ورتالىق اسكەري ىستەر كوميتەتى ۇقتىرۋ شىعارىپ
ارميادا پارتيانىڭ 20 – قۇرىلتايىنا قاتىناساتىن ۋاكىلدەردى سايلاۋ قىزمەتىن ورنالاستىردى
2021.12.30 19:31 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 29 – كۇنى، بەيجيڭ. ورتالىق اسكەري ىستەر كوميتەتى تاياۋدا «ارميادا پارتيانىڭ 20 – قۇرىلتايىنا قاتىناساتىن ۋاكىلدەردى سايلاۋ قىزمەتى جونىندەگى ۇقتىرۋدى» باسىپ تاراتىپ، ارميادا پارتيانىڭ 20 – قۇرىلتايىنا قاتىناساتىن ۋاكىلدەردى سايلاۋ قىزمەتىنە ورنالاستىرۋ جاسادى.
پارتيانىڭ 20 - قۇرىلتايى − پارتيامىز جاپپاي سوتسياليستىك وسىزاماندانعان مەملەكەت قۇرۋعا قادام تاستاعان، ەكىنشى 100 جىلدىق كۇرەس نىساناسىنا تىڭ جورىق جاساعان ماڭىزدى ساتتە اشىلعان اسا ماڭىزدى قۇرىلتاي، پارتيا مەن مەملەكەتتىڭ ساياسي ومىرىندەگى ءىرى ءىس. پارتيانىڭ 20 - قۇرىلتايىنا ۋاكىل سايلاۋ قىزمەتىن مۇقيات جاقسى ىستەۋ − قۇرىلتايدى ويداعىداي اشۋدىڭ ماڭىزدى نەگىزى. پارتيا ورتالىق كوميتەتىنىڭ قاتىستى رۋحىنا ساي، ورتالىق اسكەري ىستەر كوميتەتىنىڭ «ۇقتىرۋىندا» ارميادان پارتيانىڭ 20 - قۇرىلتايىنا قاتىناساتىن ۋاكىلدەردىڭ شارتى، قۇرامى، سايلانۋ ءتارتىبى، سان ءبولىسى جانە سايلاۋ قىزمەتىنە ۇيىمدىق باسشىلىق ەتۋ جونىندە ايقىن تالاپتار قويىلدى. «ۇقتىرۋدا» مىنالار دارىپتەلدى: ارميادان پارتيانىڭ 20 - قۇرىلتايىنا قاتىناساتىن ۋاكىلدەر، ءسوز جوق، پارتيا ورتالىق كوميتەتى بەلگىلەگەن شارتتارعا ۇيلەسۋى، اسىرەسە، ساياسي ولشەم مەن سوعىس جۇرگىزۋ قابىلەتىن كورنەكتىلەندىرۋ كەرەك، ءسوز جوق، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، پارتيانىڭ ارمياعا مۇلدەمدىك باسشىلىق ەتۋىندەگى ءبىرقىدىرۋ ءتۇبىرلى پرينسيپ پەن ءتۇزىمدى باتىل دايەكتىلەندىرىپ، اتقارىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن باتىل دايەكتىلەندىرىپ، پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا باتىل بويسۇنىپ، مۇلدەم ادال، مۇلدەم پاك، مۇلدەم سەنىمدى بولىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋدا، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋداعى اتويشىلىق، ۇلگىلىك رولدى تولىق ساۋلەلەندىرۋ كەرەك.
«ۇقتىرۋدا» بىلاي دەپ اتاپ كورسەتىلدى: ارميادان پارتيانىڭ 20 – قۇرىلتايىنا قاتىناساتىن ۋاكىلدەردى ازاتتىق ارميا مەن قارۋلى ساقشى بولىمدەرىندەگى 25 سايلاۋ ورنى سايلايدى، پارتيانىڭ سيپاتى مەن نەگىزگى ماقساتىندا تاباندى بولىپ، العاباسارلىقتى ايگىلەۋمەن بىرگە، كەڭ كولەمدى ۋاكىلدىك سيپاتقا يە بولۋ كەرەك. پارتيالى باسشى كادرلار بولۋمەن بىرگە، نەگىزگى ساتى مەن قىزمەتتىڭ ءبىرىنشى شەبىندەگى پارتيا مۇشەلەرى دە بولۋ، سوعىستىق اسكەري بولىمدەردە يىڭنان تومەنگى بولىمشە اترەتتەگى پارتيا مۇشەلەرى ۋاكىلدەرىنىڭ سالىستىرماسىن ساقتاۋ، قاھارمان ۇلگىلەردى ۋاكىل رەتىندە كورسەتۋگە دەن قويۋ؛ بەلگىلى سانداعى ايەل پارتيا مۇشەلەرى، از ۇلت پارتيا مۇشەلەرى، اكىمشىلىك قىزمەتپەن شۇعىلداناتىن پارتيا مۇشەلەرى جانە كاسىپتىك - تەحنيكالىق قىزمەتپەن شۇعىلداناتىن پارتيا مۇشەلەرى بولۋ كەرەك.
«ۇقتىرۋدا» مىنالار دارىپتەلدى: ارميادان پارتيانىڭ 20 – قۇرىلتايىنا قاتىناساتىن ۋاكىلدەردى سايلاۋدا پارتيانىڭ جالپى بەتتىك باسشىلىعىندا تاباندى بولىپ جانە ونى كۇشەيتىپ، پارتيا ىشىندەگى دەموكراتيانى تولىق ساۋلەلەندىرىپ، تومەننەن جوعارىلاۋ، جوعارى مەن تومەندى ۇشتاستىرۋ، قايتا – قايتا اقىلداسۋ، دارەجە بويىنشا سارالاۋ ادىسىمەن جۇرگىزۋ كەرەك. نەگىزگى ساتى پارتيا ۇيىمدارى مەن پارتيا مۇشەلەرىن ۋاكىل كانديداتتارىن كورسەتۋگە، ۇسىنۋعا كەڭ كولەمدە جۇمىلدىرىپ، كوپ ساندى پارتيا ۇيىمدارى مەن پارتيا مۇشەلەرىنىڭ پىكىرىنە ساي، دارەجە بويىنشا سارالاپ، ۇزدىكتەرىن تاڭداۋ كەرەك. ۇيىمدىق تەكسەرۋدى قاتايتىپ، پارىقتى سان بويىنشا تەكسەرىپ جانە تەكسەرۋ جونىندە الدىن الا حابارلاندىرۋ شىعارىپ، نەگىزگى ساتى پارتيا ۇيىمدارىنىڭ، پارتيا قۇرىلتايى ۋاكىلدەرىنىڭ، پارتيا مۇشەلەرىنىڭ جانە بۇقارانىڭ پىكىرىن تولىق تىڭداۋ كەرەك. كانديداتتاردىڭ ساياسي وتكەلىن قاتاڭ يگەرىپ، ساياسي ولشەمدى ماڭداي الدى ورىنعا قويۋدا تاباندى بولىپ، كانديداتتاردىڭ مۇرات - سەنىمىن، ساياسي قاسيەتىن جانە ءمورالدىق تاربيەلەنۋىن كورنەكتى تەكسەرىپ، كانديداتتاردىڭ ساياسي تۇجىرىم جاساۋ قابىلەتىن، ساياسي اڭعارۋ قابىلەتىن، ساياسي اتقارۋ قابىلەتىن باسا ءتۇسىنىپ، پارتيانىڭ ارمياعا مۇلدەمدىك باسشىلىعىندا تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، پارتياعا مۇلدەم ادال بولۋ سياقتى جاقتارداعى بەينەسى مەن جاعدايىن دايەكتىلەندىرىپ، ساياسي جاقتا تولىمسىز بولعاندارىن ءبىر داۋىسپەن تەرىستەۋ كەرەك. كانديداتتاردىڭ پاكتىك وتكەلىن قاتاڭ يگەرىپ، «تورتكە يە بولۋ» تالابىن مۇقيات تياناقتاندىرىپ، سارالاپ تەكسەرۋدى قاتايتىپ، «دىمكاستاردى ۇسىنۋدان»، «دىمكاستاردى سايلاۋدان» باتىل ساقتانۋ كەرەك. قۇرىلتايدىڭ سايلاۋىن مۇقيات جاقسى ىستەۋ، ۋاكىلدەردى پارىقتى سانمەن سايلاۋ، پارىقتى سانمەن سايلاۋدىڭ سالىستىرماسى %15 تەن جوعارى بولۋ كەرەك.
«ۇقتىرۋدا» مىنالار تالاپ ەتىلدى: ءار دارەجەلى پارتكومدار پارتيانىڭ 20 - قۇرىلتايىنا ۋاكىل سايلاۋ قىزمەتىن ويداعىداي ىستەۋدى كەلەلى دە قاتاڭ ساياسي مىندەت ەتىپ، ۇيىمدىق باسشىلىقتى كۇشەيتۋى كەرەك. وسكەلەڭ ساياسي جاۋاپكەرلىك سەزىممەن جانە قاتاڭ دا ەگجەي - تەگجەيلى قىزمەت ستيلىمەن جان - جاقتى جوسپارلاپ، دەن قويا ۇيىمداستىرىپ، ۋاكىلدەردى سايلاۋدىڭ ءتۇرلى قىزمەتتەرىن تىڭعىلىقتى ىستەۋ كەرەك. ءتارتىپ پەن قاعيدانى باستان - اياق ماڭداي الدى ورىنعا قويىپ، ساياسي ءتارتىپتى، ۇيىمدىق ءتارتىپتى جانە سايلاۋ ءتارتىبىن قاتايتۋدى تۇتاس بارىسقا ءسىڭىرىپ، تاربيەنى، ساقتاندىرۋدى، الدىن الۋدى الدىڭعى ورىنعا قويۋدا تاباندى بولۋ كەرەك. ۋاكىلدەردى سايلاۋ قىزمەتىنىڭ جالپى بارىسىن باقىلاۋدى كۇشەيتىپ، بەلگىلەمەگە، تارتىپكە، زاڭعا قايشى ماسەلەلەرگە استە جول بەرمەۋ، بايقالعان زامان باتىل تەكسەرىپ ءبىر جاقتى ەتىپ، ستيلى پاك، سالتى دۇرىس بولۋعا كەپىلدىك ەتۋ كەرەك. ۇيرەنۋ، ۇگىتتەۋ، ۇيىمداستىرۋ، جۇمىلدىرۋ، كورسەتۋ، ۇسىنۋ، ماجىلىستە سايلاۋ، ءتارتىپتى قاتايتۋ سياقتى قىزمەتتەردى ويداعىداي ىستەۋ كەرەك، ۋاكىلدەردى سايلاۋ بارىسىن شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ ارميانى قۇدىرەتتەندىرۋ يدەياسىن ىشكەرىلەي ۇيرەنۋ، دايەكتىلەندىرۋ بارىسىنا، جاڭا داۋىردەگى پارتيا قۇرىلىسىنىڭ جالپى تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋ، تياناقتاندىرۋ بارىسىنا، مۇرات - سەنىم تاربيەسى مەن پارتيالىلىق، پارتيا ستيلى، پارتيا ءتارتىبى، پارتيا تاريحى تاربيەسى بارىسىنا، پارتيا ىشىندەگى ساياسي تۇرمىستىڭ جاندى امالياتىنا جانە دەموكراتيالىق ورتالىقتاندىرۋ ءتۇزىمى تاربيەسىنىڭ بارىسىنا اينالدىرىپ، پارتيانىڭ جاسامپازدىق، ۇيىسقىشتىق، جاۋىنگەرلىك قۋاتىن ونان ارى كۇشەيتىپ، قالىڭ پارتيالى كادرلاردى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا جۇمىلدىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قيىندىقتاردى جەڭىپ، ءورىس اشا ىلگەرىلەپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ، حالىق ارمياسىن دۇنيە جۇزىندەگى ماڭداي الدى ارميا ەتىپ جاپپاي قۇرىپ شىعۋ جولىندا قاجىماي - تالماي كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەستەر قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
