بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى

”ءبىزدىڭ تاماشا تۇرمىسىمىزدى ءارقانداي ادامنىڭ بۇلدىرۋىنە استە جول بەرمەيمىز“

2021.12.30 16:18     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى جىڭ جو 12 - ايدىڭ 28 - كۇنى ۇرىمجىدەن حابارلايدى. تاياۋدا امەريكا شىندىقپەن ساناسپاي، ايتىلمىس ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا“ قول قويىپ، زاڭعا اينالدىردى. 12 - ايدىڭ 28 - كۇنى شينجياڭ ”ەڭبەك تاماشا تۇرمىس جاراتادى“ اتىندا 13 - مايدان جەلىلەس اڭگىمە ءماجىلىس اشىپ، امەريكا جاقتىڭ سۇرقيا ارەكەتىنە تويتارىس بەردى.

  ايتىلمىس ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا“ قول قويىلعاندىعىنا شينجياڭنىڭ جەر - جەرىندەگى ماقتا كاسىپورىندارىنان كەلگەن قىزمەتكەرلەردىڭ 8 ۋاكىلى قاتتى كەكتەندى. اڭگىمە ماجىلىستە كوپشىلىك وزدەرىنىڭ باسىنان كەشكەندەرى ارقىلى شينجياڭنىڭ ناقتى شىندىعىن اڭگىمەلەپ، ايتىلمىس ”زاڭ جوباسىنا“ قول قويىلعاندىعىن قاتاڭ جازعىردى جانە وعان باتىل قارسى تۇردى.

  ”بۇل شينجياڭداعى ءار ۇلت جۇرتشىلىعىنىڭ كوڭىلىنە اسا اۋىر قاياۋ سالدى“. شينجياڭ ليبەي - ىر ساۋدا شەكتى سەرىكتەستىگىنىڭ بولىمشە سەرىكتەستىگى رىن - ان شيپاگەرلىك توقىماشىلىق زاۆودىنىڭ باستىعى تۇرسۇناي مامەت ءوز حيكاياسىن اڭگىمەلەدى. ول ىلگەرىدە تۇراقتى قىزمەتى جوق بولعاندىقتان ۇساق - تۇيەك جۇمىس ىستەپ اقشا تابادى ەكەن. 2019 - جىلى وسى سەرىكتەستىككە كەلىپ قىزمەتكە قابىلدانىپ، ەڭبەك توقتامىنا قول قويىسىپتى. قىزمەت بارىسىندا سەرىكتەستىك ارناۋلى ۇستاز ورنالاستىرىپ جاڭادان قىزمەتكە قابىلدانعاندارعا تەحنيكا ۇيرەتىپ، تاجىريبەسىمەن ءبولىسىپتى. سونىمەن قاجىرلىلىقپەن ەڭبەك ىستەۋ جانە ۇيرەنۋ ارقىلى بىرتىندەپ تىرەكتى كۇش بولىپ جەتىلگەن تۇرسۇنايدىڭ ايلىق ەڭبەكاقىسى 5500 يۋانعا ءوسىپتى. ”اسپاننان ماي شەلپەك جاۋمايدى، تاماشا تۇرمىستى ءوزىمىزدىڭ قوس قولىمىزعا سۇيەنىپ جاراتامىز“، - دەدى ول.

  قاشقار جينچىڭ توقىماشىلىق شەكتى سەرىكتەستىگىنىڭ قىزمەتكەرى ارزىگۇل زۇنۇننىڭ بۇرىن قىزمەتى جوق ەدى، كۇيەۋىنىڭ تابىسىنا عانا سۇيەنەتىن ولاردىڭ وتباسى تۇرمىستارى ءۇپى - ءتاپى وتەتىن. كەيىن ول كورشىسىنىڭ تانسىتىرۋىمەن قازىرگى سەرىكتەستىككە كەلىپ قىزمەتكە قابىلدانادى، ەڭبەك توقتامىنداعى بەلگىلەمەگە ساي، ارزىگۇل اي سايىن 3800 يۋان ەڭبەكاقى الاتىن بولدى، كاسىپورىن ونىڭ زەينەتكەرلىك كۇتىمدەۋ قاراجاتىن، ەمدەۋ قامسىزداندىرۋىن، تۋىت قامسىزداندىرۋىن تاپسىرادى. ارزىگۇل ەكىنشى بالاسىنا اۋىر اياق بولعان كەزدە، سەح مەڭگەرۋشىسى ونىڭ ءوز پىكىرىن العاننان كەيىن ءبىرشاما جەڭىلدەۋ جۇمىس ورنىنا اۋىستىرادى. تۋىت دەمالىسىندا جاتقان كەزىندە، باسشىلار مەن قىزمەتتەستەرى شاشۋلارىن الىپ وعان امانداسا كەلىپ، وعان وتباسىنىڭ جىلۋىن سەزىندىرەدى.

  شينجياڭ يۇيشينيۋان توقىماشىلىق شەكتى سەرىكتەستىگىنىڭ قىزمەتكەرى نۇرگۇل ساۋۇت يىڭسار اۋدانى قىزىل اۋىلى قۇدىق قسىتاعىندا دۇنيەگە كەلگەن. قىزمەتكە ورنالاسقاننان كەيىن ۇستازىنىڭ جەتەكشىلىگىندە تەز جەتىلگەن نۇرگۇل قازىر تاجىريبەلى ۇستاعا اينالىپ، ايلىق ەڭبەكاقىسى 5500 يۋانعا ءوستى. ”اۋىرىپ قالىپ دەمالعان كەزىمدە قىزمەتتەسىم چىن يۇڭپيڭ مەنىڭ ورنىما ىستەدى، ءار ۇلت قىزمەتكەرلەرى ءبىر ءۇيلى جاندايمىز“. نۇرگۇل: امەريكاداعى، باتىستاعى جۇڭگوعا قارسى كۇشتەر ءبىزدىڭ جاقسى تۇرمىس كەشىرگەنىمىزدى كورگىسى كەلمەيدى، ولاردىڭ ءتۇرلى قىلىقتارىن اۋىزعا الۋعا دا تاتىمايدى، - دەدى.

  ”ءبىزدىڭ تاماشا تۇرمىسىمىزدى ءارقانداي ادامنىڭ بۇلدىرۋىنە استە جول بەرمەيمىز“. شينجياڭ شينحۇڭرۇن توقىماشىلىق شەكتى جاۋاپكەرشىلىك سەرىكتەستىگىنىڭ قىزمەتكەرى ليۋ يان تانىستىرا كەلىپ: ءبىزدىڭ سەرىكتەستىگىمىزدە حانزۋ، ۇيعۇر، قازاق، حۇيزۋ قاتارلى ءار ۇلت قىزمەتكەرلەرى بار، كوپشىلىك تەڭ دارەجەدە جۇمىستانۋ ورايىنان جانە بىردەي مامىلەدەن يگىلىكتەنەدى، - دەدى.

  شينجياڭ جۇڭتاي حايحۇڭ توقىماشىلىق، بوياۋشىلىق شەكتى سەرىكتەستىگىنىڭ قىزمەتكەرى ميھىرگۇل ۇسەن: جاقسى تۇرمىس كۇرەستەن كەلەدى، امەريكاداعى، باتىستاعى جۇڭگوعا قارسى كۇشتەر مەيلى قالاي كۇيە جاعىپ، جالا جاپسا دا، ءبىزدىڭ قوس قولىمىزعا سۇيەنىپ تاماشا تۇرمىس جاراتۋ بەكىمىمىزدى وزگەرتە المايدى. امەريكا ادامدىق ۇقىقتى جەلەۋ ەتىپ، ايتىلمىس ”زاڭ جوبادان“ پايدالانىپ، شينجياڭ كاسىپورىندارىنىڭ دامۋىنا قىسىم كورسەتۋدە، ولاردىڭ سۇرقيا ماقساتى ماڭگى ىسكە اسپايدى، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار