ىرىزدىعىن ءوز قولىندا مىقتى ۇستاپ، اناعۇرلىم كوركەم تۇرمىسقا كەنەلدى
انار بۇلت / شينجياڭ گازەتىنىڭ ءتىلشىسى لي لين
2021.12.29 17:06 كەلۋ قاينارى : شينجياڭ گازەتى
جۇمىستانۋ − حالىق تۇرمىسىنىڭ نەگىزى، دامۋدىڭ ىرگە تاسى، سونداي - اق بايلىق جاراتۋدىڭ قاينار كوزى. بيىل جىل باسىنان بەرى رايونىمىز ”ورنىقتى جۇمىستانۋدى“، ”جۇمىستانۋدى قامتاماسىز ەتۋدى“ تىڭعىلىقتى ىلگەرىلەتىپ، جۇمىستاندىرۋدى كەڭەيتۋ ارقىلى حالىققا تيىمدىلىك جاساۋ ينجەنەرياسىن اتقارىپ، جۇمىستاندىرۋدى الدىمەن ويلاسۋ ساياساتىن تياناقتاندىرىپ جانە كەمەلدەندىرىپ، ءار ۇلت بۇقاراسىنىڭ اناعۇرلىم ورنىقتى جۇمىستانىپ، ءتىپتى دە كوركەم تۇرمىسقا كەنەلۋىنە مۇمكىندىك جاسادى.
اۋىرتپالىقتى جەڭىلدەتىپ، كاسىپورىندارعا كومەكتەسىپ، حالىق تۇرمىسىنا تيىمدىلىك جاسادى
قىس كۇندەرى شينجياڭ زىجين ءتۇستى مەتال شەكتى سەرىكتەستىگىنە بارعانىمىزدا، ماشينانىڭ داۋىسى گۇرىلدەپ، جۇمىسشىلار ءوندىرىس جەلىسىندە ءتارتىپتى قاربالاس قاۋىرت جۇمىس ىستەپ جاتىر ەكەن.
”بيىل جىل باسىنان بەرى سەرىكتەستىك قوعامدىق قامتاماسىزداندىرۋ قوسىمشا قاراجاتى، جۇمىستاندىرۋ بويىنشا پراكتيكا كورۋ قوسىمشا قاراجاتى جانە باۋلۋ قوسىمشا قاراجاتى سياقتىلاردان جالپى 2 ميلليون 690 مىڭ يۋان يگىلىكتەنىپ، كاسىپورىننىڭ اۋىرتپالىعىن زور مولشەردە جەڭىلدەتىپ، تىڭنان 304 ادامدى جۇمىستاندىردى“. اتالعان سەرىكتەستىكتىڭ ادام كۇشى بايلىعى ءبولىمىنىڭ جاۋاپتىسى ۋاڭ ۋىنتاۋ بىلاي دەدى: سەرىكتەستىك ۇنەمدەپ قالعان قارجىدان پايدالانىپ، قىزمەتشىلەردىڭ شەبەرلىگىن جوعارىلاتۋ كۋرستارىن اشىپ، قىزمەتكەرلەردىڭ شەبەرلىگىن جوعارىلاتۋىنا، كىرىستەرىن ارتتىرۋىنا مۇمكىندىك جاسادى.
”قازىر ايىنا 4500 يۋان اينالاسىندا ەڭبەكاقى الامىن، سەرىكتەستىك تاعى ءبىزدى جاتاقحانامەن اقىسىز قامدادى، بۇل اراداعى قىزمەتىمە وتە رازىمىن“. زايىربەك مامبەت بىلاي دەدى: مەن ۇلۇقشات اۋدانى تەرەك اۋىلى قاراتەكە قىستاعىنان كەلگەنمىن. ىلگەرى 5 مۋ جەرگە ەگىن ەگۋگە جانە كۇندىك ىستەۋگە سۇيەنىپ كۇن كەشىرىپ كەلگەنمىن. قىستاق دارەجەلى قوعامدىق ىستەر كومەكشىسىنىڭ دانەكەر بولۋىمەن ۇلۇقشات اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ۇيىمداستىرعان قىزمەتكە شىعاردان بۇرىنعى باۋلۋ مەن شەبەرلىگىن جوعارىلاتۋ باۋلۋىنا قاتىناسقان سوڭ، كاسىپورىن جۇمىسشىسىنا اينالدىم. زايىربەكتىڭ كىرىسى جوعارىلاعاندىقتان جۇمىس تەبىنى ءتىپتى دە ارىنداپ، تاماشا تۇرمىسقا دەگەن تالپىنىسى دا كۇشەيدى. ءۇيىن اشەكەيلەپ قانا قالماستان، تاعى جاڭادان ءۇي جيھازدارىن الىپ، تۇرمىستارى بارعان سايىن ءماندى دە ءساندى بولدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىسسىزدىق قامسىزداندىرۋى، جۇمىس ۇستىندە زاقىمدالۋ قامسىزداندىرۋ اقىسى سالىستىرماسىن كەزەڭدىك ازايتۋ ساياساتىن ۇزدىكسىز اتقارۋ ارقىلى جاڭا كەزەكتى جۇمىسسىزدىق قامسىزداندىرۋىنان جۇمىس ورنىن ورنىقتىرۋعا قايتارۋ جانە جۇمىسسىزدىق قامسىزداندىرۋى بويىنشا قامتاماسىز ەتۋ كولەمىن كەڭەيتۋ سياقتى شارالاردى تياناقتاندىرىپ، كاسىپورىنعا تيىمدىلىك جاساۋ ساياساتىن قاز - قالپىندا ناقتاپ تياناقتاندىرىپ، ساياساتتىڭ ”قۇنىن“ شىن مانىندە كاسىپورىننىڭ تابىس سەزىمىنە اينالدىرىپ، كاسىپورىندى اناعۇرلىم كوپ ەڭبەكشىنى جۇمىستانۋعا باۋراۋعا جەبەدى.
ساياساتتىڭ پايداسىن ۇزدىكسىز جارىققا شىعارىپ، رايونىمىزدىڭ جۇمىستانۋ ۇلكەن جاعدايىن ورنىقتىرۋمەن بىرگە، كاسىپورىن مەن ەڭبەكشىلەردى الاڭسىز ەتۋگە مۇمكىندىك جاسادى. 11 - ايدىڭ سوڭىنا دەيىن، تۇتاس رايون قالا - قالاشىقتان 475 مىڭ 800 ادامدى تىڭنان جۇمىستاندىرۋدى جۇزەگە اسىردى. تۇتاس رايون بويىنشا 700 مىڭ 700 ادامنىڭ يگىلىكتەنگەن ءتۇرلى جۇمىستاندىرۋ قوسىمشا قاراجاتى 3 ميلليارد 535 ميلليون يۋان بولدى.
ءۇي ماڭايىندا ورنىقتى جۇمىستاندى
12 - ايدىڭ 26 - كۇنى، اقسۋ قالاسى ايكول قالاشىعىنداعى دامدەندىرگىش مانەرلەۋ زاۆودىندا جۇمىسشىلار ءبىر توپ تاپسىرىس بويىنشا قاربالاس ىستەپ جاتتى.
”كۇندىز كاسىپورىندا جۇمىس ىستەپ، كەشتە ۇيگە قايتىپ بالاما قاراپ، اقشا تابۋ مەن وتباسىعا قاراۋدا ەكى الىپ بيگە شىقتىم“. اقسۋ قالاسى ايكول قالاشىعى كونەبازار قىستاعىنىڭ تۇرعىنى امىراگۇل امەت قۋانىشتى تۇردە بىلاي دەدى: ءۇي ماڭايىندا زاۆود سالىنعان سوڭ، كوپتەگەن اۋىل - قىستاق ايەلدەرى ورنىقتى جۇمىستانۋدى جۇزەگە اسىردى. اقسۋ قالاسى ايكول قالاشىعىندا وسىنداي شاعىن كاسىپورىننان جالپى 26سى بار، ولار 300دەن استام اۋىل - قىستاق ەڭبەككۇشىن جاقىن جەردە جۇمىستانۋعا باستادى.
بيىل جىل باسىنان بەرى رايونىمىزدىڭ جەر - جەرى ءوز جاعدايىنا قاراي، جۇمىستانۋ ارناسىن كەڭەيتىپ، سول جەردە، جاقىن ماڭدا جۇمىستاندىرۋ ساياساتىن ءتۇيىندى تۇردە اتقارىپ، نىسان ارقىلى كاسىپ سالاسىنا دەم بەرىپ، كاسىپ سالاسى ارقىلى جۇمىستانۋدى ىلگەرىلەتىپ، جۇمىستانۋ ارقىلى حالىق تۇرمىسىن جاقسارتىپ، ”10 ءىرى كاسىپ سالاسى“ مەن جەرگىلىكتى ەرەكشە باسىمدىققا يە كاسىپ سالاسىنىڭ دامۋىن توڭىرەكتەي، جۇمىستانۋ ورنىن كوبەيتىپ، اۋىل - قىستاق ەڭبەككۇشتەرى ءۇشىن، ءۇي ماڭايىندا جۇمىستانۋ ورايىن تولىق ازىرلەپ، ولاردىڭ ورنىقتى جۇمىستانۋىن، ۇزدىكسىز جۇمىستانۋىن، ۇزاق ۋاقىت جۇمىستانۋىن جۇزەگە اسىرۋعا مۇمكىندىك جاسادى.
نەگىزگى ساتىنىڭ جاقسارۋعا بەت العان جۇمىستانۋ ورتاسى دا كوپتەگەن داشۋە وقۋشىلارىن اۋىلعا قايتىپ جۇمىستانۋعا، شارۋاشىلىق قۇرۋعا باۋرادى. امىراگۇل جۇمىس ىستەپ جاتقان دامدەندىرگىش مانەرلەۋ زاۆودىن اۋىلعا قايتقان داشۋە وقۋشىسى رايلاقىز تۇرسۇن قۇرعان. 2019 - جىلى داشۋە بىتىرگەن سوڭ، رايلاقىز اۋىلى كونەبازار قىستاعىنا قايتىپ زاۆود اشىپ، ماڭىنداعى اۋىل - قىستاق ەڭبەككۇشتەرىنە جۇمىس ورنىن ازىرلەدى. كاسىپورىن ونىمدىلىگىنىڭ بارعان سايىن جاقسارۋىنا ىلەسە، قىزمەتشىلەردىڭ سانى ەڭ العاشقى 10 ادامنان قازىرگى 37 ادامعا كوبەيدى.
ءساتتى شارۋاشىلىق قۇرۋ ەڭبەكشىلەردىڭ جۇمىستانۋ ماسەلەسىن شەشىپ قانا قالماستان، قىرۋار جۇمىستانۋ ورنىمەن قامداپ، شارۋاشىلىق قۇرۋ ارقىلى جۇمىستانۋدى جەتەكتەۋدىڭ ەسەلەپ ارتۋ اسەرىن جارىققا شىعارادى. 11 - ايدىڭ سوڭىنا دەيىن، رايونىمىزدا شارۋاشىلىق قۇرعان 92 مىڭ 700 ادام تىڭنان ارتىپ، 147 مىڭ ادامدى جۇمىستانۋعا باستاپ، تۇتاس جىلدىق نىسانا - مىندەتتى تۇگەلدەي ارتىق ورىنداپ، كوپ بولىپ شارۋاشىلىق قۇرۋدىڭ، جالپى جۇرت جاڭالىق اشۋدىڭ رايى كۇن سايىن قويۋلاندى.
شەبەرلىككە باۋلۋ جۇمىستانۋدىڭ اناعۇرلىم تولىق بولۋىنا مۇمكىندىك جاسادى
وزىندىك ونەر يگەرۋ گۇما اۋدانى موكويلا اۋىلى باقچي قىستاعىنىڭ تۇرعىنى مامەتابلا مامەتتوحتىنىڭ جۇمىستانىپ، كىرىسىن ارتتىرۋىنداعى اسىلعا اينالدى. ول قازىر ءبىر قۇرىلىس ماتەريالدارى سەرىكتەستىگى قالىپ گرۋپپاسىنىڭ باستىعى. قۇرىلىستاعى باسىنىڭ دىمى كەپپەگەن جاس وسكىننەن قالىپ جۇمىسشىسى تولىمدىلىق كۋالىگىن الىپ، كاسىبي جۇمىسشى بولۋ مامەتابلا وتباسىنىڭ جاقسى تۇرمىس كەشىرۋىنە مۇمكىندىك جاسادى. ول: وسىنىڭ بارلىعى پارتيانىڭ تاماشا ساياساتىنىڭ ارقاسى، - دەدى.
بيىل جىل باسىنان بەرى رايونىمىز كاسىپتىك شەبەرلىكتى جوعارىلاتۋ قيمىلىن بار كۇشپەن اتقارىپ، شەبەرلىككە باۋلۋدى زور كۇشپەن ورىستەتىپ، تۇتاس رايونداعى ءار ۇلت ەڭبەكشىلەرىنىڭ شەبەرلىك ۇيرەنۋىنە، شەبەرلىك قابىلەتىن مەڭگەرۋىنە، جۇمىستانىپ، كىرىستەرىن ارتتىرۋىنا كومەكتەستى. 11 - ايدىڭ سوڭىنا دەيىن، تۇتاس رايون بويىنشا 2 ميلليون 214 مىڭ ادام - رەت شەبەرلىككە باۋلۋ ورىستەتتى.
”پارتيا مەن ۇكىمەتتىڭ ءبىزدىڭ اقىسىز شەبەرلىك ۇيرەنىپ، زاۆودقا كىرۋىمىزگە مۇمكىندىك جاساعان وسىنداي تاماشا باۋلۋ ساياساتىن شىعارعاندىعىنا العىس ايتامىز“. شينجياڭ رۇڭيا اۋىل شارۋاشىلىق عىلىم - تەحنيكاسى شەكتى سەرىكتەستىگىنىڭ قىزمەتكەرى پاتىگۇل عۇپۇر بىلاي دەدى: مەنىڭ جۇمىس ىستەپ جاتقان زاۆودىم اتۇش قالاسى ازاق اۋىلى كاسىپ سالاسى كوشەسىندە. نەگىزىنەن، قۇرعاق جەمىستى جىنتىكتەي مانەرلەۋمەن اينالىسادى. بۇل ارا مەن سياقتى كەدەيلىكتەن ارىلعان 10 وتباسىن باۋرادى، ولار ءوز ەڭبەكتەرى ارقىلى ءار ايدا 1600 يۋاننان 3500 يۋانعا دەيىن كىرىس كىرگىزەدى.
«جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتى گۇلدەندىرۋدى جالپى بەتتىك ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋ جونىندەگى پىكىردە» كەدەيلىكتەن ارىلعان اۋداندار جونىندە كەدەيلىكتەن ارىلعان كۇننەن باستاپ 5 جىلدى وتپەلى مەزگىل ەتىپ بەلگىلەپ، دەم بەرىپ، كومەك كورسەتۋدى ورتاعا قويدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى جەبەۋ باسقارماسىنىڭ قاتىستى جاۋاپتىسى بىلاي دەپ تانىستىردى: رايونىمىز 5 جىلدىق وتپەلى مەزگىلدە، جۇمىستاندىرۋ ارقىلى سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاپ، كاسىپورىنداردىڭ جۇمىستانۋعا باۋراۋىن قولداپ جانە سوعان شابىتتاندىرىپ، نازاردى كەدەيلىكتەن ارىلعاندار، كەدەيلەسۋگە تاياپ تۇرعاندار، قونىس جاڭالاپ كەدەيلەردى سۇيەمەلدەۋ بويىنشا كوشىرىلگەندەر، اۋىل - قىستاقتارداعى تومەن كىرىستەگىلەر سياقتى شوعىرلارعا ءتۇيىندى شوعىرلاندىرىپ، الەۋمەتتىك جۇمىستاندىرۋعا قىزمەت وتەۋدى دالمە - ءدال، ويداعىداي ورىنداۋ ارقىلى كومەكتەسۋ - سۇيەمەلدەۋ دەڭگەيىن ۇزدىكسىز جوعارىلاتىپ، ولاردىڭ ورنىقتى جۇمىستانۋىنا، كىرىستەرىن ۇزدىكسىز ارتتىرۋىنا كومەكتەسەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
