ورتالىق ءتارتىپ تەكسەرۋ كوميتەتى ۇقتىرۋ باسىپ تاراتىپ
2022 - جىلعى جاڭا جىل، كوكتەم مەرەكەسى كەزىندە ستيلدى دۇرىستاپ، ءتارتىپتى قاتايتۋ قىزمەتىن ويداعىداي ىستەۋدى تالاپ ەتتى
2021.12.28 16:54 كەلۋ قاينارى : حالىق تورابى
«حالىق گازەتى»، 12 – ايدىڭ 27 – كۇنى، بەيجيڭ (ءتىلشى جاڭ ياڭ). ج ك پ ورتالىق كوميتەتىنىڭ ءتارتىپ تەكسەرۋ كوميتەتى تاياۋدا ۇقتىرۋ شىعارىپ، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارىنان مەرەكە كەزىندە وڭاي تۋىلاتىن ماسەلەلەردى قاداعالاپ، 2022 - جىلعى جاڭا جىل، كوكتەم مەرەكەسى كەزىندەگى ستيلدى دۇرىستاپ، ءتارتىپتى قاتايتۋ قىزمەتىن ويداعىداي ىستەپ، ستيلى پاك، سالتى دۇرىس مەرەكە ورتاسىن قالىپتاستىرۋدى تالاپ ەتتى.
ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «2022 – جىلعى جاڭا جىل، كوكتەم مەرەكەسى مەزگىلىندەگى قاتىستى قىزمەتتەردى جاقسى ىستەۋ جونىندەگى ۇقتىرۋدى» باسىپ تاراتتى. ۇقتىرۋدا مىنالار اتاپ كورسەتىلدى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋ، قامتاماسىز ەتۋ، كەمەلدەندىرۋ رولىن تولىق ساۋلەلەندىرىپ، ءار دارەجەلى پارتيا ۇيىمدارىن جانە ونىڭ «ءبىرىنشى باسشىسىن» تۇلعالىق جاۋاپكەرلىگىن تياناقتاندىرۋعا قۋزاپ، ج ك پ ورتالىق كوميتەتى كەڭسەسى مەن مەملەكەتتىك كەڭەس كەڭسەسىنىڭ «ۇقتىرۋىندا» ورنالاستىرىلعان ءتۇرلى مىندەتتەردى، اسىرەسە، ستيلدى دۇرىستاپ، ءتارتىپتى قاتايتۋ جونىندەگى تالاپتاردى ماڭىزدى كۇن تارتىپكە قويىپ، ماڭىزدى ءساتتى سىناقتان ءوتۋ ءساتى دەپ ءبىلىپ، ستيلدى يگەرۋدىڭ، ءتارتىپتى يگەرۋدىڭ ساياسي جاۋاپكەرلىگىن ارقالاپ، نازاردى «شەشۋشى ازشىلىققا» شوعىرلاندىرىپ، ءبىر دارەجە ءبىر دارەجەنى يگەرىپ، ساتىلار بويىنشا تياناقتاندىرۋى كەرەك.
ۇقتىرۋدا مىنالار اتاپ كورسەتىلدى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ج ك پ ورتالىق كوميتەتى كەڭسەسىنىڭ، مەملەكەتتىك كەڭەس كەڭسەسىنىڭ «ۇقتىرۋىنداعى» ىندەتتەن ساقتانۋ - تىزگىندەۋ، قيىنشىلىعى بار بۇقاراعا قامقورلىق جاساۋ، بازار ارقىلى قامداۋدى ورنىقتىرۋ، مادەنيەت تۇرمىسىن بايىتۋ، بۇقارانىڭ امان - ەسەن جول ءجۇرۋىن، ءوندىرىس حاۋىپسىزدىگىن مىقتى يگەرۋ، قوعام ورنىقتىلىعىن قورعاۋ سياقتى جاقتارداعى شەشىم - ورنالاستىرۋلاردىڭ تياناقتانۋ جاعدايىنا، سونداي - اق بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ دايىندىق قىزمەتتەرىنە نازاردى شوعىرلاندىرا وتىرىپ باقىلاۋ جۇرگىزىپ، يدەيالىق بويكۇيەزدىك، جاۋاپكەرلىكتى تياناقتاندىرماۋ جانە قىزمەتتە فورماشىلدىققا سالىناۋ، «ءبارىن ءبىر شىبىقپەن ايداۋ» سياقتى ماسەلەلەردى باتىل تۇزەتىپ، پارتيا ورتالىق كوميتەتىنىڭ ساياسي بۇيرىقتارىنىڭ ىركىلىسسىز اتقارىلۋىنا، ءتۇرلى شارالاردىڭ تياناقتانىپ، ناتيجە بەرۋىنە كەپىلدىك ەتۋى كەرەك.
ۇقتىرۋدا بىلاي دەپ اتاپ كورسەتىلدى: ءار دارەجەلى ءتارتىپ تەكسەرۋ، باقىلاۋ ورگاندارى ورتالىق كوميتەت كەڭسەسىنىڭ، مەملەكەتتىك كەڭەس كەڭسەسىنىڭ «ۇقتىرۋىندا» كورسەتىلگەن مەرەكە كەزىندە وڭاي تۋىلاتىن بەلگىلەمەگە قايشى تۇردە ءىشىپ - جەۋ، بەلگىلەمەگە قايشى تۇردە تارتۋ - تارالعى، اقشا الۋ، بەرۋ، ۇكىمەت كولىگىن بەلگىلەمەگە قايشى پايدالانۋ، ۇكىمەت اقشاسىمەن ساياحاتتاۋ، زاڭ - ەرەجەگە قايشى تۇردە قوسىمشا قاراجات نەمەسە يگىلىك تاراتۋ سياقتى ماسەلەلەرگە نازاردى شوعىرلاندىرىپ، راقاتقۇمارلىققا سالىنۋ، ءسان - سالتاناتقا بەرىلۋ، سونداي - اق تۇرلىشە ءتۇسىن وزگەرتۋ ارەكەتتەرىن قاداعالاي باقىلاپ، جىل سوڭىندا نەگىزگى ساتىنىڭ اۋىرتپالىعىن اۋىرلاتاتىن فورماشىلدىقتى، تورەشىلدىكتى قاداعالاپ، مەرەكە ورايىنان پايدالانىپ داۋىس جيناۋ، پارا بەرۋ، پارا الۋ، جاعدايىن ايتىپ، سايلاۋدى ءبۇلدىرۋ سياقتى تارتىپكە، زاڭعا قايشى ارەكەتتەردى قاداعالاپ، ماسەلە بايقالسا، قاتاڭ تەكسەرىپ تەز ءبىر جاقتى ەتۋ، دەر كەزىندە حابارلاندىرۋ كەرەك.
ۇقتىرۋدا مىنالار تالاپ ەتىلدى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، ىندەتتەن ساقتانۋ - تىزگىندەۋ، ءوندىرىس حاۋىپسىزدىگى، اپاتتى باقىلاۋ - ولشەۋ، ساقتاندىرۋ، شۇعىل ءبىر جاقتى ەتۋ، حالىق تۇرمىسىن قامتاماسىز ەتۋ، اكىمشىلىك قىزمەت وتەۋ سياقتى جاقتاردى ءتۇيىندى تۇردە ارقاۋ ەتىپ، ءىس تىندىرماۋ، الباتى ىستەۋ سياقتى بۇقارانىڭ مۇددەسىنە زيان جەتكىزەتىن شىرىكتەسۋ جانە بۇرىس ستيلدەر ماسەلەسىن بايقاۋ جانە تۇزەتۋ كەرەك.
ۇقتىرۋدا باقىلاۋ، اشكەرەلەۋ ءتاسىلى جاريالاندى، اشكەرەلەۋ تەلەفونى: 12388، اشكەرەلەۋ توراپ بەكەتى: www.12388.gov.cn. «ءتۇرلى بۇرىس ستيل» ماسەلەسىنە قاراتا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى توراپ بەكەتىنىڭ قولفون كلينەتى مەن ۋيچات الەۋمەتتىك ءنومىرى ارقىلى اشكەرەلەۋگە دە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
