالىق ساقشىلارى مەن كومەكشى ساقشىلاردان، قىزمەتكەرلەردەن اۆتوكولىكتى تىزىمگە الۋدى بەلگىلەمەگە قايشى ءبىتىرۋ، شوفەرلىك ەمتيحانىندا قارالىق ىستەۋگە ارالاسۋ، ءنومىر الىپ – ساتۋعا ارالاسۋ قاتارلى ماسەلەلەر بايقالسا، قاتىستى بەلگىلەمەلەر بويىنشا قاتاڭ جازالايدى؛ قىلمىس قالىپتاستىرعان بولسا، قىلمىستىق ىستەر جاۋاپكەرشىلىگىن زاڭ بويىنشا قۋزاستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
