بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىق مەيىرىمگە بولەنىپ، اناعۇرلىم باقىتتى تۇرمىسقا كەنەلدى

انار بۇلت / شينجياڭ گازەتىنىڭ تىلشىلەرى سۋ لۋپيڭ، جاۋ شييا، جاۋ مين، لي لين

2021.12.30 16:14     كەلۋ قاينارى : شينجياڭ گازەتى

  دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، جىل باسىنان بەرى رايونىمىز وقۋ - اعارتۋ، قوعامدىق قامتاماسىزداندىرۋ، ەمدەۋ، زەينەتكەرلىك سياقتى قىزمەتتەردى ءبىر تۇتاس جوسپارلاپ ويداعىداي ىستەپ، حالىق تۇرمىسىنا پايدا جەتكىزۋدى، حالىق تۇرمىسىنداعى ۋايىمداردى شەشۋدى كوزدەپ، حالىقتىڭ كۇن سايىن ارتقان تاماشا تۇرمىس قاجەتىن ۇزدىكسىز قاناعاتتاندىرىپ، ءار ۇلت بۇقاراسىنىڭ وقيتىن مەكتەبى بولۋ، ەمدەلەتىن شيپاحاناسى بولۋ، قارتايعاندا كۇتىمدەلەتىن ورنى بولۋىنا اناعۇرلىم ويداعىداي مۇمكىندىك جاسادى.

  اۋدان وڭىرىندە وقۋ - اعارتۋدىڭ ساپالى، بىركەلكى بولۋىنا مۇمكىندىك جاسادى

  12 - ايدىڭ 24 - كۇنى وقۋدان تاراعاننان كەيىن ونسۋ اۋدانى توپۇحان قالاشىعى باستاۋىش مەكتەبىنىڭ بالالارى كۋرجەك ساباعىن باستادى. قاعاز قيۋ، ءان ايتۋ، ءبي... كوپشىلىك قاباعات قۋانىشقا شومدى. ”مەكتەپ جاڭادان وقۋشىلار جاتاق عيماراتىن، وقىتۋشىلار اينالىم ءۇيىن سالدى. بيىل تاعى جاڭادان 10 وقىتۋشى قابىلدادى... ءتۇرلى ساباقتاردى بىردەي، تولىق اشىپ، وقىتۋ ساپاسى جوعارىلاپ، اتا - انالار دا توتەنشە ريزا بولدى!“، - دەدى توپۇحان قالاشىعى باستاۋىش مەكتەبى پارتيا ياچەيكاسىنىڭ شۋجيى ليۋ يۇڭلياڭ.

  حالىق تۇرمىسىن نەگىز ەتۋدە وقۋ - اعارتۋ الدىمەن جۇرىلەدى. بيىل جىل باسىنان بەرى رايونىمىز وقۋ - اعارتۋدى الدىمەن دامىتۋ ستراتەگياسىن جالپى بەتتىك تياناقتاندىرىپ، وقۋ - اعارتۋ قىزمەتىنىڭ، اسىرەسە، مىندەتتى وقۋ - اعارتۋدىڭ نەگىزىنەن بىركەلكى دامۋىن ۇزدىكسىز ىلگەرىلەتىپ، نەگىزدى كۇش سالا قامتاماسىز ەتىپ، ولقىلىقتاردى تولىقتاپ، ادىلدىكتى جەبەپ، ساپانى جوعارىلاتتى. مىندەتتى وقۋ - اعارتۋعا ۇسىنىلىمدى ۇزدىكسىز ارتتىرىپ، وقۋشى باسىنا تۋرا كەلەتىن مەكتەپ جاتاق قۇرىلىسى اۋدانىن ۇزدىكسىز ارتتىرىپ، مەكتەپتەگى وقۋشى سانىنىڭ نورمادان ارتىپ كەتۋى 2012 - جىلداعى باستاۋىش مەكتەپتەردەگى %6.2تەن، ورتالاۋ مەكتەپتەردەگى %9.6تەن جەكە - جەكە باستاۋىش مەكتەپتەردەگى %0.4كە، ورتالاۋ مەكتەپتەردەگى %0.3كە تومەندەدى. قازىر بۇكىل رايونداعى مىندەتتى وقۋ - اعارتۋ كەزەڭىندەگى كلاستاردا 66 ادامنان اساتىن وقۋشى سانىنىڭ نورمادان ارتىپ كەتۋى بۇكىلدەي جويىلدى. وقىتۋشىلار بايلىعىن جايعاستىرۋ ۇزدىكسىز ساپالىلاندى.

  بيىل 7 - ايدا اۆتونوميالى رايوندا 96 اۋدان، قالا، رايون اۋدان وڭىرىندە مىندەتتى وقۋ - اعارتۋدى نەگىزىنەن بىركەلكى دامىتۋعا جۇرگىزگەن مەملەكەتتىك قۋزاۋ - جەتەكشىلىك ەتۋ تەكسەرۋىنەن تۇتاس تۇلعالىق جاقتان ءوتتى، بۇل رايونىمىزدىڭ اۋدان وڭىرىندە مىندەتتى وقۋ - اعارتۋدى نەگىزىنەن بىركەلكى دامىتۋ مىندەتىنىڭ جالپى بەتتىك ورىندالىپ، مىندەتتى وقۋ - اعارتۋدىڭ ساپالى، بىركەلكى دامۋدىڭ جاڭا كەزەڭىنە وتكەندىگىن بىلدىرەدى.

  ينفورماتسيالاندىرۋ قۇرىلىسى مىندەتتى وقۋ - اعارتۋدى بىركەلكى دامىتۋداعى شەشۋشى تەتىك. كەزەكتە اۆتونوميالى رايون ”ينتەرنەت + وقۋ - اعارتۋ“ قىزمەت وتەۋ جۇيەسىن ورناتىپ، وقۋ - اعارتۋدىڭ ينفورماتسيالانۋ دەڭگەيىن جوعارىلاتتى، كومپيۋتەرلى ساباقحانالارمەن سەپتەلۋ مولشەرى %86.9كە، ”بانبانتۇڭ“ كوپ مەديالى وقىتۋ جابدىعىمەن سەپتەلۋ مولشەرى %89.8كە، ءتۇرلى تۇرپاتتاعى دىبىسقا، كەسكىنگە الۋ، قويۋ ساباقحانالارىمەن سەپتەلۋ مولشەرى %53.5كە جەتىپ، ورتا، باستاۋىش مەكتەپتەردە، وقىتۋ تۇيىندەرىندە تۇگەلدەي ينتەرنەت ۇلاستىرىلدى.

  ”وقي الۋدان“ ”جاقسى وقۋعا“ دەيىن مىندەتتى وقۋ - اعارتۋدى بىركەلكى دامىتۋدىڭ باستاماسى عانا بولادى، سوڭعى شەگى بولمايدى دەگەندى ىلگەرىلەتتى. ”14 - بەسجىلدىق“ كەزىندە رايونىمىز تاعى وقۋ - اعارتۋ كەشەندى رەفورماسىن ۇزدىكسىز تەرەڭدەتىپ، مىندەتتى وقۋ - اعارتۋدىڭ نەگىزىنەن بىركەلكى بولعان جەتىستىگىن ۇزدىكسىز بەكەمدەپ، اۋدان وڭىرىندەگى مىندەتتى وقۋ - اعارتۋ مەكتەپتەرى اراسىنداعى پارىقتى ازايتىپ، مىندەتتى وقۋ - اعارتۋدىڭ نەگىزىنەن بىركەلكى بولۋدان ساپالى بىركەلكىلىككە قاراي قادام تاستاۋىن جەدەل ىلگەرىلەتەدى.

  ناۋقاس كورسەتۋدىڭ اناعۇرلىم قولايلى، وڭاي بولعاندىعىن سەزىنۋىنە مۇمكىندىك جاسادى

  ”مەن قازىر ءىشىپ جاتقان مىنا دارىلەردى قىستاق ەمحاناسىندا نەگىزىنەن ەسەپتەن كوتەرتۋگە بولادى“. كونەءشار اۋدانى وپال قالاشىعى كوكشي قىستاعىنىڭ تۇرعىنى اۋاكەرىم اپيزدىڭ جوعارى قان قىسىمى جانە ايدارشا ارتەريانىڭ قابىنۋىنان جابىسقان جۇرەك اۋرۋى بار، ءار كۇنى ءدارى ىشەدى. بۇرىن اقشا جۇمساۋدان الاڭداپ، ىلعي ءدارىنى ءبىر مەزگىل ىشكەننەن كەيىن توقتاتىپ قوياتىن. قازىر ول مەرزىمدى ۋاقىتتا قىستاق ەمحاناسىنا بارىپ ءدارى الىپ تۇرادى. ”وتباسى شيپاگەرىنىڭ كومەگىندە مەنىڭ جوعارى قان قىسىمى جانە ايدارشا ارتەريانىڭ قابىنۋىنان جابىسقان جۇرەك اۋرۋىم تىزگىندەلدى“، - دەدى ول.

  بيىل رايونىمىز ءدارى باعاسىن تومەندەتۋدى ءتۇيىن ەتە وتىرىپ، ەمدەۋ، ەمدەۋ قامسىزداندىرۋى، ءدارى - دارمەك ىستەرىن بىرلەسىپ ىلگەرىلەتۋ رەفورماسىن جەدەل ىلگەرىلەتتى. سونىمەن ءبىر ۋاقىتتا ”اۋدان دارەجەلىسىن كۇشەيتۋ، اۋىل دارەجەلىسىن جانداندىرۋ، قىستاق دارەجەلىسىن ورنىقتىرۋ، جوعارى - تومەندى بىرلەستىرۋ، ينفورماتسيانى جەتكىزۋدى“ ءتۇيىن ەتىپ، اۋدان وڭىرىندەگى ەمدەۋ - دەنساۋلىق ساقتاۋعا قىزمەت وتەۋ جۇيەسىن اناعۇرلىم كەمەلدەندىرىپ، ساپالى ەمدەۋ بايلىق قاينارىن ۇلعايتۋ جانە وڭىرلىك بىركەلكى ورنالاستىرۋدى ىلگەرىلەتىپ، ءار ۇلت بۇقاراسىنا ناۋقاس كورسەتۋ بارىسىنىڭ ۇزدىكسىز جاقسارعاندىعىن سەزىندىردى.

  قىستاق ەمحاناسىندا تۇراقتى ءدارى - دارمەكتەر تولىق، ەمدەۋ قامسىزداندىرۋىنىڭ ەسەپتەن كوتەرۋ سالىستىرماسى جوعارى، سوزىلمالى اۋرۋلارعا جاۋاپتى وتباسى شيپاگەرى بار؛ اۋىل - قالاشىق شيپاحاناسى كىشى - گىرىم وپەراتسيالاردى جاساي الاتىن بولدى، الىس ارالىقتان ەلەكترو كارديوگراممالىق دياگنوز قويۋ، الىس ارالىقتان كەسكىندىك دياگنوز قويۋ، الىس ارالىقتان ناۋقاس جاعدايىنا دياگنوز قويۋ سىندى ”نەگىزگى ساتىدا تەكسەرۋ، جوعارى دارەجەلى ورىن دياگنوز قويۋ“ جۇزەگە استى؛ اۋدان دارەجەلى شيپاحانالاردا ”ۇيىرمە قۇراۋ فورماسىندا“، ”اماناتتاپ باسقارۋ فورماسىندا“ كومەكتەسىپ - سۇيەمەلدەيتىن ماماندار بار، ەمدەۋ - كۇتىمدەۋ تەحنيكالىق دەڭگەيى مەن قىزمەت وتەۋ قابىلەتى ۇزدىكسىز جوعارىلاپ، كوپتەگەن ماسەلەلەر اۋدان ءوڭىرىنىڭ وزىندە - اق شەشىلەدى... باسقا قىستاق تۇرعىندارى سياقتى اۋاكەرىم ناۋقاس كورسەتۋدەن ەندىگارى الاڭدامايتىن بولدى.

  قيىنشىلىعى بار قاۋىمنىڭ ناۋقاس كورسەتۋدەگى اۋىرتپالىعىن شىن مانىندە جەڭىلدەتۋ ءۇشىن، بيىل رايونىمىز ەرەكشە سالماقتى اۋرۋلاردى ەمدەۋدى قامسىزداندىرۋ جانە مەديتسينالىق قۇتقارۋ - كومەكتەسۋ ءتۇزىمىن ۇزدىكسىز كەمەلدەندىرىپ، مەديتسينالىق قۇتقارۋ - كومەكتەسۋدە قۇتقارىپ كومەك كورسەتىلەتىن قاۋىمدى جاپپاي قامتىپ، قۇتقارۋ - كومەكتەسۋ ساياساتىن جان - جاقتى تياناقتاندىردى، تۇتاس رايونداعى 14 ايماق، وبلىس، قالا مەديتسينالىق قۇتقارۋ - كومەكتەسۋدى ايماق دارەجەلى ورىن ءبىر تۇتاس جوسپارلاپ، مەديتسينالىق قۇتقارۋ - كومەكتەسۋدىڭ شينجياڭ ىشىندە ەسەبىن ”ءبىر تالونمەن جابۋدى“ جولعا قويدى.

  10 - ايدا اۋاكەرىم ناۋقاس سەبەبىنەن شيپاحاناعا جاتقان ەدى، نەگىزگى ەمدەلۋدى قامسىزداندىرۋ، سالماقتى ناۋقاستى قامسىزداندىرۋ، مەديتسينالىق قۇتقارۋ - كومەكتەسۋ سىندى 3 ءتۇيىندى قامتاماسىزداندىرۋدىڭ ارقاسىندا، 3000 يۋاننان استام ەمدەلۋ قاراجاتىنىڭ ءوزى وتە از ءبولىمىن عانا شىعاردى، ”بۇل وتباسىمىزدىڭ ەكونوميكالىق اۋىرتپالىعىن كوپ جەڭىلدەتتى“، - دەدى ول.

  زەينەتكەرلىكتىڭ جانعا جايلى، كوڭىلدى دە الاڭسىز بولۋىنا مۇمكىندىك جاسادى

  ءبىر قاتار قىل قۇيرىق بالىق، 2 قوراپ سۋ شايان، 5 كيلوگرام سيىردىڭ سان ەتى... 12 - ايدىڭ 28 - كۇنى 2022 - جىلعى كوكتەم مەرەكەسىنە ءبىر ايدان استام ۋاقىت قالدى، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ زەينەتكەرى لي يۇيشىڭ مەرەكەلىك بۇيىمداردىڭ تىزىمدىگىن كورسەتتى. ”زەينەتاقىمىز جىل سايىن كوبەيىپ كەلەدى، ءبىز سياقتى قارتتار دا بارعان سايىن باردام بولا باستادىق“. مەرەكەلىك بۇيىم دايىنداۋدان سىرت، لي يۇيشىڭ جاڭا جىلعا قاراعان ءتۇنى اسحانادان ءبىر ۇستەل تولاتىن ۇيگە اكەلىنەتىن جاڭا جىل تاعامىنا زاكاز بەرمەكشى.

  بيىل رايونىمىز قوعامدىق قامتاماسىزداندىرۋ كولەمىن كەڭەيتىپ، حالىققا تيىمدىلىك جاساۋ ينجەنەرياسىن ىشكەرىلەي اتقاردى. زەينەتكەرلەردىڭ نەگىزدىك زەينەتاقىسىن ءۇرتىس رەتتەدى، مۇنان ءبىر ميلليون 517 مىڭ 100 زەينەتكەر يگىلىكتەندى؛ قالا، اۋىل تۇرعىندارىنىڭ ءار ادامنىڭ اي سايىنعى نەگىزدىك زەينەتاقىسىنىڭ ەڭ تومەنگى ولشەمى 145 يۋاننان 150 يۋانعا جوعارىلادى. ”زەينەتكەرلىك مامىلەسىن كۋالاندىرۋ جۇمىسىن قول تەلەفونمەن - اق بىتىرۋگە بولاتىن بولدى، اي سايىن زەينەتاقىنىڭ تاراتىلعانىن تەگىن كەلتە حاتتان ءبىلىپ وتىرامىز، قولايلى ءارى جاناسىمدى بولدى“، - دەدى لي يۇيشىڭ.

  زەينەتاقىنى جوعارىلاتۋمەن بىرگە، بيىل رايونىمىز ءۇرىمجى قالاسى مەن قۇمىل قالاسىنداعى قيىنشىلىعى بار 1440 قارتتار وتباسىن بوگەتسىز، حاۋىپسىز، كومەكشى جابدىق ازىرلەۋ سياقتى جاقتاردان قارتتارعا جايلى ەتىپ جاڭالاپ، ولاردىڭ تۇرمىستا ءوزىن - ءوزى باسقارۋ قابىلەتى مەن تۇرمىس ساپالارىن جوعارىلاتتى.

  اۋىل - قىستاقتاعى قارتتار زەينەتكەرلىگى قىزمەت وتەۋىندەگى قيىن ماسەلەلەردى شەشۋ ءۇشىن، 2020 - جىلى اۆتونوميالى رايوندىق پارتكوم ”اۋىل - قىستاق باقىت ۇلكەن اۋلاسىن قۇرىپ، قيىنشىلىعى بار قارتتاردىڭ تۇرمىسىنا قارايلاسۋ ماسەلەسىن شەشۋ“ جونىندە ورنالاستىرۋ جاساپ، شوعىرلى قارايلاسۋ تاسىلىمەن قارتتاردىڭ ىشەر اس، كيەر كيىم، تۇرعىن ءۇي، تۇتىنۋ ماسەلەسىن شەشتى.

  ”پارتيا مەن ۇكىمەت ءبىزدىڭ زەينەتكەرلىك ماسەلەمىزدى شەشىپ قانا قالماستان، تاعى ءومىرىمىزدىڭ سوڭعى كەزىن باقىتتى وتكىزۋىمىزگە مۇمكىندىك جاسادى. ءبىز قازىرگى باقىتتى تۇرمىسىمىزدى، ءسوز جوق، قاستەرلەپ، پارتيانىڭ مەيىرىنە العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىز“، - دەدى تۇر مامەت. بىلتىر 7 - ايدا اقتاۋ اۋدانى يلال اۋىلىنان اۋىل - قىستاق باقىت ۇلكەن اۋلاسى سالىنىپ پايدالانۋعا بەرىلگەننەن كەيىن، ول وزىمەن بىرگە كوشىپ كەلگەن روزىحان ساۋىتپەن تانىسادى، ولار ءوزارا قارايلاسۋ، كومەكتەسۋ بارىسىندا ءبىر - بىرىن ۇناتىپ قالادى، سونىمەن باقىت ۇلكەن اۋلاسىنداعى قىزمەتكەرلەردىڭ دانەكەر بولۋىمەن بيىل 4 - ايدىڭ 19 - كۇنى باستارىن قۇرايدى.

  قازىرگە دەيىن تۇتاس رايونىمىزدا جيىنى 402 اۋىل - قىستاق باقىت ۇلكەن اۋلاسى سالىندى، اۋىل - قىستاقتا جالعىز تۇراتىن، بالا - شاعاسى جانىندا جوق، ۇيدە قالعان، جاسى ۇلعايعان سياقتى قيىنشىلىعى بار قارتتار شوعىرلى كۇتۋدەي باقىتتى تۇرمىسقا كەنەلدى؛ 80 جاستان اسقان قارتتار نەگىزدىك تۇرمىس قوسىمشا قاراجاتىن بەرۋ تۇزىمىنە جاپپاي قامتىلدى؛ الەۋمەتتىك اۋماقتىڭ كۇندىز قاراۋ ورتالىعى قارتتاردىڭ وتباسىنان ۇزاماي كۇتىمدەلۋىنە مۇمكىندىك جاسادى... ”قارتايعاندا كۇتىمدەلەتىن ورىن بولۋ، قارتايعاندا سۇيەنىشى بولۋ، قارتايعاندا شات - شادىمان ءوتۋ، قارتايعاندا الاڭسىز بولۋ“ كورىنىستەرى تيانشان الابىندا ورىستەۋدە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار