بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حان جىڭ سينگاپور زۇڭليىنىڭ ورىنباسارى ۋاڭ رۇيجيەمەن بەينە ەكران ارقىلى ديدارلاستى ءارى جۇڭگو مەن سينگاپوردىڭ ەكى جاقتى سەلبەستىك مەحانيزمى ءماجىلىسىن بىرگە باسقاردى

2021.12.30 19:29     كەلۋ قاينارى : حالىق تورابى

  شينحۋا اگەنتتىگى، 12 - ايدىڭ 29 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 12 - ايدىڭ 29 - كۇنى بەيجيڭدە سينگاپور زۇڭليىنىڭ ورىنباسارى ۋاڭ رۇيجيەمەن بەينە ەكران ارقىلى ديدارلاستى ءارى جۇڭگو - سينگاپور ەكى جاقتى سەلبەستىك بىرلەسكەن كوميتەتىنىڭ 17 - رەتكى ءماجىلىسىن، سۋجوۋ ونەركاسىپ باقشا رايونى بىرلەسكەن سايكەستىرۋ القالار كەڭەسىنىڭ 22 - رەتكى ءماجىلىسىن، تيانجين ەكولوگيالىق قالا بىرلەسكەن سايكەستىرۋ القالار كەڭەسىنىڭ 13 - رەتكى ءماجىلىسىن، جۇڭگو - سينگاپور (چۇڭچيڭ) ستراتەگيالىق ءوزارا بايلانىس جاساۋدان ۇلگى كورسەتۋ نىساندارىن بىرلەسىپ سايكەستىرۋدەن ۇلگى كورسەتۋ القالار كەڭەسىنىڭ 5 - رەتكى ءماجىلىسىن بىرگە باسقاردى.

  ديدارلاسۋدا حان جىڭ مىنانى ءبىلدىردى: جۇڭگو مەن سينگاپور جاقىن كورشى جانە سەرىك رەتىندە ساياسي جاقتا ءوزارا ءتۇسىنىسىپ، ءوزارا سەنىم ارتىپ، جوعارى جىكتەگىلەردىڭ بارىس - كەلىسى جيىلەي ءتۇستى. ءتوراعا شي جينپيڭ تاياۋدا لي شيانلۇڭ زۇڭليمەن تەلەفوندا سويلەسىپ، جۇڭگو - سينگاپور قاتىناسىنىڭ دامۋىنا ستراتەگيالىق تۇرعىدان تىڭنان جەتەكشىلىك ەتتى. جۇڭگو سينگاپوردىڭ جۇڭگونىڭ جاڭا دامۋ جاعدايىن قالىپتاستىرۋ اياق الىسىنا ىشكەرىلەي ات سالىسۋىن قارسى الادى، سينگاپورمەن قول ۇستاسا بىرگە ىلگەرىلەپ، «ءبىر بەلدەۋ، ءبىر جولدى» ساپالى بىرگە قۇرۋ سەلبەستىگىن ىشكەرىلەي ورىستەتىپ، كوپ جاقتىلىقتى جانە ەركىن ساۋدانى بىرگە قورعاپ، جاڭا تيپتى ايدارشا ۆيرۋس ۆاكسيناسى جانە ءدارى - دارمەكتى زەرتتەۋ - اشۋ، ءوندىرۋ سياقتى ىندەتكە قارسى اتتانۋ سەلبەستىگىن كۇشەيتىپ، سيفرلى ەكونوميكا، جاسىل دامۋ سياقتى سالالارداعى سەلبەستىكتى بەلسەنە كەڭەيتىپ، ەكى ەل سەلبەستىگىنىڭ ساپاسى مەن دەڭگەيىن ۇزدىكسىز جوعارىلاتۋدى ىلگەرىلەتۋدى قالايدى.

  ۋاڭ رۇيجيە مىنانى ءبىلدىردى: جۇڭگونىڭ جاڭا دامۋ كەزەڭىنە ءوتۋى سينگاپور مەن جۇڭگونىڭ سەلبەستىگىنە وراسان زور وراي اكەلدى. سينگاپور جۇڭگومەن جوعارى جىكتەگىلەردىڭ بارىس - كەلىسىن جيىلەتىپ، ەكى جاقتى سەلبەستىك مەحانيزمىنىڭ رولىن ويداعىداي ساۋلەلەندىرىپ، ءار سالاداعى سەلبەستىكتى تەرەڭدەتىپ، ەركىن ساۋدانى ىلگەرىلەتىپ، ادامداردىڭ بارىس - كەلىسىن كۇشەيتىپ، ەكى ەل مەن وڭىردەگى حالىققا اناعۇرلىم كوركەم بولاشاق جاراتۋدى قالايدى. بەيجيڭ قىسقى وليمپيادا سپورت جارىسىنىڭ تابىستى بولۋىن تىلەيمىن.

  وسىدان كەيىن حان جىڭ مەن ۋاڭ رۇيجيە 4 ەكى جاقتى سەلبەستىك مەحانيزمى ءماجىلىسىن بىرگە باسقاردى. ەكى جاق ەكى ەلدىڭ جوعارى جىكتەگىلەرىنىڭ ورتاق تانىمىنىڭ تياناقتانۋ جاعدايى مەن ناقتى سەلبەستىگىنىڭ اياق الىسىن جاپپاي رەتتەپ، كەلەسى ساتىداعى سەلبەستىك بەتالىسى مەن ءتۇيىنىن بىرگە جوسپارلادى. ەكى جاق جاڭا دامۋ جاعدايىن قالىپتاستىرۋدى جەتەكشى ەتىپ، ءتۇيىندى سەلبەستىك نىساندارىنىڭ ساپالى دامۋىن ىلگەرىلەتۋگە؛ جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسىن جاپپاي ستراتەگيالىق سەرىكتەستىك قاتىناس دەڭگەيىنە كوتەرۋدى وراي ەتىپ، ءوزارا پايدا جەتكىزىپ، تەڭ يگىلىككە كەنەلەتىن سەلبەستىكتىڭ جاڭا ۇلگىسىن قالىپتاستىرۋعا؛ ەكى ەلدىڭ ىندەتكە قارسى اتتانۋ جانە دامۋ سەلبەستىگىن كەڭەيتۋدى سۇيەنىش ەتىپ، دۇنيە ءجۇزىنىڭ ىندەتكە قارسى اتتانۋى مەن باياندى دامۋىنا تىڭ ۇلەس قوسۋعا ءبىر اۋىزدان ماقۇل بولدى.

  ديدارلاسۋدان كەيىن، حان جىڭ مەن ۋاڭ رۇيجيە «قۇرلىق - تەڭىز جاڭا ارناسى» سەلبەستىك جوباسى سياقتى ءبىرسىپىرا تابىسقا قول جەتكىزىلگەنىن جاريالادى ءارى جۇڭگودان سينگاپورعا اپارىلعان مىسىق ايۋدىڭ جاڭا تۋىلعان قونجىعىنا ات قويۋ سالتىنا قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار