جىلدىق كاسىپ مولشەرى تۇڭعىش رەت 100 ميلليارد پارشادان استى
جەدەل جەتكىزۋ زات اينالىمىنىڭ ارتۋ قارقىنى تەزدەدى (ورنىقتى قاداممەن العا باسىپ، جاڭا جاعداي اشۋ)
«حالىق گازەتىنىڭ» تىلشىلەرى چي جىميڭ، لي شينپيڭ، فان حاۋتيان، جاڭ تىڭياڭ
2021.12.28 16:49 كەلۋ قاينارى : حالىق تورابى
«14 - بەسجىلدىقتىڭ» العاشقى جىلىندا ەلىمىزدىڭ جەدەل جەتكىزۋ زات اينالىمى ۇزدىكسىز تەزدەدى. 12 - ايدىڭ 8 - كۇنى مەملەكەتتىك پوچتا مەكەمەسىنىڭ جەدەل جەتكىزۋ ءىرى ساندى مالىمەت تۇعىرىنىڭ ناقتى باقىلاپ - ولشەۋ ساندى مالىمەتىندە كورسەتىلۋىنشە، ەلىمىزدىڭ جەدەل جەتكىزۋ كاسىبىنىڭ جىلدىق مولشەرى تۇڭعىش رەت 100 ميلليارد پارشادان اسقان، بۇل ەلىمىزدىڭ پوچتا جەدەل جەتكىزۋ كاسىبى دامۋىنىڭ تاعى ءبىر تىڭ ساتىعا كوتەرىلگەنىن اڭعارتادى. بيىل ەلىمىز جەدەل جەتكىزۋ كاسىبىنىڭ مولشەرى 50 ميلليارد پارشادان اسۋعا 185 كۇن عانا كەتتى، ال بۇل مولشەر 2020 - جىلى 200 نەشە كۇندە، 2018 - جىلى 360 كۇندە ورىندالعان بولاتىن.
باس شۋجي شي جينپيڭ: «زات اينالىمى كاسىبىنىڭ ءبىر جاعى وندىرىسپەن، ءبىر جاعى تۇتىنۋمەن بايلانىستى، بازار شارۋاشىلىعىنداعى ورنى بارعان سايىن كورنەكتىلەنۋدە. زات اينالىمىن ولشەمدەندىرۋ، ينفورماتسيالاندىرۋ قۇرىلىسىن جەدەلدەتىپ، اينالىم ونىمدىلىگىن جوعارىلاتىپ، زات اينالىمى كاسىبىنىڭ اقاۋسىز دامۋىن ىلگەرىلەتۋ كەرەك» دەپ اتاپ كورسەتكەن بولاتىن.
«14 - بەسجىلدىق» جوبا مەن 2035 - جىلعا دەيىنگى بولاشاقتىق نىسانا باعدارلاماسىندا: «پوچتا قۇرىلعىلارى قۇرىلىسىن كۇشەيتىپ، <قىستاقتارعا، زاۆودتارعا، تەڭىزگە دەيىن جەدەل جەتكىزۋ> ينجەنەرياسىن اتقارۋ»، «وسى زامانعى زات اينالىمى جۇيەسىن قۇرىپ، زاتتى سۋىق كۇيىندە جەتكىزۋدى جەدەل دامىتىپ، زات اينالىمى تورابى قۇرىلعىلارى، نەگىزگى جەلى، وڭىرلىك تاراتۋ ورتالىعى جانە كومبەلىك جەتكىزۋ ءتۇيىنى قۇرىلىسىن ءبىر تۇتاس جوسپارلاۋ، مەملەكەتتىك زات اينالىمى تورابى، تىرەكتى زاتتى سۋىق كۇيىندە جەتكىزۋ بازاسى قۇرىلعىلارىنىڭ شارت - جاعدايىن كەمەلدەندىرۋ، اۋدان، اۋىل، قىستاق ءۇش دارەجەلى زات جەتكىزۋ جۇيەسىن كەمەلدەندىرۋ» ورتاعا قويىلدى.
− جەدەل جەتكىزۋدى «قىستاقتارعا ەنگىزۋ» جەدەل ىلگەرىلەتىلىپ، ەلىمىزدىڭ جەتكىزۋ قىزمەت وتەۋ جۇيەسىنىڭ قامتۋ كولەمى زور دارەجەدە كەڭەيىپ، قىزمەت وتەۋ قابىلەتى ۇزدىكسىز جوعارىلادى.
جەدەل جەتكىزۋدىڭ قىستاققا ەنۋ وزىندىك قۇنى جوعارى بولۋ ماسەلەسىن شەشۋ ءۇشىن، جياڭسۋ ولكەسى سۋجوۋ قالاسى جەدەل جەتكىزۋ سەرىكتەستىگىنىڭ كوشە اۆتوبۋزدارىمەن سەلبەسۋىن ىلگەرىلەتىپ، جەدەل جەتكىزۋ قالتالارىن كوشە اۆتوبۋزىمەن قىستاقتارعا جەتكىزۋگە مۇمكىندىك جاراتتى. قازىر سۋجوۋدا 8 كوشە اۆتوبۋزى ۇلگى پوچتا جولى اشىلدى، جول بويى 11 قىستاقتا جەدەل جەتكىزۋ قىزمەت وتەۋ ءتۇيىنى قۇرىلىپ، قىستاقتارعا كۇنىنە 500 پارشادان استام جەدەل جولداما جەتكىزىلەتىن بولدى.
ۇعىسۋعا قاراعاندا، قازىر ەلىمىزدىڭ اۋىل - قىستاقتارىنداعى قۇرىلىمدىق قىستاقتارعا تكەلەي پوچتا قاتىناۋ شاماسى %100 كە جەتىپ، %98 اۋىل - قالاشىقتا جەدەل جەتكىزۋ تورابى ىسكە قوسىلعان، قۇرىلىمدىق قىستاقتاردا جەدەل جەتكىزۋ قىزمەت وتەۋىنىڭ جالپىلاسۋ شاماسى ۇزدىكسىز جوعارىلاعان. مىسالى، حىبەي ولكەسى پيڭچۋان قالاسى پوچتا جەدەل جەتكىزۋ كاسىپورنى كوپ ءتۇرلى سەلبەستىك فورماسىمەن اكىمشىلىك قىستاقتاردا جەدەل جەتكىزۋ ءتۇيىنىن قۇردى، بۇكىل قالاداعى 238 اكىمشىلىك قىستاقتا تۇگەلدەي جەدەل جەتكىزۋ ءتۇيىنىن قۇرىپ، جەدەل جەتكىزۋ كاسىبىن قىستاقتارعا دەيىن جاپپاي جالپىلاستىردى. قاتىناس - تاسىمال مينيسترلىگى قاتىناس - تاسىمال مەن پوچتا جەدەل جەتكىزۋىنىڭ توعىسپالى دامۋىن دانەكەر ەتىپ، اۋىل - قىستاق زات اينالىمىنا قىزمەت وتەۋ ماركاسىن بەلسەنە جالپىلاستىرىپ، اۋىل - قىستاق زات اينالىمىنا قىزمەت وتەۋ ساپاسىن ۇزدىكسىز جوعارىلاتتى. قازىرگە دەيىن بۇكىل ەل بويىنشا 60 اۋىل - قىستاق زات اينالىمى قىزمەت وتەۋ ماركاسى جالپىلاستىرىلىپ، 864 جولاۋشى، زات، پوچتا تاسىمالدارى توعىسپالى پۋنكتى قۇرىلىپ، 661 جولاۋشى، زات، پوچتا تاسىمالدارى سەلبەستىك لەنياسى اشىلدى.
مەملەكەتتىك پوچتا مەكەمەسى باستىعىنىڭ ورىنباسارى چىن كاي بىلاي دەپ تانىستىردى: بيىل جىل باسىنان بەرى پوچتا جەدەل جەتكىزۋ كاسىبى قىستاقتارعا، زاۆودتارعا، تەڭىزگە دەيىن جەدەل جەتكىزۋ ينجەنەرياسىن ىشكەرىلەي اتقارىپ، جەتكىزۋ قىزمەت وتەۋ جۇيەسىنىڭ قامتۋ كولەمىن زور مولشەردە كەڭەيتتى، نەگىزگى لەنيانىڭ ۇشتاسۋى كۇن سايىن ءونىمدى، ىركىلىسسىز بولدى، سوڭعى قىزمەت وتەۋ ءۇرتىس كوپ نەگىزدى بولدى، حالىقارالىق پوچتا جولدامالارى تەز جولدامالارىن شەكارادان كىرگىزۋ - شىعارۋ ارناسى اناعۇرلىم قولايلى جانە ىركىلىسسىز بولدى.
الدىڭعى جارتى جىلدا اۋىل - قىستاق جەدەل جەتكىزۋ كاسىبىنىڭ ارتۋ قارقىنى قالانىكىنەن 10 پايىز جوعارى بولىپ، اۋىل - قىستاق رايوندارى كاسىپ سالاسىنىڭ دامۋىنداعى جاڭا ارتۋ تۇيىنىنە اينالدى. جوعارى ءونىمدى زات اينالىمىنىڭ قولداۋىنىڭ ارقاسىندا بيىل الدىڭعى 3 توقساندا ەلىمىزدىڭ شەكارا اتتاعان ەلەكتروندى ساۋدا يمپورت – ەكسپورتى %20.1 ارتتى.
− ساياساتتىڭ پايداسى ۇزدىكسىز مولىقتى، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسى ۇزدىكسىز تەرەڭدەپ، جەدەل جەتكىزۋ زات اينالىمى كاسىپورىندارىنىڭ قايتا جاساقتالىپ قاتارعا قوسىلۋىنا، ومىرشەڭدىك كۇشىنىڭ تاسقىنداۋىنا دەم بەرىلدى.
حۋبەي ولكەسى ي - چاڭ قالاسى چاڭياڭ تۋجيا اۆتونوميالى اۋدانى لۇڭجوۋپيڭ قالاشىعى جينياڭكوۋ قىستاعىنداعى زات جەتكىزۋ قويماسىنا بارعانىمىزدا، تاسىمال اۆتوكولىكتەرىنىڭ كىرىپ - شىعىپ جاتقانىن كوردىك، جۇمىسشىلار اپەلسين، جۇپار ساڭىراۋقۇلاق، اعاش ساڭىراۋقۇلاعى سياقتى ونىمدەردى قوراپتاپ، ماشيناعا تيەپ، جەر - جەرگە جونەلتۋمەن ابىگەر بولىپ جاتىر ەكەن... ي - چاڭ چيڭجياڭياۋ ەكولوگيالىق اۋىل شارۋاشىلىعى شەكتى سەرىكتەستىگىنىڭ باسالقاسى تيان جياڭحاي: «باييۇي سەرىكتەستىگى قۇرعان تۇعىردىڭ ارقاسىندا ءار ايداعى تاسىمال اقىسى نەشە مىڭ يۋاننان 500 يۋانعا ءتۇستى، زات تاراتۋ جىلدامدىعى دا ءبىرەسەگە جۋىق جوعارىلادى» دەدى.
چاڭياڭ اۋدانى ىشي ۋ - ليڭ تاۋلى رايونىنا ورنالاسقان، بۇرىن قاتىناسى قولايسىز، زات اينالىمىنىڭ وزىندىك قۇنى ءبىرشاما جوعارى بولاتىن. ي - چاڭ قالالىق زات اينالىمى كاسىبىن دامىتۋ ورتالىعى چاڭياڭ اۋدانىنىڭ وڭىرلىك زات اينالىمىن دامىتۋدىڭ ءىس جۇزىندىك جاعدايىمەن ۇشتاستىرىپ، ي - چاڭ باييۇي زەردەلى زات اينالىمى شەكتى سەرىكتەستىگىن «ەلەكتروندى ساۋدا تۇعىرى + زات اينالىمى» ارقىلى اۋدان، اۋىل، قىستاق 3 دارەجەلى زات اينالىمى جۇيەسىن قۇرۋعا جەتەكتەدى. باييۇي زات اينالىمى سەرىكتەستىگىنىڭ قاتىستى جاۋاپتىسى: «قالا ءبىز ءۇشىن ولكە دارەجەلى اۋىل - قىستاق زات اينالىمى قۇرىلىسىنىڭ سيلاۋ، تولىقتاۋ قارجىسىن قولعا كەلتىردى. اۋىل شارۋاشىلىق ونىمدەرىنىڭ تاۋلى وڭىردەن شىعۋىن ىلگەرىلەتۋدە جىگەرىمىز تاسقىنداي ءتۇستى!» دەدى.
مەملەكەتتىك دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى سياقتى تاراۋلار بىرلەسىپ «2021 - جىلعى وزىندىك قۇندى تومەندەتۋدەگى ءتۇيىندى قىزمەتتەردى ويداعىداي ىستەۋ جونىندەگى ۇقتىرۋدى» جاريالاپ، «زات اينالىمىنىڭ وزىندىك قۇنىن تومەندەتىپ، ونىمدىلىگىن ارتتىرۋدى» ايقىن العا قويىپ، مىنالاردى تالاپ ەتتى: ءىشىنارا تاس جول حالىقتىق اۆياتسيا پورتتارىنان اقى الۋدى كۇشىنەن قالدىرۋ نەمەسە اقىنى ازايتۋ، تەمىر جول زات تاسىمالىنىڭ وزىندىك قۇنىن ۇزدىكسىز تومەندەتۋ، قاتىناس، زات اينالىمى نەگىزدىك قۇرىلعىلارىن كەمەلدەندىرۋ، تاسىمال قۇرىلىمىن ساپالىلاندىرۋ كەرەك. جەر - جەر، تاراۋلار سالىقتى ازايتۋ، اقىنى تومەندەتۋ، اۋىرتپالىقتى جەڭىلدەتۋ سياقتى ساياساتتاردى اناعۇرلىم تياناقتاندىرىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز تەرەڭدەتىپ، جەدەل جەتكىزۋ زات اينالىمى كاسىپورىندارىنىڭ دامۋ ورتاسىن اناعۇرلىم ساپالىلاندىرۋى كەرەك.
جۇڭگو زات اينالىمى جانە ساتىپ الۋ بىرلەستىگى جاريالاعان ساندى مالىمەتتە كورسەتىلۋىنشە، بيىل جىل باسىنان بەرى ەلىمىزدىڭ جەدەل جەتكىزۋ زات اينالىمى بازارى ءۇرتىس ءبىرشاما جاقسى ارالىقتا اينالىس جاساعان. 11 - ايدا جۇڭگونىڭ جەدەل جەتكىزۋ زات اينالىم كورسەتكىشى %99.8 بولعان.
− اۋدان، اۋىل، قىستاق ەلەكتروندىق ساۋدا جۇيەسى مەن جەدەل جەتكىزۋ زات اينالىمى جۇيەسىن تۇتاستىرۋدى جەدەلدەتىپ، كاسىپورىنداردى اينالىم كاسىبى فورماسى مەن ساۋدا ۇلگىسىندە جاڭالىق اشۋعا جەتەكتەپ، ەلەكتروندىق ساۋدانىڭ دارەجەسىن جوعارىلاتىپ، دامۋىن ىلگەرىلەتتى.
«تەڭىز ونىمدەرىندە جاڭا بولۋعا ءمان بەرىلەدى، مەن الارمانداردىڭ ۇيىنە تەز جەتكىزىپ وتىرامىن». ياڭ يۇيبين بەيجيڭنىڭ باتىس 5 - اينالما جولىنىڭ شەتىندەگى جينشيۋ - دادي زات تاسىمال پورتىندا تەڭىز ونىمدەرى دۇكەنىن اشقان، ورتا كۇز، مەملەكەت مەرەكەسى دەمالىسىندا تەڭىز ونىمدەرى سۇرانىسى بارىنشا ارتىپ، 9 - ايدا تەز جەتكىزۋگە 5 مىڭ 600 تاپسىرىس بەرىلگەن.
«ادامداردىڭ تۇتىنۋ دەڭگەيىنىڭ جوعارىلاۋىنا بايلانىستى، تۇتىنۋشىلاردىڭ تەز جەتكىزۋگە دەگەن تالابى ۇزدىكسىز كۇشەيدى». تەز جەتكىزۋ بىرلەسپەسىنىڭ قۇرۋشىسى يۇي حۇڭجيان بىلاي دەدى: سيفرلاندىرىپ ءبىر جاقتى ەتۋ قۋاتىن كۇشەيتۋ ارقىلى جاڭا تاۋارلاردى جەتكىزۋدىڭ ۋاقىت ونىمدىلىگىن جوعارىلاتىپ، تۇتىنۋشىلاردى ەڭ قىسقا ۋاقىت ىشىندە ءدامدى جاڭا ونىمدەرمەن قامداپ وتىرامىز، سونىمەن بىرگە، شارۋا وتباسىلارىنا ءتىپتى دە كوپ پايدا جەتكىزۋگە بولادى.
جيلين ولكەسى چيان - ان اۋدانى «قالاشىق - قىستاقتاردىڭ كوشە اۆتوبۋزى + زات جەتكىزۋ» جۇيەسىنە سۇيەنىپ، جەرگىلىكتى اۋىل شارۋاشىلىق قوسالقى ونىمدەرىنىڭ ەلەكتروندىق ساۋدا جولىمەن ساتىلۋىن ىلگەرىلەتىپ، جىلدىق زات تاراتۋ مولشەرىن 2 ميلليون 600 مىڭ پارشادان اسىرىپ، ءونىم قۇنىن 50 ميلليون يۋاننان اسىردى؛ حيلۇڭجياڭ ولكەسى مۋليڭ قالاسى «كوشە اۆتوبۋزى مەن پوچتا توعىستىرىلعان» اۋىل - قىستاق زات اينالىمى قىزمەت وتەۋ ماركاسىن بەلسەنە قالىپتاستىرىپ، بايلىقتى بىرىكتىرىپ پايدالانۋدى جەدەلدەتىپ، اۋىل - قىستاقتاعى بوس تۇرعان كوپتەگەن بايلىقتى كادەگە جاراتتى... بيىل 5 - ايدا قازىنا مينيسترلىگى، ساۋدا مينيسترلىگى، مەملەكەتتىك اۋىل - قىستاقتى گۇلدەندىرۋ مەكەمەسى «2021 - جىلى ەلەكتروندى ساۋدانى اۋىل - قىستاققا جەتكىزۋدەن جالپىلىق ۇلگى كورسەتۋ قىزمەتىن ورىستەتۋ جونىندەگى ۇقتىرۋدى» تاراتىپ، «اۋىل - قىستاق اينالىم قۇرىلعىلارى مەن قىزمەت وتەۋىن وسى زامانعى اينالىم جۇيەسىمەن توعىستىرۋدى ىلگەرىلەتۋدى» تالاپ ەتتى. 6 - ايدا ساۋدا مينيسترلىگى سياقتى 17 تاراۋ «اۋدان كولەمىندەگى ساۋدا جۇيەسى قۇرىلىسىن كۇشەيتىپ، اۋىل - قىستاق تۇتىنۋىن جەبەۋ جونىندەگى پىكىردى» باسىپ تاراتىپ، «اينالىم كاسىبى مەن ۇلگىسىندە جاڭالىق اشۋدى»، «پوچتا، جەدەل جەتكىزۋ، زات اينالىمى، ساۋدا اينالىمى سياقتى كاسىپورىنداردىڭ بازارلانعان سەلبەستىك ورىستەتۋىنە قولداۋ كورسەتۋدى» العا قويدى.
جەر - جەر، تاراۋلار زات اينالىمى، جەدەل جەتكىزۋ، ساۋدا اينالىمى سياقتى كاسىپورىنداردى تومەنگە ءتۇسۋ ارناسى مەن قىزمەت وتەۋىنە جەتەكتەپ، اۋدان، اۋىل، قىستاقتاردىڭ ەلەكتروندىق ساۋدا جۇيەسى مەن جەدەل جەتكىزۋ زات اينالىمى جۇيەسىن تۇتاستىرۋدى جەدەلدەتىپ، ەلەكتروندىق ساۋدانىڭ دارەجەسىن جوعارىلاتۋ نەگىزىندە دامۋىن ىلگەرىلەتتى، ينتەرنەتتە بولشەك ساتۋ ءۇرتىس ءبىرشاما تەز ارتىپ وتىردى. مەملەكەتتىك ساناق مەكەمەسىنىڭ ساندى مالىمەتىندە كورسەتىلۋىنشە، بيىل 1 - ايدان 11 - ايعا دەيىن بۇكىل ەل بويىنشا توراپتا بولشەك ساتىلۋ سوماسى 11 تريلليون 874 ميلليارد 900 ميلليون يۋان بولىپ، سايكەس مەزگىلدەگىدەن %15.4 ارتقان. مۇنىڭ ىشىندە ناقتى زاتتىڭ توراپتا بولشەك ساتىلۋ سوماسى 9 تريلليون 805 ميلليارد 600 ميلليون يۋان بولىپ، %13.2 ارتىپ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنداعى سالىستىرماسى %24.5 بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
