«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى پايىمداۋلارىنان ۇزىندىلەر» كىتابىنا بايلانىستى وقىرماندارمەن كەزدەسۋ ءماجىلىسى بەيجيڭدە وتكىزىلدى
2021.12.29 16:52 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 28 - كۇنى، بەيجيڭ. «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى پايىمداۋلارىنان ۇزىندىلەر» كىتابىنا بايلانىستى وقىرماندارمەن كەزدەسۋ ءماجىلىسى 12 - ايدىڭ 28 - كۇنى بەيجيڭدە وتكىزىلدى. ورتالىق ۇگىت ءبولىمىنىڭ، ورتالىق پارتيا تاريحى جانە قۇجات زەرتتەۋ ورنىنىڭ قاتىستى جاۋاپتىلارى، ادامدىق ۇقىق مامان - وقىمىستىلارى ەل ءىشى - سىرتىنان كەلگەن كوپتەگەن سالاداعى وقىرمانداردىڭ ۋاكىلدەرىمەن بىرگە پىكىر اۋىستىرىپ، اڭگىمە وتكىزدى.
ج ك پ ورتالىق كوميتەتى ۇگىت ءبولىمى باستىعىنىڭ ورىنباسارى جياڭ جيانگو مىنانى ءبىلدىردى: باس شۋجي شي جينپيڭنىڭ ادامدىق ۇقىق جونىندەگى ماڭىزدى پايىمداۋلارىنىڭ ماقساتى اسقاق، مازمۇنى باي، يدەياسى تەرەڭ بولىپ، جاڭا داۋىردەگى جۇڭگونىڭ ادامدىق ۇقىق ىستەرىنىڭ دامۋىنا ايقىن العا باسۋ بەتالىسىن كورسەتىپ، دۇنيە ءجۇزىنىڭ ادامدىق ۇقىق ىستەرىنىڭ العا باسۋىن ىلگەرىلەتۋگە جۇڭگونىڭ اقىل - پاراساتى مەن جۇڭگو جوباسىن ارنادى. «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى پايىمداۋلارىنان ۇزىندىلەردىڭ» باسپادان شىعۋى جۇڭگونىڭ ادامدىق ۇقىق ىستەرىنىڭ دامۋ تاريحىنداعى ءىرى ءىس بولىپ، ەل ءىشى - سىرتىنىڭ جاپپاي نازارىن اۋداردى.
ورتالىق پارتيا تاريحى جانە قۇجات زەرتتەۋ ورنى باستىعىنىڭ ورىنباسارى حۋاڭ ي - بيڭ مىنانى ءبىلدىردى: باس شۋجي شي جينپيڭنىڭ ادامدىق ۇقىق جونىندەگى ماڭىزدى پايىمداۋلارى پارتيامىزدىڭ حالىقتى بارىنەن جوعارى قويۋدا تاباندى بولۋ قۇن تالپىنىسى مەن جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ سىندى اۋەلگى ماقساتىن، بورىشىن ايگىلەدى، پارتيامىزدىڭ دەربەس، ءوز - وزىنە قوجا بولۋدا، مەملەكەت جاعدايىنا ۇيلەسەتىن ساياسي دامۋ جولىمەن جانە ادامدىق ۇقىقتى دامىتۋ جولىمەن جۇرۋدە تاباندى بولۋ سىندى دايەكتى تۇرعىسىن، دارىپتەمەسىن ايگىلەدى.
«بۇل شىعارما جۇڭگونىڭ ادامدىق ۇقىقتى قامتاماسىزداندىرۋداعى جاڭا تانىمى مەن جاڭا امالياتىن ايگىلەدى، جۇڭگونىڭ ادامدىق ۇقىق ىستەرى جونىنەن ماڭىزدى جەتەكشىلىك مانگە يە» دەدى نيگەريا قاراستىلىعىنداعى CGTN اقىل - پاراسات قويماسىنىڭ زەرتتەرمەنى ۋ يىڭشيۇڭ. بانگلادەشتەن كەلگەن بەيجيڭ فۋۋاي شيپاحاناسىنىڭ شيپاگەرى ميسباحور فەدۋس مىنانى ءبىلدىردى: جۇڭگو حالىقتىڭ مۇددەسىن ەڭ جوعارى ورىنعا قويدى، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگولىق ناۋقاستار جان - جاقتى ەمدەلىپ، تولىق قامتاماسىز ەتىلدى، جۇڭگو باسقا ەلدەر مەن رايوندارعا شيپاگەر جىبەرىپ، ادامگەرشىلىك رۋحتى تولىق ايگىلەدى. پاكيستاننان كەلگەن جاھاندانۋ اقىل - پاراسات قويماسىنىڭ زەرتتەرمەنى ميڭ جۋ بىلاي دەدى: «<شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى پايىمداۋلارىنان ۇزىندىلەردىڭ> تۇرلىشە تىلگە اۋدارىلىپ، دۇنيەنىڭ جەر - جەرىنە تارالىپ، ءتىپتى دە كوپ ادامنىڭ جۇڭگونىڭ ادامدىق ۇقىق كوزقاراسىن تۇسىنۋىنە مۇمكىندىك جاساۋىن ءۇمىت ەتەمىن».
باتىس وڭتۇستىك ساياسي - زاڭ داشۋەسى ادامدىق ۇقىقتى زەرتتەۋ ورنىنىڭ جەتەكشى باستىعى جاڭ يۇڭحى مىنانى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتى − بۇكىل ادامزاتتىڭ ورتاق داعدارىسى، ءبىر مەملەكەتتىڭ ادامدىق ۇقىقتى شىنايى قامتاماسىز ەتە الۋ - الماۋىن سىنايتىن سىنتاس، جۇڭگو ۇكىمەتىنىڭ ىندەتتەن ساقتانۋ - تىزگىندەۋ بارىسىنداعى ۇلگىسى ادامدىق ۇقىقتى قامتاماسىز ەتۋدىڭ وقۋلىعىنا اينالۋى كەرەك. جۇڭگو حالىق داشۋەسى ادامدىق ۇقىقتى زەرتتەۋ ورتالىعىنىڭ دوتسەنتى مىڭ تاۋ بىلاي دەپ قارادى: «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى پايىمداۋلارىنان ۇزىندىلەر» ايقىن يدەيالىق، جۇيەلىك جانە امالياتتىق سياقتى نازاريالىق قاسيەتكە يە. ورتالىق راديو - تەلەۆيزيا باس ستانسياسىنىڭ ءتىلشىسى وۋياڭ چيڭشي مىنانى ءبىلدىردى: باتىستاعى كەيبىر ەلدەردىڭ ادامدىق ۇقىق ماسەلەسىندەگى ءسوز مونوپولياسىن ونان ارى تالقانداپ، ادامدىق ۇقىقتىڭ دامۋىن ءتۇسىندىرۋ ۇقىعىن مىقتى يگەرىپ، بۇكىل دۇنيە جۇزىنە شىنايى، سترەولدى، سەنىمدى جۇڭگونى كورسەتۋ كەرەك.
ۇعىسۋعا قاراعاندا، «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى پايىمداۋلارىنان ۇزىندىلەر» 9 ارناۋلى تاقىرىپقا بولىنگەن، جالپى 335 پايىمداۋدان تۇرادى، شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2021 - جىلى 10 - ايدىڭ 30 - كۇنىنە دەيىنگى مەزگىلدەگى بايانداماسى، ءسوزى، اڭگىمەسى، لەكسياسى، قۇتتىقتاۋ حاتى، نۇسقاۋى سياقتى 160 نەشە ماڭىزدى قۇجاتتان الىنعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
