ەيجيڭ - شياڭگاڭ جوعارى قارقىندىق تەمىر جولىنىڭ انچيڭ - جيۋجياڭ بولەگى ىسكە قوسىلدى
ەلىمىزدىڭ جوعارى قارقىندىق تەمىر جولىنىڭ قاتىناۋ ارالىعى 40 مىڭ كيلومەتردەن استى (جاڭا ساندى مالىمەت، جاڭا ءتۇيىن)
تەمىر جولدىڭ قاتىناۋ جالپى ۇزىندىعى 150 مىڭ كيلومەتردەن استى
«حالىق گازەتىنىڭ» ءتىلشىسى لۋ يانان
2021.12.31 18:44 كەلۋ قاينارى : حالىق تورابى
12 - ايدىڭ 30 - كۇنى تۇستەن بۇرىن بەيجيڭ - شياڭگاڭ جوعارى قارقىندىق تەمىر جولىنىڭ انچيڭ - جيۋجياڭ بولەگىندە پويەز قاتىناپ، حىفەي – نانچاڭ بولەگىندە جوعارى قارقىندىق تەمىر جولدىڭ تىكە قاتىناۋى جۇزەگە استى، 2022 – جىلى 1 - ايدىڭ 10 - كۇنى تاسىمال كارتاسى رەتتەلگەننەن كەيىن حىفەيدەن نانچاڭعا ەڭ تەز بولعاندا 2 ساعات 22 مينۋتتا جەتۋگە بولادى، «8 بويلىق، 8 ەندىك» جوعارى قارقىندىق تەمىر جول تورابى بەيجيڭ - شياڭگاڭ (تايۋان) ارناسىنىڭ شاڭچيۋ - شىنجىن بولەگى تۇتاس جەلى بويىنشا تۇتاسادى.
جياڭشي ولكەسىنىڭ نانچاڭ قالاسىندا ەمدەۋ اسپاپتارى ساۋداسىمەن شۇعىلداناتىن لين مىرزا توراپتاعى ينفورماتسيالاردى وقىعان سوڭ بىلاي دەدى: «كەلەر جىلى تاسىمال كارتاسى رەتتەلگەننەن كەيىن كۇنىنە 24 كەزەك پويەز جۇرەدى ەكەن، وتە قولايلى بولدى. بۇدان كەيىن حىفەيگە ىسساپارمەن بارعاندا، جولعا كەتەتىن ۋاقىتتىڭ تەڭ جارىمى ۇنەمدەلەدى، نانچاڭدا جۇمىس بىتىرگەنمەن بىردەي، كۇنبە - كۇن ۇيگە قايتىپ كەشكى اس ىشە الامىن».
انچيڭ – جيۋجياڭ جوعارى قارقىندىق تەمىر جولىنىڭ ارقاسىندا ۋحان، حىفەي، نانچاڭ قالالارى «ءبىر ساعاتتىق ەكونوميكالىق شەڭبەر» قالىپتاستىردى. قالا تۇرعىنى مىڭ حانىم ىرگەدەگى جوعارى قارقىندىق تەمىر جول بەكەتىنەن پويەزگە وتىرىپ جولاۋشى جۇرگەن بولاتىن. ول: «وتە قۋانىشتىمىن، حۋاڭمەي اۋدانى دا جوعارى قارقىندىق تەمىر جول داۋىرىنە قادام تاستادى، 20 مينۋتتا لۋشان قالاسىنا بارا الاتىن بولدىق، بۇدان كەيىن اپتا سوڭىندا قالاعانىمىزشا جول ءجۇرىپ، كوركەم كورىنىستەردى كوپتەپ سۋرەتكە تۇسىرەمىز» دەدى.
« 14 – بەسجىلدىقتىڭ» باستاما جىلىندا جۇڭگونىڭ تەمىر جول قۇرىلىسى جوعارى ساپامەن ىلگەرىلەپ، جولاۋشىلاردىڭ ءجۇرىس - تۇرىسىنا ءتىپتى دە قولايلىلىق جاراتىلدى. 12 - ايدىڭ 30 - كۇنىنە دەيىن جۇڭگونىڭ جوعارى قارقىندىق تەمىر جولىنىڭ قاتىناۋ ارالىعى 40 مىڭ كيلومەتردەن اسىپ، دۇنيە ءجۇزى بويىنشا 1 – ورىندا تۇردى؛ جۇڭگو تەمىر جولىنىڭ جالپى ۇزىندىعى 150 مىڭ كيلومەتردەن اسىپ، دۇنيە ءجۇزى بويىنشا 2 – ورىندا تۇردى.
دەربەس جاڭالىق جاراتۋدان جازباۋدا جۇڭگو تەمىر جولىنىڭ قادامى ەكپىندى بولدى. پارتيانىڭ 18 - قۇرىلتايىنان بەرى جۇڭگونىڭ تەمىر جول قۇرىلىسشىلارى تاۋ كەزىكسە جول سالىپ، سۋ كەزىكسە كوپىر سالدى، ەلىمىزدىڭ تەمىر جول تاسىمال ارالىعى شامامەن 53 مىڭ كيلومەتر ارتتى، مۇنىڭ ىشىندە بيىل 4 مىڭ 200 كيلومەتردەن استام جول ىسكە قوسىلدى؛ جالپى 24 ميلليارد 300 ميلليون ادام - رەت جولاۋشى جونەلتىلدى، مۇنىڭ ىشىندە جاي پويەزبەن 13 ميلليارد 600 ميلليون ادام - رەت جولاۋشى جونەلتىلدى.
اۋىل - قىستاقتى كوركەيتۋگە دەم بەرۋدە جۇڭگو تەمىر جولى جاۋاپكەرلىكتى باتىلدىقپەن ارقالادى. بيىل 6 - ايدا لحاسا - لينجى تەمىر جولى ىسكە قوسىلدى. لينجى قالاسى بۇجيۋ اۋىلى زىرى قىستاعىنىڭ 23 جاستاعى تۇرعىنى بۇمانيۋ داشۋەنى بىتىرگەننەن كەيىن لينجى پويەز بەكەتىنىڭ تۇڭعىش توپتاعى حاۋىپسىزدىك تەكسەرۋشىسى بولدى، ول: «ايلىق كىرىسىم 3 مىڭ 200 يۋان، ءتۇرلى قىزمەت كۋرستارى دا اشىلىپ تۇرادى، قىزمەتىمە ريزامىن. قىستاق پويەز بەكەتىنەن ءبىر كيلومەتر قاشىقتىقتا، تەمىر جولدىڭ قاتىناۋى تۇرمىسىمىزدى جاقسارتتى» دەدى.
«14 – بەسجىلدىقتىڭ» باستاما جىلىندا كوپتەگەن تەمىر جولدىڭ ىسكە قوسىلۋىمەن لينجى، پۋ - ىر، شيشۋاڭباننا سياقتى جەرلەر تەمىر جول بولماۋ تاريحىنا ىركەس - تىركەس قوش ايتتى، اۋىل - قىستاقتى گۇلدەندىرۋگە «جاڭا قوزعاۋشى كۇش» قوسىلىپ، ىرگەدە جۇمىستانۋعا جاڭا جۇمىس ورىندارى اشىلدى.
سايكەستى دامۋدى جەبەۋدە جۇڭگو تەمىر جولى ارشىنداپ العا باستى. «جوعارى قارقىندىق تەمىر جول تۇتاستى، گۋاڭدۇڭ - شياڭگاڭ - اۋمىن ۇلكەن شىعاناق رايونىنداعى دوستاردىڭ جەمىس باعىمىزدى تاماشالاۋىن، جەمىس تەرۋىن قارسى الامىز!» بيىل گانجوۋ - شىنجىن جوعارى قارقىندىق تەمىر جولى تۇتاسىپ، گانجوۋ قالاسى شينفىڭ اۋدانى شياۋجياڭ قالاشىعى لوجيە قىستاعى پارتيا ياچەيكاسىنىڭ شۋجيى چىن لينگۋاڭنىڭ قۋانىشى قوينىنا سيمادى. شينفىڭ اۋدانى جەرگىلىكتى ورىننىڭ اپەلسين كاسىبى مەن ساياحات بايلىعىنا سۇيەنىپ، كوپتەگەن ساياحات سارا جەلىسىن اشتى، شياۋجياڭ قالاشىعى − وسىنداي تيىمدىلىككە كەنەلگەن اۋىل - قالاشىقتىڭ ءبىرى. «ۇلكەن شىعاناق رايونىنداعى قالا تۇرعىندارى تۇتىناتىن جەمىس – جيدەك كوبەيدى، بايىرعى رايونداعى حالىقتىڭ قالتاسى قامپايدى، مىنە، مۇنى ەكى جاعى تەڭ پايداعا كەنەلۋ دەپ اتايمىز!» دەدى چىن لينگۋاڭ.
جاڭجياجيە – جيشوۋ - حۋايحۋا تەمىر جولىنىڭ ىسكە قوسىلۋى حۋناننىڭ شىعىس پەن باتىستى، وڭتۇستىك پەن سولتۇستىكتى تۇتاستىرۋ وڭىرلىك ابزالدىعىن اناعۇرلىم كورنەكتىلەندىردى؛ شىنياڭ - جيامۋس جوعارى قارقىندىق تەمىر جولىنىڭ مۋدانجياڭ - جيامۋس بولەگى، دۇنحۋا - بايحى بولەگى ىركەس - تىركەس ىسكە قوسىلىپ، حاربين، مۋدانجياڭ، جيامۋس سىندى 3 جەر جوعارى قارقىندىق تەمىر جولدىڭ اينالما جەلىسىن قالىپتاستىردى، چاڭچۇننەن چاڭبايشانعا دەيىن تەز قارقىندى جولاۋشى تاسىمال ارناسى قالىپتاسىپ، شىعىس سولتۇستىك رايوننىڭ تەمىر جول تورابى اناعۇرلىم كەمەلدەندى ... «14 – بەسجىلدىقتىڭ» باستاما جىلىندا جۇڭگو تەمىر جول تورابىنىڭ ورنالاسۋى بارعان سايىن تەڭگەرىلىپ، «قوزعالىستاعى جۇڭگو» ءتىپتى دە زور ومىرشەڭدىك قۋاتقا يە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
