لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2021.12.30 19:27 كەلۋ قاينارى : حالىق تورابى
2022 - جىلعى كوكتەم مەرەكەسى تاسىمالىندا ىندەتتەن ساقتانۋ - تىزگىندەۋ قىزمەتىن ويداعىداي ىستەۋ جونىندە ورنالاستىرۋ جاسادى؛ ءبىر ءبولىم جەكەلەر تابىس سالىعىنان جەڭىلدىك بەرۋ ساياساتىن جالعاستى اتقارۋدى ۇيعاردى؛ اۋىل - قىستاق وقىتۋشىلار قوسىنى قۇرىلىسىن كۇشەيتۋ جانە قالاعا كىرىپ جۇمىس ىستەۋشىلەردىڭ بىرگە جۇرگەن بالالارىنىڭ وقۋعا ءتۇسۋىن قامتاماسىزداندىرۋ شارالارىن بەلگىلەدى
شينحۋا اگەنتتىگى، 12 - ايدىڭ 29 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 29 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، 2022 - جىلعى كوكتەم مەرەكەسى تاسىمالىندا ىندەتتەن ساقتانۋ - تىزگىندەۋ قىزمەتىن ويداعىداي ىستەۋ جونىندە ورنالاستىرۋ جاسادى؛ ءبىر ءبولىم جەكەلەر تابىس سالىعىنان جەڭىلدىك بەرۋ ساياساتىن جالعاستى اتقارۋدى ۇيعاردى؛ اۋىل - قىستاق وقىتۋشىلار قوسىنى قۇرىلىسىن كۇشەيتۋ جانە قالاعا كىرىپ جۇمىس ىستەۋشىلەردىڭ بىرگە جۇرگەن بالالارىنىڭ وقۋعا ءتۇسۋىن قامتاماسىزداندىرۋ شارالارىن بەلگىلەدى.
ءماجىلىس بىلاي دەپ اتاپ كورسەتتى: قازىر بۇكىل دۇنيە جۇزىندەگى ىندەت جاعدايى ءالى دە اۋىر، كۇردەلى، ەلىمىزدىڭ ءىشىنارا رايوندارىندا ىندەت كۇرت تۋىلۋدا. 2022 – جىلعى كوكتەم مەرەكەسى تاسىمالى 1 - ايدىڭ ورتا شەنىنەن باستالىپ، 2 - ايدىڭ اياق شەنىندە اياقتالادى، پارتيا ورتالىق كوميتەتىنىڭ، مەملەكەتتىك كەڭەستىڭ تالابىنا ساي، عىلمي، دالمە – ءدال ساقتانۋ – تىزگىندەۋدى كۇشەيتىپ، كوكتەم مەرەكەسى كەزىندە ادامداردىڭ قاۋىرت جولاۋشىلار جاعدايىنا قاراتا كوكتەم مەرەكەسى تاسىمالىندا ىندەتتەن ساقتانۋ – تىزگىندەۋدى كەمەلدەندىرۋ جانە ناقتى يگەرۋ كەرەك. ءبىرىنشى، جەرگىلىكتى ورىنداردىڭ تۇلعالىق جاۋاپكەرلىگىن تياناقتاندىرىپ، ىندەتتىڭ حاۋىپ - قاتەرى جاعدايىنا قاراي عىلمي، ءتارتىپتى ءجۇرىس - تۇرىسقا جەتەكشىلىك ەتىپ، ءبارىن ءبىر شىبىقپەن ايداۋدان ساقتانۋ كەرەك. كاسىپورىنداردى، جوعارى مەكتەپتەردى ۋاقىت مەزەتىنە ءبولىپ دەمالىس بەرۋگە جانە جۇمىس ورنىنا، مەكتەپكە ورالتۋعا باستاپ، تۇيىندەر ارا تاسىمالداۋدى دەر كەزىندە ۇيىمداستىرۋ كەرەك. ساياحات كورىنىس رايوندارىندا شەكتى مولشەردە ۋادەلەسىپ بارۋ، ۋاقىت مەزەتىنە ءبولىپ قابىلداۋ شاراسىن اتقارۋ كەرەك. ەكىنشى، پويەز كۇتۋ سياقتى ورىنداردى دەزينفەكسيالاۋدى كۇشەيتىپ، دەنە تەمپەراتۋراسىن تەكسەرۋ، ماسكى تاعۋ سياقتى تالاپتاردى قاتاڭ تياناقتاندىرىپ، جەلىدە بەلەت ساتۋ، حاۋىپسىزدىك تەكسەرۋ جولدارىن كوبەيتۋ سياقتى تاسىلدەر ارقىلى ادامداردىڭ توپتالۋىنان ساقتانۋ كەرەك. اۋىل - قىستاق رايوندارىنداعى قاتىناس - تاسىمالدا ىندەتتەن ساقتانۋ - تىزگىندەۋ كۇشەيتۋ كەرەك. ءۇشىنشى، كوكتەم مەرەكەسى تاسىمالى كەزىندە ءتۇيىندى زات تاسىمالىن قامتاماسىز ەتۋدى كۇشەيتىپ، حالىق تۇرمىسىنا قاجەتتى زاتتارمەن قامداۋدى قامتاماسىزداندىرىپ، ناشار اۋا رايىنا توتەپ بەرۋ سياقتى جوبالاردى كەمەلدەندىرۋ كەرەك. ءتورتىنشى، كوكتەم مەرەكەسى تاسىمالىنىڭ حاۋىپسىزدىگىنە شىنايى كەپىلدىك ەتىپ، حاۋىپسىزدىك شىرعالاڭىنىڭ تۋىلۋىنان قاتاڭ ساقتانۋ كەرەك.
جەكەلەر تابىس سالىعىن تاپسىرۋشىلاردىڭ اۋىرتپالىعىن ءۇرتىس جەڭىلدەتىپ، ورتا، تومەن كىرىستى قاۋىمنىڭ قىسىمىن باسەيتۋ ءۇشىن، ءماجىلىس مىنانى ۇيعاردى: ءبىرىنشى، تۇتاس جىلدا ءبىر رەت بەرىلەتىن سيلىق اقشانى سول ايداعى ەڭبەكاقى تابىسىنا قوسپاۋ، اي سايىن اۋىستىرىپ ەسەپتەلگەن سالىق مولشەرىن جەكە ەسەپتەۋ ساياساتىن اتقارىپ، 2023 - جىلدىڭ سوڭىنا دەيىن جالعاستىرۋ كەرەك. ەكىنشى، جىلدىق كىرىسى 120 مىڭ يۋاننان اسپاسا، ونىڭ ۇستىنە سالىقتى تولىقتاپ تاپسىرۋ سوماسى نەمەسە جىلدىق جيناقتاما سالىق سوماسى 400 يۋاننان اسپاسا، قوسىمشا سالىق كەشىرىم ەتىلەدى، ساياسات 2023 - جىلدىڭ سوڭىنا دەيىن جالعاسادى. ءۇشىنشى، بازارعا شىعارىلعان سەرىكتەستىكتەردىڭ جارنا ۇقىعىن جەكەلەي سالىق ەسەپتەۋگە شابىتتاندىرۋ ساياساتى 2022 – جىلدىڭ سوڭىنا دەيىن جالعاسادى. جوعارىداعى 3 ءتۇرلى ساياساتتان ءبىر جىلدا 110 ميلليارد يۋان سالىق كەمەيتىلەدى دەپ مەجەلەنۋدە.
قوعامدىق ادىلدىكتى جەبەۋدە ەڭ ماڭىزدىسى وقۋ - اعارتۋدىڭ ادىلدىگىن قامتاماسىزداندىرۋ كەرەك. ءتىپتى دە كوپ تاڭداۋلى دارىندىلاردى اۋىل - قىستاقتا وقىتۋشى بولۋعا باۋراپ، وقۋ - اعارتۋ ساپاسىن جوعارىلاتۋ ءۇشىن، ءماجىلىس مىنالاردى ۇيعاردى: ءبىرىنشى، اۋىل - قىستاق وقىتۋشىلارىنىڭ مامىلەسىن قامتاماسىز ەتۋدى كۇشەيتۋ كەرەك. مىندەتتى وقۋ - اعارتۋ ساتىسىنداعى وقىتۋشىلاردىڭ ورتاشا ەڭبەكاقى كىرىسى جەرگىلىكتى ۇكىمەت قىزمەتكەرلەرىنەن تومەن بولماۋ بەلگىلەمەسىن قاتاڭ تياناقتاندىرۋ كەرەك. وقىتۋ ستاجىنا بەرىلەتىن قوسىمشا قاراجات ولشەمىن جوعارىلاتىپ، ونىمدىلىك ەڭبەكاقىسىن تەكسەرىپ بەكىتۋدە اۋىل - قىستاقتاعى شاعىن مەكتەپتەر، جاپالى، شەت - شالعاي وڭىرلەردەگى مەكتەپتەر سياقتىلارعا بەيىمدەلۋ كەرەك. ەكىنشى، ورتالىقتىڭ مەجە ەسەبىنەن قارجى قوسۋدى ورنالاستىرىپ، جاپالى، شەت - شالعاي وڭىرلەردەگى اۋىل - قىستاق وقىتۋشىلارىنىڭ جاتاق شارت - جاعدايىن جاقسارتۋعا قولداۋ كورسەتىپ، جەرگىلىكتى ورىنداردىڭ اۋىل - قىستاق وقىتۋشىلارىن ورنىقتى تۇرعىن ۇيمەن قامداۋىن ىلگەرىلەتۋ كەرەك. ءۇشىنشى، اۋىل - قىستاق وقىتۋشىلارىن تاربيەلەۋدى كۇشەيتىپ، تاربيەلەۋ مەن وقۋ تاريحى تاربيەسىنىڭ ۇشتاسۋىن جەبەپ، اۋىل - قىستاق وقىتۋشىلارىنىڭ وقۋ تاريحىن جوعارىلاتۋىنىڭ قولايلى بولۋىنا قولداۋ كورسەتۋ كەرەك. «تاڭداۋلى وقىتۋشىلار جوسپارىن» ۇزدىكسىز اتقارىپ، ءار جىلى كەدەيلىكتەن ارىلعان اۋداندار مەن ورتا، باتىس بولەكتەگى قۇرلىقتىق شەكارا اۋداندارعا 10 مىڭ تولىق كۋرس پەداگوگيكا وقۋشىسىن باعىتتامالى تاربيەلەپ بەرۋ كەرەك. اۋىل - قىستاق وقىتۋشىلارىنىڭ كاسىپتىك اتاعىن باعالاۋ ماعلۇمات تالابىن جەڭىلدەتىپ، وقىتۋداعى ناقتى ناتيجەسىنە ءمان بەرۋ سالماعىن جوعارىلاتۋ كەرەك. ءتورتىنشى، تاڭداۋلى وقىتۋشىلاردى اۋىل - قىستاق مەكتەپتەرىندە كەزەكپەن مىندەت وتەۋگە جەتەكتەۋ كەرەك. وقىتۋشىلاردى قۇرمەتتەپ، وقۋ - اعارتۋعا ءمان بەرەتىن قوعامدىق اۋقىم قالىپتاستىرۋ كەرەك. بەسىنشى، قالاعا كىرىپ جۇمىس ىستەيتىندەردىڭ بىرگە جۇرگەن پەرزەنتتەرىنىڭ مىندەتتى وقۋ – اعارتۋدان تەڭ يگىلىكتەنۋىن شىنايى قامتاماسىزداندىرىپ، بارعان جەردەگى ۇكىمەتتى نەگىز ەتۋدە، ۇكىمەت باسقارۋىنداعى مەكتەپتەردى نەگىز ەتۋدە تاباندى بولىپ، جەرگىلىكتى ورىننىڭ وقۋ – اعارتۋدى دامىتۋ جوسپارىنا جانە قازىنالىق قامتاماسىزداندىرۋىنا ەنگىزۋ كەرەك. سىرتتاي وقۋ اقىسىن الۋعا، كومەك قاراجات الۋعا قاتاڭ تيىم سالۋ كەرەك. شارت – جاعداي جاراتىپ، اتا – انالارىمەن بىرگە جۇرگەن پەرزەنتتەرىنىڭ بارعان جەرىندە ورتا مەكتەپ ەمتيحانىنا قاتىناسۋىنا ءتىپتى دە كوپ وراي جاراتۋ كەرەك. جوعارى مەكتەپتەرگە وقۋشى قابىلداۋدا ورتا، باتىس بولەكتەرگە جانە اۋىل - قىستاق رايوندارىنا بەيىمدەلۋ تەبىنىن ۇزدىكسىز ارتتىرۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
