مەملەكەتتىڭ وڭىرلىك ەمدەۋ ورتالىعى قۇرىلىسىن سۇيەنىش ەتىپ
شينجياڭ ”ەمدەۋدىڭ بيىك شىڭىن“ تۇلعالادى
2021.12.29 17:08 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى سۋ لۋپيڭ 12 - ايدىڭ 27 - كۇنى ۇرىمجىدەن حابارلايدى. شينجياڭنىڭ بەكىتۋدەن وتكەن تۇڭعىش مەملەكەتتىڭ وڭىرلىك ەمدەۋ ورتالىعى نىسانى رەتىندە، 11 - ايدىڭ سوڭىنا دەيىن شينجياڭ بالالار شيپاحاناسى 25 تۇردەگى جاڭا تەحنيكانى، جاڭا نىساندى ورىستەتىپ، كۇماندى - قيىن، سالماقتى اۋرۋلارعا 88 رەت وپەراتسيا جاساپ، شيپاگەرلىك تەحنيكتەن 2028 ادام - رەت باۋلىدى.
2019 - جىلى شينجياڭ تۇڭعىش توپتاعى ”1 + 10“ وڭىرلىك ەمدەۋ ورتالىعى قۇرىلىسىن تۇيىندەردە سىناق ەتەتىن ولكە - رايوندار قاتارىنا ەنگىزىلدى. اۆتونوميالى رايوندىق حالىق ۇكىمەتى استانا مەديتسينا داشۋەسىنە قاراستى بەيجيڭ بالالار شيپاحاناسىمەن سەلبەستىك كەلىسىمىن جاساسىپ، بەيجيڭ بالالار شيپاحاناسى شينجياڭ بالالار شيپاحاناسىن جاپپاي اماناتتاپ باسقارۋعا الاتىن، 3 تە 5 جىلدا شينجياڭ بالالار شيپاحاناسىن ”شينجياڭدى تياناق ەتكەن، باتىس سولتۇستىكتى بەتكە العان، ورتا ازيانى شارپىعان“ مەملەكەتتىڭ بالالار وڭىرلىك ەمدەۋ ورتالىعى ەتىپ قۇرىپ، وڭىرلىك بالالار اۋرۋلارى ءبولىمى ىستەرىنىڭ جوعارى ساپالى دامۋىنا جەتەكشىلىك ەتەتىن بولدى.
بيىل 2 - ايدا بەيجيڭ بالالار شيپاحاناسى شينجياڭ بالالار شيپاحاناسىن جاپپاي اماناتتاپ باسقارۋعا العاننان كەيىن، جيىنى 34 ماماندى، 51 ادام - رەت جىبەرىپ، كلينيكالىق ءتۇيىندى ارناۋلى پاندەر قۇرىلىسىن ىلگەرىلەتۋ، ”قوس مەڭگەرۋشى ءتۇزىمىن“ اتقارۋ، تەحنيك تىرەكتىلەرى مەن باسقارۋدىڭ ورتا جىگىندەگى قىزمەتكەرلەردى تۇگەلدەي بەيجيڭ بالالار شيپاحاناسىن كەزەكپەن جىبەرىپ باۋلۋ، دارىندى ەنگىزۋ ءتۇزىمىن كەمەلدەندىرۋ سياقتى شارالار ارقىلى شينجياڭ بالالار شيپاحاناسىن وزىق باسقارۋمەن، تەحنيكامەن قامتاماسىز ەتتى. قازىر وسى نىساننىڭ 1 - مەرزىمدىك قۇرىلىسى تىنىس جولى قابىنۋ اۋرۋلارى عيماراتىنىڭ توبەسى جابىلدى، 2 - مەرزىمدىك قۇرىلىسى 2021 - جىلى 10 - ايدا باستالدى، 2022 - جىلدىڭ سوڭىندا پايدالانۋعا بەرىلەدى دەپ مەجەلەنۋدە.
بيىل شينجياڭنىڭ تاعى مەملەكەتتىڭ وڭىرلىك ەمدەۋ ورتالىعى نىسانىنان ەكەۋىنە قول جەتكىزۋى بەكىتىلدى، ياعني جۇڭشان داشۋەسىنىڭ قاشقار ايماقتىق 1 - حالىق شيپاحاناسىمەن بىرگە قۇرعان مەملەكەتتىك جۇقپالى اۋرۋلاردى وڭىرلىك ەمدەۋ ورتالىعى (جۇڭشان داشۋەسىنە قاراستى قاشقار شيپاحاناسى)، شي - ان قاتىناس داشۋەسىنە قاراستى 2 - شيپاحانانىڭ اۆتونوميالى رايوندىق حالىق شيپاحاناسىمەن بىرگە قۇرعان تىنىس جولى اۋرۋلارىن وڭىرلىك ەمدەۋدىڭ مەملەكەتتىك ورتالىعى (شي - ان قاتىناس داشۋەسىنە قاراستى 2 - شيپاحانانىڭ شينجياڭ شيپاحاناسى) بەكىتۋدەن ءوتىپ، بۇكىل شينجياڭدى شارپيتىن جوعارى دەڭگەيلى كلينيكالىق ەمدەۋ ورتالىعىن، جوعارى دەڭگەيلى دارىندىلاردى باۋلۋ بازاسىن، جوعارى دەڭگەيلى عىلمي زەرتتەۋ، جاڭالىق اشۋ جانە ونى كادەگە جاراتۋ تۇعىرىن تۇلعالاپ، وڭىرلىك ەمدەۋ بايلىعىنىڭ بىركەلكىلىگى مەن ساپاسىنىڭ بىركەلكىلىگىن جۇزەگە اسىرىپ، ولكە اتتاپ، رايون اتتاپ ەمدەلۋدى ازايتتى.
مەملەكەتتىك جۇقپالى اۋرۋلاردى وڭىرلىك ەمدەۋ ورتالىعى نىسانى قۇرىلىسىنا باعىتتاي وتىرىپ، قاشقار ايماعى قۇرىلىمدى، اۋرۋلار توسەگىن، قىزمەتكەر شتاتىن جوسپارلاۋ جانە ءوتىنىش ەتۋ، ت. ب قىزمەتىن ورىستەتۋدە. تىنىس جولى اۋرۋلارىن وڭىرلىك ەمدەۋدىڭ مەملەكەتتىك ورتالىعى نىسانى اۆتونوميالى رايوندىق حالىق شيپاحاناسىنىڭ باينياۋحۋ شيپاحاناسى رايونىن سۇيەنىش ەتە وتىرىپ وزگەرتىپ، كەڭەيتىپ سالۋ جانە جاڭادان سالۋ جۇمىسىن جۇرگىزۋدە، قىزۋ امبولاتورياسى عيماراتىن، جالپىلىق ەمدەۋ عيماراتىن، ولشەمدەنگەن باۋلۋ عيماراتىن جانە بالنيتسا عيماراتىن سالۋ ۇستىندە. مۇنىڭ ىشىندە، 3 بالنيتسا عيماراتىنىڭ تۇلعالىق قۇرىلىسى سالىنىپ ءبىتتى. سونىمەن بىرگە، وسى شيپاحانا تىنىس جولى اۋرۋلارىنا قاتىستى كاسىپتەردى بىرىكتىرىپ، قوسالقى كاسىپتەردى جىنتىكتەي تۇرگە ءبولىپ، كاسىپتىك تەحنيكالىق دارىندىلاردان ءبىر توبىن قىزمەتكە قابىلداپ، دايىنداپ، تىنىس جولى اۋرۋلارىن وڭىرلىك ەمدەۋدىڭ مەملەكەتتىك ورتالىعىن قۇرۋعا نەگىز قالادى.
كەلەسى قادامدا اۆتونوميالى رايون مەملەكەتتىڭ وڭىرلىك ەمدەۋ ورتالىعى نىسانى قۇرىلىسىمەن ۇشتاستىرىپ، مەملەكەتتىڭ وڭىرلىك ەمدەۋ ورتالىعى نىسانىن ”ەمدەۋدىڭ بيىك شىڭى“، اۆتونوميالى رايون دارەجەلى وڭىرلىك ەمدەۋ ورتالىعىن ”ەمدەۋدىڭ جوتاسى“، ايماق، قالا دارەجەلى 3A دارەجەلى شيپاحانالاردى ”ەمدەۋدىڭ بيىك بەلەسى“ ەتكەن وڭىرلىك ەمدەۋ ورتالىعى قۇرىلىسىن بىرتىندەپ تۇلعالايدى ءارى ەمدەۋ ”بيىك شىڭىنىڭ، بيىك جوتاسىنىڭ، بيىك بەلەسىنىڭ“ بىركەلكى ورنالاسۋىن جەدەلدەتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
