شينجياڭدىق جاقسى بالا حىناندا سۇيىسپەنشىلىك تاراتتى
انار بۇلت / شينجياڭ گازەتىنىڭ ءتىلشىسى يۇي شي
2021.12.28 17:34 كەلۋ قاينارى : شينجياڭ گازەتى
2002 - جىلى ءپايزاۋات اۋدانى جامباز اۋىلى شوڭجامباز قىستاعىنىڭ تۇرعىنى ادىل ءمامات ءوزى جالعىز جىڭجوۋ قالاسىنا بارىپ، قوي ەتى كاۋابىن ساتۋمەن اينالىسقان ەدى. ال، قازىر جىڭجوۋ قالاسى 27 - رايون ازاتتىق جولى شينجياڭ ءدامدى تاعامدار بازارىنىڭ جاۋاپتىسىنا اينالدى.
20 جىلدان بەرى ادىل قوس قولىنا سۇيەنىپ ءوز تاعدىرىن وزگەرتتى. ول اقشا اتاپ وقۋ - اعارتۋعا كومەك كورسەتتى، ءالسىزدى سۇيەمەلدەپ جارلى - جاقپايعا قول ۇشىن بەردى، الەۋمەتتىك يگىلىك ىستەرىنە ات سالىستى... وسىنداي بولماشى عانا ىزگى ءىس، جاقسى ارەكەتتەرىمەن ”شينجياڭدىق جاقسى بالانىڭ“ ناعىز قاسيەتىن ايگىلەدى.
”الداعى جەردە مەن ۇزدىكسىز انار ءدانى بولىپ ىزگى ءىس، جاقسى ارەكەتىمدى ءومىر بويى جالعايمىن“، - دەدى 12 - ايدىڭ 25 - كۇنى ادىل تىلشىگە.
”بۇل ارا ءوز ۇيىمدەي مەيىرىمدى“
”پالاۋ، سامسا، تورە تاباق تاۋىق ەتى، قايسىسىن بۇيىرتاسىزدار؟“.
ادىل جۇرگىزىپ وتىرعان شينجياڭ ءدامدى تاعامدار بازارىنىڭ ساۋداسى ايرىقشا كۇسەت. وسى تاعامجايعا ۇنەمى كەلىپ تۇراتىن جىڭجوۋ قالاسىنىڭ تۇرعىندارىنىڭ ءبارى مەيماندوس، اشىق - جارقىن، ىسكەر ادىلدىڭ تىنىم تاپپاي تاعامجايدا قاربالاس جۇرەتىندىگىن بىلەدى.
كەزىندە حىناندا جان سانى كوپ، ساۋداعا لايىق ەكەنىن ويلاعان ادىل اكە - شەشەسى مەن دوس - جاراندارىنىڭ ءناسيحاتىنا قۇلاق اسپاي، العان بەتىنەن قايتپاي، كاۋاپ پەشىن ارقالاپ جىڭجوۋ قالاسىنا كەلگەن.
العاشىندا ادىل جەرگىلىكتى ادامداردىڭ ”بوتەنسىنۋىنەن“ الاڭداعان بولاتىن، ءبىراق جايماسىن جايعان سوڭ، قاريدارلار كوبەيىپ كەتتى. كوپشىلىك وعان حىنان اكسەنتىن پەيىلدەنە ۇيرەتىپ، قاي ماڭايدىڭ گۇلدەنگەن، ساۋداعا لايىق جەر ەكەنىن ايتىپ بەردى. اق پەيىل ءبىر اپەكە، اۋەلى، ءوز ءۇيىنىڭ ءبىر بولمەسىن بوساتىپ، وعان تومەن باعادا جالعا بەردى.
العاش كىرىس تاپقان سوڭ، ادىلعا تاعامجاي اشۋ ويى تۋدى. ول ازاتتىق جولى ءمالى باسقارماسىنىڭ قىزمەتكەرلەرىنەن كومەك سۇراي باردى. كۇتپەگەن جەردەن، قىزمەتكەرلەر ونى ەرەكشە قولداپ، ونى تيجارات راسمياتىن بىتىرۋگە ارنايى ەرتىپ باردى. جەرگىلىكتى ورىنداعى بازار باقىلاۋ - باسقارۋ كادرى وعان قاتىستى ساياساتتاردى بايىپپەن انىقتاپ ايتىپ بەرۋمەن بىرگە، ورنى وتە جاقسى ءبىر دۇكەندى جالداۋىنا كومەكتەستى.
ءبىر كۇنى ادىل دۇكەنىن اشەكەيلەۋ ءۇشىن ەمۋلسون سىرىن ساتىپ العان سوڭ، جولعا قانىق بولماعاندىقتان، اۆتوبۋزعا جاڭىلىس وتىرىپ قالادى. قاس قارايىپ كەتكەن، جانىندا تاكسيگە تۇسەرلىك اقشاسى دا جوق، ول قاتتى ابىرجيدى. بۇل جاعداي اسا ساق ءبىر قاتىناس ساقشىسىنىڭ كوزىنە شالىنىپ، ءمان - جايدى بىلگەن سوڭ، ساقشى كولىگىمەن ونى 4 ۇلكەن شەلەكتەگى ەمۋلسون سىرىمەن قوسىپ دۇكەنىنە جەتكىزىپ، ول زاتىن ءتۇسىرىپ العان سوڭ عانا كەتەدى.
”اقشا سالعاندا، باۋىرمال قالا تۇرعىندارى تالون تولتىرۋىما كومەكتەسەدى؛ الەۋمەتتىك اۋماق كادرلارى بالامنىڭ وقۋعا ءتۇسۋ ىستەرىنە بايلانىس جاساپ بەردى... وسىنىڭ بارىنەن مەن بۇل ارانى ءوز ۇيىمدەي جىلى شۋاقتى سەزىندىم، سونداي - اق جىڭجوۋدا قالۋ سەنىمىم بەكي ءتۇستى“، - دەدى ادىل.
ەڭ العاشقى 50 نەشە شارشى مەترلىك تاعامجايدان، قازىرگى 300 نەشە شارشى مەترلىك ءدامدى تاعامدار بازارىنا دەيىن، ادىل ىستەگەن سايىن تەبىندەي ءتۇستى. ونىڭ جەتەكتەۋىمەن، 50 نەشە شينجياڭدىق قىز - جىگىت ىركەس - تىركەس جىڭجوۋعا كەلىپ تاعامجاي قىزمەتىمەن شۇعىلداندى.
”مەن جاقسىلىقتى اقتايمىن، سۇيىسپەنشىلىك ارقىلى سۇيىسپەنشىلىك جەتكىزەمىن“
”اعاي، كوكونىس ساتىپ العاندا قالىڭىراق كيىنىڭىز، توڭىپ تۇماۋراتىپ قالماڭىز“.
”جارايدى، ۋىنتيڭ بالاقاي، ءوزىڭ دە دەنساۋلىعىڭا كوڭىل ءبول، جاقسى وقي عوي“.
14 جاستاعى شۇي ۋىنتيڭ جىڭجوۋ قالاسىنداعى ءبىر ورتا مەكتەپتىڭ 1 - جىلدىعىندا وقيدى، قۇلاعى جاقسى ەستىمەيدى. ەكونوميكا سەبەبىنەن، ول ءبىر مەزەت وقۋدان قول ءۇزۋدى ويلاعان.
”تۇڭىلمە، مەن امالىن تاۋىپ ساعان كومەكتەسەمىن“، - دەپ ادىل شۇي ۋىنتيڭدى جۇباتا سويلەدى. 2017 - جىلى شۇي ۋىنتيڭ جانە ودان باسقا 4 مۇگەدەك بالا ادىلدىڭ ۇزاق ۋاقىت اقشالاي جاردەمدەسۋ وبيەكتىسىنە اينالدى، داشۋەدەن وقۋ تاۋىسقانعا دەيىن، ولاردىڭ اربىرىنە جىلىنا 3000 يۋاننان بەرىپ تۇردى.
”بۇگىنگىدەي تاعامجاي اشىپ، جىڭجوۋدا نوپوس قوندىرىپ، ءۇي الىپ، بالامدى وسىندا وقىتا الۋىم حىنان حالقىنىڭ ماعان جاساعان كومەگىنەن ايرىلا المايدى“. ادىل ءوزىنىڭ حىنان حالقىنا العىس ايتاتىندىعىن، حىناندى الدەقاشان ءوزىنىڭ ەكىنشى اتا مەكەنى ساناعاندىعىن ايتتى، ”مەن جاقسىلىقتى اقتايمىن، سۇيىسپەنشىلىك ارقىلى سۇيىسپەنشىلىك جەتكىزەمىن“!
قار قاپالاقتاپ، جاڭبىر جاۋعان كۇندەردە، سۇيەنىشسىز قارتتارعا امانداسا باردى؛ مەرەكە - مەيرامداردا ساقا پارتيا مۇشەلەرىنەن، ساقا كادرلاردان، ساقا جاۋىنگەرلەردەن حال سۇرادى؛ شينجياڭداعى اۋىلداستار قيىنشىلىققا تاپ بولعانىن بىلگەندە، دەرەۋ 10 مىڭ يۋان جىلۋ اتادى...
بيىل 7 - ايدا جىڭجوۋ ەرەكشە سۇراپىل نوسەر اپاتىنا ۇشىراعان كەزدە، قۇتقارۋ - كومەكتەسۋ قىزمەتكەرلەرى كۇندى - تۇنگە جالعاپ قاربالاستىققا ءتۇستى. ادىل مەن تاعامجاي قىزمەتكەرلەرى 100 تاقسى ساۋميان، 700 نان، 50 جاشىك سۋسىن دايىنداپ ولارعا جەتكىزىپ بەردى.
”وسى جىلداردا، ادىل العىستى بىلۋدەن العىس ايتۋعا، العىس ايتۋدان جاقسىلىقتى اقتاۋعا دەيىن، ازىن - اۋلاق ارەكەتتەرى ارقىلى ادامدار جۇرەگىن جىلىتىپ، جەرگىلىكتى ورىنعا ىزگىلىك سەپتى، ول ايتسا ايتقانداي شينجياڭدىق ەر ازامات!“، - دەدى 27 - رايون ازاتتىق جولى ءمالى باسقارماسى مينجۋ جولى الەۋمەتتىك اۋماعىنىڭ كادرى حۋ شين.
اناردىڭ ءدانى بولىپ، سەنترلەس شەڭبەردى جاقسى سىزدى
”2017 - جىلدان باستاپ بالام ەكەۋىمىز اي سايىن ادىل جىبەرگەن شينجياڭ ءدامدى تاعامىن تاپسىرىپ الىپ جاتىرمىز“، - دەدى پان پين.
پان پين حىنان ولكەسى نانياڭ قالاسىنداعى ءورت تەڭىزىنە 3 رەت ءتۇسىپ ادام قۇتقارعان قاھارمان ۋاڭ فىڭنىڭ ايەلى. بىرنەشە جىلدىڭ الدىندا ادىل تەلەۆيزوردان ۋاڭ فىڭنىڭ ىزگى ىستەرىن بىلگەننەن كەيىن، قاتتى اسەرلەنەدى. ول ىرىقتىلىقپەن نانياڭعا بارىپ، پان پيننىڭ ۇيىندەگىلەرمەن جۇپ قۇراپ، تۋىس بولدى.
وسى بىرنەشە جىلدا قىسقى، جازعى دەمالىستى ادىل مەن پان پيڭ ەكى وتباسىنىڭ بالالارى بىرگە وتكىزىپ كەلەدى. ادىل سونىمەن بىرگە ۇنەمى ۋيچات ارقىلى پان پينگە اقىل كورسەتىپ، ونى تۇرمىسقا جۇرەكتىلىكپەن بەتپە - بەت كەلۋگە جەبەدى. ال پان پيڭ دە ۇنەمى جىڭجوۋعا ادىلعا امانداسا بارىپ تۇرادى.
ادىل ءدامدى تاعامدار بازارىن تۇعىر ەتىپ، جۇڭحۋا ۇلتىنىڭ بەرەكەلى شاڭىراعىنىڭ اسەرلى كارتيناسىن ۇزدىكسىز كەستەلەدى. ”حىنان ولكەلىك ۇلتتار ىنتىماعى، العاباسارلىعىندا ۇلگىلى جەكە“ ”مەيىربان كاسىپورىن“... شينجياڭ ءدامدى تاعامدار بازارىنداعى ارناۋ تاقتالارى ادىل مەن جەرگىلىكتى حالىقتىڭ ءوزارا كومەكتەسىپ، ءبىر - بىرىنە قارايلاسقان ءىس - ىزدەرىنىڭ كۋاسى.
60 جاستاعى لو جيانفىڭ شينجياڭ ءدامدى تاعامدار بازارىنىڭ قىزمەتكەرى، ءوزى جىڭجوۋلىق. ”ادەتتە تاعامجايلار مەن سياقتى جاسى كەلگەندەردى جۇمىسقا قابىلداي قويمايدى“. لو جيانفىڭ بىلاي دەدى: ءىس جۇزىندىك قيىنشىلىعىمدى ويلاستىرعان ادىل مەنى قابىلداپ، اي سايىن جاتاق - تاماق اقىمدى كوتەرۋمەن بىرگە، 3000 يۋاندىق ەڭبەكاقى بەرۋگە بەكىم جاسادى.
”ءبىزدىڭ ءدامدى تاعامدار بازارىمىز ءبىر ۇلكەن شاڭىراق ىسپەتتى، شينجياڭنان كەلگەندەر دە بار، حىناننىڭ جەر - جەرىنەن كەلگەندەر دە بار. كوپشىلىك بىرگە تۇرادى، بىرگە ۇيرەنەدى، بىرگە جۇمىس ىستەيدى، بىرگە شاتتانادى، ەرەكشە جاراسىمدى“، - دەدى لو جيانفىڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
