”وت ايداھاردى“ ”قۇرىقتادى“
ءۇش كاسىپ سالاسى تىزبەگى نومنىڭ جاراقسىز گازداردى بايلىققا اينالدىرىپ پايدالانۋىن جەدەلدەتتى
2021.12.31 16:44 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ يۇڭفي 12 - ايدىڭ 29 - كۇنى اراتۇرىكتەن حابارلايدى. ”ءبىر اي سىناق رەتىندە وندىرۋدەن كەيىن، قازىر كوكىستىك گازدان ەتيلەن گليكول وندىرەتىن ءوندىرىس جەلىسى سىناقتان وتكىزىلۋدە، مەجەمەن كەلەر جىلى 2 -، 3 - ايلاردا رەسمي وندىرىسكە قوسىلادى“، - دەدى 12 - ايدىڭ 26 - كۇنى قۇمىل گۋاڭحۇي حۋانباۋ عىلىم - تەحنيكا شەكتى سەرىكتەستىگىنىڭ باس ينجەنەرى لي پىڭ.
لي پىڭنىڭ ايتقانى وسى سەرىكتەستىك قارجى قوسىپ سالعان كوكىستىك گازدان ەتيلەن گليكول ءوندىرۋ نىسانى ەدى. نوم كومىر حيميا ونەركاسىبى اينالمالى ەكونوميكا كاسىپ سالاسى اۋماعىنىڭ قورشاعان ورتانى قورعاۋ بويىنشا باسقارۋشىسى شۇي ۋىنبو بىلاي دەدى: وسى نىسان مەن قۇمىل رۇنداجيانىڭ ەلەكتر تاراتۋ شەكتى سەرىكتەستىگىنىڭ 2 - مەرزىمدىك ەلەكتر تاراتۋ نىسانى وندىرىسكە قوسىلعاننان كەيىن، وسى كاسىپ سالاسى اۋماعىنىڭ كوكىستىك گازدان پايدالانۋ سالىستىرماسى قازىرگى ％25تەن ％100كە جوعارىلايدى، پارنيكتىك گازدىڭ شىعارىلۋى زور كولەمدە ازايىپ، ايتارلىقتاي ەكونوميكالىق ونىمدىلىك تۋىلادى.
اراتۇرىك اۋدانى ونەركاسىپ باقشا رايونىنىڭ 3 اۋماعىنىڭ ءبىرى رەتىندە، نوم كومىر حيميا ونەركاسىبى اينالمالى شارۋاشىلىق كاسىپ سالاسى اۋماعى وسى زامانعى كومىر حيميا ونەركاسىبى كاسىپ سالاسى تىزبەگىن ۇزدىكسىز ۇزارتىپ، قايتالامالى اينالىس جاسايتىن جانە بايلىقتى ساتىلاي پايدالاناتىن اينالمالى شارۋاشىلىق ۇلگىسىن قالىپتاستىردى.
كومىردى العاشقى وڭدەۋدە قىرۋار كوكىستىك گاز پايدا بولادى. كوكىستىك گاز ازوت، كومىرتەگى شالا توتىعى، سۋتەگى سياقتى زاتتاردان قۇرالادى، بايلىققا اينالدىرىپ پايدالانۋ كاسىپتەگى قيىن ماسەلە بولىپ كەلگەن ەدى.
بۇرىن ءار كۇنى كەشتە كاسىپ سالاسى اۋماعىنىڭ كەڭىستىگىندە جارقىراعان سانسىز ”الاۋ“ يرەلەڭدەگەن وت ايداھاردان اۋمايتىن. ”كوكىستىك گازدى جاعىپ شىعارۋ، ءارى لاستاۋ، ءارى ىسىراپشىلدىق“، - دەدى لي پىڭ. سوڭعى جىلدارى كوكىستىك گازدى بايلىققا اينالدىرىپ پايدالانۋدى توڭىرەكتەي وتىرىپ، وسى كاسىپ سالاسى اۋماعى سۋتەگىن ءوندىرۋ، ەلەكتر تاراتۋ، ەتيلەن گليكول ءوندىرۋ سىندى 3 كاسىپ سالاسى تىزبەگىن دامىتتى.
شينجياڭ شينحۇيشيا تازا ەنەرگيا شەكتى سەرىكتەستىگى − وسى كاسىپ سالاسى اۋماعىنداعى كوكىستىك گازدان سۋتەگىن وندىرەتىن ۋاكىلدىك كاسىپورىننىڭ ءبىرى، نەگىزگى جۇمىسى ساپاسىز تاس كومىر مايى مەن سۋتەگىنەن پايدالانىپ جەڭىل تاس كومىر مايىن وندىرەدى، قاجەتتى سۋتەگىن كوكىستىك گازدان ايىرىپ الادى.
”جەڭىل تاس كومىر مايى بەنزين، ديزەل مايىن وندىرەتىن ماڭىزدى شيكىزاتتاردىڭ ءبىرى، ءبىر تونناسىنىڭ باعاسى 5000 − 6000 يۋان تۇرادى. جاعىپ شىعارۋعا سالىستىرعاندا كوكىستىك گازدان سۋتەگىن ءوندىرۋ جاراقسىزدى اسىلعا اينالدىرىپ، لاس زاتتاردىڭ شىعارىلۋىن ازايتادى“، - دەدى وسى سەرىكتەستىكتىڭ سۋتەگىن ءوندىرۋ ءبولىمىنىڭ باستىعى ۋاڭ گاڭ.
قۇمىل رۇنداجيانىڭ ەلەكتر تاراتۋ شەكتى سەرىكتەستىگى كوكىستىك گازدان پايدالانىپ ەلەكتر تاراتۋدا، 1 - مەرزىمدىك نىسان 2020 - جىلى وندىرىسكە قوسىلعان. ”2 - مەرزىمدىك نىسان كەلەر جىلى وندىرىسكە قوسىلعاننان كەيىن، ءار جىلى 2 ميلليارد 600 ميلليون كيلوۆات - ساعات ەلەكتر تاراتادى، بۇل تىكەلەي جاعىپ جىبەرۋگە قاراعاندا، كومىر قىشقىل گازىنىڭ شىعارىلۋىن 600 مىڭ توننا ازايتادى“، - دەدى وسى سەرىكتەستىكتىڭ باس ينجەنەرى لۋان شياۋدۇڭ.
سۋتەگىن ءوندىرۋ مەن ەلەكتر تاراتۋعا قاراعاندا، ەتيلەن گليكول ءوندىرۋدىڭ قۇنى ءتىپتى دە جوعارى. 10 - ايدىڭ 24 - كۇنى قۇمىل گۋاڭحۇي حۋانباۋ عىلىم - تەحنيكا شەكتى سەرىكتەستىگى العاش رەت كوكىستىك گازدان پايدالانىپ تولىمدى ەتيلەن گليكول ءوندىرىپ شىعاردى. ”بۇل ەل ىشىندە، ءتىپتى، دۇنيە جۇزىندە تۇڭعىش رەت بولىپ تابىلادى“، - دەدى لي پىڭ.
وسى نىسان ءبىر جىلدا 2 ميلليارد 800 ميلليون ولشەمدى تەكشەمەتر كوكىستىك گاز جۇمسايدى. لي پىڭ بىلاي دەدى: شامالاۋعا قاراعاندا، وسى كوكىستىك گاز ەلەكتر تاراتۋعا پايدالانىلسا، 525 ميلليون يۋان ءونىم قۇنىن جاراتادى؛ ال ەتيلەن گليكول وندىرۋگە پايدالانىپ جاراتىلعان ءونىم قۇنى ەلەكتر تاراتۋ ءونىم قۇنىنىڭ 3 ەسەسىنەن اسادى.
”وسى كوكىستىك گازدى جاعىپ شىعارعاندا، ءبىر ميلليون 100 مىڭ توننا كومىر قىشقىل گازىن شىعارادى؛ ەتيلەن گليكول شىعارۋعا قولدانىلسا، كومىر قىشقىل گازىنىڭ شىعارىلۋىن 625 مىڭ توننا ازايتادى، بۇل جۇڭگونىڭ، ءتىپتى، دۇنيە ءجۇزىنىڭ كومىر حيميا ونەركاسىبى سالاسى ءۇشىن كومىر قىشقىل گازىنىڭ شىعارىلۋىن ازايتۋ جونىنەن ءونىمدى جول تاۋىپ بەرەدى“، - دەدى لي پىڭ.
اراتۇرىك اۋدانى ونەركاسىپ باقشا رايونىن باسقارۋ كوميتەتىنىڭ ورىنباسار مەڭگەرۋشىسى ۋاڭ يۇڭدي بىلاي دەدى: اينالمالى شارۋاشىلىقتى دامىتۋ ارقىلى وسى كاسىپ سالاسى اۋماعىنىڭ جوعارى ساپالى دامۋداعى ناتيجەسى جارقىن بولدى: بيىل الدىڭعى 11 ايدا ونەركاسىپتىڭ جالپى ءونىم قۇنى سايكەس مەزگىلدەگىدەن1.24 ەسە ارتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
