”ادامدىق ۇقىقتى“ جەلەۋ ەتىپ، شينجياڭنىڭ دامۋىن، العا باسۋىن شاۋجايلاۋ تۇبىندە جەڭىلىسپەن تىنادى
− رايونىمىزداعى كادرلار مەن بۇقارا امەريكانىڭ ايتىلمىس شينجياڭعا ساياتىن ”زاڭ جوباعا“ قول قويىپ زاڭعا اينالدىرعاندىعىن قاتاڭ جازعىردى جانە وعان باتىل قارسى تۇردى
□ انار بۇلت / شينجياڭ گازەتىنىڭ تىلشىلەرى
2021.12.28 17:35 كەلۋ قاينارى : شينجياڭ گازەتى
جەرگىلىكتى ۋاقىت 12 - ايدىڭ 23 - كۇنى امەريكا ادامدىق ۇقىقتى جەلەۋ ەتىپ، قاسارىسا ايتىلمىس ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا“ قول قويىپ زاڭعا اينالدىرىپ، شينجياڭداعى ءار ۇلت بۇقاراسىنىڭ ەڭبەك ىستەۋ جانە جۇمىستانۋ ارقىلى تاماشا تۇرمىسقا تالپىنۋ ۇقىعىن ماقرۇم ەتۋگە ۇرىنىپ، شينجياڭنىڭ ورنىقتىلىعىن، دامۋىن شاۋجايلاۋ ارقىلى ”شينجياڭ ارقىلى جۇڭگونى شاۋجايلاۋ“ سۇرقيا ماقساتىنا جەتپەك بولدى. مۇنى شينجياڭداعى ءار ۇلت كادرلارى مەن بۇقاراسى قاتاڭ جازعىراتىندىعىن جانە وعان باتىل قارسى تۇراتىندىعىن ءبىلدىردى! كوپشىلىك ءبىر اۋىزدان مىنالاردى ءبىلدىردى: مەيلى امەريكا جاق وسەك - اياڭدى قالاي ويدان قۇراستىرىپ، پالە تۋدىرسا دا شينجياڭداعى ءار ۇلت حالقىنىڭ تاماشا تۇرمىسقا تالپىنعان نىق قادامىنا بوگەت بولا المايدى، جۇڭگونىڭ ۇزدىكسىز دامىعان، كۇشەيگەن اياق الىسىنا بوگەت بولا المايدى.
”امەريكانىڭ ايتىلمىس ’ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسى‘ ءبىر پاراق كەرەكسىز قاعاز!“. اۆتونوميالى رايوندىق پارتكوم قارت كادرلار مەكەمەسىنىڭ 2 - دارەجەلى شارلاۋشىسى، دەمالىسقا، زەينەتكە شىققان كادرلار قىزمەتى باسقارماسىنىڭ باستىعى رىيات عاپپار زىعىردانى قايناپ بىلاي دەدى: مەن وڭتۇستىك شينجياڭدا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە 6 جىل قاتىناستىم، ”زورلىقپەن ەڭبەككە سالۋ“ جاعدايىن مۇلدە كورمەدىم، بۇل بۇكىلدەي امەريكاداعى، باتىستاعى جۇڭگوعا قارسى كۇشتەردىڭ شينجياڭنىڭ گۇلدەنۋىن، ورنىقتىلىعىن بۇلدىرۋگە ۇرىنۋ ءۇشىن ويدان شىعارعان وسەك - اياڭى، ساندىراعى. تاياۋ جىلداردان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭداعى ءار ۇلت بۇقاراسى ىنتىماقتاسا كۇرەس جۇرگىزدى، كىرىس دەڭگەيى ۇزدىكسىز جوعارىلاپ، تۇرمىس ساپاسى بارعان سايىن ءوسىپ، تابىس سەزىمى، باقىت سەزىمى، حاۋىپسىزدىك سەزىمى كورنەكتى ارتتى. ”باقىتتى دا تاماشا تۇرمىسقا تالپىنۋ زورلاۋدى قاجەت ەتپەيدى“. ول: ”ادامدىق ۇقىقتى“ جەلەۋ ەتىپ، شينجياڭنىڭ دامۋىن، العا باسۋىن شاۋجايلاۋ قاسكۇنەمدىگى تۇبىندە جەڭىلىسپەن تىنادى، - دەدى.
”وسى ايتىلمىس ’زاڭ جوبا‘ جۇڭگونىڭ شينجياڭىنىڭ ادامدىق ۇقىق جاعدايىن قاساقانا داتتادى، نيەتى سۇرقيا، بارىپ تۇرعان ارسىزدىق!“. اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتى قوعامدىق زاڭ شىعارۋ باسقارماسىنىڭ باستىعى لي شۋەجۇن بىلاي دەدى: بۇل جۇڭگونىڭ ىشكى ىسىنە دورەكىلىكپەن كيلىككەندىك، حالىقارالىق زاڭ مەن حالىقارالىق قارىم - قاتىناستىڭ نەگىزگى ولشەمىن اشىقتان - اشىق اياققا تاپتاعاندىق. شينجياڭ «حالىقارالىق ەڭبەكشى ۇيىمىنىڭ ۋستاۆى» مەن قاتىستى شارتتاردىڭ رۋحىنا باستان - اياق بويسۇنىپ، «جۇڭحۋا حالىق رەسپۋبليكاسىنىڭ ەڭبەك زاڭىن»، «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ ەڭبەك زاڭىن> دايەكتىلەندىرۋدى اتقارۋ پىكىرى»، «شينجياڭ ۇيعۇر اۆتونوميالى رايونىنىڭ <ەڭبەكپەن قامتاماسىز ەتۋدى باقىلاۋ ەرەجەسىن> اتقارۋ ءادىسى» سياقتى زاڭداردى، زاڭ ەرەجەلەردى قاتاڭ اتقارىپ، حالىق قۇرىلتايىنىڭ زاڭ شىعارۋ، باقىلاۋ قىزمەتى ارقىلى شينجياڭداعى ءار ۇلت بۇقاراسىنىڭ ەڭبەكپەن جۇمىستانۋ ۇقىق - مۇددەسىن زاڭ بويىنشا ءونىمدى قامتاماسىز ەتتى، شىندىق تۇبىندە وسەك - اياڭنىڭ بىت - شىتىن شىعارادى.
اۆتونوميالى رايوندىق ساياسي كەڭەس ۇلت جانە ءدىن كوميتەتى كەڭسەسىنىڭ 2 - دارەجەلى تەكسەرىپ - زەرتتەۋشىسى ماحمۇت مامەت امەريكانىڭ جۇڭگونىڭ ىشكى ىسىنە دورەكىلىكپەن كيلىككەن بۇل قىلىعىنا باتىل قارسى تۇراتىندىعىن ءبىلدىردى. ول بىلاي دەدى: شينجياڭنىڭ ەڭبەكپەن جۇمىستاندىرۋدى قامتاماسىز ەتۋ ساياساتى جانە ونىڭ امالياتى جۇڭگونىڭ نەگىزگى زاڭىنا، زاڭدارىنا ۇيلەسەدى، حالىقارالىق ەڭبەكشى جانە ادامدىق ۇقىق ولشەمىنە ۇيلەسەدى، شينجياڭداعى ءار ۇلت حالقىنىڭ تاماشا تۇرمىس كەشىرۋ تىلەگىنە ساي كەلەدى. كەزەكتە شينجياڭنىڭ قوعامى ورنىقتى، ەكونوميكاسى دامىعان، حالىق تۇرمىسى باقىتتى، بۇل حالىقارالىق قوعام جاپپاي كورىپ وتىرعان فاكت. الايدا امەريكا جاقتىڭ مۇنى كورسە دە كورمەسكە سالىپ، قايتا - قايتا شينجياڭعا ساياتىن ماسەلەدەن پايدالانىپ وسەك - اياڭ تاراتۋى، ءىس شىعارۋى ونىڭ ”شينجياڭ ارقىلى جۇڭگونى شاۋجايلاۋعا“، جۇڭگونىڭ دامۋىن شاۋجايلاۋعا ۇرىنۋ سۇرقيا نيەتىن تولىق پاش ەتتى.
”شينجياڭداعى ءار ۇلت بۇقاراسىنىڭ ەڭبەكپەن جۇمىستانۋى بۇكىلدەي ەرىكتى“. التاي ايماقتىق پارتكومنىڭ مۇشەسى، بىرلىكساپ ءبولىمىنىڭ باستىعى سەرىك قابىكەن بىلاي دەدى: تاياۋ جىلداردان بەرى التاي ايماعى ەڭبەكشىلەردىڭ تىلەگىنە قۇرمەۋ ەتۋ، ەڭبەكشىلەردىڭ ۇقىق - مۇددەسىن قورعاۋ، ەڭبەك ورتاسى مەن شارت - جاعدايىن جاقسارتۋ، ەڭبەكشىلەردىڭ قۇنىن ايگىلەۋ جاقتارىنا كۇش سالىپ، جۇمىستاندىرۋدى جەبەۋ شارالارىن بەلسەنە قولدانىپ، ءار ۇلت بۇقاراسىنىڭ جۇمىستانۋدى جۇزەگە اسىرۋىنا، باقىتتى تۇرمىس كەشىرۋىنە كومەكتەسىپ، كوپشىلىكتىڭ ەڭبەكپەن جۇمىستانۋ ۇقىعىن تولىق قامتاماسىز ەتتى.
حالىقتىڭ باقىتتى تۇرمىسى ەڭ ۇلكەن ادامدىق ۇقىق. يىڭىسار اۋداندىق پارتكوم ۇيىمداستىرۋ ءبولىمىنىڭ ورىنباسار باستىعى لي پىڭ مىنالاردى ءبىلدىردى: تاياۋ جىلداردان بەرى شينجياڭداعى، اسىرەسە، وڭتۇستىك شينجياڭداعى ءار ۇلت كادر - بۇقاراسى پارتيانىڭ پارمەندى باسشىلىعىندا، تاسقىنداعان قايرات - جىگەرمەن كەدەيلىكپەن شايقاسۋدىڭ ەپوسىن جازدى. قازىر ءار ۇلت كادر - بۇقاراسى كەدەيلىكتەن ارىلتۋدان قامال الۋ جەتىستىگىن تىڭعىلىقتى تۇردە بەكەمدەپ، كەڭەيتىپ، اۋىل - قىستاقتى گۇلدەندىرۋدىڭ جاڭا جاعدايىن قايراتتانا اشۋدا. فاكت الدىندا امەريكانىڭ قيسىنسىز جازعىرۋى تويتارىسسىز - اق توزىپ جوعالادى.
ءدوربىلجىن اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى اسەت يمانعازى از ۇلت كادرى رەتىندە، قارشادايىنان شينجياڭدا ەسەيىپ - ەرجەتتى ءارى قىزمەت ورنىنا شىعىپ، شينجياڭدا قوعام ورنىقتى، ەكونوميكا دامىعان، ۇلتتار ىنتىماقتى، حالىق تۇرمىسى باقىتتى بولعان فاكتكە ءوز كوزىمەن كۋا بولدى. ول بىلاي دەدى: ايتىلمىس ”زورلىقپەن ەڭبەككە سالۋ“ مەن ”ءناسىل جويۋ“ بۇكىلدەي امەريكاداعى، باتىستاعى جۇڭگوعا قارسى كۇشتەردىڭ ويدان شىعارعان جيرەنىشتى وسەك - اياڭى. امەريكانىڭ شينجياڭعا ساياتىن ماسەلەلەردەن پايدالانىپ قاستىق سايلاپ، سايقالدىق ىستەۋى بۇكىلدەي جۇرت كوڭىلىنە جاقپايدى.
”شىندىقپەن ساناسپاي، اق پەن قارانى شاتاستىردى، ادامنىڭ زىعىردانىن قايناتادى، وعان باتىل قارسى تۇرامىن!“. باي اۋدانى مىچىحى اۋىلدىق پارتكومنىڭ ورىنباسار شۋجيى مۇحتار ماحمۇت مىنالاردى ءبىلدىردى: شينجياڭداعى ءار ۇلت بۇقاراسىنىڭ ەڭبەك ۇقىق - مۇددەسى تۇگەلدەي زاڭ بويىنشا تولىق قامتاماسىز ەتىلدى، كوپتەگەن ادام ەڭبەك ارقىلى تۇرمىس شارت - جاعدايلارىن جاقسارتتى، تۇرمىس تاسىلدەرىن وزگەرتتى، تاعدىرلارىن وزگەرتتى. ”امەريكا جاق مۇنى كورسە دە كورمەسكە سالىپ، ادامدىق ۇقىقتى جەلەۋ ەتىپ ەلىمىزدىڭ ىشكى ىسىنە كيلىگىپ، ءبىزدىڭ باقىتتى تۇرمىسىمىزدى بۇلدىرۋگە ۇرىندى، ءبىز بۇعان استە جول بەرمەيمىز!“.
(ءتىلشى جاڭ يانفاڭ، قاتىناسقان تىلشىلەر لياڭ ليحۋا، جاڭ يۇنمەي، لي ياڭ، جاڭ تيڭ، ەرىكتى ءتىلشى ياڭ شۋاڭلۇڭ)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
