بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ج ك پ ورتالىق كوميتەتىنىڭ ساياسي بيۋروسى ارناۋلى دەموكراتيالىق تۇرمىس جيىنىن اشىپ مىنانى دارىپتەدى

پارتيا قۇرۋ ۇلى رۋحىن ساۋلەلەندىرىپ، پارتيانىڭ 100 جىلدىق كۇرەسىنىڭ تاريحي تاجىريبەسىنەن جازباي، تاريح سەنىمىن ارتتىرىپ، ىنتىماقتى، بىرلىكتى كۇشەيتىپ، كۇرەس رۋحىن نىعايتۋ كەرەك

ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى

2021.12.29 16:46     كەلۋ قاينارى : حالىق تورابى


  ج ك پ ورتالىق كوميتەتىنىڭ ساياسي بيۋروسى 12 - ايدىڭ 27 - كۇنىنەن 28 - كۇنىنە دەيىن پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشتى، ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  ج ك پ ورتالىق كوميتەتىنىڭ ساياسي بيۋروسى 12 - ايدىڭ 27 - كۇنىنەن 28 - كۇنىنە دەيىن پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشتى، ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  ■ پارتيا شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋدە شەشۋشى مانگە يە

  ■ پارتيانىڭ 18 - قۇرىلتايىنان بەرگى وسى جىلدار پارتيا مەن مەملەكەت ىستەرىنىڭ دامۋى بارىسىندا توتەنشە وزگەشە، توتەنشە ەرەكشە بولدى. پارتيا اۋقىمدىق ورتانىڭ كۇردەلىلىگى مەن قاتاڭدىعىنا، مىندەت ارقالاۋدىڭ اۋىرلىعى مەن جاپالىلىعىنا ءدوپ كەلىپ وتىر، بۇل تاريحتا سيرەك كەزدەسەدى. باس شۋجي شي جينپيڭ ماركسيزمدىك ساياساتكەردىڭ، ستراتەگتىڭ باتىلدىعى ارقىلى ىشكى - سىرتقى جالپى جاعدايدى جوبالاپ، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى، مەملەكەتتى، ارميانى جونگە سالۋ قىزمەتتەرىن ىلگەرىلەتىپ، بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ، ورايدى مىقتى يگەرىپ، قيىندىقتاردان قامال الىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن كوپتەگەن قيىن ماسەلەنى شەشىپ، بۇرىن ىستەۋدى ويعا الساق تا، ىستەي الماي كەلگەن كوپتەگەن ءىرى ءىستى ىستەدى. پارتيا مەن مەملەكەت ىستەرىندە تاريحي تابىسقا قول جەتىپ، تاريحي وزگەرىس تۋىلۋىنداعى ەڭ ءتۇبىرلى سەبەپ باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى رەتىندە رول ۇستاپ، جول باستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى. 100 جىلدىق پارتيا تاريحى بىزگە مىناداي ماڭىزدى وي سالدى: پارتيا ورتالىق كوميتەتىنىڭ ۇيىتقىسىن، بۇكىل پارتيانىڭ ۇيىتقىسىن باتىل قورعاۋ − پارتيانىڭ كەلەلى ساتتە ورتاق تانىم ۇيىستىرىپ، باتىل تالعام جاساۋىنىڭ تەتىگى، پارتيانىڭ ىنتىماقتاسا بىرلىككە كەلىپ، جەڭىسپەن العا باسۋىنىڭ ماڭىزدى كەپىلى

  ■ جاڭا ەمتيحان تاپسىرۋ جولىندا ءبىزدىڭ ۇزدىك جاۋاپ بەرە الۋ - الماۋىمىزدىڭ تەتىگى بەرىك تاريح سەنىمىمىزدىڭ بار - جوقتىعىندا. 100 جىلدان بەرى پارتيامىز جۇڭگو حالقىنىڭ باقىتىن كوزدەۋگە، جۇڭحۋا ۇلتىنىڭ گۇلدەنۋىن كوزدەۋگە كۇش سالدى، ادامزاتتىڭ العا باسۋىن كوزدەۋگە، دۇنيە ءجۇزىنىڭ ۇلى بىرلىگىن كوزدەۋگە، دۇنيەنىڭ ادىلدىگى ءۇشىن دۇرىس جول تابۋعا كۇش سالدى، بۇل − پارتيامىزدىڭ تاريح سەنىمىنە يە بولۋىنىڭ ەڭ زور كۇش - قايراتى، پارتيامىزدىڭ جۇڭگودا بيلىك جۇرگىزۋىنىڭ جانە ۇزاق ۋاقىت بيلىك جۇرگىزۋىنىڭ تاريح سەنىمى، سونداي - اق پارتيامىزدىڭ حالىقتى ىنتىماقتاستىرىپ جانە باستاپ، ۇزدىكسىز العا باسۋىنىڭ تاريح سەنىمى. بۇگىنگى تاڭدا ءبىزدىڭ جۇڭگو كوممۋنيستىك پارتياسى تاريح جانە حالىق تالعامىنىڭ ءۇمىتىن اقتادى دەپ ايتۋىمىزعا ابدەن بولادى

  ■ پارتيانىڭ ىنتىماعى مەن بىرلىگى − پارتيانىڭ جانى، تاريحتى قورىتىندىلاۋ بارىسىندا يدەيانى بىرلىككە كەلتىرۋگە، ارەكەتتى بىرلىككە كەلتىرۋگە شەبەر بولۋ − پارتيامىزدىڭ تابىستى تاجىريبەسى. پارتيانىڭ ىنتىماعى مەن بىرلىگى الدىمەن ساياسي جاقتاعى ىنتىماق پەن بىرلىك. پارتيانىڭ 18 - قۇرىلتايىنان بەرى بۇكىل پارتيانىڭ بىرگە قۇلشىنۋىندا، پارتيانىڭ ىنتىماعى مەن بىرلىگى تىڭ دەڭگەيگە كوتەرىلدى. پارتيا ورتالىق كوميتەتى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارىندا جۇڭگوشا سوتسياليزمنىڭ جاڭا ءداۋىرى سىندى وسى ماڭىزدى ءتۇيىندى كورنەكتىلەندىرۋدى ۇيعاردى. بۇل بۇكىل پارتيانىڭ كەلەلى نازاريالىق جانە امالياتتىق ماسەلەلەردە يدەيانى، ارەكەتتى بىرلىككە كەلتىرىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىسىنە قول جەتكىزۋىندە كەلەلى مانگە يە

  ■ پارتيامىز حالىقتان كەلگەن، حالىققا تامىر تارتقان، حالىققا قىزمەت وتەيدى. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ پارتيانىڭ ءۇشىنشى تاريحي قارارىن شىعارۋى بۇكىل پارتياعا جاڭا ءداۋىردىڭ العا باسۋ ساپارىندا اۋەلگى ماقساتتى ۇمىتپاي، بورىشتى ەستە بەرىك ساقتاپ، «قايدان كەلۋ، قايدا بارۋ» سىندى نەگىزگى تاقىرىپقا ويداعىداي جاۋاپ بەرىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاپ، قالىڭ حالىق بۇقاراسىنا 100 جىلدىق پارتيا تاريحىنان جۇڭگو كوممۋنيستىك پارتياسىنىڭ قانداي پارتيا ەكەنىن جەتە تانىتۋ، سول ارقىلى پارتيانىڭ سوزىنە بۇلجىماي قۇلاق اسۋ، پارتياعا ىلەسۋ كەرەكتىگىن ەسكەرتۋ ءۇشىن بولىپ وتىر

  شينحۋا اگەنتتىگى، 12 - ايدىڭ 28 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 12 - ايدىڭ 27 - كۇنىنەن 28 - كۇنىنە دەيىن پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشىپ، پارتيا قۇرۋ ۇلى رۋحىن ساۋلەلەندىرىپ، پارتيانىڭ 100 جىلدىق كۇرەس تاريحي تاجىريبەسىنەن جازباي، تاريح سەنىمىن بەكەمدەپ، اۋەلگى ماقساتتى ۇمىتپاي، باتىلدىقپەن جاۋاپكەرلىك ارقالاپ، ىسكەرلىك كورسەتىپ، ەمتيحان تاپسىرۋدىڭ جاڭا جولىن جاقسى باسۋدى نەگىزگى تاقىرىپ ەتىپ، ورتالىق كوميتەت ساياسي بيۋروسىنىڭ قىزمەتىمەن بايلانىستىرىپ، ورتالىق كوميتەت ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جانە قورعاۋ جونىندەگى بەلگىلەمەلەرىن باستاماشىلدىقپەن قاتاڭ اتقارۋمەن بايلانىستىرىپ، باس شۋجي شي جينپيڭنىڭ ماڭىزدى نۇسقاۋلارى مەن بەكىتۋلەرىن جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باستاماشىلدىقپەن دايەكتى تياناقتاندىرۋدىڭ ءىس جۇزىندىك جاعدايىمەن بايلانىستىرىپ، پارتيا تاريحىن باستاماشىلدىقپەن ۇيرەنۋدىڭ، يدەيانى ءتۇسىنۋدىڭ، ناقتى ءىس ىستەۋدىڭ، جاڭا جاعداي اشۋدىڭ ءىس جۇزىندىك جاعدايىمەن بايلانىستىرىپ، ورتالىقتىڭ «8 ءتۇرلى بەلگىلەمەسىن» جانە ونى اتقارۋدىڭ ەگجەي - تەگجەيلى ەرەجەسىن باستاماشىلدىقپەن قاتاڭ اتقارۋمەن جانە فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ ءىس جۇزىندىك جاعدايىمەن بايلانىستىرىپ، ورتالىق كوميتەت ساياسي بيۋروسىنىڭ ءبىر جىلدان بەرگى وزىندىك قۇرىلىسىن كۇشەيتۋ احۋالىن ەسكە الىپ، ناتيجەنى قورتىندىلاپ، جەتەرسىزدىكتى جايىپ سالىپ، پارتيالىلىق تالداۋ جاساپ، سىن جانە ءوز - وزىنە سىن ورىستەتتى.

  ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  ءماجىلىستىڭ الدىندا قاتىستى جاقتار مۇقيات دايىندىق جاسادى. ورتالىق كوميتەتتىڭ ساياسي بيۋروسىنداعى جولداستار قاتىستى جاۋاپتى جولداستارمەن سىرلاسىپ، اڭگىمەلەسىپ، ۇسىنىس - پىكىرلەردى تىڭداپ، ءسوز تەزيسىن جازدى. ءماجىلىس «2021 - جىلعى ورتالىق كوميتەت ساياسي بيۋروسىنىڭ ورتالىقتىڭ <8 ءتۇرلى بەلگىلەمەسىن> دايەكتى اتقارۋ جاعدايى جونىندەگى باياندامانى» جانە «2021 - جىلعى فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ جاعدايى جونىندەگى باياندامانى» قارادى. وسىدان كەيىن ورتالىق كوميتەت ساياسي بيۋروسىنداعى جولداستار ءبىر - بىردەن ءسوز سويلەپ، سىن جانە ءوز - وزىنە سىن ورىستەتتى.

  ج ك پ ورتالىق كوميتەتىنىڭ ساياسي بيۋروسىنداعى جولداستار سوزدەرىندە ءماجىلىستىڭ نەگىزگى تاقىرىبىن ارقاۋ ەتىپ، تانىمدارى مەن وي تولعامدارىن تىلگە تيەك ەتتى، سونداي - اق وزدەرىنىڭ ءىس جۇزىندىك جاعدايىمەن ۇشتاستىرىپ، مۇقيات تەكسەرىپ، تەرەڭ بورشالاۋ جاساپ، پارتيا مەن حالىققا وسكەلەڭ جاۋاپتى بولۋ پوزيتسياسىن، قاتاڭ، شىنايى بولۋ تالابىن، بۇكپەسىز سويلەۋ، ءوزارا ەسكەرتۋ جاساۋ اۋانىن ايگىلەدى.

  ءماجىلىس مىنالاردى دارىپتەدى: بيىل − پارتيا مەن مەملەكەت تاريحىنداعى بەلەستىك مانگە يە ءبىر جىل. ءبىر جىلدان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتاپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن تابىسپەن اشىپ، پارتيانىڭ ءۇشىنشى تاريحي قارارىن شىعارىپ، پارتيا تاريحىن ۇيرەنۋ تاربيەسىن ورىستەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا ساپارىن باستادى. ءبىر جىلدان بەرى دۇنيە جۇزىندە ءجۇز جىلدا بولماعان زور وزگەرىس پەن جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل دۇنيە جۇزىندە كەڭ تارالۋى قاباتتاسا ىقپال جاساپ، ەل ىشىندەگى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ ءتۇرلى مىندەتتەرى توتەنشە اۋىر، جاپالى بولدى، بۇكىل پارتيا، بۇكىل ەل شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ جۇيەسىن قۇرۋدا تىڭ قادام تاستاپ، ساپالى دامۋدا جاڭا ناتيجەلەرگە قول جەتكىزدى، مەملەكەتتىڭ ستراتەگيالىق عىلىم - تەحنيكا كۇشى تەز ۇلعايدى، رەفورما جاساپ، ەسىك اشۋ جاپپاي تەرەڭدەدى، حالىق تۇرمىسىن قامتاماسىزداندىرۋ پارمەندى، ءونىمدى بولدى، ەكولوگيالىق وركەنيەت قۇرىلىسى ۇزدىكسىز ىلگەرىلەتىلدى، قوعامدىق جالپى جاعدايدىڭ ورنىقتىلىعى ساقتالدى، مەملەكەت قورعانىسى مەن ارميانى وسىزامانداندىرۋ قۇرىلىسى جەدەل ىلگەرىلەتىلدى، كوپ ءتۇرلى اۋىر جاراتىلىستىق اپاتتاردى جەڭىپ، اپاتتان كەيىنگى قالپىنا كەلتىرۋ، قايتا قۇرۋ تىڭعىلىقتى دا پارمەندى بولدى، ەلىمىز ەكونوميكالىق دامۋ مەن ىندەتتەن ساقتانۋ - تىزگىندەۋدە دۇنيە ءجۇزى بويىنشا الدىڭعى ورىندا تۇردى، پارتيا مەن مەملەكەتتىڭ ءتۇرلى ىستەرىندە تىڭ دا كەلەلى تابىستارعا قول جەتتى، «14 - بەسجىلدىق» جوبادا تاماشا باستاما جاراتىلدى.

  ج ك پ ورتالىق كوميتەتى ساياسي بيۋروسىنداعى جولداستار ءبىر اۋىزدان بىلاي دەپ قارادى: پارتيا شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋدە شەشۋشى مانگە يە. ورتالىق كوميتەت ساياسي بيۋروسىنداعى جولداستار، ءسوز جوق، جەتە تانىپ، تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا ورتالىق كوميتەتىنىڭ باعىت - ساياساتتارى مەن قىزمەت ورنالاستىرۋلارىن بۇلجىتپاي دايەكتىلەندىرىپ، تياناقتاندىرىپ، ءتۇرلى قىزمەتتەردە ۇزدىكسىز جاڭا جاعداي اشۋى كەرەك.

  ءماجىلىس بىلاي دەپ قارادى: پارتيانىڭ 18 - قۇرىلتايىنان بەرگى وسى جىلدار پارتيا مەن مەملەكەت ىستەرىنىڭ دامۋى بارىسىندا توتەنشە وزگەشە، توتەنشە ەرەكشە بولدى. پارتيا اۋقىمدىق ورتانىڭ كۇردەلىلىگى مەن قاتاڭدىعىنا، مىندەت ارقالاۋدىڭ اۋىرلىعى مەن جاپالىلىعىنا ءدوپ كەلىپ وتىر، بۇل تاريحتا سيرەك كەزدەسەدى. باس شۋجي شي جينپيڭ ماركسيزمدىك ساياساتكەردىڭ، ستراتەگتىڭ باتىلدىعى ارقىلى ىشكى - سىرتقى جالپى جاعدايدى جوبالاپ، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى، مەملەكەتتى، ارميانى جونگە سالۋ قىزمەتتەرىن ىلگەرىلەتىپ، بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ، ورايدى مىقتى يگەرىپ، قيىندىقتاردان قامال الىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن كوپتەگەن قيىن ماسەلەنى شەشىپ، بۇرىن ىستەۋدى ويعا الساق تا، ىستەي الماي كەلگەن كوپتەگەن ءىرى ءىستى ىستەدى. پارتيا مەن مەملەكەت ىستەرىندە تاريحي تابىسقا قول جەتىپ، تاريحي وزگەرىس تۋىلۋىنداعى ەڭ ءتۇبىرلى سەبەپ باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى رەتىندە رول ۇستاپ، جول باستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى. 100 جىلدىق پارتيا تاريحى بىزگە مىناداي ماڭىزدى وي سالدى: پارتيا ورتالىق كوميتەتىنىڭ ۇيىتقىسىن، بۇكىل پارتيانىڭ ۇيىتقىسىن باتىل قورعاۋ − پارتيانىڭ كەلەلى ساتتە ورتاق تانىم ۇيىستىرىپ، باتىل تالعام جاساۋىنىڭ تەتىگى، پارتيانىڭ ىنتىماقتاسا بىرلىككە كەلىپ، جەڭىسپەن العا باسۋىنىڭ ماڭىزدى كەپىلى. ورتالىق كوميتەت ساياسي بيۋروسىنداعى جولداستار، ءسوز جوق، باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن باستاماشىلدىقپەن قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن باستاماشىلدىقپەن ۇيرەنىپ، دايەكتىلەندىرىپ، جاڭا ءداۋىر، جاڭا جورىقتا جاڭا بەينە، تىڭ ىسكەرلىك كورسەتۋى كەرەك.

  ءماجىلىس بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى ءبىز ورتالىق كوميتەتتىڭ ساياسي بيۋروسىنان باستاپ ىسكە كىرىسىپ، ستيل قۇرىلىسىن جۇمىستىڭ باستاماسى ەتىپ، «ءتورت ءتۇرلى بۇرىس ستيلدى» كۇش سالا تۇزەتىپ، پارتيا ستيلىندە ورىن تەپكەن كورنەكتى ماسەلەلەر مەن كىناراتتاردى شەشتىك. بيىل ءبىز بۇكىل پارتيادا پارتيا تاريحىن ۇيرەنۋ تاربيەسىن ورىستەتىپ، پارتيا قۇرۋ ۇلى رۋحىن ساۋلەلەندىرىپ، پارتيانىڭ داڭقتى ءداستۇرى مەن تاڭداۋلى ستيلىنە مۇراگەرلىك ەتىپ جانە ونى ساۋلەلەندىرىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتتىك. ءبىز فورماشىلدىقتىڭ، تورەشىلدىكتىڭ ەسكىلىكتى دەرتتەرىن جونگە سالۋدى تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتۋدى ۇدايىلاندىرۋ مەحانيزمىن ورناتىپ، نەگىزگى ساتىداعى پارتيا مۇشەلەرىنىڭ، كادرلاردىڭ ءىس تىندىرىپ، يگىىلك جاراتۋ بەلسەندىلىگىن قوزعادىق. قاجىماي - تالماي قۇلشىنۋ ارقىلى پارتيا ستيلى، ۇكىمەت ستيلى شىت جاڭا تۇسكە ەنىپ، قوعامدىق ستيل، حالىقتىق ستيل ۇزدىكسىز جاقساردى. سونىمەن بىرگە، ءبىز مىنانى دا كورە ءبىلۋىمىز كەرەك: «ءتورت ءتۇرلى بۇرىس ستيلدەگى» كىناراتتار ءالى دە باس كوتەرۋدە، كومەسكى كىناراتتار ءالى دە ورىن تەۋىپ وتىر، فورماشىلدىق، تورەشىلدىك توڭمويىندىق جانە قايتالانۋشىلىق سيپاتقا يە، ونىڭ ۇستىنە ءتۇرى دە ۇزدىكسىز جاڭالانىپ وتىرادى. ستيل قۇرىلىسى ماڭگى جالعاسادى، ونى ءارقانداي ۋاقىتتا بوساڭسىتۋعا بولمايدى. وزىندىك توڭكەرىستە تاباندى بولىپ، شەگە قاعۋ رۋحىمەن ورتالىقتىڭ «8 ءتۇرلى بەلگىلەمەسىن» جانە ونى اتقارۋدىڭ ەگجەي - تەگجەيلى ەرەجەسىن دايەكتىلەندىرىپ، «4 ءتۇرلى بۇرىس ستيلدى» جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى بەلگىلەمەلەردى تياناقتاندىرىپ، باياندى مەحانيزمدى كەمەلدەندىرۋ كەرەك. ورتالىق كوميتەت ساياسي بيۋروسىنداعى جولداستار ۇزدىكسىز قۇلشىنىپ، بۇكىل پارتياعا جاقسى باستاماشى بولىپ، ۇلگى كورسەتۋى كەرەك.

  ءماجىلىس بىلاي دەپ قارادى: كەلەر جىلى پارتيامىز مەملەكەتتىك 20 - قۇرىلتايىن اشادى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس. ورتالىق كوميتەتتىڭ ساياسي بيۋروسىنداعى جولداستار پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن باستاماشىلدىقپەن ۇيرەنىپ، دايەكتىلەندىرىپ، جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن ورناتۋ، ساپالى دامۋدى ىلگەرىلەتۋ جاعىندا تىڭ، قاتاڭ، ناقتى شارالار قولدانىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جەر - جەردىڭ، تاراۋلاردىڭ، ءار جاقتىڭ قىزمەتىندە شىنايى دايەكتىلەندىرۋى، تياناقتاندىرۋى كەرەك.

  شي جينپيڭ سوزىندە ورتالىق كوميتەت ساياسي بيۋروسىنداعى جولداستاردىڭ سالىستىرىپ تەكسەرۋ سوزدەرىن قورىتىندىلادى ءارى ورتالىق كوميتەت ساياسي بيۋروسىنىڭ ورتالىقتىڭ «8 ءتۇرلى بەلگىلەمەسىن» جانە ونى اتقارۋدىڭ ەگجەي - تەگجەيلى ەرەجەسىن دايەكتىلەندىرىپ، تياناقتاندىرۋى جونىندە تالاپ قويىپ، بىلاي دەپ قارادى: بۇل جولعى ارناۋلى دەموكراتيالىق تۇرمىس جيىنى وتە جاقسى، اسا ءونىمدى اشىلدى، يدەيا اۋىستىرىپ، ماسەلەنى قاداعالاپ، بەتالىستى ايقىندادى، بۇل − ورتالىق كوميتەت ساياسي بيۋروسىنداعى جولداستاردىڭ پارتيا تاريحىن ۇيرەنۋ تاربيەسىن ورىستەتۋىنىڭ ناتيجەسى، پارتيانىڭ 20 - قۇرىلتايىنىڭ تابىسپەن اشىلۋىن قارسى الۋدا ماڭىزدى مانگە يە. كوپشىلىكتىڭ پىكىرى مەن ۇسىنىسى ورتالىق كوميتەت ساياسي بيۋروسىنىڭ قىزمەتىن جاقسارتۋعا اسا زور سەپتىگىن تيگىزەدى.

  شي جينپيڭ بىلاي دەپ دارىپتەدى: پارتيامىز 100 جىلدىق شۇعىلالى بارىستى باسىپ ءوتىپ، حالىقتى ىنتىماقتاستىرىپ جانە باستاپ، دۇنيەنى جالت قاراتقان كەلەلى تابىستارعا قول جەتكىزىپ، توتەنشە باعالى تاريحي تاجىريبەلەر توپتادى. پارتيا تاريحى − ەڭ جاندى، ەڭ يلاندىرارلىق وقۋلىق. پارتيامىز پارتيا تاريحىن ۇيرەنۋ تاربيەسىنە اۋەلدەن ءمان بەرىپ كەلەدى. تاريحي بارىس جونىندەگى تانىم نەعۇرلىم جان - جاقتى بولعان سايىن، تاريحي زاڭدىلىقتى يگەرۋ سولعۇرلىم تەرەڭ بولادى، پارتيانىڭ تاريحي اقىل - پاراساتى سولعۇرلىم مول بولادى، بولاشاقتى يگەرۋ سولعۇرلىم ىرىقتى بولادى. بيىل پارتيا ورتالىق كوميتەتىنىڭ بۇكىل پارتيادا، بۇكىل قوعامدا پارتيا تاريحىن قورىتىندىلاۋ، ۇيرەنۋ، تاربيەلەۋ، ۇگىتتەۋ قيمىلىن ورىستەتۋدى ۇيعارۋى، بۇكىل پارتيادا تاريحتى ۇيرەنۋ ارقىلى قاعيدانى ءتۇسىنۋ، تاريحتى ۇيرەنۋ ارقىلى سەنىمدى ارتتىرۋ، تاريحتى ۇيرەنۋ ارقىلى ءمورالدى اسقاقتاتۋ، تاريحتى ۇيرەنۋ ارقىلى ۇمتىلا ىستەۋدى دارىپتەۋى تاريح سەنىمىن نىعايتىپ، ىنتىماقتى، بىرلىكتى كۇشەيتىپ، كۇرەس رۋحىن اسقاقتاتۋ ءۇشىن بولىپ تابىلادى.

  شي جينپيڭ بىلاي دەپ اتاپ كورسەتتى: جاڭا ەمتيحان تاپسىرۋ جولىندا ءبىزدىڭ ۇزدىك جاۋاپ بەرە الۋ - الماۋىمىزدىڭ تەتىگى بەرىك تاريح سەنىمىمىزدىڭ بار - جوقتىعىندا. 100 جىلدان بەرى پارتيامىز جۇڭگو حالقىنىڭ باقىتىن كوزدەۋگە، جۇڭحۋا ۇلتىنىڭ گۇلدەنۋىن كوزدەۋگە كۇش سالدى، ادامزاتتىڭ العا باسۋىن كوزدەۋگە، دۇنيە ءجۇزىنىڭ ۇلى بىرلىگىن كوزدەۋگە، دۇنيەنىڭ ادىلدىگى ءۇشىن دۇرىس جول تابۋعا كۇش سالدى، بۇل − پارتيامىزدىڭ تاريح سەنىمىنە يە بولۋىنىڭ ەڭ زور كۇش - قايراتى، پارتيامىزدىڭ جۇڭگودا بيلىك جۇرگىزۋىنىڭ جانە ۇزاق ۋاقىت بيلىك جۇرگىزۋىنىڭ تاريح سەنىمى، سونداي - اق پارتيامىزدىڭ حالىقتى ىنتىماقتاستىرىپ جانە باستاپ، ۇزدىكسىز العا باسۋىنىڭ تاريح سەنىمى. بۇگىنگى تاڭدا ءبىزدىڭ جۇڭگو كوممۋنيستىك پارتياسى تاريح جانە حالىق تالعامىنىڭ ءۇمىتىن اقتادى دەپ ايتۋىمىزعا ابدەن بولادى.

  شي جينپيڭ بىلاي دەپ دارىپتەدى: تاريحي تانىم − تاريحي سەنىمنىڭ ماڭىزدى نەگىزى. پارتيانىڭ 18 - قۇرىلتايىنان بەرى ءبىز تاريحقا ماتەرياليستىك كوزقاراستا، پارتيا تاريحى جونىندەگى دۇرىس كوزقاراستا تاباندى بولىپ، پارتيا مەن مەملەكەتتىڭ تاريحي ماسەلەلەرىندە توركىنىن تۇزەپ، قاينارىن تازالاپ، كورنەكتى ونىمدىلىككە قول جەتكىزدىك. سونىمەن بىرگە، ءبىز، ءسوز جوق، مىنانى سەرگەكتىكپەن تانۋىمىز كەرەك: وسى ماسەلەنى شىن مانىندە ويداعىداي شەشۋ ءۇشىن، ءالى دە پارتيانىڭ تاريحىنا بايىپتىلىقپەن، جان - جاقتى، بەدەلدى عىلمي قورىتىندى جاساۋعا تۋرا كەلەدى ءارى وسى نەگىزدە پارتيا تاريحىن قورىتىندىلاۋدى، ۇيرەنۋدى، تاربيەلەۋدى، ۇگىتتەۋدى تاباندىلىقپەن ىلگەرىلەتىپ، دۇرىس پارتيا تاريحى كوزقاراسىن اناعۇرلىم ىشكەرىلەي، اناعۇرلىم كەڭ كولەمدە ورناتىپ، تاريحتى بۇكىل پارتيانىڭ، بۇكىل قوعامنىڭ ورتاق تانىمىنا اينالدىرىپ، قالىڭ پارتيا مۇشەلەرىن، كادرلاردى جانە جالپى حالىقتى، اسىرەسە، قالىڭ جاستاردى تاريح سەنىمىن بەكەمدەۋگە، تاريحي ەستەمەنى بەكەمدەۋگە، تولىق سەنىممەن العا باسۋعا تاربيەلەۋىمىز كەرەك.

  شي جينپيڭ مىنالاردى اتاپ كورسەتتى: پارتيانىڭ ىنتىماعى مەن بىرلىگى − پارتيانىڭ جانى، تاريحتى قورىتىندىلاۋ بارىسىندا يدەيانى بىرلىككە كەلتىرۋگە، ارەكەتتى بىرلىككە كەلتىرۋگە شەبەر بولۋ − پارتيامىزدىڭ تابىستى تاجىريبەسى. پارتيانىڭ ىنتىماعى مەن بىرلىگى الدىمەن ساياسي جاقتاعى ىنتىماق پەن بىرلىك. پارتيانىڭ 18 - قۇرىلتايىنان بەرى بۇكىل پارتيانىڭ بىرگە قۇلشىنۋىندا، پارتيانىڭ ىنتىماعى مەن بىرلىگى تىڭ دەڭگەيگە كوتەرىلدى. پارتيا ورتالىق كوميتەتى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارىندا جۇڭگوشا سوتسياليزمنىڭ جاڭا ءداۋىرى سىندى وسى ماڭىزدى ءتۇيىندى كورنەكتىلەندىرۋدى ۇيعاردى. بۇل بۇكىل پارتيانىڭ كەلەلى نازاريالىق جانە امالياتتىق ماسەلەلەردە يدەيانى، ارەكەتتى بىرلىككە كەلتىرىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىسىنە قول جەتكىزۋىندە كەلەلى مانگە يە.

  شي جينپيڭ مىنانى دارىپتەدى: پارتيامىز حالىقتان كەلگەن، حالىققا تامىر تارتقان، حالىققا قىزمەت وتەيدى. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ پارتيانىڭ ءۇشىنشى تاريحي قارارىن شىعارۋى بۇكىل پارتياعا جاڭا ءداۋىردىڭ العا باسۋ ساپارىندا اۋەلگى ماقساتتى ۇمىتپاي، بورىشتى ەستە بەرىك ساقتاپ، «قايدان كەلۋ، قايدا بارۋ» سىندى نەگىزگى تاقىرىپقا ويداعىداي جاۋاپ بەرىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاپ، قالىڭ حالىق بۇقاراسىنا 100 جىلدىق پارتيا تاريحىنان جۇڭگو كوممۋنيستىك پارتياسىنىڭ قانداي پارتيا ەكەنىن جەتە تانىتۋ، سول ارقىلى پارتيانىڭ سوزىنە بۇلجىماي قۇلاق اسۋ، پارتياعا ىلەسۋ كەرەكتىگىن ەسكەرتۋ ءۇشىن بولىپ وتىر.

  شي جينپيڭ بىلاي دەپ اتاپ كورسەتتى: ماركسيزمنىڭ جارىققا شىعۋى مەن دامۋى، سوتسياليستىك مەملەكەتتىڭ دۇنيەگە كەلۋى مەن دامۋ بارىسى جاپالى كۇرەسكە تولى بولدى. جاڭا دەموكراتيالىق توڭكەرىس داۋىرىندە توڭكەرىستىك كۇرەستىڭ جاپا - ماشاقاتى، قان توگىپ قۇربان بەرگەن ايانىشتى جاعداي دۇنيە جۇزىندە سيرەك كەزدەسەدى. جاڭا جۇڭگو قۇرىلعاننان كەيىن، اسىرەسە، پارتيانىڭ 18 - قۇرىلتايىنان بەرى ءبىز ءبىرسىپىرا ەلەۋلى حاۋىپ - قاتەر مەن سىن - سايىستى باستان كەشىردىك، ءبىز تيتتەي دە تايسالماي، ەرلىكپەن العا باسىپ، قايتپاس قايسارلىقپەن جەڭىسكە جەتتىك. جاڭا ءداۋىر شارت - جاعدايىندا، ءبىز پارتيا توپتاعان ۇلى كۇرەس تاجىريبەلەرىن ويداعىداي قورىتىندىلاپ جانە پايدالانىپ، تومەنگى شەكتە ويلاۋدا تاباندى بولىپ، تاۋقىمەت تانىمىن كۇشەيتىپ، كۇرەس رۋحىن ساۋلەلەندىرىپ، كۇرەس تاكتيكاسىن يگەرىپ، كۇرەس قابىلەتىن جەتىلدىرىپ، نەعۇرلىم قيىن بولعان سايىن سولعۇرلىم العا ىلگەرىلەيتىن ەرلىك جىگەردى ساقتاپ، العا باسۋ جولىنداعى مەجەلەۋگە بولاتىن جانە مەجەلەۋ قيىن ءتۇرلى حاۋىپ - قاتەر مەن سىن - سايىسقا ۇتىمدى توتەپ بەرىپ، جۇڭگوشا سوتسياليزم ىستەرى كەمەسىنىڭ تولقىن جارا العا ىلگەرىلەۋىن جەبەۋىمىز كەرەك.

  شي جينپيڭ مىنالاردى دارىپتەدى: پارتيانىڭ 100 جىلدىق كۇرەس تاريحىنان اقىل - پاراسات پەن كۇش - قۋات الىپ، ورتالىق كوميتەت ساياسي بيۋروسىنىڭ وزىندىك قۇرىلىسىن كۇشەيتۋ كەرەك. ورتالىق كوميتەت ساياسي بيۋروسىنداعى جولداستار اۋەلگى ماقساتتى، بورىشتى سانالى تۇردە امالياتتا ايگىلەپ، ۇلكەن جاعداي تانىمىن ورناتىپ، زور سۇيىسپەنشىلىكپەن ىستەپ، بيىكتە تۇرىپ، الىسقا كوز جىبەرىپ، تەرەڭ جوبا - جوسپار جاساپ، شىنايى ويلاپ، جەكە باسىنىڭ پايدا - زيانىمەن كوپ ساناسپاي، اتاق - ابىرويعا سالىنباي، قاي - قاشان دا پارتيا مەن حالىق ىستەرىن ماڭىزدى ورىنعا قويىپ، باستان - اياق حالىق بۇقاراسىمەن جۇرەكتەس، تاعدىرلاس بولۋى كەرەك. مۇرات - سەنىمدى باستاماشىلدىقپەن بەكەمدەپ، مۇرات - سەنىمنەن اۋقىمدى باعامدايتىن، وزگەرىسكە توتەپ بەرەتىن، بولاشاققا كوز جىبەرەتىن باعدار شامعا يە بولۋ، توقتاۋسىز كۇرەس جۇرگىزەتىن، قۇنتتاپ ىلگەرىلەيتىن قوزعاۋشى كۇش قاينارىنا، دۇرىس پەن بۇرىستى پارىقتايتىن، تۇماندى سەيىلتەتىن ساياسي كورەگەندىككە، ازدىرۋدان، ازعىنداۋدان ساقتاناتىن قۇدىرەتتى توتەپ بەرۋ قۋاتىنا يە بولۋ كەرەك. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باستاماشىلدىقپەن قورعاۋ، ءوزى باتىل، سەرگەك بولىپ قانا قويماي، بۇكىل پارتيانىڭ پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى ىلگەرىلەتۋىنە سانالىلىقپەن كۇش سالۋ، اسىرەسە، ناشار نىسايلاردان ساقتانۋ جانە ونى جويۋ كەرەك. اسا كۇشتى ستراتەگيالىق كورەگەندىككە، بولجامپازدىققا يە بولىپ، نازاردى جاڭا اماليات العا قويعان جاڭا تاقىرىپتارعا شوعىرلاندىرىپ، دەموكراتيانى ساۋلەلەندىرىپ، كوپتىڭ اقىل - پاراساتىن شوعىرلاندىرىپ، ءىس جۇزىندىككە، زاڭدىلىققا ۇيلەسەتىن شەشىم - ۇسىنىستاردى العا قويۋ كەرەك. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باستاماشىلدىقپەن دايەكتىلەندىرىپ، اتقارىپ، قاز - قالپىندا اتقارۋعا كۇش سالىپ، جاۋاپتى سالالاردىڭ، جاۋاپتى تاراۋلاردىڭ پارتيا ورتالىق كوميتەتىنىڭ شەشىمدەرى مەن قىزمەت ورنالاستىرۋلارىن جاپپاي ىشكەرىلەي ۇيرەنۋىن، ءتۇسىنۋىن ىلگەرىلەتىپ، «مەملەكەتتىڭ زور ىستەرىن» جەتە ءتۇسىنىپ، اتقارۋدا باعداردان اۋىتقىماۋعا، وزگەرمەۋگە، تۇرلەندىرمەۋگە كەپىلدىك ەتۋ كەرەك.

  شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىن اشۋ − ورتالىق كوميتەت ساياسي بيۋروسىنىڭ كەلەر جىلعى قىزمەتىندەگى ماڭداي الدى ساياسي مىندەت. ورتالىق كوميتەت ساياسي بيۋروسىنداعى جولداستار كۇشتى ساياسي جاۋاپكەرلىك سەزىممەن جانە تاريحي بورىشتىلىق سەزىممەن قىزمەت جاۋاپكەرلىگىن مۇقيات اتقارىپ، ءار جاقتاعى قىزمەتتەردى ويداعىداي ىستەۋى كەرەك. بيىل جانە كەلەر جىل كەزەك اۋىستىرۋعا تۋرا كەلدى. باسشى جولداستار ساياسي ءتارتىپ پەن ساياسي قاعيداعا قاتاڭ بويسۇنۋى، ۇيىمدىق تارتىپكە، كەزەك اۋىستىرۋ تارتىبىنە قاتاڭ بويسۇنۋى كەرەك. باسشى كادرلاردى ۇيىمعا، وزىنە دۇرىس مامىلە جاساۋعا، جالپى جاعدايعا، ۇيىمعا، ورنالاستىرۋعا بويسۇنۋعا تاربيەلەپ جانە جەتەكتەپ، كوممۋنيستەردە بولۋعا ءتيىستى رۋحتى سەرپىلتىپ، بارلىق زەيىن - زەردەنى ءىس تىندىرىپ، يگىلىك جاراتۋعا جۇمساۋ كەرەك.

  شي جينپيڭ بىلاي دەپ اتاپ كورسەتتى: وسى رەتكى دەموكراتيالىق تۇرمىس جيىنىندا ورتالىق كوميتەت ساياسي بيۋروسىنداعى جولداستار قىزمەتتى جاقسى ىستەۋ جونىندە كوپتەگەن تاماشا پىكىر - ۇسىنىس قويدى، كەيبىرەۋى ورتالىقتىڭ قىزمەتىنە، كەيبىرەۋى تاراۋلاردىڭ قىزمەتىنە، كەيبىرەۋى جەرگىلىكتى ورىنداردىڭ قىزمەتىنە سايادى، ماجىلىستەن كەيىن جەدەل زەرتتەۋ جۇرگىزىپ، شارا قولدانىپ، قىزمەتتى جاقسارتىپ، ناقتى ونىمدىلىككە قول جەتكىزۋ كەرەك.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار