شينجياڭنىڭ ينجەنەريالىق قۇرىلىس نىساندارىن تەكسەرىپ بەكىتۋ ءتۇزىمى رەفورماسىنىڭ ناتيجەسى كورنەكتى بولدى
2021.12.29 17:07 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ يايۇن 12 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان اقپار جاريالاۋ ماجىلىسىنەن ۇعىسۋعا قاراعاندا، 2019 - جىلدان باستاپ رايونىمىز ينجەنەريالىق قۇرىلىس نىساندارىن تەكسەرىپ بەكىتۋ ءتۇزىمى رەفورماسىن جاپپاي ورىستەتكەننەن بەرى رايونىمىز ءبىر تۇتاس ءتۇزىم جۇيەسىن، ءبىر تۇتاس تەكسەرىپ بەكىتۋ جۇيەسىن، ءبىر تۇتاس تەكسەرىپ بەكىتۋ ءتارتىبىن، ءبىر تۇتاس ءىس تىزىمدىگىن ورناتىپ، تەكسەرىپ بەكىتۋ ونىمدىلىگىن زور مولشەردە جوعارىلاتىپ، تەكسەرىپ بەكىتۋگە جۇمسالاتىن ۋاقىتتى قىسقارتىپ، عىلمي، قولايلى، جوعارى ءونىمدى ينجەنەريالىق قۇرىلىس نىساندارىن تەكسەرىپ بەكىتۋ، باسقارۋ جۇيەسىن قۇرعان.
ينجەنەريالىق قۇرىلىس نىساندارىن تەكسەرىپ بەكىتۋ ءتۇزىمى رەفورماسى پارتيا ورتالىق كوميتەتى، مەملەكەتتىك كەڭەس شىعارعان كەلەلى شەشىم، ورنالاستىرۋ، ۇكىمەت پەن بازار قاتىناسىن قايتا تۇلعالاپ، بازاردىڭ بايلىقتى جايعاستىرۋ بارىسىندا شەشۋشى سيپاتتى رول اتقارۋىنا مۇمكىندىك جاساپ، ۇكىمەت فۋنكتسياسىن اناعۇرلىم ويداعىداي ساۋلەلەندىرۋدى ماقسات ەتەدى، ول ۇكىمەت فۋنكتسياسىنا بۇرىلىس جاساۋدى ىلگەرىلەتۋدىڭ جانە ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋدىڭ، شارۋاشىلىق - ساۋدا ورتاسىن ساپالىلاندىرۋدىڭ ماڭىزدى مازمۇنى.
اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى لي لينيۇي بىلاي دەپ تانىستىردى: تاياۋ جىلداردان بەرى اۆتونوميالى رايون ينجەنەريالىق قۇرىلىس نىساندارىن تەكسەرىپ بەكىتۋ ءتۇزىمى رەفورماسىن اناعۇرلىم ىلگەرىلەتىپ، بىرلەسىپ تەكسەرىپ بەكىتۋ، جوبانى بىرلەسىپ تەكسەرۋ، بىرلەسىپ تەكسەرىپ وتكىزىپ الۋ، وڭىرلىك باعالاۋ، كوپ ءتۇرلى ساراپتاۋدى بىرىكتىرۋ سياقتى 28 تۇزىمدىك حۇجاتتى زەرتتەپ جاساپ، اۆتونوميالى رايون، ايماق (وبلىس، قالا)، اۋدان (قالا، رايون) ءۇش دارەجەلى ينجەنەريالىق قۇرىلىس نىساندارىن تەكسەرىپ بەكىتۋ، باسقارۋ جۇيەسىن ورنالاستىرىپ، تامامداپ، ”ەندىك باعىتتا شەتىنە دەيىن، بويلىق باعىتتا تۇبىنە دەيىن جەتەتىن“ تەكسەرىپ بەكىتۋ، باسقارۋ جۇيەسىن جۇزەگە اسىردى.
تانىستىرۋعا قاراعاندا، رايونىمىز تەكسەرىپ بەكىتۋ ءتارتىبىن قايتا جاساۋ ارقىلى بىرلەسىپ تەكسەرىپ بەكىتۋدى اتقارىپ، تەكسەرىپ بەكىتۋ ىستەرىن 2019 - جىلعى 57 تۇردەن 2021 - جىلى 48 تۇرگە ىقشامداعان.
تەكسەرىپ بەكىتۋ مەحانيزمىندە جاڭالىق اشۋ ارقىلى وڭىرلىك باعالاۋدى، كوپ جوبانى بىرلەسىپ تەكسەرۋدى، كوپ ءتۇرلى ساراپتاۋدى بىرىكتىرۋدى، بىرلەسىپ تەكسەرىپ وتكىزىپ الۋدى اتقارىپ، ينجەنەريالىق قۇرىلىس نىساندارىن تەكسەرىپ بەكىتۋگە جۇمسالاتىن ورتاشا ۋاقىتتى 2018 - جىلعى 297 قىزمەت كۇنىنەن 100 قىزمەت كۇنىنە قىسقارتتى، مۇنىڭ ىشىندە: ۇكىمەت قارجى قوسقان نىسانداردى تەكسەرىپ بەكىتۋگە جۇمسالاتىن ورتاشا ۋاقىت 85 قىزمەت كۇنىنە قىسقاردى، شاعىن قوعامدىق قارجى قوسۋ نىساندارىن تەكسەرىپ بەكىتۋگە جۇمسالاتىن ۋاقىت 47 قىزمەت كۇنىنە قىسقاردى.
سونىمەن بىرگە، تەكسەرىپ بەكىتۋ تۇعىرىن ورناتۋ ارقىلى ينتەرنەت جەلىسىندە تەكسەرىپ بەكىتۋدى، ينفورماتسيانى ءوزارا تۇتاستىرۋدى، بايلىقتان بىرگە يگىلىكتەنۋدى جۇزەگە اسىرىپ، تەكسەرىپ بەكىتۋگە قاجەتتى ماتەريالداردى ازايتتى؛ كاسىپورىندارعا ىرىقتىلىق بەرىپ، اۋىرتپالىعىن جەڭىلدەتىپ، ”جۇيەدەن سىرتقى اينالىم“ مەن ”كومەسكى تەكسەرىپ بەكىتۋدى“ ارناۋلى رەتتەۋ - وڭاۋ قىزمەتىن ورىستەتتى. 2020 - جىلى 1 - ايدىڭ 1 - كۇنىنەن باستاپ اۆتونوميالى رايوننىڭ ينجەنەريالىق قۇرىلىس نىساندارىن تەكسەرىپ بەكىتۋ، باسقارۋ جۇيەسى جالپى بەتتىك ينتەرنەت جەلىسىندە ىسكە قوسىلعاننان بەرى، تەكسەرىپ بەكىتۋ نىساندارىنان 27 مىڭنان استامىن ءبىر جاقتى ەتىپ، 110 مىڭ ءىس ءبىتىردى، مۇنىڭ ىشىندە، 2021 - جىلدان بەرى تەكسەرىپ بەكىتىلەتىن نىسانداردان 17 مىڭنان استامىن ءبىر جاقتى ەتىپ، 70 مىڭ ءىستى ءبىتىردى، 37 مىڭنان استام ءىستى بىرلەسىپ تەكسەرىپ بەكىتتى، بىرلەسىپ تەكسەرىپ بەكىتۋ مولشەرى ％54 بولدى.
لي لينيۇي بىلاي دەپ تانىستىردى: كەلەسى قادامدا، اۆتونوميالى رايوندىق ينجەنەريالىق قۇرىلىس نىساندارىن تەكسەرىپ بەكىتۋ ءتۇزىمى رەفورماسى باسشىلىق گرۋپپاسى كەڭسەسى تۇتاس شينجياڭداعى جەر - جەردىڭ (وبلىس، قالا) رەفورما شارالارىن كەمەلدەندىرۋىنە جەتەكشىلىك ەتىپ، رەفورما تالاپتارىن تياناقتاندىرىپ، نىساندارعا قارجى قوسۋعا قىزمەت وتەۋ، قامتاماسىز ەتۋ قۋاتىن، دەڭگەيىن جوعارىلاتىپ، 2022 - جىلدىڭ سوڭىنا جەتكەندە تۇتاس رايوننىڭ ينجەنەريالىق قۇرىلىس نىساندارىن تەكسەرىپ بەكىتۋ ۋاقىت شەگىن بىرتىندەپ 30 − 60 قىزمەت كۇنىنە قىسقارتۋعا كۇش سالادى. مۇنىڭ ىشىندە، اقسۋ ايماعى، ىلە قازاق اۆتونوميالى وبلىسى، تۇرپان قالاسى، قارامايلى قالاسى الدىمەن اتقارىپ، الدىمەن سىناق ەتىپ، رەفورما تاجىريبەلەرى جونىندە ىزدەنىس جاسايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
