ەڭ جوعارى حالىق سوتى ينتەرنەتتەگى تۇتىنۋعا ساياتىن داۋ – شارلار جونىندەگى ءادىليالىق تۇسىنىكتەمەگە اشىق پىكىر قابىلداي باستادى
2021.12.28 16:24 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لو شا 12 – ايدىڭ 27 – كۇنى بەيجيڭنەن حابارلايدى. ەڭ جوعارى حالىق سوتى 12 – ايدىڭ 27 – كۇنى ۇقتىرۋ جاريالادى، ينتەرنەتتەگى تۇتىنۋعا ساياتىن داۋ – شار دەلوسىن ۇيلەسىمدى تەكسەرىپ ءبىرجاقتى ەتۋ، تۇتىنۋشىلاردىڭ ۇقىق – مۇددەسىن زاڭ بويىنشا قورعاۋ، ينتەرنەتتەگى ەكونوميكا قۇرىلىسىنىڭ اقاۋسىز، باياندى دامۋىن ىلگەرىلەتۋ ءۇشىن، «ينتەرنەتتەگى تۇتىنۋعا ساياتىن داۋ – شار دەلوسىن تەكسەرۋ، ءبىرجاقتى ەتۋدە قولدانىلاتىن زاڭدارعا قاتىستى ءبىرقىدىرۋ ماسەلەلەر جونىندەگى بەلگىلەمە (ءبىرىنشى)» (پىكىر الىناتىن نۇسقا) تۋرالى قوعامنان اشىق تۇردە پىكىر قابىلداي باستاعان.
پىكىر الىناتىن نۇسقا جيىنى 24 تارماقتان قۇرالادى، جەكە – جەكە توقتامداعى ۇقىق پەن بورىش، ينتەرنەتتىك تۇتىنۋعا ساياتىن الدامكوستىك، ينتەرنەتتەگى تىكە تاراتىلىمدا زات ساتۋ، اس – سۋدى ۇيگە جەتكىزىپ بەرۋ قىزمەتى قاتارلىلار جونىندە ءبىرقىدىرۋ بەلگىلەمەلەر شىعارىلعان.
جەتى كۇن ىشىندە زاتتى سەبەپسىز قايتارۋ ماسەلەسى جونىندە، پىكىر الىناتىن نۇسقادا مىناداي بەلگىلەمە قامتىلعان: تۇتىنۋشى تاۋاردى تەكسەرىپ كورۋ ءۇشىن تاۋاردىڭ قورابىن اشىپ كورگەن بولسا، تاۋاردىڭ اقاۋسىزدىعى ىقپالعا ۇشىراماعان بولسا، ەلەكتروندى ساۋدامەن اينالىساتىن جاق تاۋاردىڭ قورابىنىڭ بۇزىلعانىن سىلتاۋراتىپ، تۇتىنۋشىلاردىڭ ۇقىق – مۇددەسىن قورعاۋ زاڭىنىڭ 25 – تارماعىندا بەلگىلەنگەن زاتتى سەبەپسىز قايتارۋ ءتۇزىمى بويىنشا ءبىرجاقتى ەتۋگە ۇيلەسپەيدى دەپ قاراسا، حالىق سوتى ونى قولدامايدى، الايدا، زاڭدا باسقا بەلگىلەمە بار جاعداي بۇل ارادا قامتىلمايدى.
ينتەرنەت ارقىلى زات ساتىپ الۋدا ۇشىرايتىن بۇرىنعى باعاسىن وتىرىك مالىمدەۋ، ءتيىمدى باعاسىندا ماسەلە بايقالۋ ىستەرىنە باعىتتاي وتىرىپ، پىكىر الىناتىن نۇسقادا مىنالار بەلگىلەنگەن: تەكشەدەگى تيجاراتشى تاۋار ازىرلەۋ نەمەسە قىزمەت وتەۋ بارىسىندا بۇرىنعى باعاسىن وتىرىك مالىمدەۋ، ءتيىمدى باعاسىندا جالعاندىق ىستەۋ قاتارلى تۇتىنۋشىلاردى الداۋ ارەكەتىن وتكىزگەن بولسا، تۇتىنۋشى تۇتىنۋشىلاردىڭ ۇقىق – مۇددەسىن قورعاۋ زاڭىنىڭ 55 – تارماعىنىڭ 1 – بەلگىلەمەسى بويىنشا، تەكشەدەگى تيجاراتشى تولەم بەرۋ جاۋاپكەرشىلىگىن ارقالايدى دەپ قاراسا، سوت مەكەمەسى وعان قولداۋ كورسەتەدى.
ينتەرنەتتەگى تىكە تاراتىلىمدا زات ساتۋ جاعىندا، پىكىر الىناتىن نۇسقادا تىكە تاراتىلىم جۇرگىزۋشىلەرىنىڭ جاۋاپكەرشىلىگىن ەكى ءتۇرلى جوبا بويىنشا ايقىنداعان. پىكىر الىناتىن نۇسقادا سونىمەن بىرگە مىنالار بەلگىلەنگەن: تەكشەدەگى تيجاراتشى ينتەرنەتتەگى تىكە تاراتىلىم ارقىلى تاۋار ساتۋ بارىسىندا، ونىڭ قىزمەتكەرى تىكە تاراتىلىمدا جالعان ۇگىت جاساۋ قاتارلى تاسىلدەرمەن تۇتىنۋشىلارعا زيان جەتكىزسە، تۇتىنۋشى جاق تەكشەدەگى تيجاراتشى تولەم بەرۋ جاۋاپكەرشىلىگىن ارقالايدى دەپ قاراسا، سوت مەكەمەسى قولداۋ كورسەتەدى.
ەڭ جوعارى حالىق سوتى ۇقتىرۋدا بىلاي دەگەن: اتالعان ءادىليالىق تۇسىنىكتەمەنى اناعۇرلىم كەمەلدەندىرۋ ءۇشىن، قازىر ەڭ جوعارى حالىق سوتىنىڭ ۇكىمەت ىستەرى تورابى، جۇڭگو سوت تورابى، حالىق سوتى گازەتى، ەڭ جوعارى حالىق سوتى ازاماتتىق ىستەر 1 – سوتى ۋيچات تەكشەسى قاتارلى ارنالار ارقىلى قوعامنان اشىق تۇردە پىكىر قابىلدايدى، قوعامداعى ءار سالاداعىلاردىڭ بەلسەندى اتسالىسىپ، قىمباتتى پىكىرلەرىن بەرۋىن قارسى الامىز. ناقتى وزگەرىس ەنگىزۋ پىكىرىن جولداعاندا، قاعازعا جازىلعان نۇسقاسىن جولداۋعا نەمەسە ەلەكتروندى حات جولداۋعا بولادى، پىكىر الۋدىڭ ۋاقىت شەگى 2022 – جىلى 1 – ايدىڭ 7 – كۇنىنە دەيىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
