شينحۋا اگەنتتىگى ”جۇڭحۋالۇننىڭ“ ماقالاسىن تاراتتى
«تاريحي ىرىقتىلىقتى يگەرىپ، جاڭا ۇلى ءىس جاراتتى»
2021.12.28 17:34 كەلۋ قاينارى : شينجياڭ گازەتى
شينحۋا اگەنتتىگىنىڭ 12 - ايدىڭ 26 - كۇنى بەيجيڭنەن بەرگەن حابارى. شينحۋا اگەنتتىگى 12 - ايدىڭ 26 - كۇنى ”جۇڭحۋالۇننىڭ“ ماقالاسىن تاراتتى، تاقىرىبى: «تاريحي ىرىقتىلىقتى يگەرىپ، جاڭا ۇلى ءىس جاراتتى».
ماقالادا بىلاي دەلىندى: كەرەمەت وزگەشە 2021 - جىل ءوتىپ بارا جاتىر.
تاريحتىڭ الىپ سۋرەتكەر قالامى قاشاندا ماڭىزدى ساتتەردە مىڭ بوياۋمەن ايشىقتالعان تاراۋ قالدىرىپ جاتادى.
پارتيامىز قۇرىلعاندىعىنىڭ 100 جىلدىعى سىندى ماڭىزدى تاريحي كەزەڭدە پارتيا مەن حالىق ءبىرىنشى 100 جىلدىق كۇرەس نىساناسىن، جاپپاي دوڭگەلەك داۋلەتتى قوعام ورناتۋدى جەڭىسپەن جۇزەگە اسىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋ سىندى ەكىنشى 100 جىلدىق كۇرەس نىساناسىنا قاراي قادام تاستاعان كەلەلى تاريحي ساتتە، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ، ماقۇلداپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلادى.
ماقالادا مىنالار اتاپ كورسەتىلدى: تاريحتى بىلگەندە عانا الىستى كورۋگە، تاريحتى تۇسىنگەندە عانا الىسقا جەتۋگە بولادى. 36 مىڭنان استام ارىپتەن تۇراتىن تاريحي قارار ماركسيزمدىك تۇعىرنامالىق حۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋدىڭ ساياسي جارناماسى، تاريحتى اينا ەتىپ، بولاشاققا جول اشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى. وعان سىڭىرىلگەن ءبىر ايقىن ەرەكشەلىك − نازاردى جۇڭگو كوممۋنيستەرىنىڭ تاريحي ىرىقتىلىقتى يگەرىپ، تاريحي ۇلى ءىس جاراتقان ماشاقاتتى بارىسىنا شوعىرلاندىرىپ، تاعى دا تاريحي شۇعىلالى تابىس جاراتاتىن كۇرەس بەتالىسىن ايقىن كورسەتۋ بولدى.
ماقالادا بىلاي دەلىندى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى وزىنە سەنىپ، ءوزىن الۋەتتەندىرىپ، تۋراشىلدىقتان اينىماي جاڭالىق اشىپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك بورىشپەن، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس جوسپارلاپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن ءبىر تالاي قيىن ماسەلەنى شەشىپ، كەزىندە ىستەۋدى ويلاساق تا ىستەي الماي كەلگەن ءبىر تالاي ءىرى ىستەردى تىندىرىپ، جاڭا داۋىردە پارتيا مەن مەملەكەت ىستەرىندە تاريحي سيپاتتى تابىسقا جەتۋدى، تاريحي سيپاتتى بۇرىلىس جاساۋدى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم مىعىم زاتتىق نەگىز، اناعۇرلىم ىرىقتى رۋحاني كۇش ازىرلەدى.
ماقالادا مىنالار اتاپ كورسەتىلدى: اماليات شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرۋ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋ بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەگەندىگىن، جاڭا داۋىردەگى جۇڭگونىڭ حاۋىپ - قاتەر مەن سىن - سايىستاردى جەڭىپ، شۇعىلالى تابىستارعا قول جەتكىزۋىنىڭ ءتۇبىرلى سەبەبى ەكەندىگىن، جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي ۇدەرىستى ىلگەرىلەتۋدە شەشۋشى ماڭىز الاتىندىعىن تولىق دالەلدەدى.
ماقالادا مىنالار اتاپ كورسەتىلدى: پارتيامىزدىڭ تاريحي ىرىقتىلىقتى مىقتاپ يگەرە الۋىنىڭ ەڭ ءتۇبىرلى سەبەبى − باستان - اياق قالىڭ حالىق بۇقاراسىنا تامىر تارتىپ، تاريحتىڭ دۇرىس جاعىندا تۇرىپ، ادامزاتتىڭ العا باسۋ جاعىندا تۇرىپ، جالپى جۇرت ات سالىساتىن، بارشا جۇرت ءبىر تىلەكتە بولاتىن تەلەگەي ۇلى كۇش ۇيىستىرىپ، باتىلدىقپەن كۇرەس جۇرگىزەتىن، باتىلدىقپەن جەڭىسكە جەتەتىن قۇرىش تۇلعا سومداعاندىعىندا. ماقالادا مىنالار اتاپ كورسەتىلدى: ۇلى داۋىرگە كەز بولۋ ءبىزدىڭ باقىتىمىز؛ ۇلى داۋىرگە ەسە قوسۋ ءبىزدىڭ جاۋاپكەرشىلىگىمىز. جاڭا جورىقتا ءبىز وسى بۋىن جۇڭگو كوممۋنيستەرىنىڭ تاريحي بورىشى − ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ.
ماقالادا مىنالار اتاپ كورسەتىلدى: ءزىل باتپان كەمەنىڭ رولىن ءبىر ادام مەڭگەرەدى. نىساناعا نەعۇرلىم جاقىنداعان سايىن، جاعداي سولعۇرلىم قيىنداسا تۇسەدى، مىندەت نەعۇرلىم جاپالى بولعان سايىن، پارمەندى باسشىلىق ۇيتقىنىڭ بۇكىل پارتيانى جانە بۇكىل ەل حالقىن باستاپ جاڭا وراي جەتىلدىرۋىن، جاڭا جاعداي اشۋىن سولعۇرلىم قاجەت ەتەدى. باس شۋجي شي جينپيڭنىڭ ۇيتقىلىق ورنىن باتىل قولداساق جانە قورعاساق، بۇكىل پارتيادا قورمال، بۇكىل ەل حالقىندا تىرەك، جۇڭحۋانىڭ ”گۇلدەنۋ“ اتتى الىپ كەمەسىندە رول ۇستاۋشى بولادى، حاۋىپ - قاتەر، سىن - سايىستار الدىندا ”داۋىلدى تولقىندار قالاي كوتەرىلسە دە، مىزعىماي تۇرامىز“. عىلمي نازاريا جەتەكشىلىك ەتكەن ءىس قانا نۇرلى بولاشاققا يە بولادى. شي جينپيڭ جاڭا ءداۋىر جۇڭگوشا سوتسياليزم يدەياسىن باعدارناما ەتكەندە عانا، پارتيامىز جاڭا ءداۋىردىڭ ۇلى ساپارىندا دۇرىس العا باسۋ بەتالىسىنا تاباندى بولىپ، دامۋ زاڭدىلىعىن عىلمي يگەرىپ، باعداردان اداسپاي، تولقىن جارا العا ىلگەرىلەپ، جاڭا جورىقتا جەلكەن كوتەرىپ ۇدەرە العا تارتىپ، ءبىر ميلليارد 400 ميلليوننان استام جۇڭگو حالقىن باستاپ ۇلتتىڭ گۇلدەنۋىنىڭ شۇعىلالى جاعالاۋىنا توتە جەتە الادى.
ماقالادا مىنالار اتاپ كورسەتىلدى: ”بيلىك دەگەنىمىز حالىق، حالىق دەگەنىمىز بيلىك“. جاڭا جورىقتا حالىققا دەگەن ادال نيەتتى ماڭگى ساقتاپ، حالىق بۇقاراسىمەن ەتەنە بايلانىستى ماڭگى ساقتاپ، حالىقتى وزەك ەتكەن دامۋ يدەياسىن جەتە ءتۇسىنىپ جانە امالياتتا ايگىلەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم كۇشەيتكەندە عانا، ميلليارد حالىقتىڭ ىنتىماقتاسا كۇرەس جاسايتىن قۇدىرەتتى كۇشىن ۇزدىكسىز ۇيىستىرۋعا بولادى. مىنە وسى ارقىلى قامال الۋعا ۇمتىلساق، المايتىن قامال بولماق ەمەس؛ وسى ارقىلى ءىس ىستەسەك، تىندىرىلمايتىن ءىس بولماق ەمەس!
ماقالادا مىنالار اتاپ كورسەتىلدى: كۇتىپ وتىرۋ وراي اكەلمەيدى، شۇعىلالى ناتيجە تەك ىستەۋمەن كەلەدى. تاريحي ىرىقتىلىققا قول جەتكىزۋدە، ءسوز جوق، تاپتىرماس تاريحي ورايدى مىقتى يگەرىپ جانە ودان ويداعىداي پايدالانىپ، جالپى جاعدايدىڭ ”ءبىر تۇتاس جۇيەسىن“ ويداعىداي يگەرىپ، ورنالاستىرۋ جاساۋدا العاشقى قادامدى جاقسى باسىپ، قىسىلتاياڭ جاعدايدان جول تابۋدا جەڭىپ شىعار امالدى جاقسى جوسپارلاپ، مەن ىستەمەي كىم ىستەيدى دەيتىن جاۋاپكەرشىلىكپەن، بايسالدى، كەسىمدى ارەكەت ەتەتىن سابىرلىلىقپەن، ءار قادامدى نىق باساتىن تاباندىلىقپەن قىسىمدى قوزعاۋشى كۇشكە اينالدىرىپ، باسىمدىقتاردى جەڭىس بەتالىسىنا اينالدىرىپ، قاجىرلىلىقپەن، ناقتاپ ىستەۋ بارىسىندا قيىن - قىستاۋ جاعدايدان، حاۋىپ - قاتەرلەردەن ءوتىپ، دامۋدىڭ تىڭ تاراۋىن ۇزدىكسىز جازۋ كەرەك.
ماقالادا مىنالار اتاپ كورسەتىلدى: بۇگىنگى دۇنيەدە وزگەرىس، جاڭالىق اشۋ اعىمى جوڭكىلە العا ىلگەرىلەۋدە. كىم وزگەرىستەن قاشسا، كىم جاڭالىق جاراتۋدان باس تارتسا، سول ءداۋىر كوشىنىڭ ارتىندا قالادى، سول تاريحتىڭ سىپىرىندىسىنا اينالادى. جاڭا تاقىرىپ الدىندا، جاڭا سىن - سايىستارعا توتەپ بەرۋدە جاڭا جورىقتا تاريحي ىرىقتىلىقتى ۇزدىكسىز يگەرۋ رەفورمادان ومىرشەڭدىك كۇش، جاڭالىق اشۋدان قوزعاۋشى كۇش الۋدى اناعۇرلىم قاجەت ەتەدى. يدەيانى ازات ەتەتىن جۇرەكتىلىكپەن، ەلدەن بۇرىن ۇمتىلاتىن باتىل ارىنمەن، قامال الىپ، قورعان بۇزاتىن ەكپىنمەن ەڭ قيىن تۇيىندەردى شەشىپ، ەڭ قاتەرلى اسۋلاردى باعىندىرىپ، ەڭ اۋىر جۇكتى ارقالاعاندا عانا، وزگەرىستى دۇرىس تانىپ، وزگەرىسكە عىلمي جولمەن توتەپ بەرىپ، وزگەرىسكە ىرىقتىلىقپەن ۇمتىلىپ، جۇرتتى جالت قاراتارلىق اناعۇرلىم كوپ كەرەمەتتەر جاراتۋعا بولادى.
ماقالانىڭ سوڭىندا بىلاي دەلىندى: كۇرەسكەردىڭ الدىندا كومبە بولمايدى، تەك جاڭا باستاما عانا بولادى. ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا جورىعىنا قادام تاستادىق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى جۇڭگونىڭ دامۋىنىڭ كەزەڭى مەن اۋقىمىن يگەرىپ، ميلليارد جۇڭگو حالقىنىڭ تىلەگى مەن كۇشىن ۇيىستىرىپ، العان بەتتەن قايتپايتىن تاباندىلىقپەن بەلگىلەنگەن نىسانانى قۇلشىنا جۇزەگە اسىرىپ، ءجۇز شاقىرىم جولدىڭ توقسان شاقىرىمىن باسساق تا جارىم جولدا ءجۇرمىز دەپ بىلەتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتىپ، اناعۇرلىم ۇلى جەڭىس پەن داڭققا قول جەتكىزەيىك!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
