بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قاراجون – كولدەنەڭ مۇرا ورنىنا قاتىستى جوبانى بەكىتتى

2021.12.29 13:04     كەلۋ قاينارى : حالىق تورابى

  شينجياڭ گازەتىنىڭ 12 – ايدىڭ 28 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى ساۋ حۋانىڭ اۆتونوميالى رايوندىق ورمان شارۋاشىلىعى جانە جايىلىم مەكەمەسىنەن ۇعىسۋىنشا، جۋىردا «شينجياڭ تيانشان دۇنيە جۇزىلىك تابيعي مۇرا ورنى قاراجون – كولدەنەڭ اۋماعىن قورعاۋ – باسقارۋ جوباسىن (2021 — 2025 – جىل)» اۆتونوميالى رايوندىق ۇكىمەت بەكىتتى.

  شينجياڭ تيانشان دۇنيە جۇزىلىك تابيعي مۇرا ورنى قاراجون – كولدەنەڭ اۋماعى (تومەندە قاراجون – كولدەنەڭ مۇرا ورنى دەپ قىسقارتىلىپ اتالادى) شينجياڭ تيانشان مەملەكەتتىك تابيعي قورىق رايونىنىڭ كوپ ءبولىمىن جانە قاراجون جايلاۋى ايگىلى كورىنىس رايونىنىڭ بارلىق ءبولىمىن قامتيدى، شىعىسى مەن باتىسىنىڭ ۇزىندىعى شامامەن 74 كيلومەتر، وڭتۇستىگى مەن سولتۇستىگىنىڭ كەڭدىگى شامامەن 23 كيلومەتر، جالپى كولەمى 1138.18 شارشى كيلومەتر، ارالىق ءوڭىردىڭ كولەمى 893.46 شارشى مەتر. قاراجون – كولدەنەڭ مۇرا ورنى — دۇنيە جۇزىندەگى قارلى شىڭ شىرشاسى مەن ورتا ازيا جەمىستى ورمانىنىڭ توركىنى ءارى ولاردىڭ وسۋىنە ەڭ جايلى ءوڭىر، قوڭىرجاي قۋاڭ اۋماقتاعى تاۋلى وڭىردەگى تابيعي كورىنىستىڭ كورنەكتى ۋاكىلى، ورتا ازيا تاۋلى ءوڭىر ساحاراسىنىڭ، تيانشان قىلقان جاپىراقتى ورمانىنىڭ جانە تيانشان تاۋلى ءوڭىر ساحاراسىنداعى جايىلىمنىڭ تيپتىك ۋاكىلى.

  ماقۇلداۋدا مىنالار تالاپ ەتىلگەن: «عىلىمي جوبالاۋ، ءبىرتۇتاس باسقارۋ، قاتاڭ قورعاۋ، باياندى پايدالانۋ» پرينسيپى بويىنشا، قاراجون – كولدەنەڭ مۇرا ورنىن جوبالاۋ، قورعاۋ، پايدالانۋ، باسقارۋدى كۇشەيتىپ، تابيعي بايلىق قاينارىنىڭ ەكولوگيالىق رولىن، مادەني ءمانىن جانە جەرگىلىكتى ەرەكشەلىگىن شىنايى قورعاۋ قاجەت. قاراجون – كولدەنەڭ مۇرا ورنىنداعى قۇرىلىس سالۋعا تيىم سالىناتىن وڭىردە زەرتتەۋگە، باقىلاۋعا، حاۋىپسىزدىكتى قورعاۋعا قاجەتتى قۇرىلعىلاردى ورنالاستىرۋدان سىرت، ءارقانداي قۇرىلىس ارەكەتىن ورىستەتۋگە تيىم سالىنادى. قۇرىلىس سالۋعا شەكتەمە قويىلاتىن وڭىردە نەمەسە كورسەتىلەتىن ءوڭىر ىشىندە قۇرىلىس ىستەرىن جۇرگىزۋ بارىسىندا قۇرىلىسقا جاۋاپتى ورىندار، قۇرىلىس جۇرگىزگەن ورىندار ەكولوگيانى قورعاۋ جوباسىن جاساۋى، ءونىمدى شارالاردى قولدانىپ، توڭىرەگىندەگى كورىنىستىك زاتتاردى، سۋدى، ورمان مەن جايىلىمداعى وسىمدىك جامىلعىسىن، جابايى حايۋاناتتار بايلىعى مەن جەر بەدەرىن ويداعىداي قورعاۋى ءارى تيانشان تابيعي مۇرانى باسقارۋ قۇرىلىمى تەكسەرىپ ماقۇلداعان سوڭ، قاتىستى زاڭ – تۇزىمدەرگە، بەلگىلەمەلەرگە ساي بەكىتۋ رەسميەتتەرىن ءبىتىرۋى كەرەك.

  ۇعىسۋعا قاراعاندا، شينجياڭ تيانشان دۇنيە جۇزىلىك تابيعي مۇرا ورنى جيىنى ءتورت اۋماقتان قۇرالادى، جەكە – جەكە بوعدا، قاراجون – كولدەنەڭ، بايىنبۇلاق جانە تەمىر، بۇل جەرلەر تيانشان تاۋ سىلەمىنىڭ وزگەشە جەر بەدەرىن، وسىمدىك جامىلعىسىنىڭ تيپىن، ەكولوگيالىق جۇيەسى، ورگانيزمدەردىڭ الۋان تۇرلىلىگىن جانە تابيعي كورىنىسىن شوعىرلى ايگىلەيدى. جۋىرداعى جىلداردان بەرى، اۆتونوميالى رايون شينجياڭ تيانشان مۇرا ورنى ەكولوگياسىن قورعاۋ تەبىنىن ۇزدىكسىز ارتتىرىپ، ءتۇيىندى وڭىرلەردە مال باعۋعا تيىم سالۋ قاتارلى شارالار ارقىلى شوعىرلى دا ءونىمدى، جۇيەلى ىسكە قوسىلعان باسقارۋ ءتۇزىلىسىن ورناتىپ، بۇكىل شينجياڭ بويىنشا دۇنيە جۇزىلىك مۇرالاردى قورعاۋدىڭ تاماشا اۋقىمىن قالىپتاستىردى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار