بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭعا ساياتىن ”زاڭ جوبا“ امەريكانىڭ ”شينجياڭ ارقىلى جۇڭگونى شاۋجايلاۋ“ سۇرقيا نيەتىن اشىققا شىعاردى

□ ساۋ ۋي

2021.12.28 17:36     كەلۋ قاينارى : شينجياڭ گازەتى

  جۋىقتا امەريكا پارلامەنتى جاساعان ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسى“ بايدەن زۇڭتۇڭنىڭ رەسمي قول قويۋىمەن كۇشىنە ەندى، بۇل 2020 - جىلى 6 - ايدا كۇشىنە ەنگەن ”2020 - جىل ۇيعۇر ادامدىق ۇقىقتارى ساياسات زاڭ جوباسىنان“ كەيىن، امەريكا جاساعان تاعى ءبىر ارناۋلى شينجياڭعا ساياتىن زاڭ جوبا. ءبىر جىلعا تاياۋ ۋاقىتتان بەرى بايدەن ۇكىمەتى جۇڭگوعا قاراتا ”جاڭا قىرعي قاباق سوعىس“ تۋدىرۋ ويىمىز جوق، جۇڭگو - امەريكا قارىم - قاتىناسىنا ”قورعاعىش“ ورناتامىز، جۇڭگو مەن امەريكا ەكونوميكالىق جاقتا قايتادان بايلانىس ورناتۋى كەرەك دەپ سارنادى، الايدا امەريكا شينجياڭعا ساياتىن، تايۋانعا ساياتىن، شياڭگاڭعا ساياتىن، شيزاڭعا ساياتىن، تەڭىزگە ساياتىن ماسەلەلەر سياقتى جۇڭگونىڭ وزەكتى ۇقىق - مۇددەسىنە قاتىستى ءبىرسىپىرا ماسەلەلەردە قيسىنسىز جاڭا قاقتىعىس تۋدىرىپ، جاڭا داعدارىس جاسادى. وسى رەت قول قويىلىپ، كۇشىنە ەنگەن شينجياڭعا ساياتىن زاڭ جوبا امەريكانىڭ جۇڭگوعا قاراتقان ساياساتى جاعىندا سوزىنە ويى قايشى بولعاندىعىن جانە ايتقانى مەن ىستەگەنى بىر جەردەن شىقپايتىندىعىن جۇرت الدىنا جايىپ سالدى.

  امەريكانىڭ جۇڭگوعا قاراتقان ساياساتىنىڭ جالعاندىعىن اشىققا شىعاردى

  بۇگىنگى تاڭداعى دۇنيە جۇزىندەگى ەلەۋلى ىقپالى بار ءىرى ەلدەر رەتىندە، جۇڭگو مەن امەريكانىڭ ادامزاتتىڭ بەيبىتشىلىگى مەن دامۋىن قورعاۋ ىستەرىندە كەلەلى حالىقارالىق جاۋاپكەرشىلىگى بار. وكىنەرلىگى، 2017 - جىلدان بەرى امەريكانىڭ ترامپ ۇكىمەتى جۇڭگونى ”ستراتەگيالىق باسەكەلەس قارسىلاسى“ رەتىندە قارادى ءارى ىركەس - تىركەس جۇڭگونىڭ امەريكاعا شىعاراتىن تاۋارلارىنا جوعارى كەدەن باجىسىن ۇستەۋ، جۇڭگونىڭ جوعارى عىلىم - تەحنيكا كاسىپورىندارىنا قىسىم كورسەتۋ، جۇڭگونىڭ امەريكاداعى ادامدارى مەن قۇرىلىمدارىنىڭ ارەكەتىن شەكتەۋ، جات نيەتپەن ”جاڭا تيپتى ايدارشا ۆيرۋستىڭ تەگىن انىقتاۋ“ دەيتىندى شىعارۋ سياقتىلارمەن اينالىسۋ، سونداي - اق تايۋانعا ساياتىن، شياڭگاڭعا ساياتىن، شينجياڭعا ساياتىن، شيزاڭعا ساياتىن، تەڭىزگە ساياتىن ماسەلەلەر سياقتى ماسەلەلەردە ءجيى - ءجيى داعدارىس تۋدىرىپ، جۇڭگونى ستراتەگيالىق جاقتان شاۋجايلاۋ نيەتىنىڭ شىن كەسپىرىن اشىققا شىعاردى.

  بايدەننىڭ ءبىر جىلعا تاياۋ ۋاقىتتان بەرگى بيلىك جۇرگىزۋ بارىسىنا قايىرىلا قاراعان جۇرت امەريكا ۇكىمەتىنىڭ تالاي رەت سىرتتا جۇڭگومەن قارىم - قاتىناستا ”جاڭا قىرعي قاباق سوعىس“ تۋدىرۋ ويى جوق ەكەندىگى جونىندە پوزيتسيا بىلدىرگەن جانە جۇڭگو مەن امەريكا قارىم - قاتىناسىنا ”قورعاعىش“ ورناتۋ ۇسىنىسىن قويعان بولسا دا، امەريكانىڭ جۇڭگوعا قاراتقان ساياساتىنىڭ ناعىز بىلىقپالىقتى وڭالتا الماعاندىعىن، ءوزىنىڭ جۇڭگوعا قاراتقان ساياساتىنداعى ۋادەسىن دە شىن مانىندە تياناقتاندىرا الماعاندىعىن، كەرىسىنشە امەريكا، انگليا، اۆستراليا ءۇش جاقتى حاۋىپسىزدىك سەرىكتەستىك قارىم - قاتىناسىن قۇرۋ، امەريكا، جاپونيا، ءۇندىستان، اۆستراليا ءتورت جاقتىڭ حاۋىپسىزدىك تىلدەسۋ مەحانيزمىن ۇيىمداستىرۋ، ”بەس كوز وداعىمەن“ بىرلەسىپ جۇڭگوعا قىسىم ءتۇسىرۋ سياقتىلارمەن اينالىسۋ ارقىلى حالىقارادا توپ قۇراپ، جۇڭگوعا قارسى بىرلىكساپ قۇرىپ، جۇڭگونىڭ دامۋىنا قورشاپ توسقاۋىل قۇرعاندىعىن ءارى جۇڭگونىڭ وزەكتى ۇقىق - مۇددەسىنە قاتىستى ءبىرسىپىرا ماسەلەلەردە ۇزدىكسىز تۇردە قيسىنسىز ارانداتۋشىلىق تۋدىرعاندىعىن ءبىلدى.

  شينجياڭعا ساياتىن ماسەلەدە ءبىر جىلعا تاياۋ ۋاقىتتان بەرى امەريكا مەملەكەتتىك كەڭەسى، قازىنا مينيسترلىگى، ساۋدا مينيسترلىگى، مەملەكەت تەرريتورياسى حاۋىپسىزدىگى مينيسترلىگى سياقتى اكىمشىلىك تاراۋلارى جۇڭگونىڭ ءمانساپتىلارىن، ۇكىمەت ورگاندارىن، كاسىپورىندارىن، ءىسورىندارىن ءار ءتۇرلى اتتاعى جازالاۋ تىزىمىنە ەنگىزدى، امەريكا ەكى پارتياسىنىڭ پارلامەنت مۇشەلەرى جاپا - تارماعاي شينجياڭعا ساياتىن ءار ءتۇرلى جۇڭگوعا قارسى كەڭەس جوبالارىن ورتاعا قويدى ءارى ”ادامدىق ۇقىققا قول سۇقتى“ دەگەن سىلتاۋمەن حالىقارالىق قوعامدى بەيجيڭ قىسقى وليمپياداسىن ”ديپلوماتيالىق جاقتان شەكتەۋگە“ جەلىكتىردى. تولىقسىز ساناققا قاراعاندا، 2021 - جىلى امەريكا كەدەنى مەن شەكارالىق قورعاۋ مەكەمەسى امەريكاعا شىعارىلعان ”زورلىقپەن ەڭبەككە سالۋعا“ ساياتىن شينجياڭنان شىعاتىن كيىم - كەشەك، توقىما بۇيىمدارى سياقتى ماقتا ونىمدەرىن، قىزاناق تۇقىمى، قىزاناق كونسەرۆاسى، قىزاناق قويمالجىڭى جانە قىزاناقتان جاسالعان دايىن بۇيىمدار، كرەمني نەگىزدى ونىمدەر، ەلەكترون ونىمدەرى سياقتىلاردى قامتىعان زاتتارعا 7 ءتۇرلى ۋاقىتشا ۇستاپ قالۋ بۇيرىعىن جاريالاعان، جالپى قۇنى مولشەرمەن 485 ميلليون دوللارلىق زاتتاردى ۇستاپ قالعان، تاركىلەگەن، مۇنىڭ سانى مەن قۇنى تۇگەلدەي 2020 - جىلداعىدان زور مولشەردە ارتقان. بايدەن ۇكىمەتى بيلىك باسىنا شىققاننان بەرى امەريكانىڭ شينجياڭعا ساياتىن ماسەلەلەردە اتقارعان جۇڭگوعا قاراتقان جازاسىنىڭ سانى مەن سەرپىنى ترامپ مەزگىلىندەگىدەن اسىپ كەتتى.

  امەريكانىڭ جۇڭگوعا قاراتقان ساياساتىنىڭ زىمياندىعىن اشىققا شىعاردى

  سوڭعى جىلدارى جۇرت امەريكانىڭ ”شينجياڭ ارقىلى جۇڭگونى شاۋجايلاۋ“ ستراتەگياسىنىڭ شىنايى كەسپىرىن بارعان سايىن انىق كوردى. امەريكانىڭ حالىقارالىق قوعامدا ايتىلمىس شينجياڭ ”زورلىقپەن بەدەۋلەدى“، ”زورلىقپەن ەڭبەككە سالدى“، ”ءناسىل جويدى“ دەگەن سياقتى كەڭەس تاقىرىپتارىن ۇزدىكسىز دابىرالاۋى ءدال ايتىلمىس ”ءسوز - ارەكەتى باسقا، نيەتى باسقا“، ونىڭ كوزدەگەنى تەك شينجياڭ عانا ەمەس، تۇتاس جۇڭگو.

  ”2020 - جىل ۇيعۇر ادامدىق ۇقىقتارى ساياسات زاڭ جوباسى“ امەريكا پارلامەنتىندە تالقىلانىپ جاتقاندا، ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسى“ دا پارلامەنت عيماراتىندا ازىرلەنە باستاعان بولاتىن. 2021 - جىلى 7 - ايدىڭ 14 - كۇنى جانە 12 - ايدىڭ 8 - كۇنى امەريكا پارلامەنتىنىڭ كەڭەس پالاتاسى مەن قاۋىم پالاتاسى ىلگەرىندى - كەيىندى ءوز نۇسقالارىنداعى زاڭ جوبالارىن ماقۇلدادى. وسىدان كەيىن كەڭەس پالاتاسى مەن قاۋىم پالاتاسى بىرلەسكەن ءماجىلىس اشىپ، زاڭ جوباسىنىڭ ەڭ سوڭعى نۇسقاسىن تۇراقتاندىردى ءارى تەزدەن 12 - ايدىڭ 14 - كۇنى جانە 16 - كۇنى قاۋىم پالاتاسى مەن كەڭەس پالاتاسىندا تاعى دا قاراپ ماقۇلداپ، بايدەن زۇڭتۇڭنىڭ قول قويىپ، كۇشىنە ەندىرۋىنە تاپسىردى، مۇنى ”جوعارى ءونىمدى“ بولدى دەدى. سونىمەن بىرگە امەريكانىڭ زاڭ اتقارۋ قۇرىلىمدارى 2020 - جىلى 7 - ايدان باستاپ ”زورلىقپەن ەڭبەككە سالدى“ دەگەن اتپەن جۇڭگو كاسىپورىندارىنا جازالاۋ جۇرگىزۋ ارەكەتىن باستادى ءارى ونداعان جۇڭگو كاسىپورنى قاتىستى جازالاۋعا ۇشىرادى. ەۆروپا وداعى، سونداي - اق انگليا، كانادا جانە اۆستراليا سياقتى ەلدەردىڭ جۇڭگوعا قارسى پارلامەنت مۇشەلەرى دە دۇرمەككە ىلەسىپ، شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەپ ايىپتادى ءارى جۇڭگونى جازالاۋ قاتىستى شارالارىن شىعارىپ، ءوز ەلدەرىنىڭ كاسىپورىندارى مەن شينجياڭ كاسىپورىندارىنىڭ كاسىپتىك بارىس - كەلىس جاساۋىنا قىسىم كورسەتتى جانە ونى شەكتەدى، مۇنداعى ەڭ تيپتىك سانالاتىنى، ەۆروپانىڭ ”تاماشا ماقتا قوعامىنىڭ“ شينجياڭنىڭ ماقتا ونىمدەرىنە قاراتقان شەكتەۋ قيمىلى بولدى.

  ەندى عانا قول قويىلىپ، كۇشىنە ەنگەن ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسى“ امەريكانىڭ شينجياڭعا ساياتىن ”زورلىقپەن ەڭبەككە سالۋ“ دەگەن اتپەن جۇڭگوعا قىسىم كورسەتۋ سەرپىنىن ونان ارى كۇشەيتتى ءارى ارتتىردى. وسى زاڭ جوبا امەريكا مەملەكەت تەرريتورياسى حاۋىپسىزدىگى مينيسترلىگىنەن ءبىر ءتىزىم دايىنداپ، ”جۇڭگو ۇكىمەتىمەن سەلبەسىپ شينجياڭداعى ۇيعۇر ۇلتىن ’ەزگەن‘ ناقتى تۇلعالاردى“ كورسەتۋدى ءارى بارلىق ”زورلىقپەن ەڭبەككە سالۋ“ جولىمەن وندىرىلگەن تاۋارلاردىڭ امەريكا بازارىنا كىرۋىنە تيىم سالۋدى تالاپ ەتتى؛ ”تويتارۋعا بولاتىن تۇسپالدىق ۇيعارىم بەلگىلەۋ“ ءتۇزىمىن ازىرلەپ، زورلىقپەن ەڭبەككە سالماعاندىعى جونىندە امەريكا ۇكىمەت قۇرىلىمدارىنىڭ كۋالاندىرۋىنا يە بولماسا، شينجياڭدا جاسالعان ونىمدەردى تۇگەلدەي ”زورلىقپەن ەڭبەككە سالۋ“ ارقىلى وندىرىلگەن دەپ تۇسپالدىق ۇيعارىم جاسادى، وسى سەبەپتى امەريكانىڭ «1930 - جىلعى كەدەن باجى زاڭى» بويىنشا، وسى ونىمدەردى يمپورت ەتۋگە تيىم سالدى. نازار اۋدارۋعا ءتيىستىسى ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسى“ مەن ”2020 - جىل ۇيعۇر ادامدىق ۇقىقتارى ساياسات زاڭ جوباسىنان“ تىس، امەريكانىڭ تاعى باسقا كەيبىر زاڭ جوبالارىنا دا، ايتالىق، ”2021 - جىلعى ستراتەگيالىق باسەكە زاڭ جوباسىنا“، ”2022 - قازىنا جىلىنداعى مەملەكەت قورعانىسى ۇقىق بەرۋ زاڭى“ قاتارلىلارعا شينجياڭعا ساياتىن تارماقتار كىرگىزىلدى.

  ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنداعى“ ايتىلمىس ”بارلىق زورلىقپەن ەڭبەككە سالۋعا ساياتىن تاۋارلاردىڭ“ تۇراقتاندىرىلعان اۋماعى، ءسىرا، قانشالىق كەڭ، ۇكىم شىعارۋ ۇقىعىن وتە زور دارەجەدە امەريكا ۇكىمەتىنىڭ زاڭ اتقارۋ سەرپىمدىلىگىنىڭ قانشالىقتى ۇلكەندىگى بەلگىلەيدى. شينجياڭ اۋماعىنداعى ۇيعۇر قىزمەتكەرلەردى ىستەتكەن كاسىپورىنداردا ”زورلىقپەن ەڭبەككە سالۋ“ ءومىر ءسۇرىپ وتىر دەپ ەسەپتەلىپ قانا قويماي، ونىڭ ۇستىنە شينجياڭنىڭ جوعارىداعى كاسىپورىندارىمەن كاسىپتىك بارىس - كەلىسى بولسا بولعانى، جۇڭگو شەكاراسى ىشىندەگى باسقا كاسىپورىندار دا تۇگەلدەي جازالاۋ كولەمىنە ەنگىزىلۋى مۇمكىن. سونىمەن بىرگە تەك امەريكا قالاسا بولعانى، ول ءوزىنىڭ باتىستاعى وداقتاستارىمەن بىرلەسىپ، شينجياڭنىڭ ”زورلىقپەن ەڭبەككە سالۋ“ تاۋارلارىن بىرگە شەكتەي الادى، ءتىپتى، ”الىستان قۇرىقتاۋدى“ ىسكە قوسۋ ارقىلى باسقا ەلدەردى شينجياڭدى جازالاۋ لەگىنە قوسىلۋعا ماجبۇرلەيدى. امەريكانىڭ بۇل ارەكەتىن زىمياندىق، زۇلىمدىق دەپ ايتۋعا ابدەن بولادى.

  امەريكانىڭ جۇڭگوعا قاراتقان ساياساتىنىڭ ادامگەرشىلىككە جات ەكەندىگىن اشىققا شىعاردى

  20 - عاسىردىڭ سوڭىنان بەرى امەريكا حالىقارادا ىلعي دا ”ادامدىق ۇقىقتى قورعاۋ“ دەگەن اتپەن، ”ادامگەرشىلىك داعدارىستى“ تەجەۋ دەگەن جەلەۋمەن وزگە ەلدىڭ ىشكى ىسىنە قيسىنسىز كيلىكتى، ءتىپتى، سوعىس قوزعادى، الايدا تاعى ۇنەمى اناعۇرلىم اۋىر ادامگەرشىلىك داعدارىس تۋدىردى، بۇعان امەريكا، ءتىپتى، ”كەشىرىم سۇراپ“ تا قويماي، پىسقىرىپ تا قاراماستان جولىنا ءتۇستى. سوڭعى جىلدارى امەريكا شينجياڭعا قاراتىلعان ”ادامدىق ۇقىق“ كەڭەس تاقىرىپتارىنا وزگەشە ىقىلاس بايقاتتى، اق ساراي مەن مەملەكەتتىك كەڭەس مالىمدەمەشىلەرىنەن ۇكىمەت مينيسترلەرىنە دەيىن، پارلامەنت مۇشەلەرىنەن زۇڭتۇڭعا دەيىن بەينە وسەك - اياڭدى سان رەت قايتالاسا ”اقيقاتقا“ اينالاتىنداي، شينجياڭنىڭ ادامدىق ۇقىعىن ىلعي دا اۋىزدارىنان تاستامادى.

  شينجياڭداعى ءار ۇلت بۇقاراسى جونىنەن العاندا، ءومىر ءسۇرۋ مەن دامۋ ەڭ ۇلكەن ادامدىق ۇقىق، لاڭكەستىك پەن ۇشقارىلىققا قارسى تۇرۋ، قوعام ورنىقتىلىعى مەن باياندى تىنىشتىقتى قورعاۋ − ەڭ ۇلكەن ءتول مۇددەلىك تالاپ - تىلەك. كەشەگى كۇنگى وڭتۇستىك شينجياڭداعى كەدەيلىكتەن ارىلىپ بايۋعا ەرەكشە ءزارۋ بولعان ميلليونداعان ءار ۇلت بۇقاراسىن امەريكا كورسە دە كورمەسكە سالدى؛ ”شىعىس تۇركستان“ زورلىقتى كۇش لاڭكەستەرى تۋدىرعان لاڭكەستىك وقيعالارى مەن ونىڭ زيانكەستىگىنە ۇشىراۋشىلاردىڭ جىلاپ ايتقان مۇڭىنا امەريكا قۇلاق اسقانى بىلاي تۇرسىن، كەرىسىنشە، جالت بۇرىلىپ لاڭكەستىك ۇيىم ”شىعىس تۇركستان ءىسلام قوزعالىسىن“ امەريكانىڭ لاڭكەستىك ۇيىمدار تىزىمىنەن شىعارىپ تاستادى. قازىر امەريكا تاعى ”زورلىقپەن ەڭبەككە سالدى“ دەگەن جەلەۋمەن شينجياڭداعى قالىڭ بۇقارانى تۇرمىستى جاقسارتۋ جانە باقىتقا ۇمتىلۋ ۇقىعىنان ماقرۇم ەتىپ وتىر. ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىندا“ كاسىپورىندار ۇيعۇر ۇلتى قىزمەتكەرلەرىن ىستەتتى دەپ جورامالدانسا، جازاعا ۇشىراۋى مۇمكىن، كەيبىر كاسىپورىندار پايدا - زياندى مولشەرلەپ كورگەن سوڭ، امەريكانىڭ جازالاۋىنان ساقتانۋ ءۇشىن، ۇيعۇر ۇلتى قىزمەتكەرلەرىن ىستەتۋگە باتىنا الماۋى ءارى ۇيعۇر ۇلتى قىزمەتكەرلەرىن ىستەتىپ وتىرعان كاسىپورىندارمەن كاسىپتىك بارىس - كەلىس جاساۋعا دا باتىلى بارماۋى مۇمكىن، بۇل ۇيعۇر بۇقاراسىنىڭ جۇمىسسىزدىق سالىستىرماسىنىڭ ارتۋىنا جانە تۇرمىس دەڭگەيىنىڭ تومەندەۋىنە اپارىپ سوقتىرىپ، بۇدان ۇكىمەت پەن قوعامعا دەگەن نارازىلىق تۋۋى مۇمكىن، مىنە بۇل امەريكانىڭ جۇڭگوعا قارسى ساياسي الاياقتارىنىڭ ناعىز كورگىسى كەلەتىن ”كوركەم كورىنىس“ ەمەس پە؟ وسىلاي كەتە بەرسە، ۇيعۇر بۇقاراسى دامۋ ورايىنان ماقرۇم قالادى ءارى ەكونوميكالىق تۇرمىس، قوعامدىق تۇرمىس، مادەنيەتتىك تۇرمىس، ساياسي تۇرمىس سياقتى ءارقايسى جاقتاردا دا نەگىزگى اعىمدىق قوعامنان قاعىس قالىپ، وقشاۋلانعان قاۋىمعا اينالۋى مۇمكىن، مۇنىڭ ءوزى باسقالاي ءبىر فورماداعى ناسىلدىك وقشاۋلاۋ ەمەس پە؟ ال وسىنىڭ ءبارىن تۋدىرعان باس قىلمىستى ءدال امەريكانىڭ جۇڭگوعا قارسى ساياسي الاياقتارى.

  ناسىلدىك وقشاۋلاۋ كەزىندە ادامگەرشىلىككە مۇلدە جات ءتۇزىم رەتىندە، امەريكادا ۇزاق ۋاقىت ءومىر ءسۇرىپ، امەريكانىڭ سان مىڭداعان ءتۇستى ناسىلدىلەرىنىڭ نەگىزگى اعىمدىق قوعامنان وقشاۋ قالۋىن تۋدىردى، ولاردىڭ دامۋى دا وسى سەبەپتەن وتە زور شەكتەۋگە ۇشىرادى، 20 - عاسىردىڭ 60 - جىلدارىنا جەتكەندە عانا امەريكا وسى ءبىر زۇلىم ءتۇزىمدى رەسمي جويدى. امەريكا كەزىندە وڭتۇستىك افريكانىڭ ناسىلدىك وقشاۋلاۋ تۇزىمىنە باعىتتالعان قارسىلىق قيمىلدارىنا دا قاتىناستى ءارى حالىقارالىق قوعاممەن بىرگە قۇلشىنىپ، وسى ەلدىڭ ناسىلدىك وقشاۋلاۋ ءتۇزىمىن جويدى. ايتىڭىزشى، بۇگىنگى امەريكا ”زورلىقپەن ەڭبەككە سالدى“ دەگەن اتپەن شينجياڭدا ۇيعۇر ۇلتىنا باعىتتالعان ناسىلدىك وقشاۋلاۋ ورناتپاق پا؟ بۇل، ءسىرا، ادامگەرشىلىككە جات ەمەس پە؟!

  جالپى العاندا، امەريكانىڭ شينجياڭعا ساياتىن زاڭ جوباسى ءمانى جاعىنان العاندا، ايتىلمىس ”ادامدىق ۇقىق“ دەگەن اتپەن، سىڭار جاقتىلىق، قورعامپازدىق، زورەكەرلىك جۇرگىزىپ وتىر، دۇنيە جۇزىلىك ساۋدا ۇيىمىنىڭ پرينسيبىنە بۇكىلدەي قايشى، حالىقارالىق ەكونوميكا - ساۋدا ءتارتىبى مەن ەركىن ساۋدا ەرەجەسىن اۋىر دارەجەدە بۇلدىرگەندىك، ونىڭ ەكى ەل كاسىپورىندارى مەن تۇتىنۋشىلارىنىڭ ءتول مۇددەسىن اۋىر زياندايتىنى داۋسىز، ول جۇڭگونىڭ شينجياڭ وڭىرىندەگى ءار ۇلت بۇقاراسىنىڭ ءومىر ءسۇرۋ ۇقىعى، دامۋ ۇقىعى سياقتى نەگىزگى ادامدىق ۇقىقتارىن اۋىر دارەجەدە بۇلدىرگەندىك، سونداي - اق الەمدىك قامداۋ تىزبەگىنىڭ قىسىلتاياڭدىعىن شيەلەنىستىرىپ، الەمدىك ەكونوميكانىڭ قايتا جاندانۋىنا ىقپال جاسايدى.

  شينجياڭعا ساياتىن ماسەلەنىڭ ءمانى − لاڭكەستىككە قارسى تۇرۋ، ۇشقارىلىقتى الاستاۋ، بولشەكتەۋگە قارسى تۇرۋ ماسەلەسى. شينجياڭنىڭ ورنىقتىلىعى مەن دامۋى شينجياڭداعى ءار ۇلت حالقىنىڭ باقىتتى تۇرمىسىنا سايادى، مەملەكەتتىڭ تۇتاستىعىنا، ۇلتتار ىنتىماعىنا، مەملەكەت حاۋىپسىزدىگىنە سايادى، ول جۇڭگونىڭ وزەكتى مۇددەسىنىڭ تياناعى، ءارقانداي كۇشتىڭ كيلىگۋىنە جول بەرىلمەيدى. ءبىز امەريكاداعى جۇڭگوعا قارسى كۇشتەرگە جۇڭگو ۇكىمەتى مەن حالقىنىڭ شينجياڭنىڭ قوعام ورنىقتىلىعى مەن باياندى تىنىشتىعىن باتىل قورعاۋ بەكىمىن تومەن مولشەرلەمەي، ”شينجياڭ ارقىلى جۇڭگونى شاۋجايلاۋ“ قيالىن ەرتەرەك تاستاۋىن، شينجياڭعا ساياتىن زاڭ جوبادان قانشاسىن جاساعانىمەن، ولاردىڭ جۇڭگوعا قارسى قاسكۇنەمدىگىنىڭ ەڭ سوڭىندا جەڭىلىسپەن تىناتىندىعىن ەسكەرتەمىز.

  (اۆتوردىڭ جۇمىس ورنى: لانجوۋ داشۋەسى ساياسي جانە حالىقارالىق قارىم - قاتىناستار شۋەيۋانى مەملەكەت حاۋىپسىزدىگى زەرتتەۋ ورتالىعى)

  (12 - ايدىڭ 25 - كۇنى «حالىق گازەتىندە» باسىلعان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار