بۇل ءىس «قالتاڭىزعا» قاتىستى! جەكەلىك تابىس باجىسىنا ساياتىن ءىشىنارا تيىمدىلىك ساياساتى جالعاستى اتقارىلاتىن بولدى
2021.12.30 15:59 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شىن چىڭ 12 – ايدىڭ 29 – كۇنى بەيجيڭنەن حابارلايدى. 12 – ايدىڭ 29 – كۇنى اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە، جەكەلىك تابىس باجىسىنا ساياتىن ءىشىنارا تيىمدىلىك ساياساتىن جالعاستى اتقارۋ ماقۇلداندى. ماجىلىستە كوپتەگەن ساياساتتار ايقىندالدى، جەكەلەر تابىس باجىسىنا قاتىستى باجى تاپسىرۋشىلاردىڭ اۋىرتپالىعىن ۇزدىكسىز جەڭىلدەتىپ، ورتاشا، تومەن كىرىستى توپتىڭ اۋىرتپالىعىن جەڭىلدەتەدى، شامامەن ءبىر جىل ىشىندە 110 ميلليارد يۋان باجى كەشىرىم ەتىلەدى.
ماجىلىستە مىنالار ماقۇلداندى: تۇتاس جىلدا ءبىر رەت بەرىلەتىن سيلىق قاراجاتى سول ايداعى ەڭبەكاقى كىرىسىنەن تابىس باجىسىن الۋ كولەمىنە ەنگىزىلمەيدى، اي بويىنشا باجى مولشەرىن جەكە ەسەپتەۋ ساياساتى اتقارىلادى، بۇل 2023 – جىلدىڭ سوڭىنا دەيىن جالعاسادى.
بەيجيڭ مەملەكەتتىك بۇعالتىرلىق شۋەيۋانى قازىنا – باجى ساياساتى مەن ونىڭ قولدانىلىمىن زەرتتەۋ باسقارماسىنىڭ باستىعى لي شۇيحۇڭ مىنانى ءبىلدىردى: بۇل ساياسات — تيىمدىلىك جاسايتىن باجى ەسەپتەۋ ءتاسىلى، باستىسى جىل سوڭىنداعى سيلىق تەكتەس ءبىر جىلدا ءبىر رەت بەرىلەتىن سيلىق قاراجاتتارعا باعىتتالادى، ەڭبەكاقى كىرىسىن نەگىزگى كىرىس قاينارى ەتەتىن باجى تاپسىرۋشىلاردىڭ اۋىرتپالىعىن جەڭىلدەتۋگە ءتيىمدى. «جىل سوڭى تاياپ قالدى، جىلدىق سيلىق قاراجاتتى تاراتۋ جاقىنداپ قالعان كەزدە، مۇنداي ءتيىمدى ساياساتتى جالعاستىرۋ بارشا ‹ەڭبەكاقىعا سۇيەنەتىندەرگە› ءتيىمدى بولماق».
مۇنان سىرت، ماجىلىستە مىنالار ماقۇلدانعان: جىلدىق كىرىسى 120 مىڭ يۋاننان اسپايتىن، ونىڭ ۇستىنە، باجىنى تولىقتاۋى قاجەت بولعان نەمەسە جىلدىق ەسەپ بويىنشا باجى تولىقتاۋ سوماسى 400 يۋاننان اسپايتىن بولسا، باجى تولىقتاۋ كەشىرىم ەتىلەدى، بۇل ساياسات 2023 – جىلدىڭ سوڭىنا دەيىن جالعاسادى؛ بازارعا شىعارىلعان سەرىكتەستىكتەردىڭ شابىتتاندىرۋ ءۇشىن تاراتقان جارناسىنا ايىرىم باجى ەسەپتەۋ ساياساتى 2022 - جىلدىڭ سوڭىنا دەيىن جالعاسادى.
«وسىنىڭ الدىندا، ەلىمىز كاسىپورىنداردىڭ باجىسىن ازايتۋعا قاتىستى كوپتەگەن ساياساتتاردى ورتاعا قويىپ، كاسىپورىندارعا شىنايى تيىمدىلىك جاساعان. وسى جولى جەكەلەرگە باعىتتاعان، وتە – موتە، ورتا، تومەن كىرىستى توپتارعا باعىتتاعان ءتيىمدى ساياساتتاردى جالعاستى اتقارۋدا حالىققا تيىمدىلىك جەتكىزىپ، بۇقارانىڭ مەڭگەرۋىندەگى كىرىسىن ارتتىرۋ، سونىمەن بىرگە، تۇتىنۋدى جەبەپ، ارتۋدى ورنىقتىرۋعا دەم بەرۋ باستى ءتۇيىن ەتىلگەن»، — دەدى لي شۇيحۇڭ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
