بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ساۋدا مينيسترلىگى: RCEP جاڭا جىلدان باستاپ كۇشىنە يە بولىپ، شىنايى تيىمدىلىكتەر جەتكىزەدى!

2021.12.31 16:33     كەلۋ قاينارى : حالىق تورابى

  شينحۋا اگەنتتىگىنىڭ ءتىلشىسى يۇي جياشين، ۋاڭ شياۋشياۋ 12 – ايدىڭ 30 – كۇنى بەيجيڭنەن حابارلايدى. وڭىرلىك جالپى بەتتىك ەكونوميكالىق سەرىكتەستىك قارىم – قاتىناس كەلىسىمشارتى (RCEP) 2022 – جىلى 1 – ايدىڭ 1 – كۇنىنەن باستاپ اتقارىلادى. ساۋدا مينيسترلىگىنىڭ اقپارات مالىمدەمەشىسى گاۋ فىڭنىڭ 12 – ايدىڭ 30 – كۇنى ايتۋىنشا، RCEP كۇشىنە يە بولعان سوڭ، جۇڭگونى قامتىعان وسى وڭىردەگى كاسىپورىندار مەن تۇتىنۋشىلارعا شىنايى تيىمدىلىكتەر جەتكىزەدى.

  2022 – جىلى 1 – ايدىڭ 1 – كۇنى RCEP برۋنەي، كامبودجا، لاوس، سينگاپۋر، تايلاند، ۆيەتنام، جۇڭگو، جاپونيا، جاڭا زەللانديا جانە اۆستراليا قاتارلى 10 مەملەكەتتە رەسمي كۇشىنە يە بولادى. كورەيا 2 – ايدىڭ 1 – كۇنىنەن باستاپ بۇل كەلىسىمشارتتى كۇشىنە يە ەتىپ، اتقاراتىنداردىڭ قاتارىنا قوسىلادى.

  گاۋ فىڭ ساۋدا مينيسترلىگىنىڭ سول كۇنى اشقان كەزەكتى تىلشىلەردى قابىلداۋ ماجىلىسىندە بىلاي دەپ تانىستىردى: RCEP كۇشىنە يە بولعان كۇنى جۇڭگو مەن شىعىس وڭتۇستىك ازيا ەلدەرى وداعى، اۆستراليا، جاڭا زەللانديا اراسىندا كەدەن باجىسىن نولگە ءتۇسىرۋ سالىستىرماسى %65 تەن اسادى، كورەيامەن اراداعى كەدەن باجىسىن نولگە ءتۇسىرۋ سالىستىرماسى %39 جانە %50 بولادى.

  جۇڭگو مەن جاپونيا ەركىن ساۋدا قارىم – قاتىناسىن جاڭادان ورناتقان ەلدەر، كەدەن باجىسىن ءوزارا نولگە ءتۇسىرۋ سالىستىرماسى جەكە – جەكە %25 جانە %57 بولادى. ەڭ سوڭىندا، جاپونيادان جۇڭگوعا ەكسپورت ەتىلەتىن ونىمدەردىڭ %86 نە كەدەندىك باجىنى نولگە ءتۇسىرۋ ىسكە اسىرىلادى، سونىمەن بىرگە، جۇڭگودان جاپونياعا ەكسپورت ەتىلەتىن زاتتارعا كەدەندىك باجىسىن نولگە ءتۇسىرۋ سالىستىرماسى %88 بولادى.

  گاۋ فىڭ مىنانى ءبىلدىردى: باجى تومەندەتىلگەننەن كەيىن، جۇڭگو وڭتۇستىك ازيا ەلدەرى وداعىنان يمپورت ەتەتىن كوكوس شىرىنى، اناناستان جاسالعان ونىمدەر، قاعاز ونىمدەر، جاپونيادان يمپورت ەتەتىن ەلەكتر – ماگنيتتى مەش (ديانسىلۋ)، ەلەكترلى دوقوپكا جانە كوپتەگەن مەحانيكالىق اسپاپتار، ولشەۋ اسپاپتارى مەن كورسەتكىش اسپاپتار، اۆتوكولىكتىڭ زاپشاستارى تۇگەلدەي باجى كەشىرىم ەتىلەتىن تاۋارلار كولەمىنە ەنگىزىلەدى. سونىمەن بىرگە، جۇڭگو جاپونياعا ەكسپورت ەتەتىن ماشينا – ەلەكتر جابدىقتارى، ولشەۋ اسپاپتارى مەن كورسەتكىش اسپاپتار، توقىما كيىم – كەشەكتەر، ءىشىنارا سۋ ونىمدەرى جانە كوكونىس قاتارلىلار دا بىرتىندەپ كەدەن باجىسىن نولگە ءتۇسىرۋ كولەمىنە ەنگىزىلەدى.

  تانىستىرۋعا قاراعاندا، قىزمەت وتەۋ ساۋداسى جاعىندا، RCEP كەلىسىمشارتىنا مۇشە مەملەكەتتەر جالپى جاقتان 100 دەن استام قىزمەت وتەۋ ساۋداسىن اشىق ۇستاۋعا ۋادە بەرگەن، بۇل فينانس، تەلەگراف، قاتىناس، ساياحات، زەرتتەۋ قاتارلى سالالارعا سايادى. شەكارا اتتاعان ەلەكتروندى ساۋدا، ينتەرنەتتىك فينانس، جەلىدە قىزمەت ىستەۋ، جەلىدەگى وقۋ – اعارتۋ، جەلىدە ناۋقاس كورسەتۋ، جەلىدە ساۋدا جاساۋ قاتارلى جاڭا كاسىپ كۇيى، جاڭا فورمالار اناعۇرلىم زور دامۋ ورايىنا يە بولادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار