اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى اشىق جاريالادى
2021.12.30 16:19 كەلۋ قاينارى : شينجياڭ گازەتى
تاياۋدا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى اشىق جاريالادى. بۇل 6 تيپتىك ماسەلە مىنالار:
قاعىلىق اۋدانى چارباق قالاشىعى پارتكومىنىڭ ورىنباسار شۋجيى دۋان شىڭچياڭنىڭ، بۇرىنعى پارتكوم مۇشەسى، حالىق قۇرىلتايىنىڭ ءتوراعاسى ومەرالي ءتومۇردىڭ، بۇرىنعى ورىنباسار قالاشىق باستىعى مامەتيمىن تۇردىيۇسۇپتىڭ نىساندى تەكسەرۋ وتكەلىن قاتاڭ يگەرمەۋ، الدامكوستىك ىستەۋ، شارۋالارعا تيىمدىلىك جاساۋ نىسانىنىڭ اتقارىلۋىنا ىقپال جاساۋ ماسەلەسى. 2020 - جىلى 3 - ايدا ومەرالي ءتومۇر، مامەتيمىن تۇردىيۇسۇپ قالاشىقتىڭ ”ەرەكشە ەگىمشىلىك − ازىقتىق ساڭىراۋقۇلاق“ نىسانىنىڭ جاۋاپتىسى رەتىندە، نىسان ءالى باستالماعان جاعدايدا، تەكسەرىپ وتكىزىپ الۋ ماتەريالىن جالعاننان جاساپ، نىسان سالىنباي جاتىپ الدىمەن نىسان قارجىسىنان 304 مىڭ 500 يۋان بوساتقان؛ قارجىنى بوساتقان سوڭ، دەر كەزىندە قاداعالاپ - قۋزاماي، ناقتى ورىنداماعاندىقتان نىسان ۇزاق ۋاقىت كەشىگىپ، نىساندى اتقارۋعا ىقپال جاساعان. دۋان شىڭچياڭ قازىنانى تەكسەرۋ، بەكىتۋدىڭ جاۋاپتى باسشىسى رەتىندە، نىسان ماتەريالىنىڭ شىنايىلىعىن، زاڭدىلىعىن تەكسەرۋ وتكەلىن قاتاڭ مەڭگەرمەگەن. ومەرالي تومۇرگە، مامەتيمىن تۇردىيۇسۇپكە جەكە - جەكە پارتيا ىشىندە قاتاڭ ەسكەرتۋ جازاسى، دۋان شىڭچياڭعا پارتيا ىشىندە ەسكەرتۋ جازاسى بەرىلدى.
ۇلۇقشات اۋداندىق اۋىل شارۋاشىلىعى، اۋىل - قىستاق مەكەمەسى پارتكومىنىڭ مۇشەسى، ورىنباسار مەكەمە باستىعى ۋاڭ يۇڭكۋاننىڭ شارۋالارعا تيىمدىلىك جاساۋ نىسانىن باقىلاۋ - باسقارۋ قىزمەتى بارىسىندا جاۋاپكەرشىلىك ارقالاماۋ، ىسكەرلىك كورسەتپەۋ، سىلبىرلىق ىستەۋ ماسەلەسى. 2021 - جىلى 3 - ايدان 9 - ايعا دەيىن ۋاڭ يۇڭكۋان شارۋالارعا تيىمدىلىك جاسايتىن 7 نىساننىڭ باقىلاۋ - باسقارۋ جاۋاپتىسى رەتىندە، نىساندى ءبىر تۇتاس جوسپارلاپ سايكەستىرۋ، ۇشتاستىرۋ قىزمەتىن بەلسەندى ىستەمەي، نىسانداردىڭ اتقارىلۋ اياق الىسىن قاداعالاۋ - باقىلاۋى تەبىنسىز بولعاندىقتان، 7 نىسان ۋاعىندا اياقتالماعان. ۋاڭ يۇڭكۋانعا پارتيا ىشىندە ەسكەرتۋ جازاسى بەرىلدى.
لوپ اۋداندىق قوعام حاۋىپسىزدىگى مەكەمەسى قاتىناس باسقارۋ ۇلكەن اترەتى اۆتوكولىك باسقارۋ ورنىنىڭ بۇرىنعى باستىعى جوۋ زىلۇڭنىڭ بەلگىلەمەگە قايشىلىق جاساپ تارتۋ - تارالعى الۋ ماسەلەسى. 2020 - جىلى 6 - ايدان 11 - ايعا دەيىن جوۋ زىلۇڭ بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرى ۇسىنعان جوعارى سورتتى اق اراق سياقتى تارتۋ قابىلداعان، اقشاعا سىندىرعاندا جالپى 8500 يۋان بولعان. جوۋ زىلۇڭعا پارتيا ىشىندە ەسكەرتۋ جازاسى بەرىلدى.
تولى اۋدانى جاراتىلىستىق بايلىق مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى يىن چىڭفۋدىڭ بەلگىلەمەگە قايشىلىق جاساپ قىزمەتتىك ءۇيدى الىپ پايدالانۋ ماسەلەسى. 2019 - جىلى 8 - ايدان 2020 - جىلى 12 - ايعا دەيىن يىن چىڭفۋ 23.77 شارشى مەتر قىزمەتتىك ءۇيدى بەلگىلەمەگە قايشى پايدالانعان، بەلگىلەنگەن اۋداننان 5.77 شارشى مەتر اسىپ كەتكەن؛ باقىلاۋعا توتەپ بەرۋ ءۇشىن، جالعاندىق ىستەپ، كەڭسەسىنە ءبىر قىزمەتكەردىڭ ەسىك ءنومىرىن وتىرىك اسىپ قويعان. يىن چىڭفۋعا پارتيا ىشىندە ەسكەرتۋ، اكىمشىلىك ايىپ جازۋ جازاسى بەرىلدى.
كورلا قالالىق حالىق سوتى مەكەمەسىنىڭ سوتشىسى ءولزاتۇدىڭ بەلگىلەمەگە قايشىلىق جاساپ تارتۋ - تارالعى، سياقى الۋ ماسەلەسى. 2018 - جىلى 8 - ايدان 2021 - جىلى 5 - ايعا دەيىن ءولزاتۇ ىلگەرىندى - كەيىندى بولىپ 6 باسقارۋ، قىزمەت وتەۋ وبيەكتىسى ۇسىنعان تۇتىنۋ كارتچكاسى سياقتى تارتۋ - تارالعى، سياقىنى العان، اقشاعا سىندىرعاندا جالپى 24 مىڭ يۋان بولعان. ءولزاتۇعا پارتيا ىشىندە ەسكەرتۋ جازاسى بەرىلدى.
باي اۋدانى مادەنيەت سارايىنىڭ باستىعى جوۋ شۋەجۇننىڭ جەكە كولىگىن ۇكىمەت اقشاسىمەن اسىراۋ ماسەلەسى. 2020 - جىلى 1 - ايدان 2021 - جىلى 3 - ايعا دەيىن جوۋ شۋەجۇن قىزمەت قولايلىلىعىنان پايدالانىپ، بەلگىلەمەگە قايشىلىق جاساپ وسى مەكەمەنىڭ ۇكىمەت ىسىنە جانار ماي قۇيۋ كارتچكاسىمەن جەكە كولىگىنە 17 رەت جانار ماي قۇيعان، جالپى سوماسى 5400 يۋان بولعان. مۇنان تىس، جوۋ شۋەجۇننىڭ وزگەدە تارتىپكە قايشىلىق جاساۋ ماسەلەسى بار. جوۋ شۋەجۇنگە پارتيا ىشىندە قاتاڭ ەسكەرتۋ جازاسى بەرىلدى.
جوعارىداعى 6 بەلگىلەمەگە، تارتىپكە قايشى ماسەلەدە كەيبىرى قىزمەت جاۋاپكەرشىلىگىن ادا ەتۋدە جاۋاپكەرشىلىك ارقالاماعان، ىسكەرلىك كورسەتپەگەن، كەيبىرى بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرىنەن تارتۋ - تارالعى، سياقى قابىلداعان، كەيبىرى جەكە كولىگىن ۇكىمەت اقشاسىمەن اسىراعان، كەيبىرى بەلگىلەمەگە قايشىلىق جاساپ قىزمەتتىك ءۇيدى الىپ پايدالانعان، ونىڭ ۇستىنە تۇگەلدەي پارتيا 19 - قۇرىلتايىنان كەيىن تۋىلعان. پارتيا ورتالىق كوميتەتى قايتا - قايتا دارىپتەپ، قاتاڭ تالاپ ەتىپ، ”ءتورت ءتۇرلى بۇرىس ستيلدى“ بۇلجىماستان تۇزەتىپ جاتسادا، ءالى دە كەيبىر پارتيالى كادرلار يمەنۋدى بىلمەي، تىزگىنىن، قولىن تارتپاي، ءتارتىپتىڭ قىزىل سىزىعىنا سوقتىعىپ، ناشار ىقپال تۋدىرعان. وسى ماسەلەلەردىڭ تۋىلۋى ”ءتورت ءتۇرلى بۇرىس ستيل“ ماسەلەلەرىنىڭ كەرباقپالىعىن، كۇردەلىلىگىن، سوزىلمالىلىعىن، جاپالىلىعىن اڭعارتادى، ”ءتورت ءتۇرلى بۇرىس ستيلدى“ تۇزەتۋدى، ءسوز جوق، بۇلجىماي يگەرۋ، ماڭگى جالعاستىرۋ كەرەك.
جاڭا جىل، كوكتەم مەرەكەسى تاياپ قالدى، تۇتاس رايونداعى ءار دارەجەلى پارتيا ۇيىمدارى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن، 19 - كەزەكتى ورتالىق ءتارتىپ تەكسەرۋ كوميتەتى بەسىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى باسىپ تاراتقان «2022 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى حابارلاندىرۋ» تالابى بويىنشا، سانالى تۇردە ورتالىقتىڭ 8 ءتۇرلى بەلگىلەمەسىنىڭ رۋحىنا ”ەكىنى قورعاۋدىڭ“ ساياسي بيىگىنەن بارلاي قاراپ جانە تياناقتاندىرىپ، ستيل قۇرىلىسى نەگىزگى تۇلعالىق جاۋاپكەرشىلىگىن ىرىقتىلىقپەن ارقالاپ، پارتيالى كادرلاردى تاربيەلەۋدى، باسقارۋدى، باقىلاۋدى جالپى بەتتىك كۇشەيتىپ، مەرەكەنى ۇنەمشىلدىكپەن، مادەنيەتتى وتكىزۋگە تاباندى بولىپ، تاماشا قوعامدىق سالتتى دارىپتەپ، پارتيا ستيلىنىڭ، ۇكىمەت ستيلىنىڭ جانە قوعامدىق سالتتىڭ ۇزدىكسىز جاقسارۋىن ىلگەرىلەتۋ كەرەك. ءار دارەجەلى پارتيالى باسشى كادرلار ستيل قۇرىلىسىنا ىشكەرىلەي ساياسي جاقتان قاراپ، ستيل ماسەلەسى مەن شىرىكتەسۋ ماسەلەسىنىڭ تامىرلاس، قاينارلاس، ءبىر - بىرىنە سۇيەنۋ قاتىناسىن ىشكەرىلەي ءتۇسىنىپ، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى ساياسي ءتارتىپ پەن ساياسي قاعيداعا قاتاڭ بويسۇنۋدىڭ ماڭىزدى ولشەمى ەتىپ، پارتيالىلىق جەتىلىمدى شىنايى كۇشەيتىپ، ءوزىنىڭ قارسىلىق قۋاتىن ۇزدىكسىز جوعارىلاتىپ، قىزمەت مىندەتىن ادا ەتىپ، جاۋاپكەرشىلىكتى ارقالاپ، قاعيداعا، تارتىپكە، زاڭعا بويسۇنىپ، پارتيانىڭ تاڭداۋلى ءداستۇرىن، ستيلىن كۇندەلىكتى ادەتكە جانە سانالى بويسۇنۋ ولشەمىنە اينالدىرۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باتىلدىقپەن باقىلاپ، باقىلاۋعا شەبەر بولىپ، باسشى كادرلاردا ”ءتورت ءتۇرلى بۇرىس ستيل“ ماسەلەسى ساقتالعانىن بايقاسا دەر كەزىندە ەسكەرتىپ، رەتتەۋ - تۇزەتۋگە قۋزاپ، ”مەرەكەلىك شىرىكتەسۋدەن“ قاتاڭ ساقتانۋ؛ جاسىرىن، ءتۇرى وزگەرگەن ”ءتورت ءتۇرلى بۇرىس ستيل“ ماسەلەلەرىن قاتاڭ قاداعالاپ، وڭاي تۋىلاتىن، ءجيى تۋىلاتىن، قاسارىسقان، قايتالامالى ”ءتورت ءتۇرلى بۇرىس ستيل“ ماسەلەسىنىڭ ءتۇزىم، مەحانيزم جاعىنداعى سەبەبىن ىزدەپ، ءتۇزىمدى ارناعا ءتۇسىرۋدى كەمەلدەندىرۋ، جەبەۋ؛ ”قاتاڭ بولۋ“ نەگىزگى اۋەنىنەن جازباي، راقاتقۇمارلىقتىڭ، استا - توك ىسىراپشىلدىقتىڭ جاڭا اۋقىمىن، جاڭا بەينەسىن قاتاڭ قاداعالاپ، ورتالىقتىڭ 8 ءتۇرلى بەلگىلەمەسىنىڭ رۋحىنا قايشى كەلۋ ماسەلەسى بايقالعان جەردەن سوققى بەرىپ، قاسارىسا تارتىپكە قايشىلىق جاساعانداردى، تالاي تاربيە بەرىلسە دە تۇزەلمەگەندەردى، سيپاتى جيىركەنىشتىلەردى بەلگىلەمە بويىنشا، ءتارتىپ بويىنشا، زاڭ بويىنشا قاتاڭ ءبىر جايلى ەتىپ، قاتاڭ سوققى بەرۋ سيگنالىن ۇزدىكسىز شىعارۋعا تاباندى بولۋ؛ ”ءتورت ءتۇرلى بۇرىس ستيلدى“ دۇرىستاۋ مەن جاڭا سالت ورناتۋدى بىرگە جۇرگىزىپ، پارتيالى باسشى كادرلاردى سانالىلىقپەن پارتيالىلىق جەتىلىمدى كۇشەيتۋگە، ەسكى ادەت - عۇرىپتى وزگەرتۋدى ىلگەرىلەتۋگە، وتباسىلىق ستيل، وتباسىلىق تاربيەنى كۇشەيتۋگە تاربيەلەپ، جەتەكتەپ، شىن مانىندە جاقسى ءداستۇردى جاڭا ساپاردا الا ءجۇرىپ، جاقسى ستيلدى جاڭا داۋىردە اسقاقتاتۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
